Dagblaðið Vísir - DV - 08.06.1985, Blaðsíða 18

Dagblaðið Vísir - DV - 08.06.1985, Blaðsíða 18
66 DV. LAUGARDAGUR 8. JUNI1985. BARA GIGOLÓ? I'mjustagigolo and everywhere I go people know the part I'm playing paying every dance selling each romance.. . Er þá tilganginum náð? Hefur David Lee Roth lokið því hlutverki sem hann var fæddur tii þess aö leika; uppfyllt sitt karma, með öðrum orðum? Það skyldi maöur ætla. Hann hefur faríö hamförum í islenska rfkisútvarpinu með þá samsuðu sem hann bjó til úr lögunum Just a Gigolo og Ain't Got No- body og vart hef ur verið til einskis unn- iö. Hvað segir hann sjálf ur? „Mér finnst þetta bara svo skemmti- leglög. Þaðer heilamáliö." Að sönnu nokkuð undarlegur kostur. David Lee Roth er, eins og sumir kannski vita, söngvari með hljómsveit- inni Van Halen en hún er einna fræg- ust þungarokkshljómsveita vestur í guoseiginlandi. Varð f ræg f yrir lag sitt Jump á síðasta ári, en raunar mun annar þeirra Van Halen- bræðra hafa sungið það. Þeir eru hollenskrar ættar eins og nafnið bendir til og við skulum enn um sinn beina athyglinni að David Lee Roth. Hvers vegna kaupir fólk sérhunda? Hann er frumskógakönnuður og karateiökandi. Hann er ákafamaður i hverju þvi sem hann tekur sér fyrír hendur og hann hefur mjög gaman af því að tala — svo fremi umræðuefnið sé hann sjálfur. Hann hefur enn ekki verið staðinn að því að leiða hugann að öðrum en sjálfum sér en kemst upp með það vegna þess að hann þykir vera sniðugur strákur. Svo er hann líka forrfkur og getur leyft sér sitt af hver ju þess vegna. Sex plötur Van Hal- en hafa selst í rúmlega milljón eintök- um hver. Svo datt David Lee Roth í hug að setja saman plötuna Crazy f ram the Heat og hún hefur líka slegið í gegn. Að minnsta kosti hér i ríkisút- varpinu. „Veistu að fólk kaupir sér hunda vegna þess að þeir minna það á það sjálft? Lögin á Crazy from the Heat eru sama eðlis. Fyrir mér eru þau bara speglar. Það þarf engan sálfræð- ing til að átta sig á því af hverju ég valdi gamla Louis Príma lagið Just a Gigolo." Segir David Lee Roth. Og þegar hann er spurður hvað það sé við lagið sem höfði til hans, hvort hann sé í raun og veru svona dýrslegur — þá svarar hann: „Ekkibókstaflega." Laumast á mynd með Marilyn Monroe David Lee fæddist i smábænum Bloomington i fylkinu Indiana. „Viö bjuggum þarna þangað til ég var sex eða sjö ára meðan pabbi vann og lærði til læknis. Þarna var stórt vatn, kvikfénaður og hross. Við pabbi fórum alltaf saman í bíó„ á völlinn og í leikhúsið. Eg man eftir fyrstu bió- myndinni sem ég fylgdist með af at- hygli frá upphafi til enda. Eg var sjö ára. Við pabbi fórum saman og ég man að mamma sagði: „Ojá, þið eruð að fara að sjá Hróa hött. Vertu alveg viss um að þið farið að sjá Hróa hött." Eg tók eftir spennunni í röddinni. Svo fór- um við pabbi og settumst upp í bílinn og keyrðum sem leið lá f ramhjá bíóinu þar sem þeir voru að sýna Hróa hött. Eg sagði við pabba: „Heyrðu, þama er Hrói höttur". „Hafðu engar áhyggjur," sagði hann, „við erum að fara að sjá aðra mynd." Eg spurði hvaða mynd við ætluðum að sjá. „Hef- urðu nokkum tíma heyrt um Marilyn Monroe?" spurði hann. „Nei." „Jæja, myndin sem við eruin aö fara að sjá heitir Some Like It Hot." Eg varð al- veg uppnuminn: „Hún hlýtur aö vera æðisleg. Um hvað er hún?" Pabbi svaraði: „Það skiptir engu máli. En áöur en viö förum í bió ætla ég aö segja þér allt um pað um hvað Hrói höttur er". Og svo þegar við komum heim sagði ég mömmu auðvitað alla sólar- söguna umHróa hött." Faðir þinn varð á endanum augn- læknir. En móðir þín? Mamma í Góbí-eyðimörk- inni „Hún var menntaskólakennarí, kenndi tónlist og tungumál - um tíma. Svo kom ég og eyðilagði allt. Eg skal segja þér eina sögu sem útskýrir móð- ur mina betur en nokkuð annað. Þegar varð alger sólmyrkvi f yrir mörgum ár- um þá var eini staðurinn þar sem hægt var að ná f ullkomnum my ndum af hon- um í miðri Góbi-eyðimörkinni, 1000 David Lee Roth, söngvari Van II a len, talar um sjálfan sig