Dagblaðið Vísir - DV - 23.02.1982, Side 31

DAGBLAÐIÐ & VÍSIR. ÞRIÐJUDAGUR 23. FEBRÚAR 1982.
31
Sandkorn Sandkorn Sandkorn
Bakhfiðin ð ð-
fenginu
Áfengis- og tóbakseinka-
sala ríkisins útdeilir guða-
veigunum og mega aðrir þar
ekki koma nærri. Þótt dýrar
séu sækja menn stift i
veigarnar. Fiknin getur
gengið of langt, eins og
dæmin sanna, en þá koma
ýmsir til hjálpar. Þekkt er
starfsemi AA-samtakanna og
nú seinni ár gróskumikið starf
SÁÁ.
Starfsmenn ÁTVR vita
auðvitað að ekki verður öllum
gott af miðinum. En þeir gera
i sitt til þess að minna á þessa
hlið áfengisins. Stofnunin
hefur á að skipa liði frækinna
knattspyrnukappa. Þeir tóku
eins og margir aðrir þátt i
firmakeppni í knattspyrnu á
dögunum. Auglýsing var á
bolum þeirra ÁTVR-manna
: eins og ýmissa annarra fyrir-
I tækja og á baki þeirra ÁTVR-
manna mátti lesa stórum
stöfum SÁÁ.
Einn stolinn að
austan
Við megum til með að stela
einum úr Austra, blaði þeirra
framsóknarmanna á Aust-
fjörðum. Sá er til kominn
vegna atburðanna í Póllandi.
Sú saga gengur i Varsjá að
hermaður hafi skotið mann á
götu 10 minútum fyrir kl. 11
um kvöldið.
„En útgöngubannið byrjar
ekki fyrr en klukkan 11,”
andmælti vegfarandi nokkur.
„Það er alveg rétt,” segir
hermaðurinn „en ég veit hvar
hann átti heima og hann hefði
aldrei komist þangað á 10
mínútum.”
... og annar til
Og fyrst við erum byrjaðir
að stela úr Austra er rétt að
annar fylgi með. Þessi stuldur
er ekki svo alvarlegur vegna
þess að framsóknarmennirnir
á Austfjörðum stálu þessum
bröndurum úr Newsweek.
Hringferðir brandaranna eru
órannsakanlegar.
„Hvers vegna cru pólskir
lögreglumenn alltaf saman?"
„Það er vegna þess að
einn er læs, annar skrifandi
og sá þriðji er til þess að hafa
gát á menntamönnunum
tveimur.”
Nýr skóli í
vesturbæ
- Heyrzt hefur að Magnús
Skúlason, form. byggingar-
nefndar Reykjavikurborgar,
og Sigurður Harðarson,
form. skipulagsnefndar, hafi
fyrir þrábeiðni formanns
fræðsluráðs, Kristjáns Ben.,
og Braga Jósepssonar,
fulltrúa Alþýðuflokks i
fræðsluráði, fallizt á að
teikna nýjan skóia i vesturbæ.
Þoldi ekki bið
Ung stúlka hafði fengið lyf-
seðil hjá lækni sínum fyrir
pillunni. Hún gekk með lyf-
seðilinn í veskinu i nokkra
daga og var næstum búin að
gleyma honum, enda lá víst
ekki mikið á.
Dag nokkurn ók hún
framhjá lyfjabúð og mundi
þá eftir lyfseðlinum. Hún
hljóp inn og bað vin sinn að
hinkra — hún yrði enga
stund. ___
Hún vatt sér að af-
greiðslustúlkunni i apótekinu
og sagði: „Haldið þér að ég
gæti fengið þetta afgreitt
strax — það er nefnilega
beðið eftir mér úti i bíl?”
Afgreiðslustúlkan brosti og
sagði: „Ég skil, ég skal gera
hvað ég get.”
Sjönhverfingar
sökimanna
,,. . . kom dálítið spánskt
fyrir sjónir, að kaupendurnir
vildu hafa tékkneskt letur á
umbúðunum” — segir dr.
Örn Erlendsson i viðtali við
DV sl. föstudag.
