Dagur - 31.12.1997, Blaðsíða 5

MIDVIKUDAGUR 3 l.DESEMBER 1997 - 21
rD^ftr
ANNÁLL ’97
TugmiHjónir í kynlífssögur
Glorsoltnir á kynlífs-
sviðimi reyna lands-
iiieim að fá næringu
símleiðis.
13. se'ptember
Algjör sprenging varð í ásókn
landans í svokallaðar erótískar
símalínur. Þannig upplýsti fram-
kvæmdastjóri Rauða torgsins í
blaðinu að allt að 800 íslending-
ar myndu hringja á dag í Rauða
torgið til að hlusta á kynlífssögur
en dýrt er „drottins orðið“ þar
sem mínútan kostar á sjöunda
Einhver af símadömunum okkar!
„Helsta skammdegisyndið: Leyfðu mér
að ieika við þig!"
tug króna. Mörgum þótti sem
auglýsingar af eggjandi stúlkum
væru orðnar of áberandi og mót-
mæltu þessari þróun. Kynlífsá-
hugi Islendinga spurðist út á ár-
inu og fóru erlend fyrirtæki að
sýna þessum nýja markaði aukinn
áhuga.
Nekt til sýnis
Þá kom einnig í Ijós mikil eftir-
spurn eftir nöktum kven-
mannskroppum. Innflutningur
hélt áfram frá öðrum ríkjum og
þá reyndu íslenskar stúlkur að
rétta af þjónustuhallann við út-
Iönd með því að hátta líka. Ekki
fékkst úr því skorið á árinu hvort
þær dilla sér með listrænum eða
dónalegum hætti, en dansstað-
irnir voru í kastljósi Qölmiðla fyr-
ir eitt og annað umdeilanlegt at-
hæfi innan húss og utan.
Sprengt í gegn
Halldór Blöndal samgönguráð-
herra sprengdi síðasta haftið í
Hvalfjarðargöngunum 3. októ-
ber og óku síðan fyrstu bílarnir í
gegnum göngin. Göngin verða
opnuð um miðjan júlí næsta ár
og hefur framkvæmdin gengið
mun betur en áætlanir gerðu
ráð fyrir.
Umdeild heimsókn
Kínverjar urðu æfir eftir að ís-
lendingar tóku á móti varafor-
seta Taívans; bauð forsætisráð-
herra honum í kvöldverð. Mál-
ið komst á alvarlegt stig þegar
Kínverjar ræddu um að kalla
ræðismann sinn til baka frá ís-
landi og fór sendinefnd á vegum
utanríkisráðuneytisins til Kína
þar sem reynt var að bera klæði
á vopnin.
Pólitískur fráttastjóraslagur
Harður slagur varð um stöðu
fréttastjóra Sjónvarps eftir að
Bogi Agústsson tók sér tíma-
bundið frí til að sinna öðrum
störfum innan RUV. Þegar upp
var staðið hreppti Heigi H. Jóns-
son hnossið. Starfsaðferðir út-
varpsráðs voru mjög umdeildar í
málinu enda þóttu vinnubrögð
bera sterkan keim af pólitískum
hrossakaupum.
Landsmenn sýndu Hallbirni Hjartarsyni kántrýkóngi frá Skagaströnd mikinn samhug eftir að Kántrýbær brann aðfaranótt 22.
október. Húsið eyðilagðist en Hallbjörn var ákveðinn í að gefast ekki upp og er ákveðinn í því að endurreisa staðinn og útvarps-
stöð sem hann hefur starfrækt. Daginn eftir að Kántrýbær brann: Hallbjörn Hjartarson með Katrínu Ingu Hólmsteinsdóttur
barnabarni sínu fyrir framan Kántrýbæ.
Nýr biskup kjörinn
Reykjavík, 9. september
Nýr biskup segist
ekki vera jafnoki
föður síns að neinu
viti. Ólafur Skúlason
kveður um áramótm.
Kosningu um nýjan biskup lauk
í september og var Karl Sigur-
björnsson kosinn með yfirgnæf-
andi meirihluta atkvæða. Auk
hans buðu sig fram Sigurður
Sigurðarson vígslubiskup, Sr.
Auður Eir Vilhjálmsdóttir og sr.
Gunnar Kristjánsson.
Faðir Karls, sr. Sigurbjörn Ein-
arsson, var einnig biskup. Karl
Feðgarnir S/gurbjörn Einarsson og Karl
Sigurbjörnsson við h/n sögulega tima-
mót þegar Karl var vigður til biskups.
Úlafur Skúlason fráfarandi biskup er
fyrir miðju.
var spurður hvort honum fyndist
erfitt að feta í fótspor hans. „Eg
ber mig ekki saman við föður
minn. Ég er ekki jafnoki hans að
neinu viti. En ég tel mig njóta
góðs af því sem ég lærði af hon-
um og móður minni. Það er
ómetanlegt veganesti og hefur
verið mikil blessun í mínu lífi.
