Vísir - 09.06.1964, Blaðsíða 7

V í S IR . Þriðjudagur 9. júní 1964.
7
*
— '^7’ið munum á næstunni
leggja höfuðáherzlu á
vatnsveituframkvæmdir og skó’a
byggingar, segir Hjálmar Ólaís-
son bæjarstjóri f Kópavogi í við-
tali við Vísi. Hér er margt ógert
enda er bæjarfélagið mjög ungt
og fólksfjölgun gífurlega mikii.
En það, sem er hvað mest . að-
kallandi, er að tryggja öllum •
bæjarbúum nægilegt vatn og að
sjá til þess, að skólabyggingar
verði í samræmi við fjölgunina
í bænum, sagði bæjarstjórinn.
— Þið eruð að bjóða út
skuldabréfalán vegna fyrirhug-
aðra vatnsveituframkvæmda í
Kópavogi?
— Já. Bæjarstjórn Kópavogs
kaupstaðar hefur sarnþykkt ein-
róma, að bjóða út 5 millj. kr.
skuldabréfalán vegna Vatns-
veitu Kópavogs. Er þetta gert
fyrst og fremst vegna ákvörðun
ar um að reisa mikinn vatns
geymi í Kópavogi, 1350 kubikm.
að stærð, en talið er ókleift að
fullnægja vatnsþörf' bæjarbúa
nema upp verði komið geymi til
miðlunar.
— Þið fáið vatn frá Reykju-
vík, ekki satt?
— Jú. Gerður var samningur.
við Vatnsveitu Reykjavíkur
1949 um að Kópavogur keypti
vatn af Reykjavík I heildsölu.
Var lögð leiðsla þvert yfir Foss-

Hjálmar Ólafsson bæjarstjóri fyrir framan heilsuverndarstcð Kópavogs. í þeirri byggingu verða skrifstofur bæjarstjórnar Kópavogs,
skrifstofa bæjarstjóra og fundarsalur bæjarstjórnar. (Ljósm Vísis I.M.)
i vatnsveitu-
vogsdalinn frá Klifvatni í Foss-
vogi, þar sem önnur aðalæð
Vatnsveitu Reykjavíkur Iiggur
um, yfir að Nýbýlavegi og frá
þessari aðalæð var vatni síðan
drejft um Kópavogsbyggðina.
EKKI NÓG VATN
■— Er vatnsskortur víða í
Kópavogi?
— Það hefur ekki verið unnt
að fullnægja alveg vatnsþörf-
inni alls staðar í kaupstaðnum,
m. a. vegna þess, að hinar gömlu
leiðslur eru víða of þröngar og
þurfa endurnýjunar við. Þegar
Kópavogur var að byggjast í
byrjun var reynt að leggja vatn
til sem flestra á ódýran hátt
yfir hið strjálbýla svæði og þess
ekki gætt, að byggðin mundi
þéttast svo fljótt sem raun hefur
orðið á. Er þar að finna aðal-
ástæðuna fyrii- erfiðleikunum í
vatnsveitumálum kaupstaðarins.
— Er ætlunin að auka mikið
vatnsveituframkvæmdir í ár frá
því er verið hefur?
— Já. Það er ráðgert að verja
4 milljónum króna til vatnsveitu
framkvæmda á árinu 1964, og
að sjálfsögðu mun mestur hluti
þeirrar upphæðar fara í bygg-
ingu vatnsgeymisins. Árið 1962
var varið 913 þús.-kr. til vatns-
veitunnar I Kópavogi og á s.l.
ári 3.1 millj. Nýjar vatnslagnir
á árinu voru 3.3 km á lengd.
MIKIÐ UM
SKÓLABYGGINGAR
— Er mikið byggt af nýju
skólahúsnæði í Kópavogi?
— Já, á okkar mælikvarða er
þar um miklar byggingarfram-
kvæmdir að ræða. Á þessu ári
verða fullgerðar 6 kennslustof-
ur í Digranesskóla, nýjum barna
skóla, en sá skóli er teiknaður
þannig, að auðvelt er að reisa
hann í áföngum.
— Hvað eru margir barna-
skólar í Kópavogi?
— Þeir eru þrír með hinum
hýja skóla. Fyrir eru Kópavogs-
skóli og Kársnesskóli. Er nú
byrjað á 3. áfanga Kársnes-
skóla.
— En er nægilegt gagnfræða-
skólarými?
— Nei, það þarf einnig að
stækka gagnfræðaskólann í
Kópavogi og eru nú uppi ráða-
gerðir um að reisa við hann
verknámsdeild, en mikil þörf er
fyrir hana hið fyrsta.
— Það er mikið byggt af í-
búðarhúsnæði í Kópavogi?
— Já, gífurlega mikið. I árs-
byrjun 1963 var 381 íbúð í bygg
ingu og byrjað var á 289 nýjum
íbúðum á því ári. í árslok höfðu
verið fullgerðdr 60 íbúðir á ár-
inu og auk þess teknar í notkun
190 íbúðir, sem ekki voru full-
gerðar alveg. Við úthlutuðum
alls á 5. hundrað íbúðalóðum s.l.
ár, svo mikil var eftirspurnin
eftir lóðum og raunar mun
meiri.
