Dagur - 07.09.1999, Blaðsíða 11

ÞRIDJUD AGV R 7. SEPTEMBER 1999 - 11
Ouyir
ERLENDAR FRÉTTIR
Allt stjómlaust á Austur-Tímor
Sjálfskipaðir „varðliðar“ hafa farið um með ofbeldi á Austur-Tímor í kjölfar
kosninganna I síðustu viku.
Indónesíski herinn
tekur þátt í ofbeldis-
verkunum, hundruð
manna hafa látist og
þúsundir ílýja á degi
hverjum.
Svonefndir „varðliðar“ á Austur-
Tímor, sem vilja fyrir alla muni
koma í veg fyrir sjálfstæði eyjar-
helmingsins, hafa svo sannarlega
staðið við hótanir sínar um að
halda áfram ofbeldisverkum sín-
um ef þátttaka í kosningunum,
sem fram fóru í síðustu viku, yrði
mikil.
Flestum kom á óvart hversu
friðsamlegt var á sjálfan kjördag-
inn, en þá flykktust eyjarskeggjar
á kjörstaðina þrátt fyrir hótanir
varðliðanna.
Eftir kosningar má segja að
ógnaröld hafi ríkt á eyjunni,
hundruð manna hafa látið lífið
og þúsundir manna hafa flúið frá
Austur-Tímor.
í gær voru tugir húsa brenndir,
þar á meðal hús eins helsta leið-
toga sjálfstæðissinna á Austur-
Tímor, Carlosar Belos biskups.
Varðliðarnir réðust á um 6.000
manna hóp sem hafði leitað hæl-
is á jarðareign Belosar. Carlos
Belo hlaut friðarverðlaun Nóbels
árið 1996 ásamt Jose Ramos-
Horta.
Stjórnvöld í Indónesíu hafa
sent fjölmennt herlið til Austur-
Tímors í því skyni að hafa hemil
á varðliðunum, en vitað er að
sterk öfl innan indónesíska hers-
ins eru andvíg sjálfstæði. Margir
ráðamenn hersins eiga efnahags-
legra og viðskiptalegra hagsmuna
að gæta á Austur-Tímor, þar sem
þeir hafa komið sér vel fyrir í
skjóli indónesískra yfirráða.
Indónesískir hermenn hafa þvf
margir hverjir slegist í hópinn
með varðliðunum og farið um
eyjuna með ofbeldi. Vitni sögðu
að hermenn hefðu skotið úr
byssum sínum til að hræða bæði
fréttamenn og starfsmenn Sam-
einuðu þjóðanna á burt. Sömu-
leiðis sást til hermanna Ieggja eld
að húsum.
Yfirmaður lögreglunnar á
Indónesíu viðurkenndi í gær að
ástandið á Austur-Tímor væri
farið algjörlega úr böndunum og
að stjórnvöld hafi enga stjórn
lengur á þróun mála.
Tugir þúsunda hafa flúið frá
Austur-Tímor og í gær var flótta-
mannastraumurinn orðinn það
stríður að um 1.000 manns fóru
yfir landamærin til Vestur-
Tímors á hverri klukkustund.
Urslit kosninganna voru til-
kynnt á laugardag, og kom þá í
ljós að 78,5% hefðu hafnað tak-
markaðri sjálfstjórn Austur-
Tímors innan Indónesíu, en það
þýðir að stefna skuli að fullu
sjálfstæði eyjarhelmingsins.
Kosningaþátttakan var gífurlega
mikil, nærri 99% þeirra sem voru
á kjörskrá mættu á kjörstað.
Urslit kosninganna eru reynd-
ar ekki bindandi, heldur aðeins
ráðgefandi, en reiknað er með
því að stjórnvöld í Indónesíu virði
úrslitin og setji af stað ferli, sem
muni ljúka með því að Austur-
Tímor hljóti fullt sjálfstæði. Það
ferli gæti hins vegar tekið um
fimm ár.
Stjórnvöld í Indónesíu hafa
ekki verið til umræðu um að af-
henda Sameinuðu þjóðunum
fullt eftirlit með öryggismálum á
Austur-Tímor, heldur viljað sjá
um þau sjálf jafnvel þótt bæði
her og lögregla hafi samúð með
varðliðunum.
Bílasprengjur eftir imdirritim
ISRAEL - Þrír menn létust og einn er alvarlega slasaður eftir að tvær
sprengjur sprungu á sunnudag í bifreiðum í norðurhluta Israels.
Talið er að þeir sem létust hafí verið sprengjumennirnir sjálfir.
Sprengjurnar sprungu í tveimur borgum, Tíberias og Haífa, nokkrum
klukkustundum eftir að samkomulag Israels og Palestínumanna var
undirritað. Ekki var vitað strax hveijir báru ábyrgð á sprengingunum,
en herskáir múslimar hafa hótað því að halda áfram sprengjuárásum
í mótmælaskyni við samkomulagið.
