Dagblaðið Vísir - DV - 07.01.1989, Síða 21

LAUGARDAGUR 7. JANUAR 1989.
.21
Kvikmyndir
Ný kvikmynd, Mississippi Burning, sem Alan Parker leiksíýrir, vekur mikla athygli:
Frægt morðmál rifjað upp
Atriði úr Mississippi Burning.
Alan Parker fyrir miðri mynd við tökur á Mississippi Burning.
ÞÁ ER loksins farið að kvik-
mynda Baíman eftir langar fæð-
ingarhríðir. Þessi vinsæla teikni-
myndasería hefur verið á dag-
skrá kvikmyndarisanna í nokkur
ár.
Kvikmyndagerðin er í gaman-
sömum búningi svo ekkisé meira
sagt enda er þaö grínleikarinn
Michael Keaton er leikur hetj-
una. Aðalóvin hans, Joker, leikur
Jack Nicholson og KimBasinger
ljósmyndarann Vicki Vale sem
Batmanhrífstaf.
í öðrum hlutverkum eruþekktar
stjörnur á borð við Jack Palance,
Billy Dee Williams og Jerry HaU.
Leikstjóri er Tim Burton.
-k-k-k
OLIVER STONE hefur ekki sleg-
ið slöku við á undanfönmm miss-
erum. Á þremur árum liggja eftir
hann fjórar kvikmvndir. Salvad-
or, Platoon, Wall Street og nú síð-
ast TalkRadio. Hanner nú byij-
aður á nýrri mynd, Born On The
Fourth Of July, oghér er hann á
kunnuglegum slóðum sem sagt
Vietnamstríðíð og hann hefur
fengið Willem Dafoe aftur til liðs
við sig ásamtTom Cruise. Mynd-
in Qallar um sjálfboðaliðann
Kovic er lamast í stríöinu. Eftir
það helgar hann líf sitt baráttu
gegn stríðsrekstri. Söguþráður-
inn er byggður á sönnum at-
burðumog er eftir sjálfsævisögu
Kovic.
kkk
EIITHVAÐ gæti goðsögnin um
norrænu víkingana veikst þegar
nýjasta kvikmynd Monty Python
hópsins, Erik The Viking, kemur
á markaðinn. Að sögnþeirrafé-
laga gerist myndín við strendur
Noregs eða nánar tiltekið á stað
er nefnist Ragnarok og er allt i
myndinni sem einkenna mætti
víkingatímabilið, nauðganir,
morð, svall og einnig sérlega fal-
legar og rómantískar senur.
Söguþráðurinn er kominn frá
leikstjóranum Terry Jones sem
segist hafa samið söguna fyrir
son sinn. Aðalleikarar eru John
Cleese, Mickey Rooney, Terry
Jones, Freddie Jones, Eartha Kitt
og Tim Robbins er leikur Erik.
ÞRÁTT fyrir að aðeins sé sjö ára
aldursmunur á Sean Connery og
Dustin Hof&nan þá hefur Conn-
ery samþykkt að leika fóður Hoff-
man í Eamily Business. Leikstjóri
er Sidney Lumet en hann vann
mikinn sigur með síðustu kvik-
mynd sinni RunningOn Empty.
Lítið er vitað um efni myndarinn-
ar að undaskildu hver erfaðirinn
og hver er sonurinn en getgátur
leiða aö þvi að myndin muni ger-
ast í undirheimaveröld stórborg-
ar.
★ ★*
ÞAD FÓR ekki fram hjá neinum,
sem fylgdist með hinni frábæru
bresku þáttaröð Á ógnartímum,
að Kenneth Brannagh er leikari
framtíðarinnar. Hannhefur nú
ráðist í það þrekvirki að skrifa
handrít, leikstýra og leika titil-
hlutverkið í Hinrik fimmta eftir
William Shakespeare. Með þessu
stórvirki fetar hann í fótspor
Laurence Olivier er gerði eitt af
meistaraverkum kvikmyndanna
eftir þessu leikriti. Brannagh fer
ekki óreyndur í þetta hlutverk.
Hann lék Hinrik fyrir þreraur
árum á Stradford og var þá yngsti
leikarinn sem hafði farið með
þetta hlutverk. Leikararnir sem
Brannagh hefur fengið til liðs við
sig við kvikmyndagerðina eru
ekki af verri endanum, má þar
nefna Derek Jacobi, Paul Scofi-
eld, Judi Dench, Emma Thomp-
son, Ian Holm, Geraldine McEw-
an, Robert Stephens ogBrian
Blessed.
Það var á heitum sumardegi í
júni 1964 sem þrír ungir menn er
unnu að mannréttindamálum,
Michael Schwerner, Andrew Good-
man og James Chaney, voru teknir
fastir rétt fyrir utan Philadelphia í
Mississipi. Þeim var haldið föngn-
um í átta klukkustundir en síðan
sleppt lausum fyrir utan borgina.
Þeir vissu ekki að það var búið
að undirbúa aðgerð gegn þeim.
Voru þeir stoppaðir aftur á sveita-
vegi og sami lögregluforingi og
haföi sleppt þeim handtók þá.
Nú voru með honum menn úr
hinu illræmda Ku Klux Klan.
