Dagblaðið Vísir - DV - 31.05.1986, Blaðsíða 14

58
DV. LAUGARDAGUR 31.MAÍ 1986.
HM í Mexíkó
HM í Mexíkó
HM í Mexíkó
HM í Mexíkó
Danskt dínamít!
Stórstjömur í nær hverri stöðu
• Tvær dönsku stjarnanna, þeir Preben Elkjær og Sören Lerby.
Haukur Lárus Hauksson, fréttaritari
DV í Kaupmannahöfn:
Danir taka þátt í lokakeppni
heimsmeistarakeppninnar í fyrsta
skipti og hefur mikið verið rætt og
ritað um möguleika danska liðsins.
Árangur þess síðustu 3 4 árin er
flestu knattspyrnuáhugafólki vel
kunnur. Hæst ber velgengni þess i
úrslitakeppni EM 1984. Þá náðu
Danir að komast í undanúrslitin þar
sem þeir töpuðu fyrir Spánverjum
eftir framlengingu og æsispennandi
vítaspyrnukeppni (þær virðast vera
orðnar hversdagsmatur fyrir
spænska knattspyrnumenn). Þótti
mörgum að sú keppni hefði átt að
enda eins og hún byrjaði með leik
Frakka og Dana.
En hvað um það. Danska liðið hafði
aflað sér virðingar og vinsælda hvar-
vetna. Er óhætt að segja að með
leikstíl sínum hafi það opnað augu
fólks fyrir knattspyrnu eins og hægt
er að leika hana, þar sem leikgleði,
framúrskarandi knattmeðferð og
baráttuvilji sameinast í eina heild
(þegar vel gengur).
Hafa Danir fengið nafnbótina
Brasilíumenn Evrópu.
Sterkasti riðill
lokakeppninnar
En hvernig mun Dönum svo vegna
í lokakeppninni i Mexíkó í sumar?
Margir danskir þjálfarar hafa leyft
sér að vona að Danir hreppi 4. sætið.
En það er hægara sagt en gert. Dan-
ir eru í langsterkasta riðli keppninn-
ar þar sem mótherjarnir verða
Vestur-Þjóðverjar, Uruguaymenn og
Skotar. í öðrum riðlum geta sterku
liðin jafnvel leyft sér að tala um einn
„léttan“ leik en slíkar vangaveltur
ganga ekki í E-riðlinum.
Árangur liðsins og gæði þess og
síðast en ekki síst hið mikla sjálfs-
traust, sem leikmenn hafa öðlast,
þýðir að Danir geta sigrað hvaða
mótherja sem er í dag. Þó má ekki
vænta of mikils. Það er mikill munur
á vangaveltum við skrifborðið og
þeim veruleika sem lokakeppni HM
er, ekki síst við hin framandi og erf-
iðu skilyrði í Mexíkó.
Undir venjulegum kringumstæðum
eiga Danir að geta sigrað bæði V-
Þjóðverja og Skota. Leikskilyrðin
eru jafnerfið fyrir þessi 3 lið. Dani
vantar helst leikreynslu í lokakeppni
sem þessari en þeip tóku fyrst þátt í
meiri háttar lokakeppni í EM 1984.
Líklega verða Uruguaymenn erfið-
ustu mótherjarnir og gildir það um
V-Þjóðverja og Skota lika. Uruguay-
menn leika við skilyrði sem ekki eru
þeim sérlega framandi og geta því
náð hámarksárangri.
Án þess að fara út í miklar vanga-
veltur um mótherja Dana og mögu-
leika á sigri eru nokkur atriði
athyglisverð.
Vestur-Þjóðverjar eru ætíð harðir
í horn að taka og virðast alltaf geta
fengið einhvern aukakraft úr sínum
leikmönnum til að vinna leiki undir
kringumstæðum sem þessum. Keis-
ari Beckenbauer segist staðráðinn í
að ná a.m.k. 4. sætinu.
Uruguaymenn eru tiltölulega lítt
þekktir en engu að síður taldir með
sigurstranglegri liðum í keppninni.
