Dagblaðið Vísir - DV - 15.04.1987, Blaðsíða 16

16
MIÐYIKUDAGUR 15. APRÍL 1987.
Spumingin
Hvað ætlarðu að gera í
páskafríinu?
Örn Sigurðsson nemi: Ja, ætli ég
verði ekki bara að nýta mér páskafrí-
ið sem best í próflestur og verkefna-
vinnu ýmiss konar.
Hólmfríður Gísladóttir húsmóðir: Ég
býst við að verða heima og njóta
þess að slappa af og hafa það náð-
ugt. Hver veit nema maður skelli sér
á skíði ef veður leyfir.
Ólöf Bjartmarsdóttir: Ég er nú óá-
kveðin þessa stundina. Ætli maður
reyni ekki að gera allt mögulegt í
þessu fríi og nýta það vel.
Haukur Jónsson forstöðumaður: Ég
stefni að því að fara á skíði gefist
þess kostur. Ætli maður reyni ekki
annars að slappa af með góða bók í
hönd.
Magnús Bjarki Jónsson nemi: Ég
ætla sko að glápa á vídeó með nóg
af sælgæti að ógleymdu poppkorn-
inu. Það er allavega gott að fá smá
frí ffá skólanum.
Óskar Jónsson nemi: Til að mynda
japla á páskaeggi, það er hægt að
gera svo margt. Það er ágætt að fá
frí úr skólanum en ég held að ég
muni reyna að læra eitthvað líka í
páskaífíinu.
Lesendur
Stefán Karlsson, 8352-2356, skrifar:
Já, ábendingin hérna á síðunni
er ljót lýsing á vagnstjóra og það
varð smáhvellur innan SVR þegar
við, hópur vagnstjóra, létum þetta í
vagnana hjá okkui-. Nokkrír innan
fyrirtækisins gagnrýndu þessa lýs-
ingu harðlega og töldu hana niður-
lægjandi. Þessum aðilum fannst hins
vegar ekkert athugavert við það að
samninganefnd borgarstarfsmanna
rétti þeim sömu lýsinguna - öðruvísi
orðaða. Þar var hún í því formi að
vagnstjórum er skipað á neðsta þrep
launastigans, á laun sem nánast er
ókleift að lifa af og eiga því ekki
heima í launatöflu. Einhveijir úr
þessum hópi vildu meina að við eign-
uðum farþegum þessi viðhorf til
okkar en við, sem gæddir erum heil-
brigðri skynsemi, vitum að farþegar
eru það líka.
Það er því greinilegt að í stómm
hópum leynist misjafn sauður og
gildir þar einu hvort um er að ræða
vagnstjóra. farþega og alla aðra. Ég
leyfi mér að fullyrða að minnsta
kosti 90% farþega og vagnstjóra em
gæddir heilbrigðri skynsemi þannig
að hjá mér og mínum félögum var
Ábending
Abending!
Þetta fyrirbæri á básnum kallast
„vagnstjóri",
það heyrir ekki neitt, veit ekki neitt og
sér mjög takmarkað.
Reynið ekki aö ná vitsmunalegu
sambandi við það, því það skilur
ekki neitt.
Fólk sem tekur sér far meó þessum
fyrirbærum gerir það á eigin
ábyrgð og megi gæfan vera ykkur
_________hliðholl. ___
„Já, ábendingin hérna á síðunni er Ijót lysing á vagnstjóra og það varð
smáhvellur innan SVR þegar við, hópur vagnstjóra, létum þetta í vagnana
hjá okkur.“
enginn ótti við það að færa í orð það
sem skein út úr tilboði samninga-
neíndar og hvernig hún metur okkar
starf.
Við vinnum að jafnaði stanslaust
50 mínútur af hveijum klukkutíma,
og ef einhveijar tafir em þá kemur
það niður á hvíldartímanum. Þetta
þekkist hvergi nema í akkorði. Ég
ræddi við skrifstofustúlku sem sagð-
ist myndu krefjast aukaþóknunar
ynni hún við þessi skilyrði, og er hún
þó á 30% hæm launum en ég.
Þótt engin átök séu fólgin í vagn-
stjórastarfinu krefst það mikillar
athygli og álagið er gífurlegt í mik-
illi umferð.
Mannleg samskipti ern einnig stór
þáttur í starfinu og við þann þátt
þarf stöðuga skapgerð og umburðar-
lyndi svo samskipti við farþega bitni
ekki á aðalstarfinu sem er að koma
vagni og farþegum heilum í höfn.
Oft em samskiptaörðugleikar, en þó
furðulitlir rniðað við íjölda farþega
og vagnstjóra.
Það er því ljóst að þeir sem geta
ekki umgengist aðra óttalaust og
eðlilega hafa lítið í starfið að gera.