Það ku aftur á móti koma
Sölustofnun lagmctisins afar
tékkneskt fyrir sjónir að
Bandaríkjamenn skuli nú
vilja hafa spánskt letur á af-
urðum, sem sendar eru til Rio
de Janeiro, með tilliti til þess
að þær eru ætlaðar til áts í
Frakklandi.
Nú skulu kflóin
fjúka
Gróin og ágæt „I.íkams-
rækt" auglýsir nú aukna fjöl-
breylni í þjónustu í tilefni 15
ára afmæiis. Ýmislegt er þar
nefnt sem til heilsubólar má
verða. Meðal þess eru matar-
kúrar og leiðbeiningar, vigtun
og mæling.
Mesta athygli Sandkorns
vakti eftirfarandi: „3ja vikna
kúrar 4 sinnum i viku".
Um þetta er ekkert nema
gotl eitt að segja en víst má
lelja að kílóin fjúki við þessa
meðferð.
Bragi Sigurðsson
Kvikmyndir
Nureyev og Nastassja Kinski: Margir kalla þau kvikmyndapar ársins
RUDOLF NUREYEV 0G
NASTASSJA KINSKI
SAMAN í NÝRRIMYND
Rússneski ballettdansarinn Rudoif
Nureyev og þýzka leikkonan Nast-
assja Kinski hafa nýlokið viö að leika
saman í kvikmynd sem ber nafnið
Uppljóstrun.
Nureyev hefur sem sagt lagt ball-
ettskóna á hilluna í bili tíl að gerast
kvikmyndaleikari, en þetta er í fyrsta
sinn sem hann hittir hina undurfögru
Nastössju sem náði heimsfrægð fyrir
leik sinn I kvikmyndinni Tess undir
stjórn Romans Polanski. í Uppljóstr-
uninni leikur Nastassja fyrirsætu sem
hittir fiðluleikarann Daníel (Nurey-
ev) á listasýningu.
Daníel verður strax ástfanginn af
þessari laglegu stúlku og segir henni
frá leyndarmáli sínu. Hann er á hött-
unum eftir foringja hryðjuverka-
manná sem staðið hafa að því að
myrða foreldra hans. Nastassja er I
þjónustu umrædds glæpaforingja en
þykist auðvitað vera sakleysið upp-
málað til að blekkja Nureyev.
— Ég þekkti Nastössju ekkert áður
en við lékum saman i myndinni, segir
Nureyev. —* En nú er ég stórhrifinn
af henni. Hún á örugglega eftir að ná
jafnlangt og Ingrid Bergman — bara
ef hún gætir þess að velja sér rétta
leikstjóra. Ég vildi gjarnan leika á
móti henni aftur.
Nastassja er aðeins 21 árs að aldri
en hefur þegar unnið með mörgum
heimsþekktum leikstjórum, eins og
t.d. Polanski, Coppola og Schrader,
en það er James Tobac sem stjórnar
þessari nýju mynd hennar.
Nastassja hefur keypt sér hús í
New York og býr þar ásamt móður
sinni. Og nú hefur hún í hyggju að
reynasigáleiksviði.
Lemmon og Matthau
í nýrri kvikmynd
Nýlega var frumsýnd í Bandaríkj-
unum kvikmyndin Buddy Buddy með
þeim félögum Jack Lemmon og
Walter Matthau. Er þetta fjórða
myndin sem þessir vinsælu leikarar
leika saman í og jafnframt 25. mynd-
in sem Billy Wilder leikstýrir.
Myndin hefur ekki hlotið mjög
góða dóma. Segja margir gagnrýn-
endur að þetta sé lélegasta mynd
Billys Wilders hingað til en það sem
haldi henni uppi sé afburða leikur
Lemmons og Matthaus.
Lemmon leikur þarna misheppn-
aðan eiginmann sem leigir sér hótel-
herbergi í þeim tilgangi að fremja þar
sjálfsmorð. í næsta herbergi við hann
er Matthau i hlutverki leigumorð-
ingja sem hefur fengið það verkefni
að skjóta mann út um gluggann á
herberginu.
