Dagblaðið Vísir - DV - 15.04.1987, Blaðsíða 22
22
MIÐVIKUDAGUR 15. APRÍL 1987.
Gamli Sjálfstæðisflokkurinn
Fallistar í framboði
Þegar FViðrik Sophusson stýrði
stuttbuxnadeild Sjálfstæðisflokksins
á árunum upp úr 1970 varð til stórt
slagorð og baráttumál í þeirra hópi
sem Friðrik var helsti talsmaður fyr-
ir; Báknið burt. Það táknaði einfald-
lega að draga úr ríkisumsvifum. Út
á stór orð sem þessi ætlaði Friðrik
sér að verða mikill stjómmálaskör-
ungur. En margt fer öðruvísi en
ætlað er. Ríkisumsvif jukust mjög á
þessum árum, m.a. undir forystu
Sjálfstæðisflokksins. „Báknið burt“
varð að hallærislegu öfugmæli og
Friðrik er andvana fæddur stjóm-
málaskörungur.
Dugði ekki til
Friðrik Sophusson er hinn dæmi-
gerði stjómmálamaður sem verður
undir. Hann hefur tilhneigingu til
að tapa. Úr stóli varaformanns Sjálf-
stæðisflokksins hefur hann tvívegis
tapað fyrir Albert Guðmundssyni í
baráttunni um fyrsta sætið í próf-
kjörum Sjálfstæðisflokksins í
Reykjavík. Ætti þó staða varafor-
manns að vera trygging fyrir 1.
sætinu í prófkjöri þar sem formaður-
inn er ekki í kjöri, þ.e.a.s. ef vara-
KjaHaiinn
Ingibjörg
Þorvaldsdóttir
verkakona
formaðurinn er tekinn alvarlega og
metinn sem alvöm stjómmálamað-
ur.
En varaformennskan dugði Frið-
rik Sophussyni ekki. Og hún dugði
ekki heldur í baráttunni um for-
mennsku í flokknum við Þorstein
Pálsson 1983. Þá var Friðrik vara-
formaður og hefði átt að ganga upp
ef allt hefði verið eðlilegt En lands-
fundur sjálfstæðismanna hafnaði
honum og sótti annan mann, Þor-
stein Pálsson, nýstiginn af forstjóra-
stóli í Vinnuveitendasambandinu.
Friðrik kyssti á vöndinn og lét sér
lynda að vera áfram varaformaður
eftir að hafa beðið lægri hlut fyrir
Þorsteini.
Varaformanninum vantreyst
Varaformannsstaðán dugði hon-
um heldur ekki til áhrifa í flokknum
þegar núverandi rikisstjóm var
mynduð og 6 ráðherrastöðum var
útbýtt Enn á ný var varaformannin-
um vantreyst Hann var ekki tekinn
alvarlega þegar kom að því að út-
deila ábyrgð og völdum á vegum
Sjálfstæðisflokksins. Friðrik var
veginn og léttvægur fundinn. Hann
var talinn hæfur sem pólitískur
sendisveinn og annars flokks stjóm-
málamaður. Og Friðrik lætur sér það
lynda.
Friðrik Sophusson er stjómmála-
maður sem hefur ríka tilhneigingu
til að tapa, og sætta sig við töpin.
Nú er hann loksins kominn í fyrsta
sæti sjálfstæðismanna í Reykjavík.
Friðrik leiðir listann til taps og ó-
famaðar, því menn breyta ekki um
stíl á einni nóttu. Friðrik tapaði fyr-
ir Albert í baráttunni um 1. sætið.
Það þurfti að hrekja Albert úr
flokknum til að koma Friðrik í fyrsta
sætið. Aumingjalegri getur forystan
varla orðið.
Garmurinn hann Ketill
Ekki má gleyma garminum honum
„Báknið burt“ varö aö hallæris-
legu öfugmæli og Friðrik er
andvana fæddur stjórnmálaskör-
ungur."
Katli, manninum í öðm sæti listans,
Birgi ísl. Gunnarssyni, sem í sögunni
verður minnst fyrir þá skömm að
tapa borginni í hendur vinstrimanna
árið 1982. Annar sem vanur er að
tapa.
Það em hnípnir menn i vanda sem
skipa forystu í framboði Sjálfstæðis-
flokksins í Reykjavík. Framboðslist-
inn er ekki sigurstranglegur með tvo
efstu menn sem hafa gleymt því
hvemig á að ná árangri. Þekkja
ekkert annað en að tapa.
