Fréttablaðið - 11.05.2001, Blaðsíða 11

FÖSTUDAGUR 11. maí 2001
FRÉTTABLAÐIÐ
11
Sala ríkisbankanna:
Engin samstaða á þingi
einkavæðing Þingmenn skiptust í
þrennt í umræðu á Alþingi í gær um
það hvort ætti að selja hlutabréf rík-
isins i Búnaðarbanka og Landsbanka.
Ríkisstjórnin stefnir að því að
selja öll hlutabréf ríkisins í báðum
bönkum en fulltrúar Samfylkingar í
efnahags- og viðskiptadeild lögðu til
að einungis yrðu seld hlutabréf í
Búnaðarbankanum. Að auki leggur
Samfylkingin til að 10% af hlutafé
bankans verði skipt jafnt á meðal ís-
lenskra ríkisborgara. Vinstrihreyf-
ingin - grænt framboð er hins vegar
alfarið á móti því að bankarnir verði
seldir.
SVERRIR
HERMANNSSON
„Myndi einhverjum
einkaaðila koma til
hugar að hefja
VILHJÁLMUR
EGILSSON
Sagður vanhæfur
vegna starfa hjá
Vetslunarráði.
sölu núna?"
Stjórnarandstæðingar virðast
litla trú hafa á því að viðunandi verð
fáist fyrir bankana.
Samfylking vill fresta sölu þar til
aðstæður á fjármálamarkaði séu
með þeim hætti að verjanlegt sé að
ráðast í söluna.
Ögmundur Jónasson alþingis-
maður segir vandséð hvernig stjórn-
völd ætli að tryggja ríkinu hámarks-
verð fyrir hlut sinn í bönkunum eins
og segir í stefnuyfirlýsingunni og
Sverrir Hermannsson alþingis-
maður lýsti efasemdum um tíma-
setningu sölunnar þó hann væri
henni hlynntur. ■
NÝR FRAMKV/EMDASTJÓRI PÓSTFLUTNINGA
Valdmar Grímsson, kunnur handknattleiksmaður og fyrrverandi framkvæmdastjóri Goða hf., segir að auk dreifingu Fréttablaðsins muni
Póstflutningar sjá um dreifingu á markpósti alla virka daga ársins. 0
98% heimila fá
Fréttablaðið sent
Valdimar Grímsson ráðinn framkvæmdastjóri Póstflutninga.
Stefnt að dreifingu markpósts.
PóSTFLUTNiNGflR. Valdimar Grímsson
tekur á mánudaginn formlega við
starfi framkvæmdastjóra Póstflutn-
inga, sem sér um dreifingu á Frétta-
blaðinu. Valdimar, sem er menntað-
ur iðntæknifræðingur og kunnur
handknattleiksmaður, hefur undan-
farna mánuði starfaði sem ráðgjafi
hjá Intrum á íslandi, en þar áður var
hann framkvæmdastjóri Goða hf.
„Starfið leggst mjög vel í mig,“
sagði Valdimar. „Enda bæði krefj-
andi og spennandi að taka þátt í upp-
byggingu nýs fyrirækis, sem sér um
dreifingu inn á 67 þúsund heimili á
höfuðborgarsvæðinu." Valdimar
sagðist mjög bjartsýnn á gott gengi
fyrirtæksins en samkvæmt síðustu
mælingu fá um 98% heimila á höfuð-
borgarsvæðinu Fréttablaðið, en um
550 blaðberar sjá um dreifinguna.
Hann sagði að auk þess að dreifa
Fréttablaðinu myndu Póstflutningar
dreifa ýmsum markpósti fyrir önn-
ur fyrirtæki.
„Stefnan er að ná mjög skilvirku
dreifikerfi til að Fréttablaðið jafnt
sem önnur fyrirtæki geti nýtt sér
þjónustu Póstflutninga. Þá vil ég
meina að það sé gríðarlegur kostur
fyrir fyrirtæki að geta nýtt sér
markpóst alla virka daga ársins, en í
dag er þessi þjónusta bundin við
fimmtudaga."
Valdimar sagði að þessi sérstaða
fyrirtækisins þ.e. öflugt dreifikerfi
væri það sem það hefði umfram önn-
ur fyrirtæki á markaðnum. Aðeins
íslandspóstur hefði boðið upp dreif-
ingu alla virka daga ársins fram að
þessu. Þá væru kostir fyrirtækisins
einnig fólgnir í því að það gæti skipt
höfuðborgarsvæðinu upp í 550
svæði, sem yki hagkvæmni væntan-
legra viðskiptavina sem gætu dreift
markpósti sínum til ákveðins mark-
hóps.
„Þetta er stórt verkefni sem hef-
ur mikla möguleika en menn þurfa
að standa saman. Dreifing Frétta-
blaðsins hefur gengið mjög vel þrátt
fyrir ákveðna byrjunarörðugleika,
en það er búið að leysa hvert vanda-
málið á fætur öðru undanfarið og ég
trúl þvi að við séum að ná virkilega
góðum tökum á markaðnum.“
trausti@frettabladid.is
Hæstiréttur:
Dæmdur fyrir að landa framhjá
fiskveiðibrot. Hæstiréttui' dæmdi í
gær skipstjóra sekan fyrir fisk-
veiðibrot, en hann hafði ekki sinnt
þeirri skyldu sinni að tryggjá að all-
ur afli yrði vigtaður á hafnarvog
strax í kjölfar löndunpr.
