Dagblaðið Vísir - DV - 11.10.1989, Blaðsíða 10

26
MIÐVIKUÐAGUR 11. OKTÓBER 1989. ;
Utanferðir___________________________________dv
Heimsókn í Óðinsskóg í Þýskalandi:
Þar sem rómantíkin
ein ræður ferðinni
Jóhaima S. Sigþóisdóttir, DV, Beienbach;
Þeir eru margir sem bregöa sér út
fyrir landsteinana þessa dagana,
ýmist til aö versla eða sjá sig um og
framlengja um leið sumariö íslenska
sem aldrei kom. Margir leggja leið
sina til Þýskalands í þessu skyni og
geta þá slegið báðar þessar flugur í
einu höggi. Veðrið þar ytra er nefni-
lega mjög gott um þessar mundir,
sólin hefur skinið í heiði undanfarna
daga og hitinn farið upp allt upp í
20 gráður.
Haustlitirnir skarta sínu fegursta
um þetta leyti og mennirnir gömlu
spá mildu'm vetri, svipað því sem
gerðist í fyrra en þá ríkti „eilift vor“.
Það er því upplagt fyrir þá sem
hyggja á orlofsferðir til útlanda á
næstunni að bregða sér yfir haftð á
þýska grund og skoða sig um. Þeir
sem vilja láta rómantíkina ráða ferð-
inni og njóta náttúrufegurðar geta
heimsótt Odenwald eða Óðinsskóg
eins og hann er nefndur á íslensku.
Þetta tilkomumikla svæði afmarkast
af ánum Rin, Main og Neckar og ligg-
ur í hjarta Þýskalands ef svo má
segja. Það er friðað og hefur mikið
verið lagt upp úr að vernda það fyrir
hinum ýmsu eyðingaröflum svo hinn
mikli og fjölbreytilegi gróður haldist
óskemmdur. Um 60 prósent þessa
mikla flæmis eru vaxin ýmsum skóg-
artegundum eins og nafniö gefur til
kynna en þar er einnig mikill fjöldi
þorpa og bæja sem eru svo einkenn-
andi fyrir Þýskaland. í þeim má finna
alla þá þjónustu og afþreyingu sem
hugurinn gimist enda mikið lagt upp
úr að laða ferðamenn að. Gamlar
hallir og kastalar svo og rómantískar
hagverksbyggingar færa ferðamann-
inn aftur til fortíðar. Jafnvei í
minnstu þorpunum eru útiböð, sund-
hallir, leikvellir fyrir börn, golfvellir
og annaö sem of langt yrði upp að
telja.
Auóvelt á eigin bíl
Fyrir þá sem á annaö borð treysta
sér til að aka á þýsku hraðbrautun-
um er langhentugast að hafa eigin
bíl til umráða þegar Óðinsskógur er
heimsóttur. Rúmgóð bílastæði eru
þar á hveiju strái og frá þeim liggja
velmerktir göngustígar yfir gróna
akra og skógi vaxnar hæðir og auö-
vitað er alltaf best að vera eigin herra
á ferðalögum því á þann hátt kynnist
ferðamaðurinn landinu best.
Sem fyrr sagði liggur Óðinsskógur
mjög miðsvæðis. Þær hraðbrautir,
sem liggja að honum, eru: Basel-
Frankfurt, Frankfurt-Múnchen
Wúrdsburg-Heilbronn, Stuttgart-
Mannheim. Sé ekið eftir þessum
hraðbrautum er nokkuð einfalt að
aka eftir vegakorti í Óðinsskóg því
vegamerkingar eru greinargóðar og
auðskildar.
Vínrækt er mikil í þessu héraði og
eins og Þjóðveijar segja: „Þar sem
vin er ræktað verður einnig aö vera
til góður matur.“ Þetta á við þarna
því héraðið er frægt fyrir hina góðu
spergilrétti sem eru raunar trompið
á hverjum matseðli í Óðinsskógi.
Spergillinn er tekinn upp að morgni
og að kveldi er hann borinn fram
glænýr með bragðmiklum sósum,
litlum pönnukökum og safaríkri
skinku. Hin íjölmörgu veitingahús,
sem þarna-eru, bjóða einnig upp á
gómsæta rétti sem einkennandi eru
fyrir héraðið svo sem hérasteik í
ijómasósu, rauövínsleginn fasana og
eldsteikta villibráð í koníaki. Ekki
má gleyma kjamasúpunni góðu sem
er gerð úr grænum rúgi eftir æva-
gamalli uppskrift, hefur mörgum
ferðamanninum þótt forvitnilegt að
smakka þjóðarréttinn þann.
Það er annars fróðlegt aö láta fylgja
með í stuttu máli sögu þessarar súpu,
svo að einhveijir þeir er lesa þetta
geti rifjað hana upp þegar þeir eru
sestir yfir glóðheitum súpudiskinum
í Óðinsskógi: Það var endur fyrir
löngu að horfur voru á uppskem-
bresti eitt árið vegna langvarandi
stórrigninga. Leit helst út fyrir að
komið myndi skemmast þar sem það
haföi ekki náö að þroskast. Bænd-
umir gripu til þess neyðarúrræðis
að slá hálfþroskað kornið og freista
þess að þurrka það í bakaraofnum
sínum. Þegar þeir reyndu aö baka
úr mjölinu, sem þeir höfðu malað úr
kominu, reyndist afraksturinn alls-
endis óætur. Þá var reynt að sjóða
kornið og þótti það takast betur. Þar
með björguöust bændur og búalið frá
hinni miklu hungursneyð sem hafði
vofað yfir þeim því úr korninu græna
kom kraftmikil og næringarrík súpa.
