Lögberg - 30.07.1959, Síða 4

4
LÖGBERG, FIMMTUDAGINN 30. JÚLÍ 1959
Lögberg
GefiS öt hvern fimtudag af
THE COLUMBIA PRESS LIMITED
303 KENNEDT STREET, WINNIPEG 2, MANITOBA
Utanáskrift ritstjórana:
EDITOH LÖGBERG, 303 Kennedy Street, Winnipeg 2, Manitoba
Ritstjóri: INGIBJÖRG JÓNSSON
VerÖ $5.00 um árið — Borgist fyrirfram
"Lögberg" is published by Columbia Press Limited,
303 Kennedy Street, Winnipeg 2, Manitoba, Canada
Printed by Columbia Prtnters
Authorised hm Second Class Mail, Post Office Department. Ottawa
WHitehalI 3-9931
Þáttaskil
I dag er Lögberg sjötíu og eins og hálfs árs að aldri og
sextán dögum betur, og í dag kemur það út í síðasta sinn,
sem sérstætt blað. Aldur Lögbergs er orðinn hár, þegar miðað
er við mannsævina og önnur íslenzk vikublöð, en við hyggj-
um að enn sjáist lítil ellimörk á blaðinu. Það hefir að vísu
orðið að draga saman seglin, nokkrum sinnum, þegar illa
hefir gefið á skútuna, en það hefir samt megnað að halda að
mestu leyti óskertum samböndum milli íslendinga hvarvetna
eins og það hefir gert frá upphafi vega þess.
Á þessum tímamótum er freistandi að rekja að nokkru
sögu Lögbergs, en til þess gefst nú hvorki tími né rúm, en
það verður gert seinna. Og ekki er þörf á útfararóð í minn-
ingu um Lögberg, því að Lögberg mun lifa lengi enn, ef allt
gengur að sköpuðu. Nú er aðeins um þáttaskil að ræða í sögu
þess. í næsta mánuði sameinast Lögberg og Heimskringla og
útgáfunefndir þeirra, og væntum við að áskrifendur og vel-
unnendur beggja blaðanna sameinist á sama hátt í að veita
blöðunum stuðning; þannig mun framtíð Lögbergs og Heims-
kringlu hvers um sig og í sameiningu verða tryggð í mörg
ókomin ár.
Árni Þór Víkingur, vélsetjari
I byrjun ágúst-mánaðar leggur Árni Þór Víkingur, ásamt
fjölskyldu sinni, af stað alfari til Seattle-borgar í Washington,
U.S.A. Hann hefir verið vélsetjari Lögbergs síðastliðin 10 ár
og jafnframt sett blaðið í síður. Ágætur frágangur á blaðinu
hefir borið órækt vitni um smekkvísi hans og frábæra hæfni
sem vélsetjara. Það er mikilvægt fyrir ritstjóra blaðs að hafa
sér við hægri hönd góðan vélsetjara. Sú, er þetta ritar, er
óviss um hvernig tekizt hefði að koma Lögbergi út þetta
síðasta ár, ef ekki hefði jafnan mátt treysta á aðstoð Þórs og
leiðbeiningar. Handritin, sem hann fékk, voru ekki alltaf
sem aðgengilegust og lagfærði hann þá oft stafsetningu og
orðfæri og skilaði síðan svo að segja hreinni próförk, og þetta
gerði hann allt með glöðu geði.
Árni Þór Víkingur er fæddur í Seattle 19. apríl 1926.
Þriggja ára gamall fluttist hann til íslands með foreldrum
sínum, Þórarni Grímssyni Víking og frú Ástríði G. Eggerts-
dóttur. Árið 1944 hóf hann prentnám í prentsmiðjunni Eddu
h.f. í Reykjavík og lauk þar námi árið 1948. Ári síðar fluttist
hann vestur um haf. Hann vann fyrst sem vélsetjari hjá
Columbia Press Ltd. í 7 ár, en síðustu 3 árin hefir hann
unnið hjá Wallingford Press Ltd. Þór er jafnvígur sem vél-
setjari á íslenzku og ensku og hefir getið sér hins bezta
orðstírs í sinni iðn.
