Vísir - 14.11.1967, Side 9

(nrr°
v 15 i k . pnojaaagur i%. novemoer iööv.
Tnrw—wriníii—ffMiimi rrimi ...........
REYNIR G. KARLSSON FRKSTJ. ÆSKULYÐSRAÐS
„ÆSKULÝÐSRÁÐ STEND-
UR NÚ Á TÍMÁMÓTUM"
Mikið hefur verið rætt um æskulýðsmál að undanförnu, bæði
á Alþingi og víðar, og ýmsar tillögur komið fram varðandi
endurskipulag æskulýðsmála. Sá maður, sem hvað mest hefur
borið hita og þunga æskulýðsstarfsins hér í Reykjavík á síð-
ustu árum er Reynir Karlsson, framkvæmdastjóri Æskulýðs-
ráðs Reykjavíkur, og átti blaðið viðtal við hann um starf-
semi Æskulýðsráðs og framtíðaráætlanir, svo og um ýmis-
legt er varðar unglingana.
Ckrifstofa Æskulýðsráðs er til
° húsa á Fríkirkjuvegi 11, og
hittum við Reyni þar í vistlegu
skrifstofuherbergi, og var greini
legt að húsnæðið hafði veriö
gert upp ekki alls fyrir löngu.
„Já, þegar ég tók við þessari
stöðu fyrir nokkrum árum,
þurfti að gera geysilegar end-
urbætur á húsinu. Fékk ég
unga menn til hjálpar og var
allt húsið málað og gert upp.
Voru stofnaðir ýmsir klúbbar,
sem hafa nú orðið misjafnlega
langlífir. Við höfum opig hús
hérna á kvöldin, og höfum enn
þá opið fjóra daga í viku frá
kl. 8—11. Unglingamir geta
komið hér og sinnt ýmiss konar
tómstundaiðju, spilað plötur o.
fl. Stofnsett voru ýmiss konar
námskeið í tómstundavinnu og
fer mikill þáttur þeirrar starf-
semi fram í skólunum. Hefur
þetta orðið mjög vinsælt, og nú
eru um 3000 unglingar, sem
taka þátt í þessari starfsemi vfir
veturinn.“
„Hver eru nú næstu stórátök
í æskulýðsmálum?"
„Það má segja að Æskulýös-
ráð standi nú á nokkurs konar
“ tímamótum. Undanfarið hafa
farið fram vfðtækar umræöur
um skipulag æskulýðsmála og
komið fram ýmis ný og breytt
viðfangsefni. Það merkasta í
þessu sambandi , er ef til vill
bygging æskulýðsheimilis, en
nú hefur Æskulýðsráö lagt
fram þá tillögu, aö í stað eins
stórs æskulýðsheimilis, verði
byggð 4 minni, eitt til áð byrja
með hér við Tjamargötu, þar
sem fyrirhuguð, var bygging
hins stóra heimilis og síöan
þrjár nokkurs konar miöstöövar
í fjarlægari borgarhlutum.
Jafnframt viljum við að skól-
amir verði nýttir á kvöldin til
félagsstarfa og tómstundaiðju.
Mundi Æskulýðsráð hafa aðset-
ur og skrifstofur í Æskulýðs-
heimilinu við Tjarnargötu, og
þar yröi stór salur, sem notaður
yrði fyrir dansleiki og fjölmenn-
ar skemmanir."
„Hvert telur þú vera hlut-
verk æskulýðsráða og nefnda í
landinu?"
„Það er í fyrsta lagi að styðja
og styrkja æskulýðshreyfing-
una sem fyrir er og að sinna
síðan eins og mögulegt er mál-
efnum hinna ófélagsbundnu og
fá þá til samstarfs. Einnig þarf
að sinna öllum þeim verkefnum,
sem hin frjálsa æskulýðshreyf-
ing hefur ekki haft á stefnu-
skrá sinni eða ekki haft bol-
magn til að framkvæma. Ég
álít að nú þurfi aö skipuleggja
fastmótaða heildarstefnu í
æskulýðsmálum sem nái yfir
landsbyggðina og tengi þannig
saman æskulýðsstarfið um land
allt. Vonandi samþykkir alþingi
frumvarp það um æskulýðsmál,
sem nú liggur fyrir, en þar er
komið mjög ýtarlega inn á þessi
atriði.“
„Hvernig er starfsemi ung-
mennafélagahná háttaö f dag?
Eru það jafn starfsöm og hér
áður fyrr?“
„Sums staðar eru þau það, en
víðast hvar hafa þau misst
frumkvæöiö að ýmsum málefn-
um, og önnur félög og samtök,
sem áöur þekktust ekki, hafa
tekið við. Má t. d. nefna fþrótta-
félögin, skógræktina og ferða-
félögin, sem nú standa fyrir
miklum hluta þeirrar starfsemi,
sem ungmennafélögin byggðust
á áður fyrr. Nú, svo eru breytt-
ir tímar sem ráða f þessu sem
öðru. Ungmennafélagshreyfing-
in var ^jóðarvakning þegar
hún kom fyrst fram." N
„Nú starfrækið þið marga
klúbba fyrir unglinga innan
Æskulýðsráös, hvaða klúbbar
hafa reynzt vinsælastir og
starfsamastir?"
„Þetta er nú allt nokkuð
tfmabundið, og getur jafnvel
verið tilviljunum háö aö ein-
hverju leyti. Stundum taka
heilu bekkimir sig saman í
skólunum og innritast í ein-
hvern tómstundaklúbbanna.
Flestir klúbbanna hafa reynzt
mjög starfsamir og má t.d. nefna
radíóvinnuna sem er geysi
vinsæl i' > þessar mundir.
