Vísir - 17.04.1964, Blaðsíða 4

4
VlSIR . Föstudagur 17. aprfl 1964.
I

i
Vantar sjálft skeggið
„Býr fyrir austan Éli-
vága hundvíss Hymir at
himins enda“, segir í
Hymiskviðu. „Austan
EIivoga“ heitir nýútkom
in ljóðabók eftir Böðvar
Guðmundsson, son Guð-
mundar Böðvarssonar
skálds. Þetta er hans
fyrsta bók, en hann legg
ur stund á íslenzk fræði
við Háskólann og yrkir,
þegar hann má vera að.
„Lestu mikið fornbókmennt-
imar?“
„Ja ég hef lesið Eddurnar
töluvert."
„Heldurðu, að það séu áhrif
frá þeim í ljóðum þínum?“
„Æ, maður getur aldrei dæmt
um það sjálfur, hvort áhrif
koma frá þessum eða hinum“.
„En pabba þínum?"
„Jú, það held ég, að hljóti
að vera. Ég las hann snemma
og alltaf öðru hverju síðan.
Hann hefur sjálfsagt mótað mig
meira en ég get gert mér grein
fyrir.“
„Varstu ekkert hræddur um
samanburð við hann, þegar þú
sendir frá þér ljóðabók?“
vetur, en sumt eldra.“
„Hefurðu ekki verið að yrkja,
síðan þú fæddist eða þar um
bil?“
„Það var nú ekki merkilegur
kveðskapur".
„Ég heyrði, að þú hefðir leik-
ið Skugga-Svein með sérstökum
tilþrifum á menntaskólaárunum
Sarntal v/ð Böðvar
Gubmundsson skáld
„Ojú, ég var anzi myrkfæl-
inn við þetta, enda er sagt, að
fáir verði föðurbetrungar."
„Hvað fannst honum um
kvæðin þfn?“
„Það er kannski ekki fylli-
lega að marka — þykir ekki
hverjum sinn fugl fagur og
svoleiðis allt?“
„Hvað hefur þessi bók verið
lengi í smíðum?"
„Hún er mestöll sfðan í fyrra-
— hefurðu aldrei hugsað þér að
gerast leikari?"
„Nei, droltinn minn, til þess
skortir mig alla hæfileika.
Skugga-Sveinn er sennilega eina
hlutverkið, sem ég hefði getað
leikið"
„Nú, finnurðu til einhvers
andlegs skyldleika við hann?“
„Já, heilmikils. Ég hef ekki
trú á því, að ég hefði getað
leikið neitt annað hlutverk.“
„En þú heppinn að lenda á
þessu eina.“
„Já, það eru ekki allir svo
lánsamir."
„Hefurðu skrifað nokkrar sög-
ur eða leikrit?"
„Nei, ekki nema skólablaða-
skáldskap allra handa. Ég hef
áhuga á að skrifa leikrit, en
til þess þarf maður að kunna
ótalmargt, sem ég kann ekki.“
„Þú ert ekki atómskáld?"
„Nei, það er víst ekki nokkur
leið að flokka mig með þeim.
Mig vantar allt til þess — ég hef
ekki einu sinni skegg!“
„Hver eru aðaláhugamál þín?“
„Ja, ég held bara, að ég hafi
hreint engin, þegar ég fer að
hugsa mig um. Ég er ekki póli-
tískur og gersamlega áhugalaus
um fótbolta ... það er helzt, að
maður reyn; eitthvað að viðra
sig utan f menninguna— ætli
það megi ,ekki kallast aðalá-
hugamálið, ef það verkar ekki of
flott. - SSB
Böðvar Guðmundsson
„Það fer mér ekki vel að reyna
að vera gáfulegur,“ sagði Böðv-
ar, þegar myndinni var smellt
af, og þreif í ofboði út úr sér
pípuna. — (Ljósm.: I.M.)

