Vísir - 22.08.1963, Blaðsíða 6

6
VlSIR . Fimmtudagur 22. ágúst 1963.
Jóhann Bernhard
MINNINGARORÐ
Jóhann Bemhard ritstjóri lézt
föstudaginn 16. þ. m. að heimili
sínu við Öldujfötu 33 hér í bæ.
Jóhann var fæddur að Hrauni í
Aðaldal Suður-Þingeyjarsýslu 8.
nóv. 1918. Jóhann ólst upp hér í
bæ. Hann stundaði nám við
Menntaskólann í Reykjavík og lauk
þaðan stúdentsprófi 1939.
Á uppvaxtarárum þreytti Jó-
hann ýmsar íþróttir og beindist
hugur hans snemma að frjálsum
íþróttum. Tafl var honum mjög
hugleikið og dráttlist.
Um skeið var Jóhann meðal
hinna fræknustu íþróttamanna er
stunduðu frjálsar íþróttir, methafi
og meistari. Hann var glæsilegur
á velli og heilbrigður í keppni og
vildi ætíð fara að lögum og sýna
fullan drengskap.
Eftir að Jóhann hætti keppni
gerðist hann ötull starfsmaður
fyrir íþrótt sína og svo heitur og
sannur unnandi að tæplega munu
finnast önnur dæmi gleggri.
Jóhann var í K.R. og unni sínu
félagi, en laus við allar félags-
legar öfgar. Hann var allra manna
fróðastur um afrek Islendinga frá
upphafi frjálsra fþrótta.
Iðni Jóhanns og elja að leita
uppi skýrslur og gögn um mót og
árangur manna á ýmsum tímum
og á ýmsum stöðum var frábær.
Átti hann orðið mikið safn sögu-
legra gagna. Safn sem ómetanlegt
mun reynast.
Með útgáfu Árbóka frjáls-
íþróttamanna var stígið stórt og
þýðingarmikið spor. Sögulegt og
menningarlegt afrek unnið. Jóhann
mun þar hafa lagt fram drýgstan
skerfinn sem ritstjóri þeirra bóka.
Fyrsta bókin kom út 1943. Ritstjór-
ar að henni voru Jóhann og Brynj-
ólfur Ingólfsson. Var þar um
Grettistak að ræða hjá þeim fé-
lögum.
Jöhann starfaði um árabil f
stjóm Frjálsfþróttasambands Is-
lands og lagði þar grundvöll að
laganefnd sambandsins. Hann
samdi og þýddi lög og reglur og
var óþreytandi að skipuleggja mót
og semja móta-reglur.
Jóhann var um skeið ritstjóri
íþróttablaðsins, auk þess gaf hann
út fþróttablaðið „Sport',. Hann
skrifaði fjölmargar íþróttagreinar í
dagblöð bæjarins.
Jóhann var samvizkusamur f
öllum ritstörfum og setti sér það
mark, að hafa ætíð það er sannara
reyndist.
Fallinn er góður drengur fyrir
aldur fram. Brautryðjandi á sfnu
sviði.
Jóhann átti mörg störf óleyst.
Hann brast til þess þrek að vinna
úr því safni gagna um fþróttir er
hann með mikilli mæðu hafði
safnað að sér.
„Það krefur tóm, það krefur þrek
að koma þar nokkru f tó.
Hver tæmir allt það timburrek
af tímans stóra sjó.
öxartálgu-spýtur, sprek
og spón. — Til er nóg“.
Hver tekur nú upp þráðinn?
Hver tekur upp merki hins fallna
riddara? Þar er nú skarð fyrir
skildi.
Jóhann kvæntist eftirlifandi
konu sinni, Svöfu Þorbjarnardótt-
ur, 23. maf 1943. Þau eignuðust
þrjú mannvænleg börn, Guðnýju,
Þorbjörgu og Helgu.
Faðir Jóhanns var Jón Jónsson
skipstjóri og er löngu látinn. Móð-
ir hans Guðný Jakobsdóttir býr
hér f bæ; myndarkona og gáfuð.
Jóhann Bernhard er horfinn úr
hðpnum. Hættur að teikna myndir.
Hættur að sétjá sinn sérstáka svip
á frjálsíþróttariiótiri. Hættur að
vera hrókur alls fagnaðar með
spaugi sfnu og kímni.
„Skjótt hefur sól brugðið
sumri“.
Ég kveð þig Jóhánn og þakka
fyrir samfylgdina. Minningarnar
briótast fram og ég verð þögull.
Gakk þú inn í fögnuð herra
þfns.
Undir nýjum himni á nýrri jörð
munu Ieiðirnar aftur liggja saman,
því:
„Háa skilur hnetti
himingeimur.
Blað skilur bakka og egg.
En anda, sem unnast,
fær aldregi
eilífð að skilið".
Samúð vottast aðstandendum,
konu, börnum og móður.
Benedikt Jakobsson.
Syndið 200
metrana
Héraðsmót Sjólfstæðis-
manna í V-Barðastrandasýslu
Héraðsmót Sjálfsíæðismanna í
V-Barðastrandarsýslu var haldið sl.
laugardag á Bfldudal. Mótið var á-
gætlega sótt og fór mjög vel fram.
