Skólablaðið - 01.08.1914, Blaðsíða 14

126
SKOLABLAÐIÐ
fræðingurinn okkar sagði um kennaraskólahúsið, þegar það
var nýreist:
„Við þurfum að letra á húsið : þetta er kennaraskóli
íslands, ella dettur það engum manni í hug“.
Ekkert leiksvæði var búið til, þegar húsið var bygt. Ekk-
ert leikfimishús á skólinn; þetta átti þó að fylgjast að. Og
varla hefði staðið á fjárvetingu þingsins til þessara sjálfsögðu
þæginda, ef embættismannastéttin hefði átt hlut að máli.
Gleðilegt er það, að til þessa skóla hafa þó valist góðir
kennarar. Skólastjóri hefir þegar náð hylli nemanda sinna.
Elska þeir hann og virða eins og börn góðan föður. Við
engan kennara þaðan hefi eg talað sem öðruvísi hefir legið
orð til skólastjóra. Ber margt til þess en einkum það, að
hann er hæfileikamaður, góður kennari og mannkostamaður.
það er eftirtektarvert, að betri andi hefir ávalt ríkt í
þessum kennaraskólum bæði syðra og hér heldur en í la-
tínuskólanum og mentaskólanum.
Nemendur kennaraskólans hafa farið og fara þaðan
með góðar minningar og geyma þær lengi. Nemendur
hinna skólanna hafa á burt með sér illar minningar og
ógleymanlegar, saman ber skrif þeirra í blöðunum á síðustu
tímum.
þessi mikli munur liggur sjálfsagt mest í því tvennu,
að nemendur kennaraskólans eru betri og siðprúðari og því,
að kennarar þeirra eru mun meiri „pædagogar" en hinir.
Margir mæla, að ýmsar umbætur séu nauðsynlegar nú
þegar við kennaraskólann. Fyrst sú, að inntökuskilyrði í
1. bekk skólans sé hækkað að mun, önnur að enska og
jafnvel þýska verði gerðar að skyldunámsgreinum, og enn-
fremur að skólaárið verði lengt að mun. Efalaust komast
þessar breytingar á með tímanum, en ekki væri til baga að
þær kæmust á heldur fyr en seinna.
Reikningsbók handa alþýðuskólum eftir Jörund Brynjólfi,-
son og Steingrím Arason er nýkomin út; kostar 1 kr. 25 au.