Flestir leikmanna þeirra leika er-
lendis en meðal þeirra eru geysi-
sterkir einstaklingar. Vörnin þykir
föst fyrir og hörð og talað um að létt-
ari leikmönnum verði hreinlega
slátrað en Danirnir eru ekki neinir
drekar, margir hverjir.
Skotar eru ætíð hættulegir og óút-
reiknanlegir. Þeir hafa ekki átt
velgengni að fagna í undanfórnum
lokakeppnum og ættu því að hafa
ríka ástæðu til að bæta um betur.
Þó eru Skotar ein helsta von Dana
um stig í riðlinum.
Það má leika sér að möguleikunum
með því að segja ef, ef og aftur ef.
Tíminn mun skera úr um gengi lið-
anna. Loks má þó geta þess að
þjálfari Englendinganna, Bobby
Robson, óttast Danina ef lið hans
mætir þeim í milliriðli, auk þess sem
þjálfari Uruguay, Omar Borras, telur
að öll liðin í E-riðli geti orðið heims-
meistarar 1986.
Danskt dínamít
Þeir sem hafa skapað velgengni
Dana eru auk þjálfarans, Sepp Pion-
tek, meirihluti þess 22ja manna hóps
er hann valdi í apríllok. Sjö þeirra
koma úr dönsku deildakeppninni, en
hinir eru „útlendingar". Meðal
þeirra eru 7 leikmenn sem nýverið
hafa orðið meistarar með sínum lið-
um víðs vegar í Evrópu og þar af
tveir er unnið hafa bæði deild og
bikar í ár. Það eru Sören Lerby frá
Bayern Múnchen og Jan Mölby frá
Liverpool.
Hér á eftir fer upptalning á leik-
mönnum danska liðsins með upplýs-
ingum um leikjafjölda, mörk o.þ.h.
Markverðir: \
1. Troels Rasmussen (193cm--90
kg). 25 ára sölumaður sem leikur með
danska liðinu AGF. Hefur leikið 14
landsleiki en sá fyrsti var 2-2 leikur-
inn á móti Englendingum í Kaup-
mannahöfn 1982. Þá fór athyglin
fyrst verulega að beinast að danska
liðinu. Hann er aðalmarkvörður liðs-
ins, viðbragðsfljótur og nýtir vel hæð
sína.
16. Ole Quist (184-80). 36 ára lög-
regluþjónn sem alltaf hefur leikið
með Kaupmannahafnarliðinu KB.
Lék sinn fyrst'a landsleik 1979 og eru
þeir nú orðnir 37. Vakti mikla at-
hygli á EM 1984 en er 2. markvörður
í augnablikinu. Á konu og 2 börn.
22. Lars Högh (180-75), 27 ára.
Leikur með OB frá Óðinsvéum og
hefur 3 landsleiki að baki. Er tækni-
lega mjög góður en vantar reynslu
og líkamsstyrk.
Varnarmenn:
4. Morten Olsen (183-74). 36 án
og aldursforseti liðsins. Fastur fyrir-
liði og hefur leikið flesta landsleiki,
77 talsins, og skorað 2 mörk. Lék
sinn fyrsta landsleik 1970. Lék fyrst
erlendis 1972 og þá með Cercle
Brúgge og Racing White. Nýbakaður
og margfaldur belgískur meistari
með Anderlecht þar sem hann hefur
leikið undanfarin ár.
Er sterkur persónuleiki utan vallar
sem innan og nýtur alls staðar virð-
ingar. Hefur leikið nær allar stöður
í landsliðinu en í dag er hann einn
besti „libero“ í Evrópu. Er menntað-
ur í verslun með málningarvörur.
Ókvæntur.
3. Sören Busk (183-80), 33 ára.
Hefur leikið 45 landsleiki og skorað
tvisvar. Lék sinn fyrsta landsleik
1979. Hann hefur leikið erlendis frá
1976, fyrst með Herne í V-Þýskalandi
og síðar með Gent og nú Maastricht
í Hollandi. Var fyrst sóknarleikmað-
ur en er nú einn traustasti varnar-
leikmaðurinn. „Dekkar" mjög vel og
er ætlað að afvopna sóknarmenn
andstæðinganna ásamt Ivan Nielsen.
