Fréttablaðið - 18.02.2002, Blaðsíða 4

FRÉTTABLAÐIÐ
SVONA ERUM VIÐ 4
18. febrúar 2002 MÁNUDACUR
Forseti ASÍ:
Frcimferði Israels
harðlega gagnrýnt
FÖNGUM SEM LJÚKA
AFPLÁNUN FÆKKAR
Fjöldi fanga sem lokið hafa afplánun f ís-
lenskum fangelsum hefur fækkað töluvert
undanfarin ár. Eru þeir talsvert færri árið
2000 en árin þar á undan.Tæpur helming-
ur þeirra sem lokið hafa afplánun á síð-
ustu árum hefur ekki afplánað áður. Stór
hluti afplánar styttri tima en eitt ár og eru
karlar um og yfir 95% fanga.
Heimild: Ársskýrsla fangelsismálastofnunar
rfkisins árið 2000.
PALESTÍNA Grétar Þorsteinsson for-
seti ASÍ segist ekki útiloka það að
hann muni verða í alþjóðlegri
sendinefnd verkalýðsfélaga sem
áformað er að fari til Palestínu og
ísraels til að kynna sér ástandið
þar af eigin raun. ASÍ hefur lýst
yfir skilyrðislausum stuðningi við
það frumkvæði norska alþýðu-
sambandsins að nefnd á vegum
Alþjóðasambands verkalýðsfé-
laga og Evrópusambands verka-
lýðsfélaga fari þangað suður.
Grétar býst við að ástandið í þess-
um löndum verði til umræðu í
miðstjórn sambandsins innan tíð-
ar.
í bréfi forseta ASÍ til þessara
sambanda kemur fram að það sé
skylda alþjóðlegrar verkalýðs-
hreyfingar að láta til sín taka á
þessum vettvangi. Með því getur
verkalýðshreyfingin lagt sitt af
mörkum til að koma friðarferlinu
á rétta braut að nýju. Grétar seg-
ir að það sé fyrir löngu orðið al-
GRÉTAR
ÞORSTEINS-
SON
Segir löngu
tímabært að
alþjóðlega
samfélagið láti
til sín taka í
deilu ísraels
og Palestínu.
veg yfirgengilegt hvernig ísraels-
menn haga sér gagnvart Palest-
ínumönnum. | því sambandi bend-
ir hann á að ísraelsmenn noti t.d.
skriðdreka og stórvirkar vinnu-
vélar til að leggja hýbýli fólks í
rúst. Hann segist vart eiga orð til
að lýsa þessari framkomu þeirra
og annarri í garð palestínsku þjóð-
arinnar. ■
Bilaður líkbrennsluofn:
Rotnandi lík
á víðavangi
georgía. USA. Stjórnandi lík-
brennsluhúss í Georgíufylki í Banda-
ríkjunum var handtekinn í kjölfar
þess að um 80 óbrennd lík og líkams-
hlutar fundust í húsnæði fyrirtækis-
ins og í nágrenni þess. Stjórnandinn,
Ray Brent Marsh, gaf þá skýringu að
líkbrennsluofninn hefði verið bilað-
ur og því hefði hann gripið til þessa
ráðs. Upp komst um líkin þegar
hundur konu einnar fann höfuðkúpu
af manni í nágrenni líkbrennslustof-
unnar. Lét hún lögregluna umsvifa-
laust vita.
Tekist hefur að bera kennsl á
þrettán lík til þessa. Óttast lögregl-
an að mun fleiri lík eigi eftir að
finnast. ■
Félagsmenn hjá Samiðn:
Launavið-
töl hafa
tíðkast um
árabil
Getnaðarvamir í
formi SMS-skilaboða
KJARAMÁL Finnbjörn A. Hermanns-
son formaður Samiðnar segir að í
niðursveiflu megi alltaf búast við
því að menn lendi í einhverju strög-
gli um kaupið sitt. Þá séu meiri lík-
indi en áður að atvinnurekendur séu
að kroppa í bónusa og annað í kjör-
um félagsmanna. Sex aðildarfélög
Samiðnar halda námskeið fyrir fé-
lagsmenn um launaviðtöl í vikunni.