Mennirnir þrír voru myrtir og
grafnir í jörðu nokkrar mílur í
burtu frá morðstaðnum og var not-
ast við skurðgröfu til að grafa þá.
Afleiðingarnar
Þegar kom í ljós að mennirnir
þrír voru horfnir voru eitt hundrað
og fimmtíu FBI menn látnir koma
til Mississippi til að kanna hvarf
mannanna. Tveir mannréttinda-
mannanna, þeir Goodmann og
Schwemer, voru hvítir og komú frá
New York en sá þriðji, Chaney, var
svertingi er bjó í Mississippi.
Það tók FBI mennina fjörutíu og
íjóra daga að finna réttu líkin, en
meðan á leitinni stóð fundu þeir
nokkur önnur lík er rekja mátti til
athafna Ku Klux Klan.
Líkin af mönnunum þremur voru
illa leikin og þegar þau voru rann-
sökuð nánar kom í ljós að Good-
man hafði verið lifandi þegar hann
var grafinn.
Þrjú ár liðu þar til lögregluforing-
inn Cecil Price og sex aðrir voru
sakaðir um rhorðin. Þeir voru þó
aðeins dæmdir í tíu ára fangelsi og
enginn þeirra sat lengur en fimm
ár inni.
Þetta eru staðreyndirnar í mál-
inu sem nýjasta kvikmynd breska
leikstjórans Alans Parker, Miss-
issippi Burning, fjallar um.
Staðreyndum hagrætt
Alan Parker hefur aldrei á sínum
ferli farið troðnar slóðir. Kvik-
myndir hans hafa ávallt haft eitt-
hvað sérstakt við sig.
Þegar skoðaður er listi yfir kvik-
myndir hans kemur í lós hópur
ólíkra kvikmynda sem þó allar
standa upp úr meðalmennskunni.
Bugsy Malone, Midnight Express,
Fame, The Wall, Birdy og nú síðast
Angel Heart eru nokkrar mynda
hans.
Með Missisippi Burning hefur
hann þó að líkindum gert sína al-
bestu kvikmynd ef eitthvað er að
marka viðtökur vestan hafs. Hefur
henni hvarvetna verið hælt af
Kvikmyndir
Hilmar Karlsson
gagnrýnendum sem og almenningi
og er mikil aðsókn að henni þótt
hún þyki koma við samvisku þjóð-
arinnar.
Parker fylgir vel eftir staðreynd-
um í byrjun myndarinnar og eru
atriðin sjokkerandi svo ekki sé
meira sagt, en um leið og aðalper-
sónur myndarinnar fara að verða
meira áberandi fer hann að blanda
skáldskap við staðreyndir.
Styrkur byrjunaratriða myndar-
innar felst ekki lítið í þeirri vitn-
eskju að allt sem sést á hvíta tjald-
inu, hversu ófögur sjón sem mönn-
um kann að finnast, þá er verið að
sýna atburði sem gerðust í menn-
ingarþjóðfélagi á tuttugustu öld.
Aðalpersónur myndarinnar eru
tveir FBI lögreglumenn er Gene
Hackman og Willem Dafoe leika.
Annar þeirra er af gamla skólanum
og lætur sér í léttu rúmi liggja lög
og reglúr ef árangur næst. Hinn
aftur á móti er nýkominn til starfa
og vill gera allt samkvæmt bókinni.
Þrátt fyrir ólík viðhorf starfa þeir
vel saman og sá yngri verður í lok-
in að viðurkenna að starfsaðferðir
þess reyndari eru árangursríkari í
samfélagi sem er jafngegnsýrt hatri
gegn meðbræðrum og Mississippi.
í raunveruleikanum var lausn
gátunnar ekki eins spennandi og í
myndinni. það tók FBI 44 daga að
finna líkin og það gerðist ekki á
þann dramatíska hátt sem látið er
að liggja í kvikmyndinni.
Alan Parker og Cris Gerolmo, er
skrifaði handritiö með honum og
átti hugmyndina að kvikmynda-
gerðinni, verja þá ákvörðun sína
að gera söguþráðinn dramatískari
en hann var í raunveruleikanum
með því að segja að það hafi komið
fram ótal tillögur sem engar sann-
arnir fengust fyrir og þeir hafi að-
eins stuðst við þær.
Hvað sem staðreyndum líður þá
er Mississippi Burning geysiáhrifa-
mikil kvikmynd sem lætur engan
ósnortinn. Gene Hackman þykir
sýna sérlega góðan leik í hlutverki
hins harða lögreglumanns og Will-
em Dafoe fær hér gott tækifæri til
að komast úr píslarvottshlutverk-
unum tveimur í Platoon og Síðustu
freistingu Krists.
Það er þegar farið að tala um að
Mississippi Burning komi sterk-
lega til greina við óskarsverðlauna-
afhendingu í apríl. Ekki eru svo
birtir hstar vestan hafs um tíu
bestu myndir ársins að hún sé ekki
þar á meðal og í desember kusu
kvikmyndagagnrýnendur í Banda-
ríkjunum Mississippi Burning
bestu kvikmynd ársins, Gene
Hackman besta leikarann, Alan
Parker besta leikstjórann og Fran-
ces Dormand bestu leikkonu í
aukahlutverki.
-HK
Willem Defoe leikur ungan lögreglumann sem vill gera allt samkvæmt bókinni.