Fallkandídatar í forystu. Það er
ömurlegt hlutskipti fyrir gamla
Sjálfstæðisflokkinn sem muna má
flfil sinn fegri.
Ingibjörg Þorvaldsdóttir
„Fallkandídatar í forystu. Það er ömur-
legt hlutskipti fyrir gamla Sjálfstæðis-
flokkinn sem muna má fífil sinn fegri.“
Hvernig stefnuskrá
Borgaraflokksins varð til
Niðurstaða skoðanakannana um
fylgi flokkanna fyrir nokkrum dög-
um kom eins og þruma úr heiðskím
lofti. Hún sýndi að nýr flokkur, þá
tveggja daga gamall, var orðinn
marktækt afl í íslenskum stjóm-
málum.
Fyrst í stað fannst mér að skýring-
una væri að finna í göllum hins
íslenska stjómkerfis og óttaðist að
hér væri á ferðinni bylting sem ætti
eftir að koma niður á þjóðinni í
heild. En brátt varð mér þó annað
ljóst
Á sama hátt og jarðskjálfti eyðir
spennu í jarðskorpunni hefur Borg-
araflokkurinn komið lýðræðinu til
liðs með því að eyða eða a.m.k.
minnka áhrif örfárra einstaklinga
sem i skjóli flokksræðis hafa haft
einokun á skoðunum og athöfhum í
stjómmálum.
Athyglisvert
Fyrr en varði var ég settur í nefnd
til að leggja drög að stefnuskrá fyrir
KjaUarinn
Kristján Ingvarsson
verkfræðingur
þennan nýja flokk sem á því stigi
var lítið meira en hugarfóstur. Þetta
fannst mér athyglisvert þar sem ég
þekkti engan í nýja flokknum per-
sónulega en hafði þó talað í síma
við einn frambjóðendanna, Júlíus
Sólnes, fyrir nokkrum árum um allt
annað en stjómmál.
Óhugsandi er að nefhd þessi hefði
komist að nokkurri niðurstöðu á
öðrum timum en neyðartimum í
stjómmálum. En vom þetta neyðar-
tímar eða hafði fólkið sameinast um
eitthvað annað?
Stefnuskráin
Þama vom saman komin til að
semja stefhuskrá verkalýðsformað-
ur, atvinnurekandi, guðfræðingur,
náttúmvemdarmaður, hvalveiði-
sinni, vísindamaður og leikmaður
svo einhverjir séu nefndir. Og
stefiiuskráin átti að liggja fyrir eftir
21 klukkutíma.
Á fjölmennum fundi frambjóðenda
daginn eftir var stefiiuskráin sam-
þykkt á sex klukkustundum.
Sú staðreynd að nýstárleg, heil-
steypt og athyglisverð stefriuskrá sé
sprottin af slíku samstarfi má teljast
undraverð. í umræðunum um mál-
efnin, sem tekin em fyrir í stefhu-
skránni, urðu málamiðlanir örfáar
enda em málamiðlanir sjaldnast
„ Á sama hátt og jarðskjálfti eyðir
spennu i jarðskorpunni hefur
Borgaraflokkurinn komið lýðræö-
inu til liðs...“
rökréttar og yfirleitt óframkvæman-
legar.
Eftir liggur stefriuskrá, samin af
hópi manna með ólík sjónarmið en
sömu markmið.
Vorum sammála
Og markmiðin em á hreinu. Þau
em betra og fegurra mannlíf fyrir
islensku þjóðina þar sem hver og
einn fær að njóta hæfileika sinna,
virðing fyrir þeim takmörkunum,
sem náttúra landsins setur okkur,
og frelsi frá sem flestum fjötrum
kúgunar frá öðrum mönnum eða
hópum. Um þessi markmið vorum
við öll sammála.
Kristján Ingvarsson.
„ Sú staðreynd að nýstárleg, heilsteypt
og athyglisverð stefnuskrá
sé sprottin af slíku samstarfi má teljast
undraverð.“
urPáskd-yr
fstemmning‘
í Garöshorni
GARÐSHORN fiS
FOSSVOGI
sími 40500 A
GARÐSHORN
, FOSSVOGI
SIL sími 40500
40500
Gleöilega
páska
Blómaúrval
Páskaliljur
Páskaskraut
Páskaskreytingar
Kertaúrval
Opið skírdag kl. 10-21.
Lokaðföstudaginn langa.
Opið laugardag kl. 10-21.
Lokað páskadag.
Annar í páskunu
opiðkl. 10-21.
GARÐSHORN fifi
FOSSVOGI