Tölvumál - 01.02.1988, Page 13

fræðiaðferðir yrðu öðruvísi og hvort tæknin yrði notuð á manneskju-
legri veg. Það er skemmst frá því að segja að mjög skiptar skoðanir
voru um þessi atriði enda kannski ekki nauðsynlegt að geta gefið við
þeim skýr svör. Hins vegar voru allir þátttakendur sammála um að
það væri mjög nauðsynlegt að hvetja konur til starfa í þessari
starfsgrein og styðja konur til áhrifa innan hennar. í þessum
umræðum komu fram ótal tillögur um það hvernig að þessu mætti
vinna bæði á einn og annan hátt. Ég nefni hér nokkur þessara
atriða sem allir áhugasamir aðilar geta tekið til sín að vild.
* Að vinna markvisst að því á hvaða vettvangi sem er að eyða for-
dómum um konur og tækni.
* Að hvetja konur í tölvuheiminum til að koma meira fram opinber-
lega, t.d. nota tækifærið á Tækniárinu 1988 til að halda erindi og
skrifa greinar í fagtímarit eða önnur blöð. Konur í tölvuheiminum
þurfa að verða sér mjög meðvitaðar um að þær eru og þurfa að vera
fyrirmynd fyrir ungra stúlkna sem eru að velja sér námsbraut og
störf.
* Að hvetja konur í tölvuheiminum til að vinna sérstaklega að því að
tölvufræðsla, almenn starfsfræðsla og námsráðgjöf í skólum verði
aukin og að stúlkur séu hvattar til að velja sér störf á þessum
vettvangi ekki síður en strákar. Nauðsynlegt er að gera stelpunum
grein fyrir því að á þessum vettvangi er um fjölmörg mismunandi
störf að ræða. Einnig þarf að vekja forvitni þeirra gagnvart
tækninni og draga úr hræðslu þeirra við stærðfræði og tækni-
greinar.
* Að benda eigendum og stjórnendum fyrirtækja á að nýta sér mun
betur menntun og hæfileika kvenna með því að hvetja þær til meiri
ábyrgðar og stjórnunarstarfa. Bent var á ýmsar leiðir í þessu
sambandi t.d. að "verðlauna" fyrirtæki sem standa sig vel.
Síðast en ekki síst kom fram tillaga um að gefa út bók með titlinum
"Fler kvinnor inom dataomraadet". Fulltrúi Norrænu ráðherra-
nefndarinnar Monika Tamm Buckle tók mjög vel í þá hugmynd og
taldi hana sérstaklega góða með tilliti til þess að árið 1988 er
"Tækniár" og jafnframt verður haldin fjölmenn norræn kvenna-
ráðstefna í Osló næsta sumar. Þegar er farið að vinna að því að
safna efni í bókina og gert er ráð fyrir hún komi út á næsta ári.
Efni bókarinnar verður á svipuðum nótum og efni ráðstefnunnar og
greinarhöfundar úr hópi þátttakenda hennar.
13 -