Skipstjórinn var jafnframt sak-
felldur fyrir að hafa ekki faért upp-
lýsingar um afla skipsins réttilega í
afladagbók og fyrir að hafa fullunn-
ið hluta aflans um borð án þess að
hafa til þess leyfi. Var hann dæmd-
ur til að greiða 800.000 krónur í
sekt.
í dómi Ilæstaréttar kemur fram
að sex fiskkassar hafi verið færðir
úr Eldey GK 74 föstudaginn 22. októ-
ber 1999 í bifreið sem var stöðvuð í
Njarðvík. í kössunum voru 172 kg af
hausuðum þorski, 45 kg af þorsk-
flökum, 30 kg af ýsuflökum og 5 kg
af lúðu. Auk þessa afla voru 324 kg
af slægðum þorski úr bátnum vigtuð
á hafnarvoginni í Keflavík.
Skipstjórinn sagði að þessi afli
hafi verið ætlað til einkaneyslu
áhafnar, en hvergi var gerð grein
fyrir þessum hluta aflans í afladag-
bók skipsins, hvorki sem ætlaðri
soðningu skipsáhafnar né sem hluta
af heildarafla. Auk þessa hluta afl-
ans fóru 172 kg af hausuðum og
slægðum þorski úr skipinu framhjá
hafnarvigt þennan dag.
Þá sagðist skipstjórinn hafa
treyst skipstjórnarlærðum manni
til að færa þennan afla á hafnarvigt.
í dómnum segir að umræddur mað-
ur hafi hvorki verið í áhöfninni né
starfsmaður útgerðarinnar og laut
ekki boðvaldi skipstjóra, heldur var
hann kaupandi þessa hluta aflans. ■
Sænskir foreldrar:
Sektaðir fyrir
skróp barna
menntamál Foreldrum sískrópandi
barna í Bergsjöskólanum í Gauta-
borg hafa verið settir úrslitakostir að
því er sænska dagblaðið Aftonbladet
greinir frá. Annaðhvort sendi þeir
börnin í skólann eða greiði 1.000 skr.
í sekt, andvirði um 9.500 ísl. kr. Að-
ferðin, sem er í hæsta máta óvenju-
leg er þó í fullu samræmi við sænsk
lög. „Þetta ættu fleiri skólar að taka
upp,“ segir skólastjórinn, Christiane
Holzwart.
Christiane segir að hún sé mjög
ánægð að stjórn Bergsjön bæjarhlut-
ans hafi ákveðið að sekta foreldrana.
„Við teljum það mjög mikilvægt að
ENGAR SEKTIR
Ekki hefur verið gripið til sama ráðs á
(slandi og í Svíþjóð.
skólinn komi því til skila að það eru
foreldrarnir sem bera ábyrgð á því
að börnin mæti í skólann. Það er ekki
í verkahring okkar að sækja þau.“
Þegar hafa verið sendir út sektarmið-
ar til sex foreldra. Christiane segir
að gripið sé til sektarinnar ef að nem-
endur skrópa í marga daga í röð og
láta ekkert frá sér heyra. Fyrstu dag-
ana reyni skólinn yfirleitt margsinn-
is að hafa upp á þeim en bréfið verð-
ur sent í annarri viku. ■
Haraldur Böðvarsson hf.:
Birtir 3ja mánaða uppgjör
sjávarútvegur Hagnaður Haraldar
Böðvarssonar hf. nam 20 milljón
króna fyrstu þrjá mánuði ársins 2001,
en nú birtir félagið 3ja mánaða upp-
gjör í fyrsta sinn.
Hagnaður fyrir afskriftir nam 373
milljónum króna eða 27,5% af tekj-
úm.,
Allt árið í fyrra var hagnaður fyr-
ir afskriftir 598 milljónir króna.
Rekstrarhagnaður fyrir fjár-
magnsliði nam 253 milljónum króna,
en gengistap fyrirtækisins vegna
lána.nam 155 milljónum króna og
voru fjármagnsgjöld umfram fjár-
munatekjur 228 milljónir króna. ■
FILMU
ÍSETNINGAR
SÓLARFILMUR
í ÝMSUM LITUM
ÖRYGGISFILMUR
í RÚÐUR FYRIRTÆKJA, STOFNANA
OG HEIMAHÚS
Pöntunarsími 896 5790
Mosfellsbær
Tillaga að breytingu
á deiliskipulagi stofnunarlóðar
við Reykjaveg í Mosfellsbæ
Á fundi bæjarstjórnar þann 09. maí 2001 var samþykkt
kynning á tillögu að breytingu á deiliskipulagi stofnunar-
lóðar við Reykjahverfi í Mosfellsbæ í samræmi við 1. mgr.
26.gr. skipulags- og byggingalaga nr 73/1997, með síðari
breytingum.
Breyting felst í því að byggingarreitur við leikskólann
Reykjakot er stækkaður jafnframt því sem búinn er til
byggingarreitur fyrir færanlegar leikskólastofur. Gert er
ráð fyrir einnar hæða byggingum. Stærð lóðar er óbreytt.
Tillagan verður til sýnis í afgreiðslu bæjarskrifstofu Mos-
fellsbæjar, Þverholti 2, fyrstu hæð, frá 11. maí til 8. júní
n.k.
Athugasemdir ef einhverjar eru, skulu hafa borist skipu-
lagsnefnd Mosfellsbæjar fyrir 22. júní n.k.
Þeir sem ekki gera athugasemdir innan tilskilins frest, telj-
ast samþykkir tillögunni.
Bæjarverkfræðingurinn í Mosfellsbæ