Dagblaðið Vísir - DV - 15.04.1987, Blaðsíða 42

50
MIÐVIKUDAGUR 15. APRÍL 1987.
Kosningafundur
Ránssamningur
aldarinnar
Haukur Haraldsson spyr Jón Sigurðs-
son:
Mun Alþýðuflokkurinn rifta „ráns-
samningi aldarinnar", samningi Jóns
Helgasonar við bændasamtökin um
28 þúsund milljónir króna til kaupa á
óbreyttu magni landbúnaðarafurða á
næstu §órum árum?
- Eg tel að það að framlengja aðlög-
unartíma að búháttabreytingunni,
eins og nú hefur verið gert, og í kjölfar-
ið að gera þennan samning, sé ákaf-
lega hæpin ákvörðun fyrir ríkisstjóm
sem er að fara frá völdum.
Með þessum samningi var ekki bara
verið að frysta offramleiðslu á sauð-
fjár- og nautgripaafurðum um langan
tíma fram í tímann heldur var líka
verið að binda okkur fjárhagsbyrðar
fram á við. Annars vegar veldur þetta
því að .njög óhægt er um vik að hafa
nokkurt vit í landbúnaðarstefnu og
hins vegar mundi það gera fjármála-
stjórnina mjög erfiða.
Við munum þess vegna, ef við fáum
aðild að stjórn og þau áhrif sem við
þurfum, beita okkur fyrir þvi að þetta
verði endurskoðað, ekki til þess að
fjandskapast við bændur heldur þvert
á móti til þess að losa þá úr þeim
ógöngum sem núverandi offram-
leiðslustefna hefur leitt þá í.
Varaflugvöllur
Jóhanna Magnúsdóttir spyr Guðmund
G. Þórarinsson:
Ertu fylgjandi því að mannvirkja-
sjóður Atlantshafsbandalagsins kosti
gerð varaflugvallar við Sauðárkrók
eða annars staðar á Islandi?
Ég er alfarið fylgjandi þvi að ísland
og Islendingar séu í vamarbandalagi
með öðrum vestrænum þjóðum. Ég tel
að við eigum samleið með þessum
þjóðum og það er þá ákaflega mikil-
vægt að þetta bandalag sé sterkt.
Ef menn telja að aðstaða til eftirlits-
starfa styrkist með slíkum velli þá
finnst mér eðlilegt að Atlantshafs-
bandalagið taki þátt í slíkum fram-
kvæmdum. Ég er alfarið á móti því
að Islendingar hafi bandaríska varnar-
liðið eða Atlantshafsbandalagið að
féþúfu.
Sé það hins vegar algerlega óhjá-
kvæmilegt og hafi þeir not af slíkum
mannvirkjum tel ég að þeir verði að
taka þátt í kostnaði; við erum einfald-
lega of litlir til að bera slíkan kostnað
einir.
B J. vinstri
flokkur eða hægri?
Jón Hauksson spyr Önnu Kristjáns-
dóttur:
Hvort finnst þér þið standa nær Al-
þýðubandalagi eða Sjálfstæðisflokki,
það er hvort eruð þið hægra eða
vinstra megin í litrófi stjómmálanna?
- Bandalag jafnaðarmanna hafhar
andstæðunum hægri og vinstri. Við
teljum að mál, sem eru borin upp
hverju sinni, beri að styðja ef þau em
sannanlega fólkinu í landinu til góða.
Það er tímaskekkja að tala um hægri
eða vinstri.
Þáttur Alberts
Jóhann Sigurðsson spyr Friðrik Soph-
usson:
Átti ekki Albert Guðmundsson sinn
þátt í velferðarupptalningu ríkis-
stjórnarinnar sem þú varst að tíunda
hér áðan?
Jú, mikinn og góðan þátt, ég er al-
veg hissa á honum að hlaupa svona
frá þessu öllu saman.
