Vísir - 04.08.1961, Blaðsíða 9

V ISIR
9
Þriggja ára vonarbið lýkur.
Maria Callas og elskhugi hennar milljónamæringurinn Onassis.
Maria Callas hefur
unnið mikinn sigur. Ekki
á leiksviðinu eða í söng-
leikahöllunum. Þó mun
hún líta á það sem
stærsta sigur í lífi sínu.
Hún hefur unnið bug á
fordómum og andúð.
Hún fær að eiga mann-
inn sem hún elskar.
Þegar skemmtisnekkj-
an „Christina“ sigldi úr
höfn í Monakó áleiðis til
Majorca fyrir nokkru,
þótti engum vafa bund-
ið lengur, að Maria Call-
as myndi nú á endanum
fá að ganga í hjónaband
við skipakónginn Aristo-
teles Onassis. Því að auk
þeirra voru í þessari
skemmtiferð furstahjón-
in af Monakó, Rainier
fursti og Grace Kelly.
Þá voru menn ekki lengi
að leggja' saman tvo og tvo,
því að Grace Kelly er af
mjög siðavöndum kaþólsk-
um ættum í Bandaríkjunum.
Að undanförnu hefir hún
ekki getað þolað návist
þeirra Onassis og Mariu
Callas, af því að hún taldi
sambúð þeirra ósiðsamlega.
Því hefir mikið breytzt, þeg-
ar Grace Kelly fer með þeim
í þriggja vikna skemmtiferð
um Miðjarðarhafið. Sú
breyting getur aðeins verið,
að Maria Callas hefir sigrað
og hjúskapur hlýtur að vera
á næstu grösum.
Hinar slæmu
fréttir.
Allt í einu hafa spilin ger-
samlega snúizt i hendinni.
Fyrir einum mánuði voru
heimsblöðin uppfull af frétt-
um um að allt væri að fara
út um þúfur milli Maríu og
Onassis. Fréttirinar sem þau
fluttu voru m. a. þessar:
Kaþólska kirkjan viður-
kennir ekki skilnað Maríu og
manns hennar, Meneghimi.
Grace Kelly furstafrú þolir
ekki sambúð Maríu og On-
assis.
Ennfremur gerðist það
fyrir einum mánuði, að On-
assis snæddi hádegsverð
með hinni fráskildu konu
sinni Tinu Livanos á veit-
ingastofunni „Catalan“.
Komu þá á loft fréttir um,
að Onassis og Tina færu
aftur að taka saman. Orð-
rómur barst út um, að María
Callas hefði fengið æði, hún
hefði orðið svo afbrýðis-
söm og ráðizt með offorsi á
Onassis næst er hún hitti
hann.
Blöðin báru fyrirsagnir
eins og þessar; „Maria Call-
as glatar síðustu voninni um
að giftast Onassis“, eða „On-
asis er enn ástfanginn í
Tinu“. Ennfremur var sagt,
að Onassis myndi neyðast til
Búizt við
brúðkaupi
Mariu Callas
og Onassis
á hverri _stundu
þess af viðskiptaástæðum að
taka aftur saman við fyrri
konu sína vegna þess, að
tengdafaðir hans, gamli Li-
vano, er miklu ríkari og
voldugri en hann, á sviði
skipaútgerðarinnar.
Síðustu hindrun
rutt úr vegi.
Allur þessi orðrómur og
sögusagnir hafa nú reynzt
tilhæfulausar. Onassis er
ákveðnari en nokkru sinni
fyrr í þvi að ganga að eiga
Mariu Callas. Og það hefir
nú gerzt í málinu, að Onassis
hefir tekizt að yfirstíga síð-
ustu hindrunina, 1 mótstöðu
þeirra furstahjónanna Rai-
ners og Grace Kelly. Hvern-
ig hann hefir náð samþykki
þeirra er ekki glögglega vit-
að. Máske hefir Onassis beitt
einhverjum „fjármálaleg-
um“ ráðstöfunum, en segja
má að hann eigi orðið mest-
allt í smáríkinu Mónakó,
sem Rainer fursti annars
stjórnar að nafninu til.
