Dagblaðið Vísir - DV - 28.03.1988, Blaðsíða 2

2
MÁNUDAGUR 28. MARS 1988.
Fréttir
Kúrekaleikur í Víðidal
Attræður hestamaður á
flótta undan hrossaþjófum
Haraldur Stefánsson ásamt hesti sínum sem hann bjargaði úr klóm hrossaþjófa rétt í þann mund er selja átti
hestinn úr landi. DV-mynd S
Maður á attræðisaldri, Haraldur
Stefánsson að nafni, varö fyrir því
nú á dögunum að hesti hans var stol-
ið og mátti litlu muna að hann missti
hann úr landi en þjófamir hugðust
selja hann í Þýskalandi.
„Ég kom upp í hesthús á fimmtu-
daginn og sá þá að hesturinn var
löðursveittur. Menn sögöu að þeir
hefðu séö einhvern á harðastökki á
hestinum þá um daginn.
Á fóstudaginn kom ég í hesthúsið
um fjögurleytið og þá var hesturinn
horfinn. Þjófamir höfðu dregið nagl-
ana úr hespunni og þannig gátu þeir
opnað húsið. Þeir skildu eftir miða á
hurðinni um aö þeir hefðu fengið
hestinn að láni.
Nú, ég fór upp í hús til þeirra og
var enginn þar. Ég vissi ekki mitt
rjúkandi ráð og fór heim. Ég hringdi
í lögregluna og fór hún að leita hests-
ins.
Á föstudagskvöldið fór ég aftur upp
að hesthúsi þjófanna við annan
mann. Við komumst inn um
gluggann og fundum minn hest þar
og var þá búið að draga undan hon-
um járnin og merkja hann til útflutn-
ings en hesta verður að flytja út
skeifulausa. Ég tók hestinn í taum
og gekk með hann allt ofan úr Víði-
dal, meðfram Elliðavatni, og fór
niður í Breiðholt við Rjúpnahæð.
Allt þetta gekk ég í svartamyrkri og
kom sér vel að hafa verið í smala-
mennsku í gamla daga og kunna að
ganga í myrkri. Hestinn faldi ég svo
í Breiðholti þá um nóttina.
Og það mátti ekki tæpara standa.
Lögreglan kom upp í Víöidal hálf-
tíma eftir að ég teymdi hestinn burt
og voru þeir þá búnir að setja alla
hesta, sem í húsinu voru, í bíla og
voru komnir langleiðina suður á
flugvöll. Hestinn heföi ég aldrei séð
aftur ef ég hefði beðið.
Lögreglan talaði við þjófinn og
sagðist hann hafa tekið hestinn af
því að ég skuldaði sér peninga. Og
það var svo sem engin stórskuld. Ég
haföi sett hestinn í tamningu hjá
þessum manni í fyrra og borgaö hon-
um 25 þúsund krónur fyrir. Hann
vildi helst ekki taka við peningunum
en falaðist eftir hestinum sem er
bróðir einhvers mesta töltara lands-
ins, Snjalls frá Gerðum. Maöurinn
hefur komið til mín tvisvar ásamt
bróður sínum til aö fala hestinn og
segja þeir að ég hafi ekkert með
svona hest að gera, svona gamall
maður hafi nóg með hina tvo hestana
sem ég á. Mér skilst að tamninga-
menn taki 40 þúsund krónur fyrir
að temja þannig að skuldin hefur
hljóðað upp á fimmtán þúsund krón-
ur.“
Heimildarmenn DV í hesta-
mennsku segja að ekki sé fjarri lagi
að meta slíkan hest á 300 þúsund
krónur þannig að taxtmn er hár hjá
þessum tamningamanni. En hvert
verður framhaldið hjá Haraldi?
Ætla aö kæra
„Mér finnst að allir séu að ganga
eftir því við mig að ég láti þetta ekki
kyrrt liggja þannig að ég fer til lög-
reglunnar strax á morgun og legg
fram kæru því það er greinifegt að
þjófurinn er ekkert á því að hætta.
Hann kom í gærkvöldi á bíl að hest-
húsinu, þar sem ég geymi hestana
mína, og lýsti það upp með bílljósum
tíi að athuga hvort hesturinn væri
geymdur þar inni.“
Til gamans má geta þess að blaða-
maður og ljósmyndari DV óku leið-
ina, sem Haraldur gekk með
ójámaðan hestinn í svartamyrkri á
föstudagsnóttina, og reyndist hún
um sex kílómetra löng.
-PLP
Stöðumælar
afhausaðir
Lögregluþjónn með þýfið, fjölda
stöðumæla sem piltarnir höfðu af-
hausað með rörskera.
DV-mynd S
Lögreglan í Reykjavík handtók
um helgina þrjá pilta er þeir voru
staðnir að verki þar sem þeir voru
að afhausa stöðumæla með rör-
skera. Voru þeir þá búnir aö skera
fjölda stöðumæla af röranum sem
þeir era festir á og hugðust fara
með þá á aMkinn staö til aö bijóta
þá upp.
