Dagblaðið Vísir - DV - 27.06.1987, Blaðsíða 16

LAUGARDAGUR 27. JÚNÍ 1987.
Brúðubíllinn á leikvellinum á Tunguveginum. Reyndar eru örfá börn á þeim leikvelli miðað
við t.d. uppi í Breiðholti en þar sitja mörg hundruð börn saman og horfa á brúðusýningarnar.
Það eru börn á öllum aldri sem fylgjast með sýningu Brúðubílsins og mömmur koma gjarnan
með og hafa gaman af. DV-myndir Gunnar V. Andrésson
Brúðuleikhús á hjólum:
Rebbi er
óvinur barnanna
Einn sendiferðabíll hér á landi er
mun vinsælli en aðrir af slíkri gerð.
Það er ekki bara vegna þess að hann
hefur sérlega skrautlegt útlit heldur
er hann í rauninni brúðuleikhús á
hjólum. Þetta er hinn vinsæli Brúðu-
bíll sem hefur heimsótt leikvelli
borgarinnar í ellefu ár. Nú hefur
Brúðubíllinn verið á ferðinni í tæpan
mánuð og það er ekki ofsögum sagt
að börnin séu þakklátustu áhorfendur
sem um getur. Þegar DV menn heim-
sóttu einn leikvöllinn um daginn, þar
sem Brúðubíllinn var í heimsókn, sátu
börnin í hring í kringum bílinn og tóku
virkan þátt í leiksýningunni. Bæði
sungu þau með og svöruðu spurning-
um brúðanna.
Brúðuleikhúsið hefur verið byggt
þannig upp að vissar brúður eru alltaf
með í ferðum á hverju sumri og síðan
er bætt við nýjum. Sýningin gengur
út á kennslu að sumu leyti því í henni
læra börnin t.d. að telja upp í fimm,
læra um fingurna, læra litina og um-
ferðarreglur. Allt er þetta sett upp
þannig að börnin fylgjast mjög vel með
og læra söngvana. Að þessu leyti hefur
Brúðubillinn ákveðinn tilgang. Einnig
eru sagðar sögur og mikið er sungið.
Mörg barnanna eru farin að þekkja
persónur Brúðubílsins og halda með
einni brúðunni frekar en annarri. Til
dæmis hefur rebbi verið hálfgerður
óvinur þeirra en Lilli litli og amma eru
bestu vinir barnanna. Brúðubíllinn er
löngu búinn að sanna tilverurétt sinn
og að öllum líkindum myndu börnin
láta í sér heyra ef hann kæmi ekki.
I sumar fer Brúðubíllinn tvær um-
ferðir á gæsluvellina í Reykjavík
þannig að enginn ætti að missa af.
Helga Steffensen er forsvarsmaður
bílsins og einnig sér hún um brúðu-
og leikgerð. Við spurðum Helgu hvern-
ig stæði á því að börn í næstu bæjarfé-
lögum í kringum Reykjavík fengju
ekki að sjá Brúðubílinn og sagði hún
að það væri vel mögulegt ef þau ósk-
uðu eftir því. „Reykjavíkurborg rekur
þennan bíl og þess vegna er hann á
ferðinni um borgina. Hins vegar er vel
mögulegt að við færum í annað bæjar-
félag en það verður þá að biðja okkur
um það,“ sagði Helga. „Það er eins og
hin bæjarfélögin geri sér ekki grein
fyrir því að það er hægt fá okkur þang-
að,“ sagði hún ennfremur.
Hér á síðunni getur að líta nokkrar
myndir frá einum gæsluvelli borgar-
innar þegar Brúðubíllinn kom þar í
heimsókn. Eins og sjá má eru bömin
altekin og þau lifðu sig svo inn í leik-
ritið að það var greinilegt að annað
komst ekki að.
-ELA
Rebbi og Lilli litli eru vinsælustu persónur bílsins. Þarna var rebbi gamli aö plata Lilia greyiö og börnin voru gráti næst
yfir þessum ósköpum.
Það er ekki látunum fyrir aö fara. I 35 mínútur, á meðan leiksýn-
ingin varir, sitja börnin eins og limd. Þau taka engu að síður
mjög virkan þátt í öllu sem gerist.
„Nú fer eitthvað svakalegt að gerast!“ Hnátan þessi sat stjörf
og horfði á leiksýninguna.