Dagblaðið Vísir - DV - 16.01.1982, Blaðsíða 10

10
DV-HELGARBLAÐ. LAUGARDAGUR 16. JANÚAR 1982,
Ferðamál Ferðamál Ferðamál Ferðamál
Breytingar á fargjöldum
auðvelda utanlandsferðir
— segir Jón Guðnason, f ramkvæmdast jóri Sögu,
nýrrar ferðaskrifstofu í Reykjavík
„Það er engin stöðnun 1 þessari at-
vinnugrein frekar en í öðrum. Ferða-
mál eru i stöðugri þróun og það hafa
orðið gífurlegar breytingar á allra
siðustu árum sem auðvelda ferðalög
milli landa, til dæmis ýmsar breyting-
ar í fargjaldamálum flugfélaga,”
sagði Jón Guðnason, framkvæmda-
stjóri ferðaskrifstofunnar Sögu i
Frá vinstri: Bjarni Stefánsson, Pétur
Björnsson, Jón Guðnason, Magnús
Vigfússon, Þorvaldur Jónsson og Guð-
mundur Ásgeirsson. Á myndina vantar
Ágúst Sigurósson f Stykkishólmi.
(DV-mynd Einar Ólason).
„Óskaferðin mín væri fótosafari til Kenya og siðan vikuhvfld á Seychelleseyjum,”
segir Jón Guónason. (DV-myndGVA)
spjalli við ferðasíðuna.
Saga er nýjasta ferðaskrifstofan í
Reykjavik og var opnuð fyrir nokkr-
um dögum að Laugavegi 66. Þar með
munu ferðaskrifstofuleyfi hérlendis
vera orðin ein 30. Eflaust þykir
sumum nóg um fjöldann í ekki
stærra samfélagi, en Jón Guðnason
telur slíkt óþarfa áhyggjur:
„Það er varla hægt að tala um
mikla fjölgun í stéttinni. Fólk sem
hefur unnið við þennan rekstur hjá
öðrum stofnar eigin skrifstofur og
þetta eru fyrst og fremst þjónustu-
fyrirtæki. Fleiri ferðaskrifstofur
auka fjölbreytni í ferðavali og þjón-
ustu og koma því viðskiptavinunum
til góða.”
— Á hvað mun Saga leggja mesta
áherzlu á i byrjun?
„Fyrst er nú að passa það að vera
nógu litill í bransanum,” segir Jón og
brosir við. „Saga mun leita meira inn
í Mið-Evrópu með ferðir og til nýrra
staða í sólarlöndum, til dæmis Kor-
síku og Rhodos. Þá eru Mexícóferðir
að fara af stað og er þó flogið um
New York. Það eru tveggja vikna
ferðir sem kosta 11—14 þúsund
krónurogsameina áhuga ferðalanga
á menningu og hvíld. Ýmislegt fleira
er á döfinni sem á eftir að koma í
Ijós. Við munum sjá um alhliða
ferðaþjónustu, seljum farseðla hvert
sem er, pöntum hótel og bílaleigu-
bíla, skipuleggjum ferðir einstaklinga
sem hópa og þar fram eftir götun-
um.”
— Ællar Saga ekki að taka þátt I
hinum hefðbundna sólarlandaslag?
„Við verðum með ferðir á nýja
staði á Mallorka og það er ekki vafi á
að fólk heldur áfram að sækja til sól-
arlanda. En ferðaskrifstofurnar gætu
haft og eiga að hafa samstarf um
leiguflug þangað en bjóða síðan upp
á mismunandi dagskrá þar úti. En
Saga mun ekki síður annast fyrir-
greiðslu fyrir þá sem ferðast á eigin
vegum. Slíkar ferðir gerast æ ódýrari
og þar ráða menn sjálfir sinum
dögum. Þetta stafar ekki sízt af því,
að fargjöld í áætlunarflugi eru
stöðugt að nálgast það verð sem er f
leiguflugi. Við höfum áhuga á að
fylla upp í ýmis göt sem hér hafa
myndazt, til dæmis með ferðum til
Norðurlanda og Mið-Evrópu. Þótt
hér sé um nýja ferðaskrifstofu að
ræða þá nýtur hún að vissu leyti gam-
alla og traustra viðskiptasambanda,”
sagði Jón Guðnason. Hann er sonur
Guðna Þórðarsonar, fyrrum ferða-
skrifstofukóngs og hefur unnið hjá
Sunnu og fleiri ferðaskrifstofum.
