Dagur - 10.06.1998, Blaðsíða 3

,<* «
X^MI-
FRÉTTIR
MIÐVÍKUDAGUR io. JÚNÍ 1 998 - 3
Landsvirkjim með
eigið umhverfísmat
Halldór Jónatansson,
forstjóri Landsvirkj-
unar, segir að Lands-
virkjun hafi þegar
haíið gerð skýrslu um
mat á umhverfisáhrif-
um Fljótsdalsvirkjun-
ar. Byggist athugun
þessi á rauusóknum
sem hafa staðið yfir
um árahil og kemur
einuig til með að taka
tiUit til rauusókna,
sem ætlunin er að fari
fram nu í sumar á
vegum fyrirtækisius.
Finnur Ingólfsson, iðnaðarráð-
herra, segir að hann telji eðlilegt
að Landsvirkjun Iáti fara fram
umhverfismat vegna fyrirhugaðr-
ar Fljótsdalsvirkjunar, enda þótt
þess þurfi ekki þar sem virkjana-
leyfið var gefið út áður en Iögin
um umhverfismat tóku gildi.
Halldór Jónatansson, forstjóri
Landsvirkjunar, var spurður að
því í gær hvort Landsvirkjun ætl-
aði að láta umhverfismatið fara
fram?
„Samkvæmt ákvörðun frá því
fyrr á árinu hefur Landsvirkjun
þegar hafið gerð skýrslu um mat
á umhverfisáhrifum Fljótsdals-
tdrkjunar. Byggist athugun þessi
á rannsóknum sem hafa staðið
yfir um árabil og kemur einnig til
með að taka tillit til rannsókna,
sem ætlunin er að fari fram nú í
sumar á vegum fyrirtækisins,“
sagði Halldór
Spanna öll áhrif
Hann segir að allar þessar rann-
sóknir spanni þau áhrif sem
virkjunin og rekstur hennar get-
ur haft á umhverfi sitt, ekki að-
eins gróðurfar og dýralíf, svo
sem fugla og hreindýr heldur
einnig strandlengju Héraðsflóa,
ferðamennsku og samfélag.
„Verður hér um að ræða
skýrslu áþekka þeirri sem gerð
var á sínum tíma um áhrif hækk-
unar Blöndulóns enda þótt sú
framkvæmd hafi ekki verið háð
umhverfismati samkvæmt lögum
um mat á umhverfisáhrifum nr.
63 frá 1993 fremur en Fljóts-
dalsvirkjun sem er undanþegin
slíku mati þar sem virkjunarleyfi
var gefið út fyrir henni fyrir gild-
istöku laganna," segir Halldór
Halldór Jónatansson.
Mun standast kröfumar
Hann segir að skýrslan um mat á
umhverfisáhrifum Fljótsdals-
virkjunar verði þannig úr garði
gerð að hún muni standast þær
kröfur sem gerðar eru til slíkrar
skýrslu samkvæmt lögum um
mat á umhverfisáhrifum.
„Gera má ráð fyrir að skýrsla
sú sem Landsvirkjun hefur nú f
undirbúningi varðandi umhverf-
isáhrif Fljótsdalsvirkjunar liggi
fyrir f haust. Með gerð hennar er
það ætlun stjórnenda Lands-
virkjunar að gera rækilega úttekt
á umhverfisáhrifum virkjunar-
innar og láta hana vera leiðbein-
andi í öllum ráðstöfunum sem
að gagni megi koma í því skyni
að bygging Fljótsdalsvirkjunar og
rekstur hennar valdi sem
minnstri röskun á umhverfinu,"
sagði Halldór.
Hann segir að stjórn Lands-
virkjunar muni fjalla um skýrsl-
una þegar hún liggur fyrir og þá
taka afstöðu til þess hvort hún
verður nýtt sem grundvöllur um-
hverfismats samkvæmt lögum
nr. 63/1993. Slík ákvörðun hefur
enn ekki verið tekin og bíður síns
tíma.
Á varöbergi
Samtök um verndun hálendis
Austurlands sendu í gær frá sér
yfirlýsingu þar sem fagnað er yf-
irlýsingu Finns Ingólfssonar,
iðnaðarráðherra, um að Fljóts-
dalsvirkjun eigi að fara í um-
hverfismat.
„Samtökin benda hins vegar á
að umhverfismat þjónar litlum
tilgangi ef Landsvirkjun verður
ekki gert skylt að fara eftir niður-
stöðunni," sagði Hrafnkell A.
Jónsson, stjórnarmaður í sam-
tökunum. Hann sagði umhverf-
ismat sem Landsvirkjun ræður
hvernig fer fram og hvort farið
verður eftir matinu væri einskis
virði. — s.DÓR
Sjómannsstarfið er eitt af hættu-
legustu störfunum.
Sjómeimska
hættulegust
Þótt dauðaslysum a sjó hafi
fækkað hefur slysum á sjómönn-
um fjölgað þrátt fyrir bættan
skipastól. Brynjólfur Mogensen
yfirlæknir telur að einn af hveij-
um tíu sjómönnum slasist á ári
hveiju og árlegur slysakostnaður
þeirra sé um 200-300 milljónir
króna. Þetta kemur fram í
skýrslu þingnefndar um öryggis-
mál sjómanna.
Á tímabilinu 1964-1974 var
tilkynnt að meðaltali um 283 slys
á sjómönnum til Tryggingastofn-
unar ríkisins á móti 536 á tíma-
bilinu 1986-1996 þrátt fyrir betri
skipastól. Um 80% þessara slysa
eru sögð stafa af mannlegum
mistökum. Þá hafa að meðaltali
30 sjómenn verið metnir til ör-
orku á hveiju ári á tímabilinu
1984-1996. Árið 1996 námu t.d.