Það er ekkivdiðinn nema mán-
uður siðan fundi Norðurlandaráðs
i Stokkhólmi lauk, og er þó þeg-
ar farið að undirbúa næsta fund,
sem verður haldinn í Reykjavík
á næsta ári. Eru þegar komin all-
mörg mál á dagskrá fundarins, sem
tekin verða til meðferðar í nefnd-
um á þessu ári. Skýrir fram-
kvæmdastjórn Norðurlandaráðsins
frá því, að 24 mál hafi verið tek-
in á dagskrá.
Þau mál, sem þegar hafa verið
lögð fram fjalla um skólamál ým-
i.-;s konar, en einnig eru þau m.a.
um afstöðuna til TVIannréttinda-
dómstóls Evrópu, um skattamál og
efnahagsmál. Skal hér gerð nokk-
ur grein fyrir helzlu málunum og
sýnir það nokkuð, hvað helzt er
á döfinni í norrænu samstarfi um
þessar mundir.
Laganefnd Norðurlandaráðsins
hefur m.a. til meðferðar tillögur
um aðild að Mannréttindadómstóli
Evrópu. Er þannig mál með vexti
að tvö Norðurlandaríkjanna, Nor-
egur og Svíþjóð, hafa enn ekki
gengizt undir lögsögu dómstólsins
og hefur þar gætt nokkurrar tregðu
En tillagan fyrir Norðurlandaráði
fjallar um að skora á þessi ríki
að fullgilda samning sinn um aðild
að dómstólnum.
Varðandi kennslumál liggur
frammi tillaga um að taka upp
norræn háskólanámskeið í sögu
með líkum hætti og námskeið
hafa verið haldin f tungumálum.
Gæti það stuðlað að því að auka
gagnkvæman skilning á þeim á-
greiningsmálum sem komið hafa
i upp milli Norðurlanda á liðnum
öldum og draga úr einhliða sögu-'
kennslu og andúð milli þjóðanna,
sem á rætur sínar að rekja til lið-
inna atburða sögunnar.
Þá verður rædd tillaga um að
bæta skipulag norrænna skólaferða
laga, sem tilraunir hafa verið gerð
ar með á undanförnum árum. Til-
löguflytjandi heldur því fram, að
skólaferðir þessar hafi orðið hrein
ar skemmtiferðir, þar sem öll
fræðsla hefur farið fyrir ofan garð
og neðan. Úr þvi þurfi að bæta,
ella sé ekki hægt að réttlæta þær.
Merkileg tillaga, sem líkur eru
á að nái samþykki fjallar um arki-
tektanám. Fjöldi norrænna stú-
denta fer til annarra landa, svo
í rfj/rijrV,
sem Þýzkalands og Bandarikjanna
til framhaldsnáms í húsagerðarlist.
Ef námið væri byggt á breiðum nor
rænum grundvelli yrð; það óþarfi
Þyrfti þá að samræma arkitekta-
nám á Norðurlöndum og þá jafnvel
að veita arkitektaréttindi fyrir öll
Norðurlöndin.
Tillaga er um stofnun norrænnar
rannsóknastofnunar í fiskirækt í
vötnum. Hún yrði staðsett í Upp-
sölum og yrðu ráðnir til hennar
sérfræðingar frá öllum Norðurlönd
unum.
Sérkennilegt skattamál liggur
fyrir Norðurlandaráði um sköttun
sjómanna. Eins og kunnugt er, þá
er algengt að færeyskir og norskir
sjómenn vinni á skipum annarra
ríkja, þar á meðal skipum annarra
Norðurlandaþjóða, lengri og
skemmri tíma á ári. Samkvæmt nú-
gildandi reglum eru þeir skattlagð
ir af heimaríki skipanna sem þeir
Vinna á. En nú er lagt til, að út-
svar þeirra falli til heimahéraða
þeirra. Valda núgildandi reglur erf
iðleikum í þeim sveitarfélögum,
sem margir sjómenn fara frá til
vinnu á erlendum skipum.