og sólo|ilöiuna sína kílómetra frá næsta vatnsbóli. Það varð að flytja menn þangað í þyrlum. Þama var reist tjaldborg og einu mennirnir á svæðinu voru vísinda- menn frá NASA með sjónaukana sína. Það varð að flytja vatn daglega á svæðið og um leiö flytja burt þá sem veiktust vegna aðstæðnanna. Jæja, þama var mamma í sumarfríinu sínu. Alein. Og skemmti sér konunglega." Nú hefur David Lee Roth talað full- lengi um aðra en sjálfan sig. En það lagast þegar hann er spurður hvenær hann hafi ákveðið að f ara út í sjóbiss- niss. „Eg var sjö ára. Eg tilkynnti að ég vildi verða Al Jolson. Einu plöturnar sem ég átti voru með honum — gamlar og óbrotgjarnar 78 snúninga plötur. Eg lærði hvert einasta lag og fór að sjá hann i bíó til að læra hreyfingarnar. Eg vildi verða miðpunkturathyglinnar." Gekk til sálf ræðings í 3 ár Foreldrar þinir létu þig ganga til sál- fræðings í þrjú ár. Hvers vegna töldu þau þig þurfa á slíku að halda? „Eg hef aldrei verið mikið fyrir mannfjölda. Eg var alltaf einn með sjálfum mér og prýöilega ánægður með það. Eg var hvorki óhamingju- samur né þunglyndur. En þau héldu að það væri eitthvaðaðmér." Svo þegar rokkið kom til sögunnar þá fórstu að bua til lög. Og þú hittir Eddie og Alex Van Halen og Michael Anthony þegar þú varst kominn í há- skóla. Hvers vegna fórstu yfirieitt í há- skóla? „Eg var bara að bíða þangað til ég kæmist i hljómsveit. Eg eyddi mestöll- um tíma minum i undirbúningsdeild- inni í musíktímum — fræðilegum og verklegum. Eg náði aldrei neitt sér- stökuin árangri. Eg gat ekki talið nema upp að fjórum og svo þurfti ég að byrja upp á nýtt. Van Halen-bræður voru miklu betri en ég og Michael líka. Þeir unnu öll verðlaunin." Vissi alltaf að Van Halen myndi slá í gegn Þegar þú hittir þá kunnirðu þá vel við þá sem persónur? Eða vissirðu bara að þeir væm aðgöngumiði að frægðinni? „Hvort tveggja. Eg hef alltaf borið feikna virðingu fyrir tónlistarhæfileik- um þeirra — sérstaklega Edwards. Þegar ég heyrði hann spila á gítar komst ég til sjálfs mín. Eg vildi gera það sama með röddinni og hann gerði með gitarnum sínum. En um þetta leyti lá minn styrkur aðallega í dansin- um. Eg vissi hvað var góð dansmusfk og þess vegna gat ég komiö okkur inn í klúbbana." Varstu alltaf viss um að Van Halen myndisláigegn? „AUtaf viss. Við fengum sífeUt fleiri áhangendur og hljómsveitin hafði nóg að gera alveg fra byrjun. Við fundum bestu leiðina til þess að vera trúir smekk okkar sjálfra. Markmiðið var að spila hvaða músík sem vera skyldi, burtséð f rá tiskusveiflum, og sýna per- sónuleika okkar sjálfra með þvi. Ef fólk kann aö meta svoleiðis er maður orðinnstjarna." Drekkur þú jafnmikið og af er látið og étur jafnmikið af eyturlyfjum? „Eg a min góðu og slæmu tímabil hvað varðar skemmtanalífiö. Þaö má svo sem oft sjá mig meö f lösku af Jack Daniels á sviðinu en ég klára ekki alltaf flöskuna á einu kvöldi. Maður verður að halda jafnvæginu." Brennivín og kókaín bráðdrepandi Ertu lentur i sterkum eiturlyfjum? Heróíni.tUdæmis? „Nei. Eg hef bara fiktað við þessi venjulegu rokkogról efni. Aldrei tekið heróín, ekki piUur, aldrei róandi, aldr- ei spítt. Maður verður að ákveöa sig. A ég að vera á fullu í dag og missa af morgundeginum? Stundum kannski. En ekki nærri eins oft og fólk heldur. Eg er aftur á móti i karate. Og karate er ekki hægt að stunda timbraöur. Eg fer svona mUUveginn. Fólk segir stundum að það hafi veriö synd að þessi eða hinn tónlistarmaöurinn hafi dáið vegna eiturlyfjaneyslu. Málið er að hann dó ekki. Hann drap sig. A þessu er mikiU munur. Eg hef enga samúð með fólki sem drepur sig. Þ6 hef ég horft á marga fara forgörðum. Brennivin og kókaín — þetta tvennt er bráðdrepandi. Hvort tveggja drepur sköpunargáfuna og andann i' mannL .." Qjá.En... . . . there wUl come a day when age wUl come my way. What wUl they say about me? Snúið og sneitt. *fcöi*véiw«ii»>n-.. veilltf «wiw<lec»«oítf>*cvH8wttefc< go «iU9 ntenuiJ

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.