Hófst upp frá þessu umfangsmikil
ræktun á „grænu korni“ sem síðan
er meöal annars notað til súpugerð-
ar. Rétt þykir að taka fram til að
spilla ekki matarlystinni að súpan
sú arna hefur verið bragðbætt með
ýmsu góð kryddi og uppskriftin þró-
uð frá því að bændumir þýsku fundu
upp hungursúpuna forðum daga.
Það er varla hægt að tala um mat
án þess að minnast á vín. Vínrækt
er mikil á þessu svæði og því upplagt
að bregða sér í vínsmökkun í ein-
hveijum smábænum. Má þar til
dæmis nefna bæinn Erlenbach am
Main eöa við ána Main þar hefur
vínviður verið ræktaður í nokkur
hundmð ár og hefðin stendur því á
ævagömlum merg.
Það getur verið býsna sögulegt að
sækja einhvem vínbóndann heim, fá
að setjast inn í helgidóm heimilisins
sem er smökkunarstofan og hlýða á
hann segja frá því hvernig hin ýmsu
úrvalsvín em búin til. Meðan á fyrir-
lestrinum stendur fá gestirnir að
dreypa á guðaveigunum, ofast 6 til 8
tegundum, síöan gefst þeim kostur á
að kaupa flösku af einhverju eöalvín-
inu sé þess óskað. Til þess að þetta
sé hægt verður að hafa samband við
viðkomandi vínbónda í tíma og panta
smökkun með nokkrum fyrirvara
einkum ef um stærri hópa er að
ræða.
Svomá
alltaf sigla
Ein er sú skemmtan sem þarna
gefst sem enginn ferðamaður ætti að
láta fram hjá sér fara. Þetta er sigling
á einhverri hinna þriggja áa sem
umgirða héraðið. Rínarsiglingarnar
hafa ætíð verið vinsælar enda útsýn-
ið stórkostlegt úr ferjunum . Það er
líka upplagt að bregða sér í siglingu
á ánni Neckar því að útsýnið er stór-
fenglegt, fornir kastalar, hátt upp í
skógi vöxnum hlíðunum og lítil vina-
leg þorpin sem kúra í dalverpunum.
Ef áhugi er fyrir hendi má alltaf
sigla alla leið til borgarinnar Heidel-
berg, þar er ýmislegt að sjá svo sem
rómaðar hallir og sögufrægar brýr.
Kvöldganga um gamla bæinn undir
hljómhst og hlátrasköllum frá kátum
stúdentum sem kneyfa ölið á kránum
er eitt af því sem seint gleymist.
Hestaleigur eru víða í héraðinu og
eins er hægt að fá leigð reiðhjól.
Raunar hefur færst í vöxt aö fólk
nýti sér síðarnefnda möguleikann.
Ástæðan er meðal annars sú að nú
er farið að bjóða upp á lengri skipu-
lagðar ferðir á reiðhjólum undir
sérstakri leiðsögu. Geta ferðirnar
tekið allt að viku og er boöið upp á
ýmsa möguleika.
Þeir sem eru á höttunum eftir góðu
skíðafríi geta einnig fundið eitthvað
við sitt hæfi í Óðinsskógi. Þegar vet-
ur konungur gengur í garð má til
dæmis benda á skíðastaðinn Katzen-
buckel, sem raunar er mjög vinsæll
á veturna. Hann liggur í 600 metra
hæð og er raunar sá hæsti i Óðins-
skógi. Þar eru einar 20 lyftur í gangi
allan daginn, göngubrautir eru þar
góðar, 57 talsins sem hggja til allra
átta. Það er því upplagt fyrir þá sem
vilja liðka sig á skíðum og njóta um
leiö stórkostlegrar náttúrufegurðar
að sækja þennan stað heim því þar
getur maður svo sannarlega verið
einn með sjálfum sér kæri maður sig
um.
Þeir sem eru í rómantískari kantin-
um geta leigt sér hestasleða og ekið
með klingjandi bjöllum um snævi
þakinn skóginn.
Heilsuböðin
Enn eitt atriði er vert að benda á
en það eru heilsuböðin í héraðinu.
Bad König er eitt hið þekktastaþeirr-
ar tegundar og er í miðjum Óöins-
skógi. Staöurinn er þannig settur aö
loftslagið er ákaflega milt og gott,
hvassviðri eða þoka eru þar óþekkt
fyrirbæri. Þarna er boðið upp á alls
konar kúra og böð fyrir þá þjást af
gigt, hðagigt, taugasjúkdómum og
svo mætti lengi telja. Allt er þetta að
sjálfsögðu undir stjóm fagfólks.
Víða sjást merkilegar fornminjar á
þessum slóðum sem gaman er að
kíkja á, má þar nefna Rodenstein-
kastalarústirnar. Best er að aka í
áttina að bænum Eberbach til að
nálgast þær, vegvísar gefa þá brátt
th kynna hvert aka skal. Bílastæði
eru rétt hjá minjunum og um það bil
tíu mínútna gangur frá bílnum á
ákvörðunarstað. Fyrstu byggingar
kastalans voru raunar reistar sem
bóndabær árið 1250, síðan var þeim
breytt í rammgeröan kastala og virk-
isveggur reistur umhverfis þær.
Portúgal J Madeira
er okkar sérfag
EVROPUFERÐIR
Sími 628181