Árni Þór kvæntist Ólöfu Jóhönnu Guðmundsdóttur 7.
október 1950, hinni ágætustu konu; foreldrar hennar eru hin
valinkunnu hjón, Mr. og Mrs. Guðmundur A. Stefánsson hér
í borg. Þau Þór og Ólöf tóku strax mikinn þátt í félagslífi
íslendinga; hafa þau bæði starfað í íslenzka-lúterska söfnuð-
inum og í Þjóðræknisfélaginu; frú ólöf hefir verið í söngflokk
kirkjunnar í mörg ár. — Þór átti sæti í stjórnarnefnd Þjóð-
ræknisfélagsins um skeið og í mörg ár í stjórnarnefnd Fróns;
hann var ennfremur í íslendingadagsnefndinni í tvö ár.
Þetta hátíðablað Lögbergs er síðasta blaðið, sem Árni
Þór leggur hönd á; verður hans saknað við blaðið. — Ritstjóri
og útgáfunefnd Lögbergs þakka honum innilega fyrir þýða
samvinnu hans og ómetanleg störf við blaðið og árna honum
og f jölskyldu hans blessunar og góðs gengis á ókomnum árum.
Flytja búferlum til Seattle
Frá vinslri: Frú Ólöf Jóhanna, Sigrún Helga, Jóhanna Ólöf og
Árni Þór Víkingur.
Sveinn Magnús, látinn
Sveinn Magnús, er varð 95
ára á þorláksmessu í fyrra —
fæddur 23. desember 1863 —
lézt á miðvikudaginn var, 22.
júlí, á heimili sonar síns,
Eugenes, 2533 Fillmore St.
N. E., í Minneapolis. Sveinn
lamaðist af heilablóðfalli fyr-
ir fáeinum árum, hresstist
mjög vel, en varð svo fyrir
slagi á ný tæpri viku fyrir
andlátið. Fór jarðarförin fram
á föstudaginn, 24. júlí á út-
fararstofu í norðausturhluta
borgarinnar, þar sem landar
bjuggu flestir fyrr á árum.
Var hann jarðaður í Hillside
grafreitnum við hlið konu
sinnar, Guðrúnar Salínu
Jónsdóttur, er lézt í apríl 1952.
Séra Sveinbjörn ólafsson,
prestur Methodista safnaðar í
South St. Paul, jarðsöng.
Sveinn kom frá Islandi með
stærsta innflytjendahópnum,
sem komið hefir í Minneota-
byggðina í Minnesota, sumarið
1879. Hann fæddist á Áslaug-
arstöðum í Selárdal í Vopna-
firði, bróðir Páls Magnússon-
ar og Stefaníu, konu Sigur-
björns Benson, er bjuggu
bæði lengst af í Selkirk.
Sveinn vann á bóndabæ
fyrir vestan Minneota fyrstu
tvö árin, þá um hríð í Duluth,
og síðan um tíma í Winnipeg,
þar sem hann var blaðasali á
götunum. Hann vann um
skeið í Chicago, hvarf svo aft-
ur til Minneota, og árið 1897
giftist hann í Minneapolis
Guðrúnu Salínu Jónsdóttur,
systur Bjarna heitins Jones.
Þau stofnuðu heimili í Minne-
ota, þar sem Sveinn rak ljós-
myndafyrirtæki í nokkur ár.
Þar fæddust tveir synir, sem
lifa hinn háaldraða föður sinn,
Eugene og Bjarni. Magnús-
fjölskyldan fluttist til Minne-
apolis 1906, og þar hafa þau
átt heima síðan. Fram á háan
aldur vann Sveinn hjá Soo
Line járnbrautinni á viðgerð-
arverkstæði þess í Minne-
apolis. Hjónin voru hjálpar-
hellur nábúa og samlanda um
áratugi, og hafa ótal margir
verið aðnjótandi tryggðar og
glaðlyndis Sveins.
Séra Sveinbjörn las úr ís-
lenzkum sálmum bæði við
kveðjuathöfnina og í kirkju-
garði og lýsti með verðskuld-
uðu lofi löngum og gifturíkum
æviferli hins látna.
