Fréttablaðið - 03.10.2001, Page 4

4
FRÉTTABLAÐIÐ
3. október 2001 MIÐVIKUDAGUR
SVONA ERUM VIÐ
ÚTGJÖLD LANDBÚNAÐARRÁÐUNEYT-
IS EFTIR MÁLEFNAFLOKKUM
(í milljónum króna úr ríkissjóði)
Greiðslur v/mjólkurframleiðslu 4.130
Greiðslur v/sauðfjárframleiðslu 2.805
■Skógrækt og landgræðsla 858
Landbúnaðarstofnanir 995
Styrkir ( þágu landbúnaðar 1.710
íSRáðuneyti 251
4500
4000
3500
3000
2500
2000
1500
1000
500
0
VALGERÐUR SVERRISDÓTTIR OG ING-
VELDUR MARION HANNESDÓTTIR
Krakkabankinn opnaður á barnaspítala
Hringsins, en persónur úr Latabæ sjá um
að útskýra hina ýmsu þætti fjármála fyrir
þeim sem heimsækja vefinn.
Vefbanki fyrir börn:
Börnum
kynntar ýmsar
hliðar íjármála
í gegnum leik
opnun Nýr banki, sem ætlaður er
börnum á aldrinum þriggja til ellefu
ára, var opnaður í gær. Bankinn,
sem vefbanki og ber nafnið Krakka-
bankinn, hefur það markmið að
kynna börnum ýmsar hliðar á
sparnaði £ gegnum leik og fræðslu.
Valgerður Sverrisdóttir, iðnaðar-og
viðskiptaráðherra opnaði Krakka-
bankann með aðstoð barna á barna-
spítala Hringsins, en Búnaðarbank-
inn færði barnaspítalanum og
barnadeild Fjórðungssjúkrahússins
á Akureyri öflugar tölvur að gjöf í
tilefni opnunarinnar. Árni Tómas-
son, bankastjóri Búnaðarbankans
sagði við opnunina, að mikil áhersla
væri lögð á að að efnið á vefnum
væri gott og þess vandlega gætt að
þar væru ekki ofbeldisleikir. Tölv-
urnar væru ætlaðar börnunum sem
dvelja á sjúkrahúsinu til þess að
stytta þeim stundir, og auðvelda
þeim samskipti utan sjúkrahússins
með tölvupósti. Einnig gætu for-
eldrar þeirra nýtt sér tölvurnar til
þess að sinna ýmsum erindum eða
sækja upplýsingar. ■
--
Sprenmng í höfuðbors
Baska-héraðs:
Bílsprengja
skemmdi
dómshús
yiTORiA.SPÁNi^u’ Ein manneskja slas-
aðist lítillega þegar bílsprengja
sprakk við dómhús í borginni Vitor-
ia á Spáni í fyrradag. ETA, aðskiln-
aðarhreyfing Baska, er talin hafa
borið ábyrgð á verknaðinum, en að-
vörun barst til lögreglu 25 mínútum
fyrir sprenginguna. Dómhúsið
skemmdist mikið í sprengingunni
en auk þess kviknaði í um 20 bílum
sem lagt var í nágrenninu. Þetta er
fyrsta árásin sem aðskilnaðarhreyf-
ingin er talin bera ábyrgð á síðan
14. júlí, þegar tveir opinberir emb-
ættismenn voru skotnir til bana í
tveimur aðskildum árásum í Baska-
héraði. ■
íbúar nálægt Heathrow-flugvelli:
Fá skaðabætur vegna hávaðamengunar
STRASBOURG.FRAKKLANDI.AP Mannrétt-
indadómstóllinn í Strasbourg kvað í
gær upp úrskurð þess efnis að há-
vaðinn sem stafar af næturflugum
flugvéla á Heathrow-flugvelli í
London, brjóti á mannréttindum
þeirra íbúa sem búa í næsta ná-
grenni. Dæmdi dómstóllinn hverj-
um þeirra átta einstaklinga sem
kærðu málið, um hálfa milljón króna
í skaðabætur, auk greiðslu vegna
lagakostnaðar og annarra útgjalda.
