Dagur - 19.12.2000, Blaðsíða 2

Dagur - 19.12.2000, Blaðsíða 2
2 - ÞRIDJUDAGUR 19. DESEMBER 2000 XR ^rnm&r FRETTIR t Leikfélagið selur vegna skulda Borgin kaupir Iilut LR í Borgarleikhúsinu. Kaupverð 200 iiiillj ónir. Birur og dopur timamót. Skilyrtur leigusamuiugur í 12 ár. Borgarráð mun væntanlega sam- þykkja á fundi sínum í dag, þriðjudag að borgin kaupi 7% eignarhluta Leikfélags Reykja- víkur í Borgarleikhúsinu. Kaup- verðið er um 200 milljónir króna. Þar með hefur borgin eignast allt Borgarleikhúsið. Jafnframt er gert ráð fyrir því að borgin geri samning við leikfé- lagið til 12 ára um starfsemi þess í húsinu. Söluverðmætið ætlar leikfélagið að nota til að greiða niður skuldir sínar sem sagðar eru nema um 150 milljónum króna. Félagsfundur sa mjjykící i A félagsfundi í Ieikfélaginu fyrir skömmu var eignarsalan sam- þykkt mótatkvæðalaust en nokkrir sátu hjá. Páll Baldvin Baldvinsson formaður Leikfélags Reykjavíkur vildi ekki tjá sig um þessi tímamót f sögu félagsins fyrr en búið væri að afgreiða það úr borgarráði. Bitur og döpur tímamót Samkvæmt heimildum Dags kom fram á fé- lagsfundinum að þetta væri það eina sem hægt væri að gera vegna erfiðrar fjárhagsstöðu fé- lagsins. Hins vegar finnst mörgum félags- mönnum og þá einkum þeim eldri að þetta séu bitur og döpur kaflaskil í sögu fé- lagsins. Sérstaklega þegar haft er f huga að á sínum tíma unnu leikfélagsmenn hörðum höndum við að safna peníngum til bygg- ingar Borgarleikhússins en eiga nú ekkert í því. Helgi Hjörvar: Fjárstuðningur tryggður. Þótt leikfélagsfólk telji að það eigi einhverja sök á því hvernig komið sé, þá telja þeir að hlutur borgarinnar sé ekki minni og m.a. vegna þess fjársveltis sem Ieikhúsið hefur mátt búa við. Þá sé óvíst hvað gerist eftir 12 ár, enda getur borgin þá ráð- stafað húsinu að eigin geð- þótta og er laus allra mála við Ieikfélagið nema annað verði ákveðið. Skýrari linur Helgi Hjörvar forseti borgar- stjórnar segir að í þessum samn- ingi verði tryggður fjárstuðning- ur við leikfélagið. Það er um 180 milljónir á ári að teknu tilliti til verðlagsþróunar sem kann að verða á samníngstímanum. I ár nam styrkur borgarinnar til leik- félagsins um 170 milljónum króna. Um leið tryggir leikfélagið að það muni standa fyrir sjö leik- sýningum á hverju leikári á samningstímanum. Það skuld- bindur sig einnig til taka inn í húsið tvær uppfærslur frá öðrum leikhópum á hverju leikári fyrir „sanngjarnt" verð eins og það er orðað. Fulltrúi borgar úr leikhúsráði Hann segir að ástæðan fyrir þessum kaupum á eignarhluta leikfélagsins sé aðallega vegna þess að það þykir hentugra að hafa eignarhald hússins á einni hendi. Það hefur jafnframt í för með sér skýrari Iínur á milli borgarinnar annars vegar og leik- félagsins hins vegar. Samkomu- Iagið gerir einnig ráð fyrir því að fulltrúi borgarinnar hverfi úr leikhúsráði. Það þýðir að borgin hefur ekki lengur aðkomu að listrænni stefnu leikfélagsins og verkefnavali. Híns vegar mun borgin áfram hafa hönd í bagga með rekstri húseignarinnar, en borgín er með meíríhluta f sam- starfsnefnd um húsið. - GRH Jóhanna Sigurðardóttir fékk loks svör. Svöruðu umsíðir Viðskiptaráðherra lagði fyrir þinghlé fram skýrslu um ið- gjaldahækkanir tryggingafélag- anna, en það voru þingmenn Samfylkingarinnar sem óskuðu eftir skýrslunni. Lengi vel ætl- uðu tryggingafélögin ekki að svara þeim mörgu spurningum sem Jóhanna Sigurðardóttir og fleiri þingmenn kröfðust svara um. Skýrslan er mikil, þótt spurn- ingunum sé svarað af mismikilli kostgæfni. Helst er að sjá að tryggingafélögin kenni breyttum skaðabótalögum um miklar ið- gjaldahækkanir, eirikum breyt- ingu 1999 með breyttum bóta- útreikningi. Eitt tryggingafélag- anna teliir þessar breytingar skýra um 40% iðgjaldahækkun- arinnar. „Skýrslan var lögð fram á laugardag og hefur mér ekki enn unnist tími til að lesa hana. Ég sá þó þegar ég blaðaði í gegnum hana að tryggíngafélögin hafa svarað," segir Jóhanna Sigurðar- dóttir, um skýrsluna. - fþg Engin metsala Lausíeg könnun Dags bendir til að bóksala sé svipuð og í fyrra en ekki meiri eins og ýmsir hafa talið. Fjöldi álitlegra titla er í boði fyrir þessi jól og virðist sem margar bækur muni seljast dável en aðrir verða undir eins og gengur. Svo virðist sem bókaverð sé heilt yfir svipað og í fyrra en verslunarmenn segja ekki algilt að afsláttarkjör ráði mestu um val neytenda. Þórhalla Þórhallsdóttir, versl- unarstjóri í Hagkaupi, segir að salan sé ekki meiri en í fyrra en hins vegar sé slegið meira af verði í einstökum tilboðum í ár en í fyrra. Dæmi séu um að Hag- kaup selji bækur á 70% afslætti og hafi neytendur brugðist vel við því. Helga Valborg Pétursdóttir hjá Pennanum- Eymundsson segir söluna svipaða og í fyrra það sem af er, en það segi ekki alla sög- una, þar sem langmest sé keypt af bókum síðustu dagana fyrir jól og einkum á Þorláksmessu. 