Fréttablaðið - 15.08.2001, Side 2

KJÖRKASSINN
2
FRÉTTABLAÐIÐ
15. ágúst 2001 IVimVIKUPACUR
EIGA AÐ
AXLA ÁBYRGÐ
Meirihluti netverja
vill að stjórnendur
Fróða axli ábyrgð
á tengli á heima-
siðu Bleiks og blás
Eiga stjórnendur Fróða
að sæta ábyrgð vegna
barnaklámstengils?
Niðurstöður gærdagsins
á www.vlsir.is
Já
Nei
Spurning dagsins í dag:
Er ásættanlegt að klámefni með 16 ára
einstaklingi telst ekki barnaklám?
Farðu inn á vísi.is og segðu I
þina skoðun I
_______
Islenskur drengur:
Lést í
Gauta-
borg
banaslys Ungur íslenskur dreng-
ur lét lífið í umferðarslysi í
Gautaborg upp úr hádegi á
mánudag. Drengurinn varð fyrir
bifreið sem verið var að bakka
þar sem hann var að leika sér
nærri heimili sínu. Hann lést
samstundis. Drengurinn hét
Breki Eiríksson og var fjögurra
ára gamall. Breki er fæddur hér
á landi en hefur búið í Gauta-
borg ásamt fjölskyldu sinni um
nær tveggja ára skeið. ■
—+—
Umferðarslys í
Kelduhverfi:
Aldraður
maður á
gjörgæslu
umferðarslys Tveir menn slösuð-
ust þegar bifreið lenti útaf vegi
nálægt sveitabænum Vogum í
Kelduhverfi á Norðurlandi um
klukkan hálf fjögur í gær. Bílnum
var ekið í vesturátt þegar honum
var ekið út af veginum á öfugum
vegarhelmingi, ekki er vitað hvers
vegna bíllinn lenti út af en hugsast
getur að ökumaðurinn hafi sofnað
undir stýri.
Bíllinn lenti á hraunnybbu þeg-
ar hann fór út af veginum og flaug
um 30 metra áður en hann stöðv-
aðist. Ökumaður á sjötugsaldri
meiddist nokkuð á baki en steig út
úr bílnum og gekk að næsta
sveitabæ og tilkynnti um slysið.
Farþegi í bílnum á áttræðisaldri
reyndist mikið slasaður og var
fluttur á sjúkrahús á Akureyri þar
sem hann er á gjörgæslu. Öku-
maðurinn var hins vegar fluttur á
Sjúkrahúsið á Húsavík. ■
Seyðisfjörður:
Afram
leitað að
sprengjum
sprengjuleit Varðskipsmenn á Tý
héldu í gær áfram aðgerðum við E1
Grillo á Seyðisfirði. Týr kom til
Seyðisfjarðar á mánudag í því
skyni að leita að sprengjum í flak-
inu af olíuflutningaskipinu sem hef-
ur legið á botni Seyðisfjarðar frá
því í síðari heimsstyrjöld. Með
varðskipsmönnum er danskir kaf-
arar sem munu aðstoða við
sprengjuleitina. Varðskipið verður
á Seyðisfirði næstu vikuna við
sprengjuleit. ■
Lyfjaverslun Islands:
Valdabaráttan
teygist í Delta
4
V T V' ^
1
VALDABARÁTTAN HELDUR ÁFRAM
Hannes segir atburði síðustu daga í stjórn Delta vera til marks um það að deilurnar í
Lyfjaverslun Islands megi rekja til valdabaráttu og einskis annars.
stjórnarkjör „Þetta er vísbending
um að Jóhann Óli Guðmundsson
hafi haft rétt fyrir sér þegar hann
hélt því fram að deilurnar í Lyfja-
verslun íslands snerust um völd“,
segir Hannes Guðmundsson, fyrr-
um stjórnarformaður Delta, um
aðdraganda þess að hann lét af
störfum sem stjórnarformaður
eftir stjórnarfund í gær. „Margeir
Pétursson hefur harðneitað því að
þetta hafi verið valdabarátta og
talað um menn hafi verið að vern-
da hagsmuni litlu hluthafanna. Ég
tel að þessi þróun mála í stjórn
Delta styðji þá kenningu að hér sé
um valdabaráttu að ræða og ekk-
ert annað.“
Á fundinum í gær var Pétur
Guðmundsson, hæstaréttarlög-
maður, kosinn stjórnarformaður i
stað Hannesar sem gegnt hafði
stöðu stjórnarformanns í þrjá
mánuði frá síðasta aðalfundi.
Hannes segist í sjálfu sér ekki hafa
átt von á þessu en segist hafa frétt
af þessu þegar hringt var í hann
síðla á föstudag og hann beðinn um
að setja kjör stjórnarfomanns inn
á dagskrána. í sjálfu sér breyti
þetta ekki svo miklu þar sem hann
og félagar hans hafi verið í minni-
hluta í stjórn Lyfjaverslunar eins
og skipulagið var byggt upp. Þó
þyki sér leitt að Delta hafi verið
dregið inn í deilurnar í Lyfjaversl-
uninni með þessum hætti þar sem
ekki hafi verið þörf á því. ■
RANNSÓKN AÐ HEFJAST
Litið er á málið alvarlegum augum hjá Landssímanum. Starfsmaður símans kannar skrár og óskað hefur verið eftir flýtimeðferð hjá lögreglu. Starfsmaðurinn sem málið beinist að hefur
verið sendur í leyfi tímabundið.