Rússneskir hermenn skutu þrjá
Serba
JÚGÓSLAVÍA - Rússneskir hermenn skutu þrjá Serba í austurhluta
Kosovo í gær. Serbarnir voru vopnaðir og höfðu skotið á bifreið með
Albönum en síðan beint skothríðinni að rússneskum hermönnum
sem komu aðvífandi. Serbarnir höfðu þá orðið einum Albana að
bana.
Tilrædi við Mubarak
EGYPTALAND - Skýrt var frá því í gær að gerð hafí verið tilraun til
að ráða Hosní Mubarak, forseta Egyptalands, af dögum. Maður réðst
að honum með hníf á lofti og hlaut Mubarak sár á handlegg, sem
mun þó ekki vera alvarlegs eðlis. Lífverðir Mubaraks skutu manninn.
Tyrkneskur verktaki handtekinn
TYRKLAND - Tyrkneskur byggingarverktaki hefur verið handtekinn,
en hann bar ábyrgð á byggingu margra húsa sem hrundu eins og
spilaborg í jarðskjálftanum sem varð þann 17. ágúst. Ekki er vitað
hvort fleiri handtökur fylgja í kjölfarið, en mörgum byggingarverktök-
um hefur verið kennt um að manntjónið varð jafn mikið og raun varð
á vegna þess hve lítið var hugsað um öryggi húsanna þótt vitað sé að
um jarðskjálftasvæði sé að ræða.
Friðarviðræðnr hefjast á ný
NORÐUR ÍRLAND - Á Norður-írlandi hófust í gær viðræður kaþ-
ólskra og mótmælenda til að reyna að finna lausn á deilumálum
þeirra, en lítil bjartsýni ríkti í herbúðum beggja. Það er George
Mitchell, fyrrverandi öldungardeildarþingmaður í Bandaríkjunum,
sem hefur tekið að sér enn á ný að vera milligöngumaður í samninga-
viðræðunum, en hann átti hlut að máli þegar samningar tókust á
föstudaginn Ianga árið 1998. Framkvæmd þess samkomulags hefur
strandað á því að Irski lýðveldisherinn hefur ekki viljað hefja afvopn-
un og þykir mörgum sem hann hafi rofið vopnahlé með hótunum og
ofbeldi sem átt hefur sér stað.
Hæstiréttur ísraels banitar
pyntingar
ÍSRAEL - Hæstiréttur í Israel hefur komist að þeirri niðurstöðu að
leyniþjónustan Shin Beth megi ekki beita pyntingum. Allir níu dóm-
arar hæstaréttarins voru á einu máli um að slíkt teldist lögbrot.
Mannréttindasamtök hafa árum saman beint spjótum sínum að ísra-
elskum stjórnvöldum fyrir að láta það viðgangast að leyniþjónustan
beiti pyntingum, en talið er að um þúsund Palestínumenn hafi mátt
sæta slíkri meðferð á ári hverju.
Fjórar ferðir alla virka daga til Akureyrar:
Fleiri ferðir
REYKJAVIK - AKUREYRI
TIL FRÁ
BROTTFÖR KOMA BROTTFÖR KOMA
virka daga
mán-fös 07:40 - 08:25 08:45 - 09:30
mán-fös 11:40 - 12:25 12:45 - 13:30
mán-fös 15:40 - 16:25 16:45 - 17:30
mán-fös 18:40 - 19:25 19:45 - 20:30
Laugardaga
laugard. 08:40 - 09:25 09:45 - 10:30
laugard. 11:40 - 12:25 12:45 - 13:30
laugard. 17:40 - 18:25 18:45 - 19:30
Sunnudaga
lau/sun 11:40 - 12:25 12:45 - 13:30
sunnud. 15:40 - 16:25 16:45 - 17:30
sunnud. 18:40 - 19:25 19:45 - 20:30
Enn eykur íslandsflug þjónustu sína.
Nú höfum vió bætt við fjórðu ferðinni
í síðdegisflugi milli Reykjavíkur og Akureyrar
og nýrri ferð á laugardagsmorgnum.
Þjónustan um borð er einnig til fyrirmyndar.
Þú getur látið fara vel um þig í sætinu og
blaðað í Degi eða Viðskiptablaðinu með
nýtt og ilmandi kaffi í bollanum.
Taktu flugið með íslandsflugi!
www.islandsflug.is sími 570 8090
Skrifstofa íslandsflugs á Akureyrarflugvelli, sfmi 461 4050 • fax 461 4051 • aey@is!andsfíug.is
gf»rr fi&irum ifsart mö