Dagblaðið Vísir - DV - 21.01.1986, Blaðsíða 29
DV. ÞRIÐ JUDAGUR 21. JANÚAR1986.
29
sljós
Sviðsljós
Sviðsljós
Sviðsljós
Sviðsljós
Brúðkaupsmyndin frá giftingunni sem alla ætlaði að æra í henni
Ameríku.
Athyglisverð
gifting
Samband Sylvester Stallone - höfuð-
paursins úr Rockymyndunum - og
dönsku fyrirsætunnar Brigitte Niels-
en þótti svo sannarlega saga til
næsta bæjar. Ýmsir töldu sig hafa
sitthvað við samdrátt þeirra að at-
huga, svo sem þáverandi makar
þeirra beggja, ættingjar og aðrir sem
sögðu sér málið nokkuð skylt. En
þau skötuhjúin héldu sínu striki og
brúðkaupsmyndin er ósvikin - vígsl-
an fór fram um miðjan desember á
eynni Malibu.
Ekki brostu allir hringinn í veisl-
unni, móðir Sly og núverandi
tengdamóðir Brigitte hvæsti til ljós-
myndaranna að þessi gæs væri ein-
göngu á eftir peningum sonarins og
vill lítið með dönsku fegurðaidísina
hafa. Það eru reyndar fleiri á eftir
fjármunum úr hans vasa, fyrrverandi
eiginkona hans vill gjarnan fá fimm
hundruð milljónir og húseignir í
Beverly Hills að auki.
Sjálfur lætur kappinn lítið hafa
eftir sér um málið, horfir bara á
heiminn fjarrænu augnaráði meðan
fyrrum eiginkona, móðir og sú nýja
berjast um völdin. Þar gildir greini-
lega ekki minni harka en í box-
hringnum og einhvem veginn virðist
hann hafa leikreglur í hringnum
meira á hreinu heldur en utan hans.
Og fyrir hringinn er þó hægt að æfa
vöðvana en það er erfiðara með æf-
ingar fyrir viðureignina við kvens-
urnar þrjár - og engin þeirra sýnir
minnstu þreytumerki ennþá.
Leitin að rétta tóninum, hljómsveitarstjórinn Gerhard Ðeckert hlustar steðjann og sýnir Hólmfríði
réttu handtökin.
Fegurðardís í önnum
Það getur varla verið neitt letilíf
sem bíður þeirrar kvenveru sem
hlýtur titilinn ungfrú heimur.
Núverandi handhafi titilsins,
Hólmfríður Karlsdóttir, er núna
rétt að kynnast forsmekknum af
því sem eftir fylgir - margir mánuð-
ir em eftir í starfi. Óneitanlega eru
það fjölbreytileg verkefni sem bíða,
allt frá ítarlegri kynningu á að-
búnaði smábarna sem dvelja á
hinum ýmsu stofnunum og stöðum
í heiminum, nákvæmri skoðun alls
kyns framleiðslufyrirtækja, til
kynningar við ólíkasta fólk við
ótrúlegustu aðstæður.
Hvað um það - núna er Hólm-
fríður í leyfi heima á íslandi og þar
bíða störfin ekki síður en annars
staðar. Á Vínarkvöldi Sinfóníu-
hljómsveitarinnar spilaði hún á
steðja, rifjaði þar upp kunnáttuna
frá klarinettspili með Lúðrasveit
Garðabæjar og á eftir var haldið í
Átthagasal Hótel Sögu.
Og svo bíða önnur verkefni strax
að loknu þessu og svo verður næstu
mánuðina þar til annar handhafi
titilsins tekur við af Hólmfríði. Að
öllum skoðunum á eðli keppi af
þessu tagi slepptum er alténd ljóst
að fyrir þann sem hreppir hnossið
er þarna á ferðinni mikil vinna og
það ekki af léttara taginu.
Að hljómleikum loknum var haldið í Átthagasal Hótel Sögu, kokkteill.
og borðhald. Borðherrar Hólmfríðar eru Sigurður Björnsson og Sverrir Hermannsson.
DV-myndir KAE.