Mjög heiðarlegur leikmaður. Er
prentari að mennt og á konu og dótt-
ur.
5. Ivan Nielsen (190-84), 29 ára.
Hefur leikið 29 landsleiki en ekki
skorað. Hefur leikið með Feyenoord
í Hollandi frá því hann hélt utan
1979. Er líkur Busk en þykir mun
harðari í horn að taka enda oft kall-
aður Ivan grimmi. Myndar ásamt
Busk og Olsen kjarna dönsku varn-
arinnar. Pípulagningarmaður að
mennt, er giftur og á 2 börn.
2. John Sivebæk (180-81), 24 ára.
Lék sinn fyrsta landsleik 1982. Hefur
leikið 34 landsleiki og skorað eitt
snilldarmark gegn írum í nóvember
sl. þar sem hann prjónaði upp hálfan
völlinn og vippaði yfir markvörðinn.
Seldur fljótlega eftir það frá Vejle til
Manchester United. Er mjög fljótur
og líkamlega sterkur bakvörður og
sókndjarfur. Hefur ekki náð al-
mennilegri fótfestu í United en er á
leið með að verða fastur landsliðs-
maður. Trúlofaður, barnlaus og vann
áður á skattstofu.
20. Jan Bartram (188-83). 24 ára
og hefur aðeins leikið 3 landsleiki.
Leikur með Árósaliðinu AGF.
Vinstri bakvörður sem er góður í
návígi og sókndjarfur. Gæti stutt
Lerby á miðjunni.
21. Henrik Andersen (184-80), 21
árs. Hefur leikið 4 landsleiki, fyrst
vorið 1985. Er fastamaður í meistara-
liði Anderlecht en hann kom þangað
1982. Mun fá fast sæti í landsliðinu
eftir komandi kynslóðaskipti. Hefur
stúdentspróf og er piparsveinn.
17. Kent Nielsen (192-86). 24 ára
og leikur með Kaupmannahafnarlið-
inu Brönshöj. Hefur leikið 4 lands-
leiki. Sterkur leikmaður, góður í
loftinu og leikur skynsamlega. Mun
væntanlega erfa stöðu Busk og Ni-
elsen í vörninni.
Miðjumenn:
9. Klaus Berggreen (182-74). 28 ára
viðskiptafræðingur. Lék sinn fyrsta
landsleik 1979 og hefur síðan leikið
30 landsleiki og skorað 5 mörk. Hefur
leikið með Pisa á Italíu frá 1982 og
var nýverið seldur til AC Roma fyrir
um 130 milljónir ísl. króna. Er ótrú-
legur vinnuhestur og talinn hafa 4
lungu! Fórnar sér alltaf 100% í hverj-
um leik og skapar góðan anda í
liðinu. Mjög fjölhæfur leikmaður.
Góður sem „frakki" er sýndi sig er
hann sá um að dekka Frakkann Plat-
ini við EM 1984. Ókvæntur.
12. Jens Jörn Bertelsen (171—64),
34 ára. Hefur leikið 57 landsleiki,
fyrst 1976, og skorað 1 mark. Leikur
með svissneska liðinu Aarau eftir að
hafa leikið í Belgíu og Frakklandi.
Mikill vinnuhestur sem ber liðs-
heildina fyrir brjósti. Ótrúlega lítt
áberandi leikmaður þrátt fyrir gífur-
leg afköst og fórnfýsi. Menntaður
tryggingamaður, er giftur og á eina
dóttnr.
7. Jan Mölby (187-89), 22 ára. Lék
sinn fyrsta landsleik 1982 og hefur
síðan leikið 8 leiki en ekki skorað -
enn. Hefur skorað 14 mörk fyrir Li-
verpool í vetur og tvöfaldur meistari
með því. Lék með Ajax frá 1982-84.
Líkamlega sterkur og um leið tækni-
legur leikmaður. Nýtur sín framar-
lega á miðjunni. Veldur Englending-
um hugarvíli. Var afgreiðslumaður.
Er ókvæntur.
