Dagblaðið Vísir - DV - 06.05.1986, Qupperneq 12

12
DV. ÞRIÐJUDAGUR 6. MAÍ 1986.
Frjálst.óháÖ dagblað
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÓLFSSON
Framkvæmdastjóri og útgáfustjóri: HÖRÐUR EINARSSON
Ritstjórar: JÓNAS KRISTJÁNSSON og ELLERT B. SCHRAM
Aðstoðarritstjórar: HAUKUR HELGASON og ELiAS SNÆLAND JÓNSSON
Fréttastjórar: JONAS HARALDSSON og ÖSKAR MAGNÚSSON
Auglýsingastjórar: PALL STEFÁNSSON og INGÚLFUR P. STEINSSON
Ritstjóm, skrifstofur, auglýsingar, smáauglýsingar, blaðaafgreiðsla, áskrift,
ÞVERHOLTI 11, SÍMI 27022
Setning, umbrot, mynda- og plötugerð: HILMIR HF., ÞVERHOLTI 11
Prentun: ÁRVAKUR HF. - Áskriftarverð á mánuði 450 kr.
Verð í lausasölu virka daga 45 kr. - Helgarblað 50 kr.
Ofstjórn án aðhalds
Enn hlaðast upp birgðir óseljanlegra afurða hins
hefðbundna landbúnaðar, þrátt fyrir mikla og vaxandi
ofstjórn. Svo er nú komið, að tíu bændur á Suðurlandi
eru búnir með mjólkurframleiðslukvótann, þótt beztu
framleiðslumánuðir ársins séu enn eftir.
Reiknað er með, að flestir sunnlenzkir mjólkur-
bændur verði búnir með framleiðslukvóta sinn í júlí eða
ágúst. Á því stigi eiga þeir ekki annarra kosta völ en
hella mjólkinni niður, því að stjórnendur landbúnaðar-
ins hafa tekið við of mikilli mjólk til þessa.
Skynsamlegra hefði verið að byrja fyrr að draga sam-
an seglin í hefðbundnum landbúnaði. Ef tekið hefði
verið mark á samdráttarsinnum fyrir aldaríjórðungi og
framleiðslan minnkuð um svo sem 1-2% á ári, væri land-
búnaðurinn ekki í úlfakreppunni, sem nú blasir við.
Aðgerðir Framleiðsluráðs og annarra stofnana, sem
stjórna landbúnaðinum, hafa reynzt gagnslausar.
Bændur hafa verið hvattir og styrktir allt til hins síð-
asta til að byggja fjós, sem þeir geta svo ekki notað,
af því að ekki er hægt að úthluta þeim neinum kvóta.
Bóndinn með 40 kýr í nýreistu fjósi og engan fram-
leiðslurétt er dæmigert fórnardýr ofstjórnar í land-
búnaði. Ráðamenn í greininni hafa staðið grimman
vörð um gjafalán og styrki til fjárfestingar og fram-
leiðsluaukningar, þótt samdráttur væri heppilegri.
Sem dæmi um vitleysuna má nefna, að hinn rang-
nefndi Framleiðnisjóður landbúnaðarins framselur
mjólkurframleiðslukvóta, sem hann kaupir dýrum dóm-
um af bændum. I stað þess að frysta hinn keypta kvóta,
er hann seldur öðrum og heldur þannig uppi vandanum.
Ofstjórnin er svo mikil, að sjóðir landbúnaðarins
hamast við að kaupa og selja búmark og fullvirðisrétt,
svo og að leigja þessi hugtök af bændum til skamms
tímá. í öllum tilvikum missir viðleitnin marks, því að
hún dregur ekki úr framleiðslu, sem ekki selst.
Óselt nautgripakjöt í landinu nemur nú 1320 tonnum
eða hálfs árs neyzlu þjóðarinnar. Kjötfjall þetta hefur
stækkað um 45% á einu ári. Þannig hefur enn eitt fjall-
ið bætzt við dilkakjötsfjallið, smjörfjallið og ostafjallið,
nýr minnisvarði um samtvinnaða ofstjórn og óstjórn.
