Dagblaðið Vísir - DV - 19.07.1983, Blaðsíða 5

DV. ÞRIÐJUDAGUR19. JÚLI1983.
5
HÆGT AÐ LÁTA SÉR UÐA
VEL í REFARÆKTINNI
— segir Magnús B. Jónsson, skólast jóri á Hvanneyri
„Ef boriö er saman viö aöra land-
búnaðarframleiðslu held ég að refa-
rækt eigi nokkuð bjarta framtíð. En
það er ekki ástæða til að mála hana of
björtum litum,” sagði Magnús B.
Jónsson, skólastjóri Bændaskólans á
Hvanneyri.
Magnús er einn af okkar helstu sér-
fræðingum í loðdýrarækt. Hann lærði í
Noregi og starfaði i tvö ár hjá norska
minkaræktarsambandinu sem ráöu-
nautur i loödýrarækt.
„Eg held að það sé svipaö að búa
með refi og kýr ef menn eru tilbúnir aö
leggja sömu alúö í refaræktina og þeir
þurfa að gera við mjólkurframleiðsl-
una. Þetta er enginn fljóttekinn gróði.
Þetta er eins og notalegt fyrirtæki. Eg
held að menn geti látið sér líöa vel i
refaræktínni,” sagðiMagnús.
,,Ég held aö loðdýrarækt hér á landi
byggist á þvi aö hafa fleiri en eina
tegund. Eg held að leggja þurfi áherslu
á að byggja upp bæði refarækt og
minkarækt i landinu. Menn eiga aö
vara sig á því að hampa annarri
tegundinni umfram hina. Þaö eru allt-
af sveiflur í þessu og þær verða sárs-
aukaminni ef meiri breidd er i fram-
leiðslunni.
Þá finnst mér eðlilegt að fara að
fylgjast með silfurref. Mér finnst að
það mættí íhuga að fiytja inn siifurref
handa þeim mönnum sem staöið hafa
sig best i þessu,” sagöi Magnús.
Hann sagðist ekki óttast að sú verð-
lækkun, sem orðið hefði á refaskinn-
um, héldi áfram. „Eg heid að þaö verð
sem nú er gefi viðunandi afrakstur ef
frjósemi er í lagi,” sagði hann.
Bændaskólinn á Hvanneyri hefur
fengiö leyfi til að stofna refabú. „Það
vantar ennþá peningana frá Albert,”
sagðiMagnús.
Skólinn hyggst reka refabúið sem
kennslubú en einnig sem tilraunabú.
Aætlanir gera ráð fyrir að byrja með
40 læður og 15 högna. Stofnkostnaður
er talinn verða um 1,5 milljónir króna.
„Við höfum verið meö bóklega
kennslu í loðdýrarækt í tvö ár. En það
er augljóst að þaö vantar tilfinnanlega
að koma á fót búi,” sagði skólastjór-
inn.
Hann sagði að rætt hefði verið um að
sameiginleg fóöurstöð fyrir Borgar-
fjarðarhéraö yrði stofnsett i Borgar-
nesi eða á Akranesi. „Meginuppi-
staöan í fæðinu er fiskur, um 65
prósent. Þetta eru hryggir, hausar og
það sem kemur frá við flökun.
Stundum heilfiskur. Sláturúrgangur er
8 til 10 prósent og restin kornmatur,”
sagði Magnús um fæði refsins.
Þess má geta aö Bændaskólinn á
Hólum hefur einnig kennslu i loðdýra-
rækt. Þar hófst reyndar starfræksla
minkabús nú í vor. -KMU.
Björn Halldórsson, bóndi á
Snjallsteinshöfða, Rangárvallasýslu:
„Erfiðast að
fjármagna
fóðurkaupin”
Björn Halldórsson, bóndi á Snjall-
steinshöfða í Landmannahreppi,
Rangárvallasýslu, hefur stundað refa-
rækt sem aukabúgrein á annað ár og er
f jöldi dýranna nú 600, þar af 65 læður.