Þá er enn til athugunar fyrir
Norðurlandaráði tillaga um að
hefja vísi að sameiginlegri hag-
skýrslugerð fyrir Norðurlönd, þar
sem hægt sé m.a. að gera saman-
burð í peningamálum, framleiðslu
og verzlunarmálum Norðurlanda-
ríkjanna. Er það samkvæmt fyrir-
mynd Benelux-ríkjanna( sem hafa
í mörg ár gefið út sameiginlegar
hagskýrslur og er það talið hafa
verið mjög gagnlegt.
Þrír sækja um Odda
Nýlega var útrunninn umsókn-
arfrestur um Oddaprestakall í Rang
árvallaprófastsdæmi. Umsækjendur
um prestakallið eru þrír:
Sr. Gísli Brynjólfsson, fyrrv. pró
fastur. Sr. Óskar Finnbogason,
sóknarprestur að Staðarhrauni Sr.
Stefán Lárusson, sóknarprestur að
Núpi.
Æviskrár 5000 núiifandi ísSendinga
í undirbúningi er úgáfa mikils
rits með æviatriðum um 5 þús-
und núlifandi islendinga. Bókin
verður í tveim bindum og er
hið fyrsta þeirra væntanlegt á
markaðinn i haust að öllu for-
fallalausu.
Vísir hefur aflað sér upplýs-
inga um rit þetta hjá útgefend-
um, en þeir eru Gunnar Einars-
son í Leiftri og Oliver Steinn í
Hafnarfirði. Þeim fórust orð á
þessa leið:
Fyrir allmörgum árum kom út
bókin „Hver er maðurinn?" sem
Brynleifur Tobíasson mennta-
skólakennari tók saman, en Guð
mundur Gamalíelsson gaf út.
Þetta var 1 alia staði hið þarf-
asta rit, svo kærkomið var það
að bókin gekk til þurrðar á ör-
skammri stund og er nú með
öllu ófáanleg.
Nú höfum við ákveðið að gefa
út hliðstætt rit, sem við höfum
hugsað okkur að nefna Samtiðar
menn. Það verður í meginatriö-
um með áþekku sniði og Hver er
maðurinn, en þó öllu samræmd
ara og fellt í ákveðnari og skipu
legri ramma 1 bók Brynleifs
voru tekin nöfn ýmissa látinna
manna, sem mikið höfðu kpmið
við sögu framundir það að bók
in var gefin út. í Samtíðarmenn
er ekki ætlað að taka æviskrá
látinna manna, nema þeir hafi
dáið eftir að upplýsingar bárust
frá þeim til útgáfunnar.
Til þess að vinna að söfnun
og undirbúningi Samtíðarmanna
fengum við þá síra Jón Guðna
son fyrrv. skjalavörð og feðgana
Harald Pétursson safnhúsvörð
og Pétur son hans.
Er, nú búið að vinna nokkuð á
3ja ár að undirbúningi þessa
rits og hefur kostað geysimikla
vinnu og fyrirhöfn. Spurningar-
eyðublöð hafa verið send til um
5 þúsund kunnra manna og
kvenna, ýmist á athafna- eða
menningarsviði, þar sem beðið
er um upplýsingar varðandi ævi
og störf.
Því miður hafa ekki nærri all-
ir svarað þessum spurningum og
verður nú undinn bráður bugur
að því að hringja til þeirra
manna sem ekki hafa svarað, en
óhjákvæmilegt þykir að hafa í
bókinni. Öðrum sem minna máli
skiptir um verður hinsvegar
sleppt ef ekki berast svör frá
þeim, og fyrir bragðið má búast
við að eitthvað lækki sú tala
sem upphaflega var ákveðin.
Vænta útgefendur þess að þeir
sem eyðublöð hafa fengið, verði
nú fljótir til svars og dragi það
ekki öllu lengur.
Bókin verður í tveimur stór-
um bindum, og er það fyrra
þegar komið í setningu. Ef allt
gengur að óskum kemur það
út í haust. f
Hér verður vafalaust um stór
merkilegt rit á sviði persónu-
sögu að ræða, sem jafnframt
verður hið ákjósanlegasta upp-
sláttarrit fyrir all.a þá sem þurfa
á upplýsingum að halda um nú-
lifandi Islendinga.
Jón Guðnason.