Ég treysti að það fylgi mér enn í
þessu nýja hlutverki," sagði nýi
biskupinn.
Olafur Skúlason biskup lét af
embætti síðar á árinu og verður
valdatíð hans að teljast umdeild.
Hann var borinn þungum sökum
sem lituðu seinni hluta biskups-
ferils hans og hefði að Iíkindum
setið lengur ef honum hefði ver-
ið það vært.
Baldur Kristjánsson í iyftunni sögulegu. Hann lætur senn af embætti biskupsritara
þegar Karl Sigurbjörnsson tekur við, og hefur verið orðaður við starf
upplýsingafulltrúa kirkjunnar.
Lokast inni í lyftu
Reykjavík 20. júní
„Það voru engar persónur
Snjólaugar Bragadóttur skáld-
konu heldur helstu ráðamenn
þjóðarinnar sem Iokuðust inni í
lyftu á Biskupsstofu, Laugavegi í
fyrradag.“
Þannig byrjaði frétt blaðsins af
sérstæðri uppákomu þegar allir
handhafar forsetavalds máttu
dúsa inni í bilaðri Iyftu á Bisk-
upsstofu. Um var að ræða Davíð
Oddsson forsætisráðherra, Ólaf
Ragnar Grímsson forseta ís-
lands, Olaf G. Einarsson, for-
seta sameinaðs þings, forseta
Hæstaréttar, Harald Henrysson
og Baldur Kristjánsson biskups-
ritara. Þeir voru að koma af und-
irbúningsfundi fyrir 1000 ára af-
mæli kristnitökunnar árið 2000.
Um 15 mínútur liðu í litlu
súrefni áður en hjálp barst.
Herðatré og helgar bækur voru
notuð til að mynda loftglufu en
reyndust taugar manna góðar
skv. fréttinni. Baldur Kristjáns-
son biskupsritari var spurður
hvort takmörk væru fyrir því
hvað ein lyfta gæti borið valda-
mikla menn. „Já, hún ræður ekki
við þá svona valdamikla. Það
stendur á lyftunni að hún taki 5
manns eða 375 kíló. Það er svo-
lítið umhugsunarefni því að
fimm karlmenn eru miklu meira
en 375 kíló. Sérstaklega ef þeir
eru svona ofboðslegir þungavigt-
armenn! Annað hvort er þetta
japanskur staðall eða þá að
menn fmynda sér að í öllum
hópum sé a.m.k. ein kona og eitt
barn, e.k. módelsfjölskylda. En
það nær engri átt því eins og all-
ir vita eru það fílefldir karlmenn
sem sitja t.d. í nefndum á vegum
kirkjunnar," sagði Baldur.
Heilinn bilar síður í sveitamöimum
Rannsókn fjögurra öldrunarlækna leiddi f Ijós að aldraðir í sveitar-
samfélagi hafa mun meiri vitræna getu en í sjávarplássum á lands-
byggðinni. Heilabilaðir reyndust um tvöfalt fleiri við sjóinn. Þetta
mátti lesa um á forsíðu Dags og var varpað fram þeirri spurningu
hvort íslensk bændamenning leiddi til meiri vitrænna hæfileika en ís-
lensk sjómenning.
Hver er skíðamaður ársins?
Eitt mesta afrek einstaklings í íþróttum hérlendis
var unnið í nóvember þegar Kristinn Björnsson
skíðamaður náði þeim frábæra árangri að verða ann-
ar í heimsbikarmóti á skíðum. Við spyrjum: Hvað
kallast Kristinn í Olafsfirði í daglegu tali?
Svar: Kiddi Bubba. Hvað annað?
Kristinn
Björnsson.
Jólasvemar í vondum málum
Það lá nærri að jólasveinarnir sem sóttu Akureyringa heim þegar
kveikt var á trénu við Ráðhústorg í desember, yrðu sóttir til saka.
Sveinunum láðist nefnilega að fá sérstakt leyfi Iögregluyfirvalda til að
halda sýningu á lambhrúti einum sem þeir höfðu með sér og brugð-
ust dýraverndaryfirvöld illa við. I fyrstu stefndi í að sveinarnir yrðu
kærðir en þeir sluppu með aðvörun. Jólasveinar hafa orðið fyrir gagn-
rýni víða um heim að undanförnu vegna misheppnaðrar framkomu.
Einna frægast varð þegar breskur sveinn sló barn í stórmarkaði ný-
verið.
Jólarjúpur voru ódýrar
Ovenjumikið framboð var af rjúpu fyrir þessi jól og hrundi verðið
niður fj'rir 400 krónur og það fyrir hamflettan fugl. Fyrir nokkrum
árum slagaði verð fyrir rjúpu hátt upp í 1000 krónur. Kenna sölu-
menn þeim verðtoppi um að landsmenn hafi tileinkað sér aðra
jólafugla og ódýrari.