Það eru Bíliðnafélagið, Félag blikk-
smiða, Félag hársnyrtisveina, Mál-
arafélag Reykjavíkur, Trésmiðafé-
lag Reykjavíkur og Félag garð-
yrkjumanna. Finnbjörn segir að
launaviðtöl iðnaðarmanna við at-
vinnurekendur hafi verið regla hjá
þeim um langt árabil, enda séu þeir
einatt yfirborgaðir.
Formaður Samiðnar segir að
venjan hafi verið sú að trúnaðar-
menn á hverjum vinnustað hafi
löngum staðið í forsvari fyrir félög-
um sínum í launaviðtölum við at-
vinnurekendur. Hins vegar hafi þótt
ástæða til þess að bjóða félags-
mönnum þessara félaga upp á nám-
skeið í launaviðtölum og m.a .með
tilliti til þeirrar niðursveiflu sem
orðið hefur. Það hefur m.a. leitt til
þess að 15-16 manns eru á atvinnu-
leysiskrá. Aftur á móti sé samdrátt-
ur t.d. í byggingariðnaði ekki eins
mikill og menn höfðu óttast. ■
1 LOÐNUVEIÐI |
Hólmaborg SU er aflahæst ís-
lenskra loðnuskipa það sem
af er veiðitímabilsins 2001/2002.
Þann 13. febrúar hafði skipið
veitt 23. 627 tonn. Júpiter ÞH er
næstaflahæsta skipið með 18.166
tonn af loðnu. Víkingur AK er
síðan það þriðja aflahæsta, með
17.700 tonn.
Bjarni Rúnar Einarsson, netverji, býður íslensku kvenfólki upp á pilluáminningu
í formi SMS-skilaboða í gegnum Netið. Viðbrögðin hafa verið mjög góð þrátt fyrir að þjón-
ustan hafi lítið verið auglýst.
netið Bjarni Rúnar Einarsson,
netverji, býður íslensku kven-
fólki upp á að skrá sig inn á
heimasíðu sína á Netinu til að
láta minna sig með SMS-skila-
boðum á að taka getnaðarvarn-
arpilluna. Fréttablaðið náði tali
af Bjarna og spurði hann út í þau
viðbrögð sem hann hafi fengið
við þessari nýjung. „Þau við-
brögð sem ég hef fengið hafa
verið mjög góð. Þegar ég var að
byrja á þessu í
október síðastlið-
inn fékk ég nokk-
ur bréf frá áhuga-
sömum stelpum
sem fannst þetta
góð hugmynd.
Auðvitað voru ein-
hverjir sem gerðu
grín að þessu, en
það var allt á frekar vingjarnleg-
um nótum.“
Hvernig fer skráningin fram?
„Þegar fólk fyllir út umsóknar-
eyðublað á heimasíðu minni er
það sett á lista. Ég er með forrit
sem keyrir á tölvu sem fer yfir
listann með reglulegu millibili.
Þegar það þarf að senda ein-
hverjum áminningu tengist for-
ritið við vefsíður Tals eða Land-
símans og eru skilaboðin send
þannig,“ sagði Bjarni.
Bjarni smíðaði forritið upp-
haflega fyrir kærustuna sína og
systur sínar. Aðspurður hversu
margir séu búnir að skrá sig í
þjónustuna sagði Bjarni að 80
númer væri komin á listann.
„Þegar fólk
fyllir út um-
sóknareyðu-
blað á heima-
síðu minni er
það sett á
lista"
........
SMS-skilaboð væru síðan send á
númerin einu sinni á dag. „Það er
bara nokkuð gott miðað við að
þetta hefur aldrei verið auglýst
neitt," sagði Bjarni. En hvernig
frétti fólk þá af þessu? „Ég held
úti nokkuð víðlesinni heimasíðu
og minntist á þetta þar. Síðan
breiddist orðrómurinn út. Ég
minntist líka á þetta í spjallþráð-
um á femin.is, dægurmálaút-
varpið tók viðtal við mig fyrir
áramót og þetta var síða dagsins
á leit.is."