Ferðamál eru því nokkuð sem Jón
þekkir út og inn. -SG.
Þegar farangurinn týnist
eða ferðatékkunum stolið
Fyrirhyggja getur aldrei orðið til
tjóns þegar ferðalög eru annars veg-
ar, hvort sem um er að ræða við-
skiptaferð eða skemmtiferð á eigin
vegum ellegar í hópferð ferðaskrif-.
stofu. Fyrirhyggjuleysi getur orðið
dýrkeypt og einnig er áríðandi að
bregðast rétt við þegar óhöpp verða.
Flugferð milli landa er mörgum til-
hlökkunarefni meðan aðrir kvíða
flugsins í marga daga áður en lagt er
upp. Raunar má telja fullvíst að
margir þeir sem sýnast borubrattir
í flugvél séu þeirri stundu fegnastir
þegar þeir hafa fast land undir fótum
á ný. Mikil sala á áfengum drykkjum
í flughöfnum og um borð í flugvélum
er til marks um það hve rhargir telja
sig þurfa eitthvað róandi. Sama má
segja um miklar reykingar i flug-
vélum.
Ekki eru allir sem vilja deyfa flug-
hræðsluna með áfengi. Sé óttinn við
að fljúga hins vegar mjög sterkur, er
sjálfsagt að fá eitthvað róandi hjá
lækni áður en lagt er upp og taka
samkvæmt fyrirmælum hans. En þá
ber líka að láta áfengi lönd og leið því
lyf og áfengi eru ekki heppileg
blanda.
Stundum heyrir maður fólk vera
að gera grín að Ameríkönum fyrir
frjálsmannlega framkomu um borð í
flugvélum. Þeir eru oft mikið á ferli
meðan á flugferð stendur og taka blá-
ókunnugt fólk tali. En þetta er
einmitt það sem á að gera. Alla vega
að standa upp og hreyfa sig. Það er
óhollt að sitja krepptur í þröngu sæti
klukkustundum saman og nauðsyn-
legt að koma hreyfingu á blóðrásina í
fótunum með þvi að ganga um.
Einnig er gott að teygja handleggina
upp og reyna að liðka sig eftir beztu
getu. Hafið með ykkur lesefni,
handavinnu, krossgátur eða eitthvað
annað. Þá líður tíminn hraðará flug-
inu. Klæðist ekki of þröngum fötum
Ferðamál
Sæmundur
Guðvinsson
á langleiðum og það er miklu þægi-
Iegra að fara úr þröngum skóm og
vera á sokkaleistunum.
Týndur farangur
Þeir sem ferðast í hópferðum geta
venjulega hallað sér að traustum far-
arstjóra ef eitthvað bjátar á. En hinir
sem ferðast á eigin vegum verða að
treysta á sjálfa sig.
Mikilvægt er að merkja farangur
vel, bæði utan á töskur og innan.
Gott er að setja á blað það helzta sem
ferðatöskurnar innihalda. Það getur
komið sér vel ef taska týnist. Þegar
ferðast er rneð fleiri en eina tösku þá
hafið ekki alla nauðsynlegustu hlut-
ina í sömu töskunni. Það gæti verið
að einmitt hún týndist.
Komi farangur ekki fram ber að
snúa sér strax til afgreiðslu viðkom-
andi flugfélags og/eða yfirmanns á'
farangursafgreiðslu m flugvallarins.
Sýnið farangursmiða sem festir eru
við farseðilinn. Lýsið hinum týnda
farangri eins nákvæmlega og unnt er
svo hægt sé að hefja eftirgrennslan.
Komi farangur ekki í leitirnar þá
þegar, ber að skilja eftir upplýsingar
um hvar hægt sé að ná sambandi við
eigandann. Hringið til flugfélagsins
næsta dag og leitið upplýsinga. Bóli
ekkert á farangrinum, spyrjið þá um
reglur varðandi greiðslur fyrir óþæg-
indin. Um þetta gilda engar fastar
reglur en sjálfsagt að spyrja. TWA til
dæmis segist borga 35 pund á dag í
tvo daga eftir að farangur hefur verið
týndur í einn sólarhring. En 80% af
týndum farangri kemur nú í leitirnar
innan þess tíma.
