Kirkjublaðið - 01.03.1894, Blaðsíða 2

34
Úr ummælum prests við síðustu húsvítjun.
1. Um altarisgönguna.
— Hvað altarisgönguna snertir, þá er hörmulegt að
vita, hvernig henni er komið meðal vor. — Jeg fullyrði
það á hverju heimili, að það er stór synd safnaðanna,
að vanrækja hana svo mjög, sem nú er títt orðið Ein-
lægt er þeim að fækka, sem koma til guðs-borðs; það er
engu likara, en þörfln fyrir þessu helgasta náðarmeðali
sje að hverta meir og meir. Það er eins og menn sjeu
farnir að telja sjer trú um, að hennar þurfi ekki við, og
að menn geti verið Krists lærisveinar og vinir ánhennar.—
Og þó hetir frelsarinn sagt: »Takið og etið«, og »drekkið
hjer af allir«. — Ef heimili yðar á að geta talizt meir en
að nafninu til með kristnum heimilum, þá verður það að
eiga meðlimi, sem elska svo Drottiu sinn, að þeir geti
eigi án þess verið, að krjúpa að hans borði.
Allir verðið þjer, mínir kæru vinir, að fá hlutdeild i
Kristi á þennan hátt. Kristileg kirkja er reist á þessum
grundvelli, fófnardauða frelsarans. Ef liún sleppir þess-
um grundvelli, afneitar hún sínum frelsara, og ef grund-
völlurinn í hjarta yðar hefir nokkuð haggazt í þessu tilliti,
þá er öllum yðar kristindómi hætta búin.
Fyrir því árninni jeg yður alvarlega og bið yður
innilega, að rannsaka vel hjörtu yðar í þessu tilliti:
hvernig standi á fjærveru yðar frá Drottins altari, —
hver hafi þar yfirráðin, heimurinn eða frelsarinn, — hvað
sje innihald yðar andlega lífs, — hvort það sje auðmjúk
synda-játning, samfara lifandi trú á frelsarans friðþægingu
og fyrirbón,—hvort það sje heit og innileg elska til hans og
löngun eptir hans samfjelagi? — Hvað aptrar yður þá
frá að vera borðgestir Drottins? Hversu óskiljanleg er
fjærvera yðar frá hans altari! Hafið þjer gleymt orði
Drottins sjálfs, er segir: »Ef þjer etið ekki hold manns-
ins sonar, og drekkið ekki hans blóð, hafið þjer ekki lífið
í yður«. Vitið þjer ekki, að sá maður, sem ekki nærir
sig af holdi og blóði Drottins, ber dauðann, andlegan og
eilífan í hjarta sínu? —Ekkert anna,ð meðal er yður gefið
til að styrkja og næra yðar andlega líf. Yðar kristin-