Að sögn lögreglunnar var þetta
algeng iðja fyrir nokkru, en lítið
hefur borið á slíku undanfarið. Nú
er hins vegar gull að sækja í greip-
ar stöðumæla þvi farið er að borga
með 50 króna mynt Taldi því lög-
reglan ekki ólíklegt að þetta færi í
vöxt. -PLP
Akranes:
Vinnustaðafundir um
tilboð vinnuveitenda
Sigrún Clausen, formaður
kvennadeildar Verkalýðsfélags
Akraness, mun í dag kynna á
vinnustöðum tilboð vinnuveitenda
frá samningafundunum á Akur-
eyri. Sigrún sagöi að verkalýðs-
félögin heföu frest til 12. apríl að
afgreiða málið.
„Ástæðan fyrir því aö ég skrifaði
eklci undir þetta tilboð er sú að á
þingi Verkamannasambandsins í
haust og í ræðu og riti manna eftir
það var sagt að ekki kæmi til greina
að semja um minna en 40 þúsund
krónur á mánuöi sem lágmarks-
laun. Þess vegna lögðum við fram
launakröfur sem miðuðust við
þetta. Þar var gert ráð fyrir að
hæstu laun yrðu 42.446 krónur á
mánuöi fyrir fólk með 10 ára starfs-
reynslu og fullt námskeiðsálag.
Svar vinnuveitenda var að hæstu
laun yrðu 38.350 krónur á mánuði.
Undir þetta gat ég alls ekki skrifað
en mun kynna tilboðið á vinnu-
staðafundum," sagði Sigrún í
samtali við DV.
Hún sagði að ýmislegt í þessu til-
boöi væri viðunandi og að búið
væri að laga ýmislegt frá þeim
samningum sem Verkamannasam-
bandið gerði en kauptölumar væru
algerlega óaðgengilegar aö sínum
dómi. -S.dór
Lömuð ríkisstjóm
er tilgangslaus
- segir Þorsteinn Pálsson forsætisráðherra
Ómar Garðaisson, DV, Vestmannaeyjnm;
„Veikleiki þriggja flokka stjórn-
ar hefur komið skýrt fram í þessu
stjómarsamstarfi,“ sagöi Þor-
steinn Pálsson forsætisráðherra á
aukaþingi Sambands ungra sjálf-
stæðismanna sem haldið var í
Vestmannaeyjum nú um helgina.
Þó sagði Þorsteinn að þessari ríkis-
stjóm heföi tekist að koma í gegn
umfangsmeiri efnahagsaögerðum
og á skemmri tíma en flestum öðr-
um ríkisstjórnum heföi auðnast.
„Það er nauðsynlegt ef þessi rík-
isstjórn á að geta sýnt þann trúnað
sem sérhver ríkisstjórn verður að
gera að menn komi í veg fyrir fram-
hald á þeim deilum sem verið hafa
undanfarið. Það er ábyrgðarhluti
að sitja í ríkisstjóm og efna til
deilna um aukaatriði þegar viö
stöndum frammi fyrir miklum og
alvarlegum verkefnum sem lúta að
hagsmunum okkar allra. Það er
ábyrgðarhluti að draga okkur inn
í deilur annarra þjóða þegar við
þurfum að nota allt okkar afl til að
leysa okkar eigin vandamál.
Þorsteinn var að því spurður
hvort hann væri með þessum orð-
um að hóta stjórnarslitum. „Ef
menn koma sér ekki að því að
vinna af fullum trúnaði þá hefur
það engan tilgang að sitja með lam-
aða ríkisstjórn. Eg er ekki að segja
að þessi ríkisstjórn sé það en hún
hefur verið veikt allt of mikið upp
á síðkastið og meira en svo að það
sé ásættanlegt," svaraði Þorsteinn.
Lýst eftir ungum manni:
Árangurslaus leit
á Álftanesi í nótt
Leit hefur staðið í nótt og í morgun
að 27 ára gömlum manni sem síðast
sást til aðfaranótt sunnudagsins 27.
mars kl. 2.30 viö Garðaholt á Álfta-
nesi.
Lögreglan lýsir nú eftir manninum
sem heitir Steinþór Stefánsson til
heimilis að Vatnsendabletti 90, Kópa-
vogi. Steinþór er um 180 cm hár,
grannvaxinn og skolhærður. Hann
er klæddur í mittissíöan leðurjakka
og gallabuxur og er í svörtum kú-
rekastígvélum. Hann er einnig með
eymalokka í báðum eyrum. Þeir sem
orðið hafa varir við Steinþór Stefáns-
son síðan aðfaranótt sunnudagsins
eru beðnir að hafa samband viö lög-
regluna í Hafnarfirði eða Kópavogi.
Björgunarsveitir hafa leitað árang-
urslaust á Álftanessvæðinu með
aðstoð sporhunds í nótt en þegar
blaðið fór í prentun í morgun var
áætlað að þyrla Landhelgisgæslunn-
ar færi i loftið og héldi leit áfram
ásamt björgunarsveitum.
-JBj
Lögreglan lýsir eftir Steinþóri Stef-
ánssyni sem ekkert hefur sést til
síðan aðfaranótt siðastliðins sunnu-
dags.