Dagblaðið Vísir - DV - 21.03.1986, Qupperneq 4

4
DV. FÖSÍUDÁGUR21. MARS 1986.
Frétlir
Fréttir
Fréttir
Rangar ákvarðanir,
léleg stjómun
og hrein afglöp
- er skýring; stjórnarformanns Flugleiða
ástöðuArnarflugs
„Að svo hefur farið sem raun ber
vitni er um að kenna röngum
ákvörðunum meirihluta stjómar
Arnarflugs, lélegri stjómun og
hreinum afglöpum," sagði Sigurður
Helgason, stjórnarformaður Flug-
leiða, í skýrslu sinni til hluthafa
Flugleiða ó aðalfundi í gær.
„Rekstur Arnarflugs hefur verið
með miklum halla allt frá því að
Flugleiðir afsöluðu sér meirihluta i
félaginu samkvæmt ákvörðun Al-
þingis á árinu 1981, sem tengdi slíka
sölu heimild til ríkisábyrgðar ó
sínum tíma þegar miklir erfiðleikar
voru hjá félagi okkar.
Þær glæstu vonir sem meirihluti
Arnarflugs gerði sér um rekstur
félagsins og þær áætlanir sem gerð-
ar hafa verið allar götur síðan hafa
því miður ekki staðist. Uppsafnað
tap félagsins á þessu tímabili nemur
á núvirði 239 milljónum króna,“
sagði Sigurður.
Blaðamaður DV bað stjórnarfor-
manninn um að skýra nánar hvað
hann ætti við með „afglöpum“.
Nefndi hann þá sem dæmi samning
sem Arnarflug gerði um flug með
farþega til Kúbu án þess að ganga
tryggilega frá greiðslum. „Eg tel
þetta afglöp," sagði hann.
Fram kom á hluthafafundi Amar-
flugs þann 25. febrúar að 25 milljóna
króna krafa Arnarflugs vegna
Kúbuflugsins síðastliðið sumar
hefði verið falin lögfræðingi til
innheimtu.
-KMU
Stærsta upplag
allratímarita
hérlendis
Frá Jóni G. Haukssyni, blaðamanni
DV á Akureyri:
Samtökin nefnist nýtt tímarit sem
gefið er út í stærsta upplagi tímarita
hérlendis, eða 30 þúsund eintökum.
Fyrirhugað er að gefa út 3 tölublöð
á árinu. Söluverð hvers eintaks er 200
krónur. Það eru Samtökin um jafn-
rétti milli landshluta sem standa að
útgáfunni.
Meðal efnis í fyrsta tölublaðinu,
sem kom út á miðvikudaginn, mó
finna greinar um þjóðmál, atvinnu-
mál, byggðamól og fréttir frá félags-
starfi samtakanna, en í þeim eru nú
skráðir yfir 10 þúsund félagar.
í stefnu samtakanna er meðal ann-
ars krafa um að hver landshluti hafi
meiri ráðstöfunarrétt aflafjár síns en
nú er. Einnig að framkvæmdavald,
löggjafarvald og dómsvald verði betur
aðgreint.
Þess má geta að samtökin hafa
unnið drög að nýrri stjórnarskrá.
Ólafur Þ. Þórðarson, þingmaður
Framsóknarflokksins, lagði þau ný-
lega fram á Alþingi sem þingmanna-
frumvarp.
Fyrsta tölublað Samtakanna kom út síðastliðinn miðvikudag. Við sjáum hér
Arna Steinar Jóhannsson, einn úr ritnefnd blaðsins, halda á einu af fyrstu
eintökum blaðsins.
Hækkanir á vátvyggingum:
Hækkaítaktvið
vísitölu síðasta árs
- áhríf verðbólgu þessa árs um næstu áramöt
Vátryggingarupphæðir fasteigna
hækkuðu í hlutfalli við hækkun vísi-
tölu liðins árs. Þær hækka ekki í
samræmi við nýja verðbólguspá þessa
árs. Það er því ekki fyrr en um næstu
áramót sem verðbólga þessa árs mun
hafa áhrif á vátryggingar og iðgjöld.
„Undanfarin ár hafa aðeins verið
gerðar breytingar ó töxtum bruna-
tiygginga en þeir lækkuðu um 35%
að meðaltali 15. október á síðasta
ári,“ sagði Þórður Þórðarson, deild-
arstjóri hjá Brunabótafélaginu, í við-
tali við DV. Hjá Húsatryggingum
Reykjavíkur og Samvinnutrygging-
um varð sams konar lækkun um síð-
ustu áramót. Þessar tiyggingar eru
lögbundnar. Ástæðan fyrir lækkun
iðgjaldanna var mikil samkeppni og
einnig fækkun tjóna. Lækkun ið-
gjaldanna er mismunandi mikil eftir
bæjarfélögum. Sama iðgjald er nú á
timburhúsum og steinhúsum sem
ekki var áður.
