Breiðablik - 01.08.1907, Blaðsíða 16
48
BREIÐABLIK
hjarta sitt fyllast fögnuöi. Hve nær sem
hún tók til máls, fanst honum hann vera
aö hlusta á guðdómlega hljómleika og
einu sinni lá við, að yfir hann liði af fögn-
uði. Hún rétti honum þá hönd sína til
þess að stíga dans með honum.
Eitt féll honum dálítið illa — hún, sem
hann unni svo heitt, virtist ekkert taka
eftir því, hvað títt hann gjörði sér um
hana. — Oftast þagði hún með þunglynd-
issvip. Ekki lét hann samt af því áformi
sínu að biðja hennar. Og geta má nærri,
að foreldrar Rósalindu höfnuðu ekki jafn-
álitlegum tengdasyni....
En því var nú ver og miður, að þessi
mikli fögnuður varð ekki langgæður.
Jafnskjótt sem Rósalindu var skýrt frá
því, hverju foreldrar hennar hefði svarað
biðlinum, hneig hún út af hálfdauð í faðm-
inn á skemmumeyjum sínum. Og þegar
hún lifnaði við aftur, sagði hún tneð mikl-
um ekka og harmalátum, að hún vildi
engum giftast, — að heldur vildi hún týna
lífinu, en eiga kóngssoninn.
Orvænting kóngssonar verður ekki með
orðum lýst. Hann fór ekki eftir neinum
hirðsiðum, heldur óð inn í herbergið, þar
sem kóngsdóttirin hafði verið lögð, kraup
á kné og fórnaði höndum.
,,Vertu ekki svona harðbrjósta!“ æpti
hann. ,,Taktu þetta aftur. Annars ríður
það mér að fullu. “
Hún lauk upp augunum hægt og svar-
aði seinlega, og einbeittlega þó:
„Aformi mínu getur ekkert breytt,
kóngssonur! Eg giftist þér aldrei. “
,,Hvernig stendur á þessu? Þú ert svo
harðbrjósta að særa hjarta, sem engu ann
nema þér. Hvaða glæp hefi eg drýgt, ef
eg á aðra eins refsingu skilið? Efast þú
um ást mína? Ert þú hrædd um, að eg
muni einhvern tíma hætta að tilbiðja þig?
Ó, ef þú gætir séð inn í hjarta mitt,
myndir þú ekki framar efast og ekki
framar óttast. Svo heit er ást mín, að
hún gerir mig jafnvel samboðinn óvið-
jafnanlegri fegurð þinni. Og gangist þér
ekki hugur við harmi mínum, getur ekk-
ert læknað sorg mína annað en dauðinn.“
Grátbeiðni hans var ekki þar með lokið.
Hann sagði alt það, sem áköf sorg getur
lagt á varir ástfangins manns. Rósalinda
komst við, en ekki með þeim hætti, sem
hann þráði.
,,Þú átt bágt, kóngssonur!“ mælti hún.
,,Ekki skal standa á tneðaumkan minni,
ef hún getur verið þér til huggunar í stað
ástar minnar. Eg hefi eins mikla ástæðu
til að kvarta eins og þú. Sjálf er eg í sömu
rauninni. “
,,Við hvað áttu, kóngsdóttir?“
,,Eg neita þér eiginorði af því eg ann
vonarlaust ungum, berfættum flæking
með flaksandi hár. Hann gekk fram hjá
höll föður míns hérna um daginn, en
hann hefir ekki komið aftur. “
Glappaskot. — Fyrir tveim árum
birtist í þýzku blaði ofurlítil smágrein,
líklega í skopskjmi, sem gaf til kynna, að
eftirlætisblóm keisarans væri hárauður
negull (carnationJ. Smágrein þessi var
tekin upp í nálega öll blöð í landinu og
þegar keisarinn fám dögum síðar kom til
Aix-la-Chapelle, kornu allir þeir, er
kjörnir voru til að taka á móti honum,
til móts við hann með rauð negulblóm í
hneslum. Keisarinn gretti sig og setti
upp þykkjusvip og enginn skildi ástæð-
una, þangað til daginn eftir, að einhver,
sem ofurlítið bar af öðrum í vizku, gaf
upplýsing um, að blómið væri einkunn
erkifjandmanna keisarans — Social-demo-
kratanna.
BREIDABLIK. Mánaðarrit til stuðnings íslenzkri
menning. Fridrik J. Bergmann, ritstjóri. Hcimili 259
Spence Strreet, Winnipeg. Telephone 6345. Ólafur S
Thorgeirsson, útgfefandi. Heimili og afgreiðslustofa blaðs-
ins 678 Sherbrooke Str., Winnipeg, Canada. Telephone
4342. Verð : Hver árg. 1 doll. Hvert eintak 10 cts. —
Borgist fyrirfram.
Prentsmidja Ólafs S. Tiiorgeirssonar