Bresk stjórnvöld hafa áður við-
urkennt að síðan lög um hávaðatak-
mörkun á flugvöllum tóku gildi árið
1993, hefur hávaði á Heathrow-flug-
velli aukist. Þau hafa hins vegar
ekkert gert í málinu. Samkvæmt
dómnum eru stjórnvöld nú skuld-
HÁVAÐI
Ekki er leyft flug á Reykjavíkurflugvelli milli kl. 23.30 og 6 en Mannréttindadómstóll Evr-
ópu hefur dæmt að það brjóti gegn friðhelgi einkalífs að leyfa flug á Heathrow-flugvelli á
þeim tíma.
bundin til að endurskoða þau flug á svæðinu. Ákvörðun dómstólsins
sem flogin eru á Heathrow-flugvelli er ekki endanleg, því hægt er að
á milli 23:30 og 6:00 á nóttunni og áfrýja dómnum innan þriggja mán-
koma þannig til móts við þá sem búa aða til hæstaréttar. ■
Segir bin Laden í
rammgerðu vígi
Bandarískir sérsveitarmenn fikra sig í átt að bækistöðvum bin Ladens í
Pamir-Qöllum, vopnaðir hátæknivopnum.
hryðjuverk Dagblað í Pakistan,
The News, fullyrti í gær að Osama
bin Laden hefði komið sér fyrir í
Pamir-fjöllum í norðausturhluta
Afganistans, en ekki í héraðinu
Kandahar suðvestan til í Afganist-
an eins og flestir töldu víst. Hann
hefði komið sér þar upp fullkomn-
um bækistöðvum og væri vel und-
ir árásir búinn.
Pamirfjöll eru á mjórri land-
ræmu sem liggur
—♦— til norðvesturs út
frá Afganistan og
þaðan er auðvelt að
flýja til þriggja
annarra landa þar
sem bin Laden á
sér fjölda stuðn-
ingsmanna. Norð-
an megin við ran-
ann er Tatsikistan,
Hann hefði
komið sér þar
upp fullkomn-
um bæki-
stöðvum og
væri vel undir
árásir búinn.
——
sunnan megin er Pakistan en í aus-
tri er Sindjang-hérað í Kína þar
sem múslimar eru í meirihluta.
Sovétmenn höfðu komið sér
upp herbækistöð í fjöllunum og
geymdu þar kjarnorkuvopn. Neð-
anjarðar undir fjöllunum eru
rúmgóðar geymslur og gistirými
með rafmagni, þannig að menn
geta dvalið þar jafnvel árum sam-
an án þess að þurfa að ná í vistir.
Tilgangslaust sé að varpa
sprengjum á fjöllin, því byrgið sé
neðanjarðar.
VIÐ LANDAMÆRIN
Kínverskir bændur mætast á þjóðveginum frá Kina til Pakistan. Handan við fjallaskarðið á
myndinni glittir í fjöllin I Afganistan.
The News fullyrðir í netút-
gáfu sinni, sem er á ensku, að
talibanar og fylgismenn bin
Ladens hafi með blekkingum lát-
ið líta svo út sem hann væri
staddur í Kandahar, m.a. með
því að aka þangað mörgum vöru-
bifreiðum til þess að menn haldi
að hann væri að viða að sér
birgðum.
Þá fullyrðir blaðið einnig að
bandarískir sérsveitarmenn séu
nú þegar byrjaðir að fikra sig í
áttina að bækistöðvum bin Ladens
í Pamir-fjöllum, vopnaðir há-
tæknivopnum. ■
Kaupþing sækist eftir
líftryggingafyrirtæki
Knúði fram hluthafafund í Alþjóða líftryggingafélaginu. Vill aílétta for-
kaupsrétti og kaupa út hluthafa. Niðurstaðan kann að ráðast í kosning-
um um stjórn Sparisjóðabankans.
líftryggingar Boðað hefur verið
til hluthafafundar í Alþjóða líf-
tryggingafélaginu á Akureyri
næstkomandi fimmtudag, að til-
hlutan Kaupþings.
„I mörg ár hefur það verið yf-
irlýst markmið okkar hjá Kaup-
þingi að taka þátt í líftrygginga-
markaðinum," segir Sigurður Ein-
arsson forstjóri Kaupþings. „Við
teljum að mest verðmætaukning
felist í því fyrir alla aðila að for-
kaupsréttur verði afnuminn af
bréfum í Alþjóða líftryggingafé-
laginu, og Kaupþing bjóðist í
framhaldinu til þess að leysa aðra
hluthafa út úr félaginu í skiptum
fyrir hlutabréf í Kaupþingi eða
gegn beinum greiðslum."