„Þegar ný trygging er tekin er
gengið út frá ákveðinni tryggingar-
upphæð sem tryggingartaki ákveður
í mörgum tilvikum sjálfúr. Síðan
hækkar þessi upphæð jafnmikið og
sú vísitala sem tryggingarupphæðin
ermiðuð við,“ sagði Þórður.
Um síðustu áramót hækkuðu vá-
tryggingarupphæðir heimilistrygg-
inga og lausafjártrygginga úm 39,3%
sem er hækkun á vísitölu vöru og
þjónustu á síðasta ári. Húseigenda-
tryggingar hækkuðu um 35,3% í
samræmi við hækkun byggingarvísi-
tölunnar. Almennar slysatryggingar
hækkuðu um 39% í samræmi við
framfærsluvísitöluna á síðasta óri og
brunatryggingar um 36,3% sem er
hækkun byggingarvísitölu síðasta
órs. Iðgjöldin eru síðan ákveðið hlut-
fall af sjálfri vátryggingarupphæð-
inni. Hlutfallið hefur aðeins breyst
hvað snertir brunatryggingamar á
síðustu árum. Iðgjöldin hækka þvi í
krónutölu þegar vísitalan hefúr
hækkað. Þessar hækkanir hafa orðið
hjá Brunabótafélaginu. Hækkanir
hjá öðrum tryggingafélögum eru í
megindráttum þær sömu.
„Það er því ekki raunhæft að tala
um hækkanir á tryggingagjöldum
vegna þess að hér er einungis verið
að hækka vátryggingarupphæðir til
þess að þær haldi upphaflegu verð-
gildi sínu. Tryggingartakar geta svo
í flestum tilvikum lækkað þær ef þeir,
óska þess,“ sagði Þórður Þórðarson,
deildarstjóri hjá Bmnabót.
-APH
Stjórnmál Stjórnmál
Rafeindavirkjar:
„Engarvið-
ræður í
ólöglegu
verkfalli“
segir fjármálaráðherra
„Á meðan ólögmætt verkfall raf-
eindavirkja stendur yfir er ekki við-
ræðugrundvöllur. Þeir verða fyrst að
hega störf svo viðræður aðila geti
hafist," sagði Þorsteinn Pálsson fjár-
málaráðherra á Alþingi í gær þegar
deila rafeindavirkja og ríkisins var á
dagskrá.
Það var Eiður Guðnason, Alþýðu-
flokki, sem hóf umræðuna. Hann
spurði ijármálaráðherra hvað hann
hygðist gera til að leysa þessa deilu.
Mjög alvarlegt ástand væri nú að
skapast. Símkerfið væri í þann veg
að fara úr skorðum. Þessi deila snerist
ekki um að brjóta upp nýgerða kjara-
samninga. Hún snerist aðeins um það
að rafeindavirkjar Pósts og síma og
hjá Ríkisútvarpinu fengju að vera í
Sveinafélagi rafeindavirkja og samið
yrði við RafeindasEunbandið fyrir
þeirra hönd. Þegar væru 150 ríkis-
starfsmenn í því sambandi.
Fjármálaráðherra vitnaði í niður-
stöðu Félagsdóms þar sem segir að
rafeindavirkjar hafi ekki sagt upp
störfum með lögmætum hætti. Og
hann hélt fast við sitt. „Það er ekki
unnt að eiga kjarasamningaviðræður
við aðila sem eru í ólöglegu verkfalli."
Þingmennimir Helgi Seljan og
Karvel Pálmason lögðu hart að ráð-
herranum að eiga frumkvæðið að
lausn þessarar deilu. Ólafur Þ. Þórð-
arson, Framsóknarflokki, sagði að
með þessum aðgerðum rafeindavirkj-
anna væri verið að brjóta niður þá
heildarsamninga sem gerðir hefðu
verið. En það kvað við nokkuð annan
tón hjá Guðmundi J. Guðmundssyni,
þingmanni Alþýðubandalagsins og
formanni Verkamannasambandsins.
„Þetta er sérstæð deila og það er
ákaflega hættulegt að krefja fiár-
málaráðherra um yfirlýsingar. Þing-
heimur verður að treysta því að aðilar
ræðist við. Málið er nú á viðkvæmu
stigi og verður ekki bætt með stóryrð-
um, fyrirspumum eða negldum yfir-
lýsingum,“ sagði Guðmundur J.