Einnig hefur ljósmyndaiöja not-
ið mikilla vinsælda bæöi af
stúlkum og_.piltum og eru nú
hátt á annað hundrað unglingar
í þessum klúbb. Sjóvinnunám-
skeiðin hafa líka gengið vel, þó
að einhver samdráttur sé í þeim
í augnablikinu. Við höfum haft
um 60 unglinga á sjóvinnunám-
skeiöum og hafa þeir reynzt
mjög vel, og eru margir þegar
komnir á sjóinn. Nú, svo eru
ýmsar nýjar greinar, t.d. snyrt-
ing, sem er geysivinsæl hjá
stúlkunum, en því miður hefur
okkur ekki gengið nógu vel að
fá kennara til að leiðbeina
stúlkunum. Viö höfum haft
leiklistarklúbba, sem hafa verið
mjög starfsamir undanfarin ár,
og fórum við í sumar í ferðalag
til Þýzkalands í boði þýzkra
æskulýðssamtaka. Leiklistar-
klúbbarnir hafa haft kennara í
framsögn og leiklistarkynningu,,
en ég vil taka fram aö ég tel
tímabært að tekin sé upp fram-
sagnarkennsla í skólum, sem
skyldunámsgrcin."
„Reynist ykkur ekki erfitt að
hafa starfsemina nógu fjöl-
breytta fyrir unglingana, þannig
að þeir fái ekki leið á öllu sam-
an?“
„Ég tel nauösynlegt aö endur-
skipuleggja alla starfsemina á
2—3 ára fresti. Það er alveg
nauðsynlegt að fylgjast vel meö
tímanum og taka inr í starf-
semina alla þá nýju og fjöl-
breyttu þætti í tómstundaiðju
og áhugamálum unglinganna á
hverjum tíma.“
„Hvað með sjónvarpið, hefur
það ekki tekið talsvert af tíma
reykvískra unglinga og dregiö úr
áhuga þeirra á tómstunda-
iðju?“
„Það hefur efalaust haft sitt
að segja, og um tíma voru greini
leg áhrif frá sjónvarpinu á
starfsemina. Ég tel það raunar
ágætt aö unglingar sitji heima
hjá sér með foreldrum sínum
og horfi á sjónvarp. En núna
held ég að þessi áhrif séu hverf-
andi, og þá ekki sízt vegna þess
að mér finnst sjónvarpið alls
ekki gera nógu mikið fyrir ung-
lingana. Sú fjölþætta starfsemi
sem á sér stað um allan bæinn
á vegum ýmissa klúbba og fé-
laga ætti að vora tilvalin sem
sjónvarpsefni, og höfum við t.
d. boðið þeim efni frá okkur,
sem þeir hafa ekki þegið.“
„Nú stofnsetti Æskulýðsráð
nýjan klúbb í sumar, siglinga-
klúbb. Hvemig hefur starfsemi
hans gengið?"
„Viö erum mjög bjartsýnir
á framtíð Róðra- og siglinga-
klúbbsins. og eru meðlimir nú
tæplega eitt hundrað, bæði
piltar og stúlkur. Hafa ýmiss
fyrirtæki gefið okkur eða lánað
báta, og við höfum fengið mjög
gott húsnæði í Nauthólsvík,
sem í vetur verður notað til að
smíða í báta. Ætlum við að
smíða litla báta, svokallaðar
Optimis-jullur, sem mikið eru
notaðar á Noröurlöndunum.
Eigum viö þegar tvo slíka báta
og vonumst til að geta smíðað
nokkra i viöbót í vetur."
„Hvaö getur þú sagt um
framtíð og áætlanir í sambandi
viö helgarskemmtistaðinn í Salt
vík, sem þið opnuðuð í sumar?“
„Við erum mjög ánægöir
með þær skemmtanir, sem
haldnar voru í Saltvík í sumar,
og ef þetta á eftir að takast til
hlítar, þá veröur það að teljast
mikill sigur, þar sem staðurinn
• VSÐTAL
DAGSINS
er allmiklu frjálsari en almennt
gerist erlendis með hliðstæöa
skemmtistaði. Við vonumst til
að unglingarnir eigi eftir að
vera verðir þess trausts sem við
berum til þeirra, og í vetur
munum við gera ýmsar breyt-
ingar og aðstöðubætur fyrir
næsta sumar, þannig að dans-
leikurinn verði ekki aðalatriðið,
heldur verði hægt að velja úr
ýmsum leikjum og þrautum.
Eins og allir muna þótti það
annálsvert hversu prúðir og
þægilegir unglingarnir voru í
sumar á þeim hátíðum og-
skemmtunum sem haldnar
voru, og þá ekki sízt í Saltvík,
þar sem um enga sérstaka um-
gengnisreglugerð var að ræða,
né refsiaðgeröir gagnvart brot-
legum unglingum."
„Að lokum, hver skyldi vera
ástæðan fyrir þcssum skyndi-
legu stakkaskiptum í umgengn-
isvenjum unglinganna?" ■
„Það er eflaust ýmsu að
þakka, en ég tel að betri skipu-
lagning helgarhátíða og
skemmtana ásamt miklu betri
aðstöðu, hafi haft hvað mest að
segja í þessum efnum. Sú fjöl-
þætta samvinna lögreglu, sýslu
manna, æskulýðsfélaga 02 ýœ-
issa annarra, t.d. Hjálparsveitar
skáta, hefur greinilega borið
mjög mikinn árangur."
Á kvöldin koma unglingarnir saman á loftinu á Frikirkjuvegl 11,
hlusta á plötur, tala saman, spila á spil og gera sér ýmislegt til
skemmtunar.