Dagblaðið Vísir - DV - 15.11.1986, Page 12

56
LAUGARDAGUR 15. NÓVEMBER 1986.
Höfundur dagbóka Hitlers enn aö skrifa
„Bókin á að heita Þannig varð
ég Adolf Hitler. Ég hef þegar skrifað
hana en er samt ekki enn tilbúinn
að láta hana frá mér. Margar sjón-
varpsstöðvar hafa sýnt verkinu
áhuga en þær vilja ekki borga það
sem ég set upp,“ segir Konrad Kujau
sem frægur varð árið 1983 fyrir að
semja dagbækur í nafni Adolfs Hitler
og selja þýska tímaritinu Stern fyrir
fáheyrða upphæð.
Kujau var dæmdur fyrir tiltækið
en nú er hann laus allra mála og
ætlar að halda áfram að græða á
sögunni um dagbækur Hitlers. Og
Kujau lætur ekki þar við sitja. Hann
hyggst starfa í framtíðinni sem opin-
ber atvinnufalsari. Hann segir að
væna fúlgu megi fá fyrir bréf með
hendi Karls Marx. „Ég er að hugsa
um að skrifa nýja útgáfu af Komm-
únistaávarpinu," segir Kujau. Hann
er þegar orðinn vel fær í að skrifa
eins og Marx og handskrifaða kveðju
frá gamla manninum. Það er að sjálf-
sögðu frumrit.
Gorbatsjov næstur?
En þeir eru fáir sem verða til að
trúa á sannleiksgildi nýrra upplýs-
inga frá Marx þegar vitað er um iðju
Kujau. Hann ætlar líka að róa á
önnur mið þótt stæling á rithönd
Marx sé ágætis tómstundagaman.
„Hver veit nema ég fari að fást við
rithönd Gorbatsjovs,“ segir Kujau.
En samt verða það alltaf dagbækur
Hitlers sem munu halda frægð Kuj-
aus á lofti. Hann segist hafa unnið
að framhaldi þeirra þegar sú fregn
barst honum í sjónvarpinu að fær-
ustu sérfræðingar hefðu talið það
sem hann seldi Stern skrifað með
hendi Hitlers og því yrði að endur-
skoða sitthvað í ævi harðstjórans
sem hingað til hefði verið haft fyrir
satt.
Kujau hafði aldrei tekist eins vel
upp í list sinni. Áður hafði hann fals-
að einstök skjöl og listaverk og selt
fávísum mönnum. En það var ekki
fyrr en hann hafði selt dagbækur
Hitlers aem hann fór að uppskera svo
nokkru næmi fyrir falsanir. Hann
varð að vísu að sitja inni um tíma
en hann fékk að halda peningunum.
Hann var ekki sekur um fjársvik því
sá blaðamaður af Stern sem sá um
kaupin vissi að bækurnar voru fals-
aðar og tók raunar nokkra upphæð
í sölulaun.
Illa viö Hitler
Kujau neitar því algerlega að hann
sé aðdáandi Hitlers þótt mörgum
þyki hann grunsamlega fær í að lifa
sig inn í hugarheim foringjans.
„Blaðamaðurinn frá Stern sá upp-
hafið að fyrstu dagbók Hitlers og
taldi sig geta komið þeim í verð,“
segir Kujau. „Þá sá ég að þetta gat
verið mjög ábatasamt og tók til við
að skrifa af krafti. Ég var vanur að
falsa ýmislegt smálegt frá stríðsár-
unum og vissi því vel hvernig best
var að bera sig að. Bækurnar upp-
fylltu Iágmarksskilyrði þess að vera
trúverðugar en færir sérfræðingar
áttu að geta séð í gegnum svindlið.
Það tókst þeim þó ekki í fyrstu og
mér tókst um stund að blekkja alla
heimsbyggðina," segir falsarinn
Konrad Kujau.
SjáKsmynd Konrads Kujau