Meðan fjöllin hlaðast upp í hinum hefðbundna land-
búnaði, leysa eggja-, kjúklinga- og svínabændur sín
vandamál með því að halda útsölu til að eyða sínum
fjöllum í fæðingu. Þeir leysa vandann á sinn kostnað,
en ekki á kostnað skattgreiðenda og neytenda.
Dæmigert fyrir hugarfar stjórnenda landbúnaðarins
og meirihlutans, sem þeir ráða á Alþingi, er, að land-
búnaðarráðherra er leyft að leggja 200% toll á innfluttar
kartöfluflögur, af því að innlendum snillingum hefur
dottið í hug að setja upp tvær flöguverksmiðjur.
Fyrst eru skattgreiðendur látnir beint eða óbeint
borga gæluverksmiðjur landbúnaðarins og síðan eru
neytendur látnir borga tjónið af framleiðslunni. Raunar
þarf ótrúlega ósvífni til að láta sér detta í hug, að hug-
myndaflug skuli fjármagnast á þennan hátt.
Þess er skemmst að minnast, að undanfarin ár hafa
skattgreiðendur verið látnir kosta hverja kjarnfóður-
verksmiðjuna á fætur annarri, þótt hinar fyrri sætu
uppi með ársframleiðslu eða meira. Og síðasta snilldin
felst í að láta skattgreiðendur greiða niður áburð.
Þetta margþætta svínarí er framið á vegum hinna
ábyrgðarlausu stjórnmálaflokka, sem kvöddu veturinn
með því að samþykkja 200% kartöfluflögutollinn.
Jónas Kristjánsson
„Getur það t.d. verið að sjálfstæðiskonumar hefðu heldur viljað gefa öldruðum Reykvíkingum sextíu
milljónirnar sem fóru til einnar góðrar ættar i Reykjavík fyrir land sem ekki verður notað næstu áratugi?"
Einn drottnari
- ein skoðun
Hefur verið snúið baki við lýðræði
í Reykjavík og flokksræði tekið upp
í staðinn?
Framsóknarflokkurinn átti aðild
að þeim meirihluta sem fór með
stjóm borgarinnar árin 1978-82. Þá
var margt leyst úr Qötrum langrar
valdasetu Sjálfstæðisflokksins. Lýð-
ræðisvinnubrögð vom innleidd og
margir tóku þátt í stefhumótun og
ákvörðunum. Þannig varð umræðan
um borgarmálefhi á þessum tíma
bæði almenn og opin.
Völdin aftur á fárra manna
hendur
Reynt var að uppræta margs konar
klíkuskap og mismunun þegnanna
sem meira og minna hafði viðgengist
á fímmtíu ára valdaferli Sjálfstæðis-
flokksins. Einnig var dregið úr
völdum embættismanna sem sumir
hveijir litu fremur á sig sem gæslu-
menn flokksins en þjóna fólksins.
í dag er almenn umfjöllun og um-
ræða um borgarmál því sem næst
horfin.
í dag hafa völdin safnast á fárra
manna hendur og fyrst og fremst í
hendur borgarstjóra.
í dag hafa fljótfæmislegar skyndi-
ákvarðanir komið í stað lýðræðis-
legrar umfjöllunar kjörinna fulltrúa.
í dag er viðamiklum málaflokkum
stjómað af embættismönnum.
í dag hafa nefhdir verið Iagðar
niður og fækkað í öðrum svo hinir
kjömu fulltrúar séu ekki að hnýsast
í einstök mál meirihlutans.
í dag er búið að koma fjölda borg-
arfulltrúa í þá tölu sem var á því
herrans ári 1908.
í dag gildir gamli klíkuskapurinn
þar sem vissum ættum og einstakl-
ingum er umbunað fyrir dyggilegan
stuðning og fylgispekt við flokkinn,
sbr. t.d. kaupin á Ölfusvatnslandi og
björgun ísbjamarins.
í dag hafa einstaklingar, sem ekki
hafa sýnt valdherrunum nægilega
auðmýkt og undirgefni, verið látnir
gjalda þess með starfi sínu.
í dag hefur konum í Sjálfstæðis-
flokknum verið vikið til hliðar.