6. Sören Lerby (184-82): Þessi 28
ára gamli miðjuleikmaður hefur
aldrei verið betri. Nýbakaður deilda-
og bikarmeistari með Bayern
Múnchen. Hefur leikið þar síðustu 3
árin. Lék áður með Ajax og varð
margfaldur hollenskur meistari.
Hann var nýlega seldur til AS
Monaco fyrir óþekkta - en háa upp-
hæð. Fyrsti landsleikur 1978 og hefur
nú náð 49 landsleikjum og skorað
10 mörk. Lerby er stjórnandi liðsins.
Mikill baráttumaður sem hlifir sér
aldrei, auk þess getur hann skorað
af löngu færi. Er sjálfkjörinn erfingi
fyrirliðastöðunnar. Er prentari að
mennt og á konu og einn son.
15. Frank Arnesen (181-72), 29 ára
gamall. Hefur leikið 43 landsleiki og
skorað 14 mörk. Fyrsti landsleikur
1977. Nýbakaður hollenskur meistari
með PSV Eindhoven. Lék áður með
Ajax þar sem hann varð margfaldur
meistari (hann og Lerby voru kallað-
ir fótboltatvíburarnir i Ajax),
Valencia á Spáni og Anderlecht.
Mjög tæknilegur og nett leikandi
leikmaður með mikla yfirsýn. Góð
vítaskytta og húmoristi er bætir liðs-
andann. Rekur stóra iþróttavöru-
verslun í Kaupmannahöfn. Giftur og
á tvö börn.
8. Jesper Olsen (168-60), 25 ára.
Hefur leikið 25 landsleiki og skorað
3 mörk. Lék fyrsta landsleik 1980.
Leikur nú með Manchester United
og hefur verið umsvifamikill þrátt
fyrir óhentugan leikstíl, skorað 11
mörk í vetur. Lék áður með Ajax.
Mörg evrópsk stórlið hafa augastað
á honum. Unun er að sjá Jesper leika
á góðum degi. Knattmeðferð er í sér-
flokki og sólar hann títt 2-3 andstæð-
inga úr vonlausri stöðu. Léttleiki
hans getur orðið dýrmætur í þunna
loftinu og hitanum í Mexíkó. Mennt-
aður bankamaður og á enska
kærustu.
13. Per Frimann (177-66), 24 ára, 8
landsleikir. Lék fyrst 1983. Má sín
varla mikils í samkeppninni um sæti
á miðjunni. Leikur með Anderlecht
við góðan orðstír. Nýbakaður meist-
ari. Kemur oft inn á sem varamaður
og fellur þá fljótt inn í spilið. Hleyp-
ur mikið og er nær alls staðar á
vellinum. Trúlofaður, barnlaus.
14. Allan Simonsen (165-59), litli
risinn. 33 ára með 54 landsleiki og
21 mark að baki. Ftyrsti landsleikur
gegn íslandi á Laugardalsvellinum
1972. Danir unnu þá 5-2 og skoraði
Simonsen 2 mörk. Hann á mjög lit-
ríkan feril að baki. Lék erlendis frá
1973-84 með Borussia Mönchenglad-
bach, FC Barcelona og Charlton.
Leikur nú með Vejle í Danmörku.
Hefur unnið fjölda titla, þar á meðal
titilinn knattspyrnumaður ársins í
Evrópu 1977. Það gengur kraftaverki
næst að Simonsen skuli vera í danska
HM-liðinu. Hann fótbrotnaði í opn-
unarleik EM 1984 en hefur barist
hetjulega til að ná sér á strik aftur
- „gamall" maðurinn. Simonsen hef-
ur átt einn stærstan þátt í stöðu
danska liðsins í dag. Hæfileikar hans
eru óumdeilanlegir þrátt fyrir
misjafna frammistöðu síðasta árið.
Hann er sölustjóri og á konu og 3
börn.
Sóknarmenn:
10. Preben Elkjær (183-73), 28 ára.
Hefur leikið 54 landsleiki og skorað
32 mörk. Lék fyrst með liðinu 1977.
