Dagblaðið Vísir - DV - 16.06.1983, Blaðsíða 15

DV. FIMMTUDAGUR16. JUNI1983.
15
Uppskera frá átta árum
Þaö var húsfyllir í Þjóðleikhúsinu á
níundu áskriftartónleikum Tónlistarf é-
lagsins, sl. mánudagskvöld, þar sem
flutt var tónlist eftir Leif Þórarinsson.
Þetta voru kammerverk sem Leifur
hefur samið á seinustu átta árum.
Efnisskráin var mjög skemmtilega
uppbyggð. Flauta er notuð í öllum
verkunum og leikur Manuelu Wiesler
var stórkostlegur. Hún er listamaður á
heimsmælikvarða; allt fer saman, frá-
bær tækni, d júp og sönn túlkun.
Tónleikarnir hófust á einleiksverk-
inu Sonata per Manuela. Rammi
Leifur Þórarinsson.
verksins er heföbundinn, fjórir þættir
barokksónötunnar. En innan þessa
ramma er nútímamaður sem talar.
Leifur kann manna best að forma lag-
línu sem svífur áreynslulaus milli him-
ins og jarðar. Nútíma flautuleiks-
aöferðir virka fullkomlega eðlilega —
ekki sem tildurseffektar — heldur sem
eðlileg útvíkkun á tjáningarsviði hljóð-
færisins.
Per voi fyrir fiðlu og píanó er
ljóörænt smáverk, einkar þokkafullt.
Þar koma fram hlutir, í fyrsta sinn hjá
Leifi aö ég held, sem hafa fylgt honum
síðan. Með árunum hefur hann skrifað
sig frá hinum stranga seríala stíl og
tekið upp frjálslegri og litríkari vinnu-
brögð. I Per voi teflir hann saman ólík-
um stíltegundum, sem eru formmynd-
andi likt og hjá Mahler. Þessi þróun
heldur áfram í Divertimento (Largo y
Largo) sem er draumkennd fantasía,
ákaflega myndræn, enda samdi Nanna
Ölafsdóttir fallegan ballett við þetta
verk, sem Islenski dansflokkurinn
flutti hér um árið. Þunglyndislegur
vals er þungamiöja verksins, angandi
af fortíðarþrá: „0 gamli ilmur
gleymdra daga” en svo þýðir Þor-
steinn Gylfason lokasöng Péturs í
tunglinu eftirSchönberg.
Eftir hlé var fluttur Quartetto glaci-
ale frá árinu 1978. Magnað og átakan-
legt verk þar sem Leifur notar úthugs-
aða tilvitnunartækni: bamasálmurinn
alþekkti ,0 Jesú bróðir besti, er settur í
framandi umhverfi. Mér finnst að titill
verksins hefði mátt ver: De profundis
o.s.frv.
Lokaverkið á tónleikunum var glæsi-
legur flautukonsert sem enn er í smíð-
um. Sinfonia finale er ekki byltingar-
kennt verk í ferli Leifs. Miklu fremur
rökrétt áframhald þess sem áður er
komiö. Sérkennileg hljóðfæraskipan
(Manuela er einasti blásarinn) gefa
Leifi tilefni til að laða fram furðulega
og magnaða liti hljóðfæra. Hann
stefnir í sömu átt og fyrr, en er sterk-
ari og áhrifaríkari.
Leifur hefur átt frjótt og mikið
sköpunartímabil á undanförnum
SMÁ-
AUGLÝSING I
árum. Þessi konsert fullvissaði mig
um það sem ég vissi áður: Leifur er
einn hinna fárra miklu listamanna
Tónlist
Atli Heimir Sveinsson
okkar þjóðar. Sú braut sem hann
gengur er hættuleg: stílbrot og tilvitn-
anir. En yfirgripsmikil þekking, ásamt
□
handverkslegri kunnáttu getur bjarg-
að skáldum. Og allt þetta hefur Leifur.
Hann er einn þeirra listamanna sem
gerir fyrst kröfur til sín — síöan til
flytjenda og áheyrenda. List hans er
aðgengileg en samt þarfnast hún sí-
endurtekinnar hlustunar, samanber
seinustu kvartetta Beethovens. Hún er
erfið eins og öll góð list.
Myndir Kristjáns Davíðssonar, í
bakgrunni, fóru sérlega vel við tónlist
Leifs, flutningur allur var einstaklega
fágaður og fínn. Það er alltaf gaman —
á tímum lágkúru og skrums — að
verða vitni að góðri og heiðarlegri list.
Manuela Wiesler.
u
A AKUREYRI
hjá Sigurði Valdimarssyni Óseyri 5 A
17., 18. og 19. júní kl. 2-5
Sýnum einnig á bílasýningu Bílaklúbbs Akureyrar
17. júní kl. 10.00-22.00.
Við sýnum bankagreidda:
Fl IMISSAIM
CHERRY og SUNNY
Tökum allar gerðir af eldri bflum upp í nýja
Sölustjóri Ingvars Helgasonar hf. verður á sýningunni og
gengur að fullu frá kaupum og sölu.
Gamli bíllinn metinn á staðnum og tekinn upp í þann nýja, og
auðvitað verður sá nýi á staðnum.
Auk þess bjóðum við Stórkostleg lánakjör
Sýningargestum gefst einnig kostur á að skoða hina eftirsóttu NISSAN STANZA
og NISSAN PATROL.
Notið tœkifœrið og kaupið fallega og góða bíla á góðu verði
og einstökum greiðsluskilmálum YERIÐ VELKOMIN
INGVAR HELGASON HF.