Rainer fursta er fullkunn-
ugt um það, að efnahagur
Mónakó er alveg/undir On-
assis kominn. Ef Onassis
væri ekki, er hætt við að
smáríki þetta falli í
gleymsku og dá og Rainer
gæti þá misst þjóðhöfðingja-
stöðu sína, því að samkeppn-
in milil bað- og skemmti-
staðanna á Bláströrídinni er
nú orðin æði hörð.
Áætlun
um óperu.
Onassis gerir allt sem
hann getur fyrir Monakó.
Hann stofnaði nýlega þyril-
vængju-flugleið milli Nizza
og Monakó og hefir nú í
hyggju að reisa við Óperuna
í Mónakó, sem áður var svo
fræg. Vafalaust mun Maria
Calas hjálpa honum við það
endurreisnarstarf og þarf
ekki að efast um, að óperan
verður fjölsótt, ef Maria
Callas tekur að sér eitthvert
hlutverk í henni. María er
nú viðurkennd sem mesta
óperusöngkona heims í dag,
ef til vill mesta óperusöng-
kona, sem uppi hefir verið.
Það sýndi hún bezt með leik
sínum og söng í óperunni
Norma, sem margir telja há-
mark alls þess, sem gert
hefir verið á sviði óperulist-
arinnar.
Nú hafa sættir tekizt milli
Onassis og furstahjónanna
og er talið, að Grace Kelly
hafi loks fallizt á að þau
María og Onassis fengju að
eigast, vegna þess að hvorugt
þeirra er rómversk-kaþólskr-
ar trúar.
Saman á
snekkjunni.
Vildi svo vel til. að á hinni
fögru eyju Majorca undan
ströndum Spánar átti að
vígja nýtt lúxus hótel og
voru þeir Onassis og Rainer
fursti sameigendur að því.
— Varð það þá úr, að þeir
sigldu á snekkju Onassis til
Palma á Majorca og voru
með í ferðinni furstafrúin
og Maria Callas og ýmislegt
annað hefðarfólk. Ferðin
gekk mjög vel og varð það
öllum viðstöddum ljóst er
þau komu til Majorca, að
samkomulagið var ágætt
milli Maríu Callas og Grace
Kelly. Þau skemmtu sér með
ýmsum hætti, fóru í veit-
ingahús og horfðu á nautaat.
Einu sinni fékk Rainer
fursti leyfi til að fara einn
í nautahringinn og æfa sig
þar í friði í listum nauta-
banans. Áhorfendur á hinu
stóra áhorfendasvæði voru
aðeins fimm eða sex, þeirra
á meðal Onassis og María
Callas.
Fyrir þremur
árum.
Þau voru bæði komin yfir
bezta alduripn, þegar þau
hittust í fyrsta skipti fyrir
þremur árum, María Callas
og Onassis. Það er sagt, að
hún hafi aldrei þekkt ástina,
eða að minnsta kosti aldrei
gefið ást sinni lausan taum-
inn fyrr en hún kynntist
Onassis, Ef til vill færði það
þau nær hvort öðru, að þau
eru bæði grísk. Er þau hitt-
ust í fyrsta skipti, töluðu
þau saman á móðurmáli sínu.
María Callas hafði fram
til þessa aðeins hugsað um
frama á listasviðinu. Hún
hafði þess vegna gifzt ít-
ölskum milljónamæringi er
hét Meneghimi, en hefði get-
að verið afi hennar. Máske
hefði hún aldrei komizt eins
langt á listabrautinni eins og
raun ber vitni, ef Meneg-
himi hefði ekki stutt hana.
Hún var honum alltaf mjög
þakklát, en allir vissu, að
það var aldrei um neina ást
að ræða þeirra í milli. María
fékk peninga eins og hún
vildi og Meneghimi gat
verið ánægður yfir því hve
langt skjólstæðingur hans
komst á listabrautinni. Allur
heimurinn fór að kynnast og
Framh. á 5. sfSo.
Mynd þessi var tekin á Majorca og sýnir að þœr hafa sætzt
Maria Callas, efst til vinstri og Grace Kelly furstafrú t.h.
Þær eru að horfa á nautaat. Með þeim er indversk furstafrú.