Alþjóða líftryggingafélagið
var keypt fyrir sex árum fyrir
milligöngu Kaupþings, sem stefn-
di að því þá að gera það að dóttur-
SIGURÐUR EINARSSON
Kaupþing mun leita annars farvegs út á Iff-
tryggingamarkaðinn sé þessi leið lokuð.
félagi sínu. Kaupverðið var 200
milljónir. Niðurstaðan varð sú að
félagið var gert að dótturfélagi
sparisjóðanna. Auk flestra spari-
sjóða landsins eiga Kaupþing og
Sparisjóðabankinn jafnstóran 12
prósenta hlut í félaginu. Kaup-
þingsmenn telja að mikil samlegð-
aráhrif fælust í samruna félag-
anna, en ýmsir áhrifamenn innan
sparisjóðafjölskyldunnar vilja
fresta ákvörðunum. Úrslit máls-
ins kunna að ráðast af því hvor
fylkinganna tveggja, sem Frétta-
blaðið skýrði frá í gær að tækjust
á um meirihluta í Sparisjóðabank-
anum, verður ofan á í stjórn bank-
ans. Sigurður Einarsson sagði í
gær, að tækist Kaupþingi ekki að
finna sér farveg út á líftrygginga-
markaðinn gegnum Alþjóða líf-
tryggingafélagið, myndi bankinn
leita annarra leiða til þess. ■
Innbrot:
Ásókn í kven-
mannsfatnað
lögrelgumál íbúðareigandi í vest-
urborginni kom að innbrotsþjófi í
íbúð sinni um helgina. Náði hann
ásamt nágrönnum sínum að halda
honum þar til lögregla kom á vett-
vang. Innbrotsþjófurinn var flutt-
ur niður á lögreglustöð og við leit
á honum fundust fjórar kvennær-
buxur.
Ekki var þetta eina dæmið þar
sem kvennærbuxur koma við
sögu. En brotist var inn í tvö ibúð-
arhús við Bárugötu um helgina og
þaðan stolið kvenmannsnærfatn-
aði og stórum svörtum ruslapoka
fullum af öðrum kvenfatnaði. ■
SPENNANDI TÍMAR FRAMUNDAN
Sigríður Ingvarsdóttir segist hlakka til að
setja sig inn í mál og takast á við komandi
tíma.
Sigríður Ingvarsdóttir,
nýrpingm aður úr Norð-
urlandi vestra:
Atakaþing
framundan
s
alþingi Sigríður Ingvarsdóttir tók
sæti á Alþingi í stað Hjálmars
Jónssonar Dómkirkjuprests.
„Þetta leggst nokkuð vel í mig en
það er þó nokkuð ljóst að það er
átakaþing framundan, mörg stór
mál á döfinni," segir Sigríður og
vísar sérstaklega í sjávarútvegs-
mál og virkjanamál.
Sigríður segir nefndarsetu
ráða miklu um þau málefni sem
hver og einn þingmaður setur sig
mest inn í. „Eg er í menntamála-
nefnd, samgöngunefnd og land-
búnaðarnefnd. Hins vegar hef ég
einnig mikinn áhuga á sjávarút-
vegsmálum og byggðamálum og
ég hlakka til að sjá nýja byggða-
stefnu sem er í mótun nú og á að
leggja fyrir sem þingmál í vetur.“
Orkumálin og virkjanamálin
verða einnig stór í vetur að mati
Sigríðar. „Eg er hlynnt því að
virkja skynsamlega."
Sigríður telur aðstæður nú
vera óvenjulegar vegna hryðju-
verkanna í Bandaríkjunum. „Al-
þjóðamálin munu koma núna inn
og afleiðingar þeirra og einnig
efnahagslegar afleiðingar. ■
—♦—
Norskir bankaræningjar:
Borudu sér
leid inn í
bankahvelf-
ingu
sakamál Hópur bankaræningja
boraði sér leið inn í Bryn-banka-
útibúið í Osló um síðustu helgi og
stal úr peningageymslum. Að því
er kemur fram í Aftenposten bor-
uðu þjófarnir sér leið í gegnum
vegg í bankanum til þess að kom-
ast inn. Þvínæst boruðu þeir í
gegnum gólfið og komust þar með
undir hurðina á peningageymsl-
unni og létu síðan greipar sópa.
Þjófavarnarkerfið í bankanum fór
ekki af stað þrátt fyrir umganginn
og hefur sambandsleysi í fjar-
skiptakerfi á svæðinu verið kennt
um. Að sögn norsku lögreglunnar
er ekki vitað hversu miklu var
stolið, en hún sagði ránið hafa ver-
ið vel skipulagt og fagmannlega
unnið. ■