Guðmundsson.
-APH
„Hrafnkell ekki
lengur fulKrúi
sjálfstæðismanna“
- segir formaður Sjálfstæðis-
félags Esklfjarðar
Frá Emil Thorarensen, fréttaritara
DV á Eskifirði:
Listi sjálfstæðismanna til bæjar-
stjórnarkosninga 31. maí var sam-
þykktur á fundi í Sjálfstæðisfélagi
Eskifiarðar í gær. Sjö efstu sætin
skipa: 1. Skúli Sigurðsson verkstjóri,
2. Ingólfur Friðgeirsson fram-
kvæmdastjóri, 3. Ragnhildur Krist-
jánsdóttir skrifstofumaður, 4. Anna
Ragna Benjamínsdóttir fiskmatsmað-
ur, 5. Andrés Elísson rafiðnfræðingur.
6. Svanur Pálsson kranamaður 7.
Jónína Ingvarsdóttir húsmóðir.
Áthygli vekur að enginn þeirra
þriggja fulltrúa sjálfstæðismanna,
sem nú sitja í bæjarstjórn, gefa kost
á sér til endurkjörs. Þannig mun
Guðmundur Á. Auðbjörnsson mál-
arameistari, sem starfað hefur lengst
allra núverandi bæjarstjórnarmanna
eða í 35 ár, hætta og Þorsteinn Kristj-
ánsson skipstjóri, sem skipaði þriðja
sæti listans við síðustu kosningar,
gefur ekki kost á sér aftur til setu í
bæjarstjóm.
Eins og kunnugt er hefur Hrafnkell
A. Jónsson, sem skipaði annað sætið
á listanum fyrir fiórum árum, fengið
nóg af félagsskapnum með þeim sjálf-
stæðismönnum í bili að minnsta kosti
því hann skipar nú íyrsta sæti á lista
óháðra.
Hrafnkell hyggst þó ekki segja sig
úr Sjálfstæðisfélagi Eskifiarðar og
ætlar að vera í því áfram nema hann
verði rekinn, eins og hann tjáði
fréttaritara DV.
Skúli Sigurðsson, formaður Sjálf-
stæðisfélagsins, segir hins vegar að
það líti ekki lengur á Hrafnkel sem
fúlltrúa sjálfstæðismanna i bæjar-
stjórn en þrátt fyrir það muni hann
sitja út kjörtímabilið, þar sem hann
var kosinn í bæjarstjómina á sínum
tíma. „Við getum ekki lengur talið
hann okkar fulltrúa þar sem hann er
nú kominn í sérframboð. Mér finnst
eðlilegt að hann og þeir sjálfstæðis-
menn sem eiga sæti á óháða listanum,
sjái sóma sinn í því að segja sig úr
félaginu, þar sem þeir eru famir að
vinna gegn hagsmunum Sjálfstæðis-
félags Eskifiarðar."
Þess má geta að fyrir utan Hrafn-
kel, sem skipar fyrsta sæti óháða list-
ans, er Sigríður Rósa Kristinsdóttir
númer fiögur á sama lista en hún var
formaður Sjálfstæðisfélagsins á und-
an Skúla. Hins vegar er annað sætið
á óháða listanum skipað alþýðu-
bandalagsmanninum Þórhalli Þor-
valdssyni en hann skipaði fiórða sæti
G-listans við síðustu kosningar.
Eskifjörður:
Hrafnkell með sérframboð
Frá Emil Thorarensen, fréttaritara
DV á Eskifirði:
Hrafnkell A. Jónsson, núverandi
bæjarfulltrúi sjálfstæðismanna á
Eskifirði, mun bjóða fram lista í
næstu bæjarstjómarkosningum í
nafrii óháðra.
Hrafnkell skipar efsta sæti listans
en aðrir í efstu sætum era: Þórhallur
Þorvaldsson kennari i öðru sæti,
Sólveig Eiríksdóttir læknafulltrúi í
þriðja, Sigríður Rósa Kristinsdóttir
verslunarmaður í fiórða, Magnús
Guðnason verkamaður í fimmta og
Bjami Björgvinsson trésmiður í
sjötta.
Hrafnkell A. Jónsson er formaður
Verkalýðsfélagsins á Eskifirði, hann
er nú bæjarfulltrúi Sjálfstæðisflokks-
ins en sat áður í bæjarstjóm fyrir
Alþýðubandalagið.