önnur óhöpp
Týnist vegabréf er áríðandi að til-
kynna það strax til lögreglunnar og
náið sambandi við næsta sendiráð fs-
lands eða ræðismann. Ef ferðatékk-
arnir týnast ber að tilkynna lög-
reglu slikt og fara síðan rakleitt í
þann banka eða skrifstofu sem gefur
tékkana út (Visa, American Express
eða hver sem útgefandi er) og gefa
upp númer tékkanna sem eru á lausu
blaði er fylgir tékkunum. Vegna
þessa meðal annars á aldrei að geyma
lausa blaðið á sama stað og tékkana.
Viðkomandi banki lætur nýja tékka
af hendi. Ofangreint gildír einnig ef
menn týna creditkorti, sem nú er
hægt að fá í Landsbankanum gegn
vissum skilyrðum.
Ef svo óheppilega vill til að ferða-
langur lendir i því að vera handtekinn
þá ber að krefjast þess að fá að ná
sambandi við næsta ræðismann eða
sendiráð og óska hjálpar.
Það gerist æ algengara að íslend-
ingar fari utan með bíl sinn eða leigi
bil erlendis. Áríðandi er að kynna sér
vel allar umferðarreglur viðkomandi
landa og hvað ber að gera ef óhapp
verður. Upplýsingar fást hjá skrif-
stofum bifreiðaklúbba, bílaleigum og
ferðaskrifstofum. Hafið eina megin-
reglu í huga. Hún er sú að nema alltaf
staðar ef óhapp verður, hversu smá-
vægilegt sem það sýnist vera. Smá-
nudd utan í annan bil getur orðið að
stórmáli ef ekki er stanzað og rætt
við ökumann hins bílsins.
Mjög áríðandi
Áður en botn er sleginn í þessar
ráðleggingar væri ekki úr vegi að
minnast á það sem alls ekki má
gleymast: Tryggið ykkur í bak og
fyrir sem og farangurinn. Þú tryggir
ekki eftirá, segir i auglýsingunni og
það eru orð að sönnu. Það getur
orðið dýrt að leggjast inn á sjúkrahús
erlendis og líftrygging er sjálfsögð
öryggisráðstöfun. Skiljið eftir heima
upplýsingar um hvar hægt er að ná í
ykkur meðan á ferðalagi stendur. Ef
þið þurfið að flýta ykkur heim í
miðri ferð eru flugfélög og ferða-
skrifstofur reiðubúin til aðstoðar. Og
svo að endingu: Munið eftir nauðsyn-
legum bólusctníngum þegar farið er
til fjarlægari landa. -SG.
ítölsk
list
fLondon
Listelskir Lundúnafarar ættu ekki
að láta einstæða sýningu fram hjá sér
fara. í The Victoria and Albert
Museum er stærsta sýning á ítalskri
renaissance list sem sézt hefur utan
ítaliu í hálfa öld. Þarna eru yfir 300
verk eftir Titian, Rubens og aðra
stórlistamenn. Verðmæti Iistaverk-
anna er sagt nema 15 milljónum sterl-
ingspunda. Því miður stendur þessi
sýning aðeins út þennan mánuð.
í The Museum of London er
sýning frá fyrstu árum brezka flug-
vélaiðnaðarins. Þar eru flugvélar sem
smíðaðar voru fyrir fyrri heimsstyrj-
öld, módel af öðrum og teikningar.
Þarna má sjá upphaf tegunda sem
flestir kannast við svo sem De Havill-
and, Hawker og ShOrt Brothers.
Þessi sýning stendur fram til 9. mai.
The Royal Opera er með mörg
þekkt verk á fjölunum svo sem II
Trovatore og Don Giovanni. English
National Opera er meðal annars með
Leðurblökuna, La Traviata og Aida.
Um mánaðamótin verður opnuð
sýning í Tate Gallery sem nefnist
„Turner and the Sea” og verður opin
fram til 27. júni.
Þeir sem hafa áhuga á knattspyrnu
vilja eflaust sjá Englendinga etja
kappi við Norður-íra á Wembley, en
sá leikur fer fram þann 23. febrúar.
-SG.
Margt
getur
hentá
feröa-
lögum