Stefán Karlsson, vagnstjóri 100.
Afram Albert!
Guðmundur Guðmundsson,
3066-6127 skrifar:
í viðtali við DV 3. apríl sl. útilokar
Sverrir Hermannsson menntamála-'
ráðherra samstarf Borgaraflokks og
Sjálfstæðisflokks eftir kosningar.
Hvemig getur Sverrir aftekið
stjórnarsamstarf við einn eða annan
flokk eftir kosningar? Hefur hann
heimild til að gefa út slíkar yfirlýs-
ingar? Ég hef ekki heyrt á þetta
minnst hjá fulltrúaráði Sjálfstæðis-
félaganna í Reykjavík og ekki voru
gerðar neinar samþykktir á lands-
fundi flokksins þó að ekki hafi verið
búið að stofna Borgaraflokkinn.
Ég held að Sverrir Hermannsson
ætti að bera saman sakargiftir Glist-
mps og þær ásakanir sem Albert
Guðmundsson þarf að sæta. Ég hef
þann gmn að Sverrir hafi ekki hug-
mynd um um hvað hann er að tala,
frekar en oft áður.
Það er nokkuð ljóst að ef Albert
hefur brotið lög þá ætti allur þing-
flokkurinn að segja af sér fyrir
yfirhylmingu. Sem þýðir samsekt þar
sem þetta var rætt á þingflokksfundi
sl. haust og aftur síðar. Þessar yfir-
lýsingar Sverris Hermannssonar og
að hans mati annarra forystumanna
Sjálfstæðisflokksins lýsa hinu marg-
umtalaða siðgæði flokksins.
„Það er nokkuö Ijóst að ef Albert hefur brotið lög þá ætti allur þingflokkur-
inn að segja af sér fyrir yfirhylmingu.“
Það er loforð til kjósenda Sjálf-
stæðisflokksins að ekkert á stefnu-
skrá Borgaraflokksins verði
framkvæmt ef Sjálfstæðisflokkurinn
verður í næstu ríkisstjóm.
Ekkert fyrir fatlaða, ekkert fyrir
aldraða, ekkert fyrir þá er minna
mega sín vegna veikinda eða eiga í
erfiðleikum af öðrum ástæðum.
Nú er það víst að Sjálfstæðisflokk-
urinn vill láta kjósa um menn en
ekki málefni en ég veit að Albert
stendur við sín stefnumál og því er
Borgaraflokkurinn skárri kosturinn.
Óhentugur
kjördagur
Sverrir Ólafsson hringdi:
Var virkilega ekki hægt að velja
heppilegri kjördag en þetta, þ.e. 25.
apríl. Hvað hggur á?
Það er alveg fullvíst að hagur
allra landsmanna hefur ekki verið
tekinn í dæmið til að það gengi
upp. Hvað um fólk sem býr úti á
landi en eins og allir ættu að vita
þá eru veðurskilýrðin mismunandi
eftir því hvar þú ert á landinu. Og
ef það viðrar illa, (en íslenska veðr-
áttan er alveg óútreiknanleg)
eigum við þá bara að sleppa því
að fara á kjörstað? Hver tryggir
kosningarétt okkar? Maður skyldi
ætla að atkvæðin skiptu meira
máli en þetta.
Blaðaútgáfa leggst einnig niður
sex daga fyrir kjördag vegna pásk-
anna, það kemur sér kannski best
fyrir stjómraálamennina að við
vitum sem minnst um stefriu þeirra
og frarabjóðendur. Það er allavega
búið að útiloka alla alraennilega
stjórnmálaumræðu.
Svo ekki sé minnst á nemendur
sem em í próflestri á þessum tíma
og geta því lítið fylgst með pólítí-
kinni þessa dagana.
Því er eðlilegt að maður spyrji
frambjóðendur, hvað erað þið að
fela fyrir okkur?
Ánægð með
Óánægju-
kórinn
María Pétursdóttir hringdi:
Ég vil þakka fyrir alveg stórgóða
sýningu, Óánægjukórinn, sem mér
fannst alveg bráðfyndinn gamanleik-
ur. Mér finnst einmitt vanta meira af
svona léttum stykkjum til sýningar.
Ónægjukórinn fjallar um leikflokk
áhugaleikara sem er að æfa Betlaraó-
perana eflir John Gay. Atburðir
leiksins ganga síðan aðallega út á
uppburðalítinn skrifstofumann sem
gengur til liðs við leikflokkinn og á
eftir að koma öllum á óvart.
Mér fannst sýningin takast vel í alla
staði og hafa allt er góður gamanleik-
ur krefst, er litríkt, fjöragt og umfram
allt þrælfyndið stykki.
.Óánægjukórinn hefur allt er góður gamanleikur krefst, er litríkt, fjörugt og umfram allt þrælfyndið stykki.