Tölvumál - 01.05.1991, Blaðsíða 19

Maí 1991
nægilega líkt algengustu
upplýsingakerfum. Einingarmat
er takmarkað og mikilvægt að
það sé einungis notað þar, sem
það á við. Þegar um er að ræða
mjög flókin upplýsingakerfi með
vandasömum sérsmíðuðum
hugbúnaði er vaíasamt að aðferðin
eigi við. Þá hentar kerfis-
þáttaaðferðin best og jafnvel
samanburðaraðferðin."
Markaðsverð
Við framkvæmd kostnaðarmats
er gengið út frá því að eigandi
kerfisins eða ráðgjafar hans séu
vel upplýstur um þá kosti, sem
standa til boða. Hann hafi yfirsýn
yfir verð á vélbúnaði og þekki
afkastagetu og gæði tækja. Miðað
er við að hann sé óbundinn af
viðskiptum við ákveðna aðila,
geti leitað samninga á almennum
markaði og keypt þjónustu á
almennu markaðsverði. Verð á
tækjum og hugbúnaði miðast
við meðalverð á markaði. Ekki
er miðað við sérkjör eða
afsláttarkjör nema þau standi
öllum til boða. Þeir, sem eiga
kost á sérkjörum verða að taka
sérstaklega tillit til þess í
útreikningum.
Tvær bækur um tölvumál
bókasafna
Rannsóknastöð í bókasafna- og
upplýsingamálum við Félags-
vísindadeild Háskóla íslands
hefur gefið út tvær bækur um
tölvur í bókasöfnum. Önnur
fjallar um tölvuvæðingu átta
bókasafna og stofnana á
Reykjavíkursvæðinu: Kennara-
háskólanum, Landspítalanum,
Borgarbókasafni Reykjavíkur,
Borgarspítalanum, Rannsókna-
stofnun landbúnaðarins, Náms-
gagnastofnun, Ameríska bóka-
safninu og einn kaflinn fjallar
um greinasafn Morgunblaðsins.
Er bókin að stofni til nemenda-
verkefni sem unnin voru á
námskeiði um Tölvu í bóka-
söfnum. í ritinu er einnig skrá
yfir greinar um tölvumál bóka-
safna sem birst hafa f íslenskum
ritum.
Hin bókin er alþjóðleg heimilda-
skrá sem tekur með greinar og
bækur um tölvunotkun í bóka-
söfnum. Heitir skráin Biblio-
graphy: Computers in Libraries
and Inforamtion Agencies og er
unnin af dr. Laurel Anne Clyde,
gistiprófessor í bókasafnsfræði
við Háskóla íslands. Alls er skráin
20 síður.
SAA
Ofangreind skammstöfun birtist
á nokkrum stöðum í síðasta
tölublaði vegna greinar um
Systems Application Architecture
frá IBM. Hins vegar lék rit-
vinnslupúkinn okkur grátt með
því að skilja eftir sviga utan um
skammstöfunina SAA.
Upphaflega hét greinin: "Hvað
er System Application
Architecture (SAA)?" Við síðasta
yfirlestur var ákveðið að stytta
fyrirsögnina í "Hvað er SAA?".
Þá tókst hins vegar ekki betur til
en svo að svigarnir urðu eftir
utan um SAA.
Við biðjum höfúnda greinarinnar
velvirðingar á þessum
mistökum.
19 - Tölvumál