Karlveldiskennd borgarstjór-
ans
Það er merkilegt að skoða stöðu
kvenna í dag innan borgarstjómar-
meirihlutans. Er það kannski þannig
SIGRÚN MAGNÚS-
DÓTTIR
FYRSTI MAÐUR
Á BORGARSTJÓRNARLISTA
FRAMSÓKNARFLOKKSINS
að einveldiskennd borgarstjórans
virki innan flokksins sem karlveldis-
kennd?
Guðmundur Magnússon skrifar
grein í Morgunblaðið 12. apríl um
stöðu kvenna í flokknum í Reykja-
vík. Þar ruglar hann saman nútíð
og framtíð og setur fram furðu-
legustu fullyrðingar eins og í niður-
lagi greinarinnar:
„Það virðist því mega staðhæfa að
með því að greiða Sjálfstæðisflokkn-
um atvæði í borgarstjómarkosning-
um séu kjósendur að tryggja að það
séu ekki karlar einir sem fara með
völd í Reykjavík heldur bæði kynin.“
Ég fullyrði aftur á móti að með því
að kjósa Sjálfstæðisflokkinn em
kjósendur að kjósa yfir sig þröng
karlveldissjónarmið, svo notuð séu
orð greinarhöfundar.
Konunum vikið til hliðar
Eftir síðustu kosningar komu
margar hæfar konur til starfa hjá
Sjálfstæðisflokknum og hafa látið til
sin taka á þessu kjörtímabili.
Staðan í dag er hins vegar sú að
þeim var vikið til hliðar í prófkjöri
og áhrifa þeirra mun því lítið gæta
á rjæsta kjörtímabili. Þetta er þeim
mun merkilegra þegar þess er gætt
að framgangur kvenna er mikill í
öðrum flokkum og alveg sérstaklega
í Framsóknarflokknum.
Framsóknarkonur hafa unnið gey-
simikið starf undanfarið og uppskera
samkvæmt því, enda er Framsóknar-
flokkurinn lýðræðissinnaður flokk-
ur þar sem skoðanir allra fá að njóta
sín.
Sumir flokkar vilja greinilega einn
drottnara og eina skoðun.
Kannski er skýringin sú með sjálf-
stæðiskonumar að þær vildu önnur
vinnubrögð, meiri skoðanaskipti og
samvinnu. Það hefur trúlega ekki
fallið í góðan jarðveg hjá einræðis-
herrunum.
Getur það t.d. verið að sjálfstæðis-
konumar hefðu heldur viljað gefa
öldmðum Reykvíkingum sextíu
milljónimar sem fóm til einnar
góðrar ættar í Reykjavík fyrir land
sem ekki verður notað næstu ára-
tugi? Það hefði verið verðug gjöf í
tilefhi tvö hundmð ára afmælis
borgarinnar.
Gæti það ekki hugsast að þær
hefðu heldur viljað fá tuttugu millj-
ónimar í dagvistarheimili en dýr
hljómílutningstæki?
Það er greinilegt að Davíð og fé-
lögum finnst í lagi að hafa svona
eina konu með til að sýnast eins og
þetta var hér áður fyrr - hvers vegna
að breyta því?
Virða ekki lýðræði
Við getum ekki treyst þessum
flokki fyrir höfúðborg okkar allra:
flokki sem ekki virðir lýðræði, flokki
sem óttast umræður minnihluta í
nefhdum, því þá er erfiðara að hygla
einstökum flokksgæðingum.
Þetta er flokkur sem vill valsa með
fjármál borgarinnar sem sín eigin.
Nei, meirihluti fólks vill ekki þessi
vinnubrögð og sérstaklega treysti ég
á konur að afneita svona vinnu-
brögðum og koma til liðs við
Framsóknarflokkinn og kynnast
þróttmiklu starfi sem þar er unnið.
Framsóknarkonur liafa sýnt með
samtakamætti sínum hvemig hægt
er að efla áhrif kvenna í stjóm-
málaflokki og forystusveit flokksins
hefur verið mjög jákvæð gagnvart
starfi þeirra.
Sigrún Magnúsdóttir
„Kannski er skýringin sú með sjálfstæðis-
konurnar að þær vildu önnur vinnubrögð,
meiri skoðanaskipti og samvinnu. Það
hefur trúlega ekki fallið í góðan jarðveg
hjá einræðisherrunum.“