Tölvumál - 01.10.2000, Page 3

Tímarit Skýrslutæknifélags íslands
TÖLVUMÁL
• E • F • N • I •
Ný lög um persónuupplýsingar SlGRÚN JÓHANNESDÓTTIR 6
Schengen samkomulagið 0 VlGFÚS ERLENDSSON
Nafnleyndarkerfi ÍE Skeggi Þormar 16
Persónuvernd í viðskiptum og stjórnsýslu Þoreir Sigurðsson 21
E-business Rafrænir viðskiptahættir JÓN SlGURÐSSON OG PER CHRISTIANSEN 23
doc.is JÓN Pétur Einarsson 26
Minning: Ottó A. Michelsen 28
Ráðstefna um persónuvernd í viðskiptum og stjórnsýslu - Dagskrá 30
Ráðstefnur og sýningar 32
Blaðið er að þessu sinni að mestu helgað umræðunni um per-
sónuvernd og birtast hér greinar í tengslum við ráðstefnu Sl og
Staðlaráðs um þetta málefni. Líklega gera sér fæstir grein fyrir því
hve víða upplýsingar um þá eru skráðar og jafnvel hve viða er
fylgst með viðkomandi. Netið er helst nefnt í því sambandi og
víðtæk notkun kennitölunnar er mörgum sömuleiðis hugleikin. Núna
hefur Persónuvernd tekið við af Tölvunefnd og munu ný lög hafa
víðtæk áhrif, og eins og fram kemur í blaðinu, snerta nánast öll
fyrirtæki á landinu sem verða tilkynningaskyld ef þau halda gagna-
grunna sem tengja megi beint við einstaklinga.
í fjárlagafrumvarpinu fyrir árið 2001 kemur fram að verja eigi
64 milljónum króna á næsta ári til tungutækni. Lesendur Tölvumála
minnast þess ef til vill að fyrir rétt rúmu ári síðan var fjallað itarlega
um þennan málaflokk I kjölfar skýrslu sem þá var gefin út af
Menntamálaráðuneytinu en tungutækni var einnig til umræðu á
ráðstefnu Sl og Euromap í desember 1998. Eins og bent var á í
blaðinu á sínum tíma snýst tungutækni ekki bara um tölvur sem tala
og skilja mælt mál heldur ennfremur um atriði á borð við íslenskun
notendaforrita og stýrikerfa, hjálparforrit við ritun íslensku, að
mögulegt sé að nota íslenska stafi við hverskyns aðstæður og við
vélrænar þýðingar.
Að mörgu leyti á okkar ágæta tungumál erfitt uppdráttar í heimi
tölvunnar. Dæmi þar um er hvernig íslenska er limlest í SMS
skeytasendingum og einnig það að langflestir nota núna tölvur sem
búnar eru stýrikerfum og notendaforritum á ensku, og sniðin að
ensku. Ekki mun ástandið batna þegar nauðsynlegt verður að
ávarpa þær á sama tungumáli. Hér þarf að spyrna við fótum. Það
er vonandi að sá skilningur sem þessum málaflokki er sýndur verði
til að sess íslenskunnar verði betur tryggður á öllum vígstöðvum.
Einar H. Reynis
ISSN-NÚMER:
1021-724X
Tölvumál
3