— Er eins auðvelt að fá lóð-
ir í Kópavogi nú cg áður var?
-v- Nei, við höfum orðið að
draga mjög úr lóðaúthlutunum,
þar eð við komumst ekki yfir
að gera byggingarhæfa eins
margar lóðir og óskað er eftir
árlega.
— Er ekki mest spurt eftir
einbýlishúsalóðum?
— Jú, það hefur verið mikil
ásókn í þær, og bæjarfélagið
hefur reynt að greiða sem mest
fyrir því að menn ferigju slíkar
lóðir. T. d. var Sigvaldi heitinn
Thordarson fenginn til þess að
skipuleggja heil hverfi 50 einbýl
Viðtal við
Hjálmar
Olaísson
hæjarstjára
ishúsa(keðjuhúsa) í Hrauntungu
og annað sams konar hverfi er
nú í undirbúningi við Bræðra-
tungu.
— Fjölgar ekki gífurlega ört
í Kópavogi?
— Jú, eins og bezt sést, ef
íbúatalan árið 1940 er borin sam
an við íbúatöluna í dag. 1940
bjuggu hér aðeins 200 manns,
en í dag eru íbúarnir 7800, eða
álíka margir og í Hafnarfirði.
Það mun Iáta nærri, að fjölgað
hafi um 500 á ári síðustu árin.
Og meirihluti íbúanna er ungt
fólk með mörg börn. Athuganir
leiða í ljós, að hér eru börn
10% fleiri en annars staðar á
landinu.
SLÆMT ÁSTAND í
GATNAGERÐ ARMÁLUM
— Hvernia er ástahdið i
gatnagerðarmálum bæjarins?
— Það er slæmt. Bæjarfélagið
er svo ungt, að það hefur enn
ekki haft tíma og fjármagn til
þess að sinna varanlegri gatna-
gerð og þetta vandamál
er sérstaklega erfitt úrlausn-
ar vegna þess hve Kópa-
vogsbyggðin er dreifð. Láta
mun nærri, að byggðin hér dreif
ist yfir 250 hektara svæði. Göt-
urnar hér eru 50 km að lengd,
en í Hafnarfirði, sem er álíka
fjölmennur bær, eru göturnar
25 km að lengd. Má af þeim
samanburði marka hversu gatna
gerðin er mikið erfiðari og fjár-
frekari hér en annars staðar.
— Fáið þið ekki aukið fjár-
magn til vegagerðar vegna sam-
þykktar hinna nýju vegalaga?
— Jú, en allt það fjár-
magn mun renna til fram-
kvæmda á þeim kafla Reykja-
nesbrautar, er liggur gegnum
kaupstaðinn.
— Hefur nokkuð verið ákveð-
ið hvað gera á við þessa miklu
og hættulegu akbraut, sem ligg-
ur gegnum Kópavog?
— Nei, ekki endanlega. En
ráðagerðir munu uppi um það,
að tvískipta henni og hafa tvær
akreinar í hvora átt á hvor-
um vegarhelmingi.
GOTT SAMSTARF VIÐ
NÁGRANNABÆI
— Hvernig er háttað sam-
starfi við Reykjavík og ná-
grannabæina?
— Það er mjög goii og eykst
stöðugt. Eins og áðttrhefur kom
ið fram fáum við vatfl frá
Reykjavík. 1 byggingu er rrö
mikið holræsi, í Fossvogi, sem
verður fyrir bæði Reykjavík og
Kópavog og við munum greiða
ákveðinn hluta af. Við fáum
slökkviliðsþjónustu frá Rvík og
þannig mætti lengi telja. Sam-
starf við Garðahrepp, Hafnar-
fjörð og Seltjarnarnes er einnig
mjög gott og hefur verið
komið á föstum reglulegum
fundum bæjarstjóra og sveitar-
stjóra á þessu svæði. Slíkir
fundir hafa nú tiðkazt um árs-
skeið.
— Við höfum nú spjallað um
nokkuð margt í starfsemi ykkar
unga bæjarfélags. Er nokkuð
fleira, sem ástæða er til þess að
nefna að lokum?
—, Það má geta þess, að I
byggingu er nú leikskóli og dag-
heimili fyrir yngstu börnin i
einu og sama húsi og verður
það bráðlega tekið i notkun.
Nokkrir gæzluvellir eru starf-
ræktir í kaupstaðnum og á næst
unni verður komið upp nýj-
um barnaleikvelli, sem verð-
ur með nokkuð sérstæðu sniði.
Verður það starfsleikvöllur, þar
sem komið verður fyrir göml-
um bílum og öðru slíku, er á-
stæða er til þess að ætla að
börnin hafi gaman af að leika
sér að. Æskulýðsstarf er mjög
blómlegt hér og höfum við ný-
lega ráðið æslculýðsfulltrúa, ung
an kennara, Sigurjón Hilarius-
son að nafni. Starfar hann á-
samt æskulýðsráði að þvi að
skipuleggja tómstundastarf fyrir
æsku Kópavogs. Við leggjum
mikla áherzlu á þessa starfsemi
élffmitt vegna þess að hér býr
mjög mikið af æskufólki, meira
en víðast aönars staðar.