30% afsláttur er algengur á bókatitl- um í verslunum Pennans. Verslunarmenn eru sammála um að gæði útgáfunnar séu mik- Það getur verið erfítt að velja í bókafíóðinu. il og fjölbreytt ásókn í titla. ís- lenskar skáldsögur, s.s. Draumar á jörðu eftir Einar Má Guð- mundsson og Oddaflug Guðrún- ar Helgadóttur njóta vinsælda. Þá selst vel af ævisögum Einars Ben og Steins Steinarr. Útkall Ottars Sveinssonar, Harry Potter, og 20. öldina mætti ennfremur nefna en allt of snemmt er að spá fyrir um vinsælustu bókina. - BÞ Lítið veitt af rækju Úttekt og endanlegri ráðgjöf Hafrannsóknastofnunarinnar fyrir úthafsrækjuveiði fiskveíði- árið 2000/2001 er lokið og er niðurstaðan sú að Hafrann- sóknastofnun leggur til að afii úr úthafsrækjustofninum fari ekki fram yfir 25 þús. tonn. Stofnstærð úthafsrækju hefur verið í mjög mikilli lægð undan- farið og er lækkunin talin koma í kjölfar aukinna gangna þorsks á norðurmið á árunum 1997- 1998. I skýrslu langtímanefndar frá því árið 1994 um þróun þorskstofnsins var pví spáð að samfara stækkun þorskstofnsins væri fyrirsjáanleg veruleg minnk- un rækjustofnsins. Þá var talið að afli gæti minnkað úr 60-70 þús. tonnum í minna en helming þess magns. Þessi niðursveifla er nú komin fram. Úthafsrækjustofninn náði sögulegu lágmarki fiskveiðiárið 1999/2000. Við mat á rækju- stofninum núna sýnist stofninn þó vera aðeins að vaxa á ný sam- fara minnkandi göngum þorsks norður fyrir land. - BÞ Björn Bjarnason. Gætu komist í háskóla Björn Bjarnason menntamálaráðherra vill að gefnu tilefni taka fram að þeir nemendur sem Ijúka áttu stúdentsprófi nú um áramót og hyggjast sækja um inngöngu í háskóla eiga rétt á að fá staðfestingu um námsframvindu sína hjá skólameisturum framhalds- skólanna. I 6. gr. Iaga nr. 136 um háskóla frá 1997 segir að nemendur, sem hefji nám í háskóla, skuli hafa lokið stúdentsprófi, öðru sambærilegu námi eða búa yfir jafngildum þros- ka og þekkingu að mati stjórnar viðkomandi háskóla. Ennfremur skuli tryggt að inntökuskilyrði í háskóla og námskröfur svari jafnan til þess sem krafist er í viðurkenndum háskólum á sambærilegu sviði erlendis. - bþ Halldór óskar heilla Halldór Ásgrímsson, utanríkisráðherra, sendi í gær Colin Powell hershöfðingja árnaðaróskir í tilefni af tilnefningu hans í embætti ut- anríkisráðherra Bandaríkjanna. Powell mun sitja í ríkisstjórn George W. Bush, sem tekur formlega við völdum forseta Bandaríkjanna 20. janúar næstkomandi. - BÞ Rætt uin sölu á Orkuhúiuu Engin afstaða hefur verið tekin af hálfu sveitarstjórna á Vestfjörðum til sölu á 60% hlut þeirra í Orkubúi Vestfjarða tií ríkisins samkvæmt tilboði sem barst 7. nóvember sl. Ríkisvaldið hefur gerttilboð í orku- fyrirtækið en hluti af andvirði söluhagnaðar sveitarfélaganna er skil- yrtur þannig að hann gangi til greiðslu á skuldum við félagslega íbúð- arkerfið. Sveitarfélögin mynduðu viðræðuhóp og eru að ræða við rík- isvaldið um fýsilegri lausn fyrir þau, en sum þeirra eru í miklum fjár- hagslegum vandræðum. Kristján Hálfdánarson, framkvæmdastjóri Orkubús Vestfjarða, seg- ir það heldur ekki ákveðið hvort Orkubúinu verði breytt f hlutafélag. Til þess þarf lagabreytingu á Alþingi og ekki verður farið að huga að því fyrr en þing kemur saman á nýjan leik 29. janúar nk. - gg Nýtt öflugt fjarskiptakerfi Lína.Net, dótturíyrirtæki Orkuveitu Reykjavíkur og Fjarski, dóttur- fyrirtæki Landsvirkjunar, hafa gert samning um samtengingu fjar- skiptakerfa fyrirtækjanna upp úr áramótum og verður þá til nytt og öflugt grunnnet sem í framtíðinni mun ná til stærsta hluta landsins. Mcð þessu fyrirkomulagi geta fyrirtækin samciginlega boðið gagna- flutninga til belstu þéttbýlissvæða, á sviði internet - , síma - og ann- arra fjarskiptatenginga sem þurfa mikla flutningsgetu. - FÞC •I

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/251

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.