Hélt utan sama ár og hefur leikið
með FC Köln, Lokeren og nú síðast
Verona á Ítalíu. ítalskur meistari í
fyrra. Talinn einn skæðasti sóknar-
leikmaður Evrópu í dag. Vakti mikla
• Sepp Piontek, þjálfari Dana.
athygli á EM 1984 og hefur haldið
henni síðan. Óútreiknanlegur leik-
maður, fílsterkur og hemjulaus.
Kallast „sjeffinn". Skorar mörk á
allan hugsanlegan hátt. Þykir
óþekkur og á ósjaldan í útistöðum
við dómarana. Fórnarlamb margra
harðskeyttra varnarmanna - þarf
nánast að bera þá um völlinn.
Menntun: Knattspyrnumaður!! Gift-
ur og barnlaus.
11. Michael Laudrup (183-75), 22
ára. Hefur 28 landsleiki og 18 mörk
að baki. Hélt utan 1983 _og lék fyrstu
tvö árin með Lazio á Ítalíu. Hefur
síðan leikið með Juventus sem varð
ítalskur meistari í vor. Ófáir kalla
hann einn besta knattspyrnumann
heims í dag og eru Danir og Italir
fjölmennir í þeim kór. Sjálfur Plat-
ini, samherji úr Juventus, sparar
ekki lofsyrðin um Laudrup og segist
alltaf vera að læra eitthvað nýtt af
þessum unga manni. Hefur þroskast
mjög frá EM 1984. Verður líklegast
framarlega á miðjunni og mun þá
skipta við Berggreen en það er hans
uppáhaldsstaða þar sem hæfileikar
hans nýtast til fulls. Knattleikni
hans og innsýn í leikinn er með ólí-
kindum. Hefur stúdentspróf og er
trúlofaður.
18. Flemming Christensen (187-73),
28 ára. Hefur leikið 10 landsleiki og
skorað 2 mörk. Leikur með Lyngby
í Danmörku en mun vafalaust leika
erlendis næsta vetur. Mjög snöggur
og marksækinn leikmaður. Berst
hálfvonlausri baráttu um að komast
í liðið þar sem við Elkjær og Laudr-
up er að etja. Kjörinn varamaður þar
sem hann er fljótur að hitna og falla
inn í spilið.
19. John Eriksen (180-74). 28 ára
og hefur leikið 4 landsleiki og skorað
eitt mark. Hefur skorað fjölda marka
i Frakklandi og nú síðast í Hollandi
þar sem hann leikur með Feyenoord
og er með markahæstu mönnum.
Hættulegur leikmaður er nýtir hvert
tækifæri til hins ýtrasta.
Sá á kvölina...
Það er af nógu að taka fyrir Sepp
Piontek. En þrátt fyrir að 7 þessara
leikmanna séu nýbakaðir meistarar
með sínum liðum eða hafi unnið af-
rek með þeim segir hann: „Það
hjálpar mér ekki mikið. Þeir hafa
ekki allt lið sitt með sér! Leikmenn-
irnir koma í landsliðið sem einstakl-
ingar og eiga allt í einu að leika með
mönnum sem þeir sjá ekki á hverjum
degi og mynda eina velvinnándi
heild.“
Piontek fer þó ekkert leynt með
hvert hans sterkasta lið er. Þáð er
svona:
Marvörður: Troels Rasmussen-AGF.
Varnarmenn:
Sören Busk-Maastricht
Ivan Nielsen-Feyenoord
Morten Olsen-Anderlecht
Henrik Andersen-Anderlecht
Miðjumenn:
Mic.hael Laudrup-Juventus
Frank Arnesen-PSV Eindhoven
Jan Mölby-Liverpool
Sören Lerby-AS Monaco
Sóknarmenn:
Klaus Berggreen-AC Roma
Preben Elkjær-Verona
John Sivebæk, ManchesterUnited,
er þó mjög líklegur til að leysa Hen-
rik Andersen af hólmi.
Hér er á ferðinni það sem Danir
kalla danskt dínamít. Er danskt dín-
amít nú orðið eins konar vörumerki
fyrir danska knattspyrnu og passar
nokkuð vel.