Mál starfsmcinnsins
verður rannsakað
Starfsmaður Landssímans kannar skrár sem eiga að sýna hvort aðgangsorði hafi verið flett upp
og farið í pósthólf viðskiptavinar. Enn hefur ekkert verið upplýst. Persónuvernd opnar málið.
samskipti „Við höfum óskað eftir
lögreglurannsókn vegna ásakana
um að starfsmaður hafi lesið
tölvupóst viðskiptavinar," segir
Heiðrún Jónsdóttir, forstöðu-
maður upplýsingamála hjá
Landssímanum, eftir að Frétta-
blaðið sagði frá því að viðskipta-
vinur Símans Internet hafði sagt
að starfsmaður fyrirtækisins
hefði lesið hans persónulega
tölvupóst, sem vistaður er hjá
fyrirtækinu.
„Það er starfsmaður hjá okk-
ur sem skoðar hvort einhver hafi
farið úr okkar tölvum inn í póst-
hólf viðskiptavinarins,“ segir
Heiðrún. Enn sem komið er hef-
ur ekkert komið fram í þessari
innanhússrannsókn Landssímans
sem styður þessar ásakanir. „Við
erum að kanna hvort flett hafi
verið upp leyniorði viðskiptavin-
arins.“
Heiðrún segir ljóst að það
þjóni hagsmunum allra aðila að
óska eftir rannsókn hlutlauss að-
ila og Landsíminn líti þessar
ásakanir alvarlegum augum.
„Það er eðlilegt að utanaðkom-
andi aðili fari í gegnum þetta
þannig að við séum ekki að
skoða það sem starfsmaður okk-
ar á að hafa gert heldur sé það í
höndum hlutlauss aðila sem hef-
ur til þess bært vald, líka til að
kalla fólk til yfirheyrslu."
„Eins og málið er statt núna
er það í raun og veru tvíþætt.
Annars vegar viljum við meina
að það sé brot á fjarskiptalögum
að brjótast inn í samskipti með
þessum hætti. Hins vegar ef að-
ili er borinn röngum sökum þá
varðar það hegningarlög. Lög-
reglumálið verður því að okkar
mati tvíþætt," segir Heiðrún.
Sigríður Jóhannesdóttir, for-
stjóri Persónuverndar, segir að
þetta mál hafi verið opnað hjá
Persónuvernd. „Við ákváðum að
taka þetta mál til athugunar, það
er í skoðun en annars er ekkert
hægt að segja hvað verður."
Þegar Fréttablaðið hafði sam-
band við lögregluna í gær kannað-
ist enginn, sem blaðið talaði við og
komst næst, við erindi Landssím-
ans.
bjorgvin@frettabladid.is
Verktakafyrirtæki kaupir Landssímahúsið:
Bakhjarlarnir leyndcirmál
SKRIFAÐ UNDIR KAUPSAMNING
Steingrímur og Magnús Haraldssynir skrifuðu ( gær undir samning um kaup á aðalsstöðvum Landsslmans við Austurvöll. 250 milljónir í
reiðufé og afgangurinn, 570 milljónir, með skuldabréfum. Reiknað er með hótel- og veitingarekstri í húsinu á næstu árum.
fasteignaviðskipti Verktakafyrir-
tæki í eigu Magnúsar og Stein-
gríms Haraldssona hefur gengið
frá kaupum á húseignum Land-
símans við Austurvöll. Kaup-
verðið á 8.500 fm. er 820 milljón-
ir, eða tæplega 100.000 krónur á
fermetra. Þórarinn V. Þórarins-
son, forstjóri Símans, sagðist
ánægður með söluna og að hún
samræmdist þeim áformum að
flytja mest af starfseminni í hús-
næði við Suðurlandsbraut og Ár-
múla sem fyrirtækið keypti af
Orkuveitu Reykjavíkur á síðasta
ári.
Upplýst var að „öflugir fjár-
festar“ hafi komið að kaupunum í
félagi við þá Magnús og Stein-
grím en frekari upplýsingar um
þá aðila fengust ekki. Saman hafa
þeir félagar rekið verktakafyrir-
tækið í 17 ár og eiga nokkrar hús-
eignir á höfuðborgarsvæðinu
sem leigðar eru út til margvís-
legs reksturs, auk þess sem þeir
hafa tekið að sér viðhaldsverk-
efni. Þeir segjast reikna með að
leigja Landssímahúsið út til hót-
el- og veitingareksturs. Síminn
leigir af þeim húsið í allt að tvö
ár en eftir það mun starfsemin
verða flutt að undanskilinni sím-
stöð sem áfram mun verða í hluta
hússins við Austurvöll. ■