Skírnir - 01.01.1892, Side 36

36
Frá öðrum löndum.
ar, og liafa þeir ekki haft það síðan 1858, á forsetaárum Buchanans. Hyað
langt flokkurinn muni nfi ganga í verzlunarfrelsis áttina, verður ekki sagt
með neinni vissu. Flokksþingið, sem tilnefndi Cleveland fyrir síðustu kosn-
ingar, fór svo langt, að lýsa yfir því sem sinni skoðun, að öll tollvernd
væri andstæð stjórnarskránni, og þvi ölögleg. En vitanlega er sú skoðun
mjög fjarri öflugri deild í sérveldismanna-fiokknum, enda hafði það tolllaga-
frumvarp, sem sá flokkur aðhylltizt 1889, og kennt var við Mill, svo háa
verndartolla á sumum vörum, að þeir mundu hafa verið taldir afarháir í
flestum öðrum löndum. Og svo lýsti og Cleveland yfir því á undan kosn-
ing sinni, þvert ofan i flokksþing það, sem hafði tilnefnt hann, að taka
yrði í málið með varóð og gætni, með því að hagur svo ótal margra
manna er vitanlega bundinn við það fyrirkomulag, sem nú á sér stað. En
vitaskuld má ganga að því vísu, að til muna verður rýmkað um viðskipta-
böndin, með þvi að það var í því skyni fyrst og fremst, að þjóðin fékk
sérveldismönnum völdin í hendur á siðastliðnu ári.
Föstudaginn 21. októbermánaðar, réttum 400 árum eptir að Columbus
kom til Ameriku, voru vígð í Chicago með afarmikilli viðhöfn hús sýn-
ingar þeirrar hinnar miklu, sem Bandaríkjamenn halda í minningu um
fund Araeríku. Húsin voru þá nýreist, og engir sýningarmunir í þau
komnir, enda átti ekki sýningin að byrja fyrr en með vorinu. Dagurinn
var eptir forseta boði haldinn hátíðlegur eigi að eins í Chicago, heldur og
um öll Bandarikin.
Kirkjulegar hreyfingar allmerkilegar hafa átt sér stað í Bandaríkjun-
um á síðasta ári. Merkust er sú deila í Presbytera-kirkjunni, sem kennd
er við Dr. Briggs. Hann var kennari við guðfræðisskóla einn í New York,
og voru honum gefnar að sök ýmsar villukenningar. 1. Að skynsemin
geti leitt menn til sáluhjálpar, jafnvel þá menn, sem ekki trúa á friðþæg-
ing Krists. 2. Að kirkjan sé guðdómleg heimildaruppspretta, og geti leitt
menn til sáluhjálpar, án hliðsjónar af heil. ritningu. 3. Að í frumtexta
heilagrar ritningar kunni að hafa verið villur. 4. Að Móses sé ekki höf-
undur þeirra fimm bóka, sem við hann eru kenndar. 5. Að Esajas sé ekki
höfundur að helmingi þeirrar bókar, sem við hann er kennd. 6. Að þeir
sem hólpnir verða nái ekki fullnaðarsælu þegar eptir dauðann. Mál Briggs
var dæmt af kirkjustjórn Presbytera í New-York-ríki, 129 mönnum, í des-
ember, og var hann sýknaður af öllum kærunum, jafnvel þótt hann kann-
aðist sjálfur við, að hafa kennt það sem bann var kærður fyrir, en lítill
var atkvæðamunur um sumar þeirra. Máli þessu verður vísað til aðalþings