Samkomuna setti og stjórnaði síð-
an Hjálmar Ágústsson, verkstjóri
Bfldudal. Dagskráin hófst með þvf
að Þorvaldur Garðar Kristjánsson,
framkvæmdastjóri Sjálfstæðis-
flokksins flutti ræðu. Að lokinni
ræðu Þorvaldar söng Guðmundur
Guðjönsson, óperusöngvari einsöng
en undirleik annaðist Skúlj Hall-
dórsson, píanóleikari. Þessu næ:
flutti Jónas G. Rafnar, alþingi:
maður ræðu. Guðmundur Guðjón
son söng síðan nokkur lög. Síða:
á dagskránni var gamanþáttur <
þeir fluttu leikararnir Ári
Tryggvason og Jón Sigurbjörnsso:
Var gerður mjög góður rómur
að málj ræðumanna og einnig var
listamönniínum ágætlega tekið.
Lauk samkomunni svo með dans
’ leik.
ÚLFLjÓTSVATNI
Fyrir nokkru voru tveir dreng
ir hætt komnir á Úlfljótsvatni,
er bát þeirra hvolfdi. Svo heppi-
lega vildi þó til, að tveir foringj-
ar af Vinnu- og skátaskálanum
á Úlfljótsvaíni urðu piltanna var
ir og tókst þeim að bjarga hin-
um nauðstöddu.
Nánari tildrög að björguninni
voru þau, að tveir unglingspilt-
ar frá Ljósafossi höfðu brugðið
sér á bát út á Úlfljótsvatn. Urðu
piltarnir fyrir því óhappi að bát
þeirra hvolfdi. Piltarnir voru í
björgunarvestum og flutu þeir
því á vatninu. Reyndu þeir að
kalla á hjálp, en voru að verða
úrkula vonar um að hún bærist,
eftir að hafa reynt að gera vart
við sig í tæpa klukkustund.
Einn af flokkum Vinnu- og
skátaskólans var i útilegu inni
í Borgarvík, og allt í einu tóku
drengirnir eftir því að tvær
manneskjur flutu á vatninu. —
Brugðu foringjarnir, þeir Sigurð
ur Ragnarsson og Óttar Proppé
skjótt við og hlupu heim að
skálanum á Úlfljótsvatni. —
Hrundu þeir báti á flot og björg
uðu piltunum, sem þá höfðu flot
ið i vatninu klukkustund. Pilt-
arnir voru orðnir allþjakaðir
eftir volkið. Vel gekk að bjarga
þeim upp í bátinn, en síðan voru
þeir fluttir heim að Úlfljótsvatni
og hresstust þeir fljótt.
iidur i b’fresð
50% HÆRRA VERÐ
FYRIR SELSKINN
Verð á selskinni á erlendum
markaði hefur hækkað um 50%
frá því í fyrra. Sala á selsklnni
hefur gengið mjög vel og hefur allt
selskinn verið selt úr landi. Selveiði
í vor er álitin hafa verið heldur
betri en s.l. vor og munu sennilega
um 4 — 5 þús. selir hafa verið veidd
ir í vor.
Vísir nafði í gpermorgun sam-
band við þá tvo aðilja sem mest
selja af selskinni úr landi, Sam-
bandið og Þórodd E. Jónsson, heild-
sala.
Eftir þeim upplýsingum að dæma
sem blaðið fékk er góður markað-
ur nú fyrir selskinn og ágætlega
hefur gengið undanfarin sumur að
selja skinn úr landi. Sambandið
selur skinnin mest til Danmerkur
og V-Þýzkalands, en Þóroddur E.
Jónsson selur mestmegnis til Eng-
lands og Þýzkalands.
Verð það sem veiðimönnum var
greitt fyrir skinnið í sumar var um
1600 kr.
Eins og kunnugt er stendur sel-
veiði einkum yfir í júnt og júlf.
Erfitt er að segja um beztu veiði-
svæðin, en óhætt er að nefna
Skaftafellssýslur og Breiðafjörð
sem góð veiðisvæði.
I gær kviknaði í bíl í Hafnar-
firði og skemmdist hann talsvert,
en þó minna en ætla mætti og var
það vegna skjótra viðbragða
slökkviliðsmanna.
Þannig var málum háttað að um
tíuleytið £ gærmorgun skildi maður
Skoda-bifreið eftir fyrir utan Öldu-
götu 4 í Hafnarfirði á meðan hann
skrapp snöggvast inn í húsið. Hann
kom að vörmu spori út aftur, en þá
var tekið að rjúka úr bifreiðinni.
Var lögreglu og slökkviliði sam-
stundis gert aðvart og eldurinn
fljótlega kæfður. Samt urðu tals-
verðar skemmdir í vélarhúsi og
mælaborði. Gizkað er á að eldur-
inn hafi kviknað í tvisti sem hafði
verið í benzínlokinu en stutt á
milli hans og púströrsins.