útgjöld slysatrygginga TR rúm-
lega 463 milljónum króna. Þar af
voru 184 milljónir vegna sjó-
manna, eða 39% heildarútgjalda.
Sjómenn eru hinsvegar aðeins
5% vinnuafls á vinnumarkaði.
- GRH
Knstján Þór kjðnim bæjar-
stjóri með 7 atkvæðum
Jón Kr. Sdlnes formað-
ur skólanefndar og
Þröstur Ásmundsson
formaður menningar-
málanefndar.
Fyrsti fundur nýkjörinnar bæjar-
stjórnar Akureyrar var í gær og
þar var Sigurður J. Sigurðsson
(D) kjörinn forseti bæjarstjórnar
með 7 atkvæðum, fjórir seðlar
voru auðir. Ásgeir Magnússon
(F) var kjörinn 1. varaforseti,
Ásta Sigurðardóttir (B) 2. vara-
forseti og Vilborg Gunnarsdóttir
(D) og Sigfríður Þorsteinsdóttir
(B) ritarar. Ásgeir Magnússon
(F) verður formaður bæjarráðs,
en aðrir nefndarmenn Oddur
Helgi Halldórsson (L), Jakob
Björnsson (B), Valgerður Hrólfs-
dóttir (D) og Sigurður J. Sigurðs-
son (D). Fundi stýrði í upphafi
Ásta Sigurðardóttir, aldursforseti
bæjarstjórnar. Kristján Þór Júlí-
usson (D), sem kjörinn var bæj-
arstjóri með 7 atkvæðum, kynnti
málefnasamning meirihluta-
flokkanna. Jakob Björnsson (B)
sagði fátt nýtt í málefnasamn-
ingnum, meirihlutinn tæki við
góðu búi en hann hefði vissar
áhyggjur af áformum um skuld-
setningu vegna áætlaðra fram-
kvæmda. Áform um aukin Iaun
ákveðinna starfsstétta gætu
hækkað rekstrarkostnað bæjar-
sjóðs um tugi milljóna króna. Ás-
geir Magnússon (F) taldi mál-
efnasamninginn byggðan á bjart-
sýni og nú færu hjólin á Akureyri
að snúast hraðar, ekki síst í at-
vinnulífinu.
Kosið var í fastanefndir til
fjögurra ára og eru formenn
helstu nefndanna sem hér segir;
í atvinnumálanefnd Valur Knúts-
son, bygginganefnd Knútur
Karlsson, félagsmálaráð Oktavía
Jóhannesdóttir, íþrótta- og tóm-
stundaráð Þórarinn B. Jónsson,
menningarmálanefnd Þröstur
Ásmundsson, skipulagsnefnd
Vilborg Gunnarsdóttir, skóla-
nefnd Jón Kr. Sólnes, stjórn
veitustofnana Valgerður Hrólfs-
dóttir, umhverfisnefnd Jón Ingi
Cæsarsson, jafnréttisnefnd Sig-
rún Stefánsdóttir, framkvæmda-
nefnd Ásgeir Magnússon og hús-
næðisnefnd Jóhann Sigurðsson.
Formaður Hafnarsamlags Norð-
urlands, sem er samstarfsverk-
efni nokkurra sveitarfélaga, er
Björn Magnússon.
Þess má geta að engar umræð-
ur urðu um fundargerðir bæjar-
ráðs né fundargerðir sex fasta-
nefnda. — GG
Engin olíuhreinsunarstöð?
Samkvæmt fréttum Rúvak í gær benda líkur til þess að ekki verði af
áformum um byggingu olíuhreinsunarstöðvar í Skagafirði. Bráða-
birgðaniðurstöður um hugsanlega hagkvæmni slíkrar stöðvar benda
til þess að reisa þurfi mun stærri stöð en hugmyndir hafa verið um til
þessa til þess að stöðin myndi bera sig. Samkvæmt heimildum Rúvak
þyrfti að reisa 4-8 milljóna tonna stöð í einum áfanga til að hún beri
sig en hugmyndir voru uppi um að reisa milljón tonna stöð í fyrsta
áfanga með hugsanlegri stækkun í 4ra milljóna stöð síðar.
íslands- og Norðurlandamet Völu
Vala Flosadóttir setti í gær nýtt Islands- og Norðurlandamet í stang-
arstökki utanhúss þegar hún stökk 4,31 metra á alþjóðlegu frjálsí-
þróttamóti í Bratislava í Slóvakíu. Hún lenti í þriðja sæti á mótinu en
sigurvegari varð Daniela Bartova sem setti nýtt Evrópumet þegar hún
stökk4,51 metra.
Forseti íslands og forsetafrú snæddu kvöldverð í boði forseta Eistlands,
Lennart Meri, í gærkvöld.
Forsetahjónin í Eistlandi
Ólafur Ragnar Grímsson, forseti íslands, er nú í opinberri heimsókn
í Eistlandi. I ávarpi sínu til þings Eistlands áréttaði hann þá afstöðu
Íslands að sá réttur sem smáríkjum yrði tryggður í nýju öryggiskerfi
Evrópu væri prófsteinn á siðferðilegan styrk breytinga í öryggismálum
álfunnar. Sem stofnríki Atlantshafsbandalagsins væri ísland þátttak-
andi í þessari þróun og legði áherslu á rétt Eystrasaltsríkjanna til að-
ildar að bandalaginu. Forsetahjónin og fylgdarlið snæddu kvöldverð í
boði forseta Eistlands í gærkvöld.