500 fermetra nýtt stálgrindahús hýsir
refina.
„Mér finnst of mikið gert úr því að
þetta sé aukabúgrein. Hentugast væri
að hafa þetta aðalbúgran,” Bjöm hefur
einnig verið með sauöfjárbúskap en
refaræktin tekur æ meiri tíma, að hans
sögn.
„Þetta hefur gengið sæmilega. Refa-
ræktín átti að vera viðbót við annan bú-
skap, en ég er þeirrar skoðunar að
svona bú þurfi að vera af ákveðinni
stærð til að þau borgi sig.”
Aðspurður um möguieikana innan
þessarar nýju búgreinar svaraði
Björn: „Þeir eru ábyggilega miklir en
það gengur illa að nýta þá. Fóðrið er of
dýrt hér á Islandi, og það er erfitt að
halda því góðu yfir sumarið. Það vant-
ar alla aðstöðu til að geyma það, bæði
hjá flutningabílum og hér heima við.
Fóðrið er blanda af fiski og sláturúr-
gangi, sem vill verða dýr hjá slátur-
húsunum.
Bjöm sagði, að mikil útgjöld fylgdu
þessari búgrein. „Allt fóörið er keypt
og borgað mánaðarlega og það er
erfiðast að fjármagna þau kaup.”
Bjöm sagði að verð skinnanna yrði við-
unandi ef fóðrið væri á skaplegu verði.
Fyrir skinnið kvaðst hann hingaö tíl
hafa fengið 900—1000 krónur að jafn-
aði. -PA.
Erum hress
en þetta
er heljar-
fyrirtæki
— segir húsf reyjan að Skriðulandi
lEngihlíðarhreppi
„Við ætlum að fá refina í haust. Við
erum byrjuð að byggja stálgrindar-
hús. Grunnurinn er kominn,” sagði
Guðlaug Steingrímsdóttir, húsfreyja
að Skriöulandi í Engihlíðarhreppi,
Austur-Húnavatnssýslu.
Hún og bóndi hennar, Guösteinn
Kristinsson, ásamt fjölskyldu eru að
koma á fót refabúi. Það ætla þau að
reka með sauðf járræktinni en þau eiga
núum600fjár.
„Við erum mjög hress með þetta.
Vonum það besta. Þetta er heljarfyrir-
tæki. Þetta er ríflega 60 metra langt
hús og 10 metra breitt sem við erum að
reisa. Viö verðum með 70 læöur og
tilheyrandi fjölda högna,” sagði
Guölaug.
Um ástæður þess að þau færu út í
refarækt sagði Guðlaug að jörð þeirra
væri lítil og að þau ættu þrjá stráka,
sem vildu vera áfram í búskapnum.
..Strákarnir okkar þurfa meira þegar
þeir eru orðnir fullorðnir. Sá elsti er.
núna 18 ára,” sagði hún.
„Það eru fleiri refabú aö fara af stað
i sýslunnL Þá er verið að stofna fóður-
stöð á Skagaströnd sem þjóna mun
þessu svæði,’ ’ sagði Guðlaug.
Um f járhagshlið málsins sagði hún
að þau fengju einhverja lánafyrir-
greiðslu. ,J5n við þurfum aö leggja
hart að okkur,” sagði hún.
-KMU.
. *' - V
Hlnn þokkalmgasti grundvöUur vlríUst nú vara fyrir rakstri rafabua hér úlandien margt ar þó ann óunnið á
þassusvlöl.
OPIÐI
ÖLLUM
DEILDUM
mánud.-miðvikud. tii kl. 18
fimmtudaga til kl. 20
föstudaga til kl. 22
RAUTT - BLATT
BRÚNT - BEIGE
HAGSTÆÐIR
GREIÐSLU-
SKILMÁLAR
Jón Loftsson hf
HRINGBRAUT 121-
SÍMI 10600