Til áskrifenda Lögbergs
í meira en sjötíu ár hefir Lögberg komið út með fréttir
og fróðleik til lesenda sinna. Og enn er gert ráð fyrir að það
haldi áfram að koma út, en þó í dálítið breyttu formi, — í
sameiningu við hið eina annað vikublað, sem líka hefir verið
gefið út í sjötíu ár. Og vonast er eftir, með stuðningi margra
góðra manna, að íslenzku blöðin geti enn verið við góðu lífi í
mörg ókomin ár í hinu nýja, sameinaða formi, með það eitt
fyrir augum að vera málgagn íslendinga í Vesturheimi og
tengiliður þeirra við ættjörðina. Stofnað hefir verið nýtt út-
gáfufélag, North American Publishing Co. Ltd., sem gefur út
hið sameinaða blað.
Forstöðunefnd Lögbergs vill, við þessi tímamót, nota
tækifærið í þessu síðasta tölublaði Lögbergs, er það kemur út
í sérstæðu formi, til að þakka öllum áskrifendum blaðsins
viðskipti þeirra, stuðning og tryggð á liðnum árum. Og það
vill hvetja alla áskrifendur blaðsins og aðra góða vini til að
halda áfram að styrkja það með stuðningi við Lögberg í sínu
nýja formi.
Lögberg á langa og glæsilega sögu að baki sér, og vonast
er til að saga framtíðarinnar verði því engu að síður til heið-
urs og sóma, í hinu breytta formi. Aðal verkefni Lögbergs nú,
í sameiningu við Heimskringlu, verður það, að efla mál Is-
lendinga, bæði austan hafs og vestan. Hér er því ekki um
sögulok að ræða heldur þáttaskipti. I fullu trausti þess að
íslendingar almennt séu fylgjandi þessari breytingu mun hið
nýja blað, Lögberg-Heimskringla, hefja göngu sína þriðju
vikuna í ágúst.
Virðingarfyllzt,
Forstöðunefnd Lögbergs og Columbia Press Ltd.
— FJAÐRAFOK —
Rímnaskáld
Mann í Borgarfirði eystra
dreymndi, að kunningi hans
kom að honum og mælti mjög
glaðklakalega: „Nú er ég byrj-
aður á að yrkja rímur. Þær
byrja svona:
Allra fyrst eg um það kveð,
sem ýtum færir gleði,
að jöfu rnokkur járni með
Jötunheimum réði.‘ 1
Borgfirðingurinn s p u r ð i
kunningja sinn, þegar þeir
fundust, hvort hann hefði bor-
ið við að yrkja rímur. „Ekki
svo mikið sem eina vísu,“
svaraði hann; enda var hann
ekki hendingarfær og hinn
heldur eigi skáld. — {Þjóðs.
Sigf. Sigf.)
Forboði
Þegar Árni prófastur Þor-
steinsson hélt Kirkjubæ í
Hróarstungu (1791—1829), bar
svo til um 1820, að margt fólk
bar úti statt, þar á meðal pró-
fastur sjálfur. Heyrðu þau þá
afskapleg öskur í suðaustri og
líkast því, að það kæmi frá
fossinum í Lagarfljóti. Allir
urðu ókvæða við, eða sem
þrumu lostnir, en biðu þess þó
hvort annað heyrðist. Eftir dá
lítinn tíma buldi við annað
öskrið helmingi nær. Prófast-
ur rak allt fólkið í bæinn. En
í sama augnabliki og hann
lokar á eftir sér, buldi við
Framhald á bls. 5
BETEL BUILDING FUND
In loving memory of
Mrs. A. G. Polson:
Mrs. Thora Jónsson,
Ste. 11,
Chelea Crt., Wpg....$10.00
Mrs. J. B. Skaptason,
378 Maryland St.,
Winipeg, Man. ........$5.00
Mr. & Mrs. P. McCarthy,
Selkirk, Man.........$5.00
Mr. & Mrs. Carl Bjarnason,
Baldur, Man..........$5.00
BETELCAMPAIGN
$250,000.00
Make your donations to the
"Betel" Campaign Fund.
123 Princess Street.
Winnipeg 2.