Lemmon lítur á Matthau sem
hreinustu himnasendingu: Félaga tíl
að deila með síðustu stund lifs síns.
Matthau er honum þó alls ekki sam-
mála, það eina sem hann óskar eftir
er að fá frið til að einbeita sér að
„verkefni” sínu.
Kvikmyndir
Of lugasta rallkeppni Norðurlanda:
Hörð keppni í
sænska rallinu
— Svíinn Stig Blomquist sigraði — Enginn íslendingur með
að þessu sinni en bræðurnir Omar og lón Ragnarssynir
kepptuífyrra
Öflugusta rallkeppni Norðurlanda,
Sænska rallið, var haldið um síðustu
helgi í Karlstad í Svíþjóð. Keppnin var
1400 km með 25 sérleiðum og var þetta
önnur keppnin á árinu sem gefur stig til
heimsmeistara. Hin fyrsta var Monte
Carlo rallið sem haldið var í janúar.
Sænska rallið er sama keppnin sem þeir
bræður Ómar og Jón Ragnarssynir
tóku þátt í á síðasta ári með ágætum
árangri, en enginn íslendingur var með
I þetta skiptið. Alls tóku 130 bílar þátt í
rallinuíár.
Sigurstranglegastir frá upphafi þóttu
Audi Quattro bílarnir þrír sem þau
Hannu Mikkola, sigurvegari frá í fyrra,
Stig Blomqvist og franska stúlkan
Michelle Mouton óku. Óvist var að
Michelle yrði með vegna meiðsla sem
hún varð fyrir í Monte Carlo þar sem
hún ók á húsvegg, en hún lét það ekki á
sig fá og mættí galvösk til leiks.
Á fyrstu sérleið bilaði bíllinn hjá Stig
Blomqvist og féll hann við það niður i
113. sæti, en hann komst fljótlega af
stað aftur og var kominn í annað sæti
eftir að hafa sigrað á næstu 7 sérleiðum
á eftir. Mikkola hafði hins vegar
forystuna þegar leið að lokum keppn-
innar og þegar tvær sérleiðir voru eftir
leit út fyrir þrefaldan sigur fyrir Audi
Quattro, en á næstsíðustu sérleið seig á
ógæfuhliðina. Mikkola ók út af og
meðan hann var að ná bilnum aftur inn
á veginn komst Blomqvist fram úr
honum. Ekki gekk jafnvel hjá Michelle
Mouton að komast framhjá Mikkola,
því að hún ók á bíl hans og henti
honum út í skafl. Það tók Mikkola um
30 minútur að moka bilinn út aftur.
Michelle lenti aftur á móti út af
veginum hinum megin, en missti ekki
nema nokkrar mínútur. Þó féll hún við
það niður i 5. sæti. Stig Blomqvist
sigraði sem sé í Sænska rallinu 1982
með því að vinna 16 sérleiðir af 25, og
eru Svíar þar með búnir að hefna ófar-
anna fyrir Finnum frá í fyrra, en þá
sigraði Finni og var það í fyrsta skiptið
í 30 ár sem Svíar höfðu ekki sigrað I
þessari keppni. í öðru sæti varð aftur á
móti Finninn Ari Vatanen á Ford
Escort, Walter Rörl á Opel Ascona 400
,varð 3. og Per Eklund á Saab turbo 4.
Franska stúlkan Michelle Mouton
Sigurvegarinn f Sænska rallinu 1981 Hannu Mikkola á Audi Quattro. Honum gekk
ekki eins vel i ár, en sigurvegarinn Stig Blomqvist ekur á sams konar bfl.
t öðru sæti um siðustu helgi var Ari Vatanen á Ford Escort. 1 fyrra ók hann á sams
konar bfl. Ari Vatanen var heimsmeistari i rally 1981.
hafnaði einsog áður sagði í 5. sæti.
- Ólafur Guömundsson.
t fyrra tóku bræðurnir Ómar og Jón Ragnarssynir þátt i Sænska rallinu. Þá höfnuðu
þcir í 66. sæti. DV-myndir ÓlafurGuðmundsson.