Erlend lán
í góðæri
Óskar Bergsson spyr Álfheiði Inga-
dóttur:
Er Alþýðubandalagið tilbúið til að
tryggja kaupmátt launa frá 1982 með
erlendum lánum?
- Nei, það er alveg'út í hött að það
þurfi að taka erlend lán til þess, sér-
staklega eins og nú er.
Það er alveg út í hött að vera að
taka erlend lán upp á 2.000 milljónir
og að vera með fjárlagahalla upp á
3.000 milljónir í bullandi góðæri.
Peningamir em til, það þarf bara
að sækja þá þangað sem þeir em, það
á að sækja góðærið til þeirra sem hafa
stolið því.
Albert Guðmundsson og Hannibal Valdimarsson hittust í anddyri Háskólabíós og röbbuðu saman stutta stund.
Kannski hefur Hannibal miðlað af reynslu sinni við að kljúfa flokka.
Uppræting
skattsvika
Sigurður V. Jónsson spyr Aðalheiði
Bjarnfreðsdóttur:
Hvaða stefnu hefur Borgaraflokkur-
inn hvað varðar upprætingu skatt-
svika?
- Ég býst við að Borgaraflokkurinn
hafi nákvæmlega sömu stefnu og aðrir
flokkar í orði kveðnu hvað varðar
skattsvik. Enginn flokkur getur mælt
með skattsvikum.
Flokkur mannsins
og landsbyggðin
Ingibjörg Óskai'sdóttir spyr Pétur
Guðjónsson:
Hvemig viljið þið rétta hlut lands-
byggðarinnar?
Þar skipta mestu máli fjögur atriði.
I fyrsta lagi viljmn við að allt fé lífeyr-
issjóðanna verði eftir úti á landi, verði
eftir á stöðunum. í staðinn viljum við
fjármagna húsnæðiskerfið í gegnum
bankana. Þá þurfum við 4-5 % af út-
lánastarfsemi þeirra til að koma í
staðinn fyrir lífeyrissjóðina.
1 öðru lagi viljum við minnka fjár-
magnskostnað í landinu þannig að
menn á landsbyggðinni flytji ekki fé
sitt til Reykjavíkur og setji það þar í
eitthvert fjármálabrask. í staðinn geti
þeir sett það í atvinnufyrirtæki úti á
landi.
Halldór E. Sigurðsson, fyrrum ráðherra Framsóknarflokksins, meðal fundargesta.
Anna Kristjánsdóttir, Bandalagi jafnaðarmanna, skýtur einhverju að Friðriki Sophussyni á sviðinu.
1 þriðja lagi þurfum við að styrkja
undirstöðuatvinnuvegina, landbúnað
og sjávarútveg. Við viljum afkomu-
tryggingu í landbúnaði, við viljum
endumýja fiskiskipaflotann.
í fjórða lagi viljum við jafna aðstöð-
una úti á landi svo að hún verði
sambærileg við aðstöðuna hér, bæði
hvað heilbrigðisþjónustu og menntun
varðar, og að fólk geti búið úti á landi
eins og menn.
Menntakonur í
Kvennalista
Ólöf Bjarnadóttir spyr Guðrúnu Hall-
dórsdóttur:
Hvað álítið þið, þessar menntakonur
í Kvennalistanum, að þið eigið sam-
eiginlegt með fiskverkunarkonum úti
á Granda?
- Við eigum mjög margt sameiginlegt
með fiskverkunarkonum úti á Granda
og raunar hafa margar okkar verið
fiskverkunarkonur úti á Granda. Kon-
ur hafa vissa lífsreynslu sem við
byggjum á, hvar í stétt sem þær eru.
Flestar konur hafa þá reynslu að ala
börn og ala önn fyrir börnum. Það er
sáralítill munur á kjörum einstæðra
mæðra, sem em menntaðar, og ein-
stæðra mæðra sem vinna úti á Granda;
hlaupin, stökkin óg áhyggjurnar eru
þau sömu og konur eru yfirleitt lág-