Á heimasíðu Bjarna,
www.p.molar.is, kemur fram að
einungis þær konur sem eru með
gsm síma hjá Tali og Símanum
geti notfært sér þennan mögu-
leika. Sagði Bjarni að ekki væri
jafnauðvelt að senda viðskipta-
vinum Íslandssíma SMS-skilaboð
í gegnum Netið. Hver hafa við-
brögð þessara fyrirtækja verið?
„Ekki mikil. Ég veit að þau hafa
áhyggjur af misnotkun SMS
gáttanna^ til dæmis vegna
ruslpósts. Ég get samt ekki
ímyndað mér að þau hafi neitt á
móti pilluáminningunni. Þau hafa
vitað af henni frá upphafi, en
hafa aldrei haft samband við mig
til að kvarta," sagði Bjarni. Sagð-
ist hann ekki hafa spurt fyrir-
tækin hvort þau vildu semja við
sig nánar um þjónustuna. „Eg hef
í rauninni engra hagsmuna að
gæta þarna. Þetta er bara vina-
greiði frá mér til fólksins á Net-
inu.“
freyr@frettabladid.is
FYRSTA GOLFFERÐIN TIL
PORTUGAL í ÁR!
Dagana 15.-22. mars.
Golf á hinum frábæra golfvelli Benamor, gist á Golden Club
Cabanas sem er í 5 mín aksturs fjarlægð frá golfvelli.
Verð: kr 79.500* á mann. Innifallið: gisting í 7 nætur í stúdío
íbúð með morgunverði, 6 golfhringir, akstur til og frá flugvelli
erlendis og fararstjórn.
*Skattar kr 4.550 ekki innifaldir. *Miðað við 2 saman í íbúð.
Tilboð: „ef 4 eða fleiri bóka sig saman er skattur innifalinnl!"
Nánari upplýsingar hjá Plúsferðum í síma: 535 2100
eða hjá Einar Lyng s:863 3371.www.plusferdir.is
Breskir vísindamenn:
Lýsi er hollt
fyrir liðamótin
heilsa Vísindamenn í Cardiff á
Bretlandi hafa nú staðfest þá
aldagömlu trú manna að lýsi sé
hollt fyrir liðamótin. Segja þeir
að með því að taka inn lýsi dags-
daglega geti menn frestað eða
jafnvel komið í veg fyrir brósk-
los og þann mikla sársauka sem
fylgir gigtarsjúkdómum. Telja
þeir að með því að taka inn lýsi
geti menn jafnvel frestað skurð-
aðgerð til að láta skipta um liða-
mót, að því er kemur fram á
fréttavef BBC.
Rúmlega ein milljón manns í
Bretlandi þjást af slitgigt. Þrátt
fyrir að venjulega sé talið að
einungis eldra fólk þjáist af
gigt, þjáist eitt af hverjum 1000
börnum í Bretlandi einnig af
sjúkdómnum.
í rannsókninni voru skoðuð
áhrif Omega-3 fitusýra, sem er
meginuppistaðan í lýsi, á ónýt
hnjáliðamót fólks sem var á leið
í skurðaðgerð. Kom þar í ljós að
ensími sem eyðileggja brjósk í
liðamótum voru mun algengari
hjá þeim hópi sem ekki fékk
lýsi. „Lýsi sem inniheldur
Omega-3 fitusýrur getur verið
afar gott til að halda aftur af
gigtarsjúkdómum," sagði Bruce
Caterson, vísindamaður, sem
hafði yfirumsjón með rannsókn-
inni. ■
ALMANNARÓMUR STAÐFESTUR
Islendingar hafa lengi vitað að lýsi væri
hollt. Sífellt fleiri vísindamenn komast að
sömu niðurstöðu.