Dagblaðið Vísir - DV - 13.11.1989, Side 2
Fréttir
MÁNUDAGUR 13. NÓVEMBER 1989.
■ n r ;•» 'T rr yr=.T* * 0 r ájrr\ rn |U A TVf
16 ára piltur í miðbænum:
Varð tvisvar fyrir
harkalegri iíkamsárás
16 ára piltur varð tvisvar sinnum
fyrir harkalegri líkamsárás í Lækj-
argötu aðfaranótt laugardagsins.
Tveir jafnaldrar hans voru hand-
teknir eftir seinni árásina þegar tveir
óeinkennisklæddir lögreglumenn
urðu vitni að því að sparkað var
harkalega í kvið piltsins.
Að sögn þess sem varð fyrir lik-
- félagi árásarmannsins reyndi að hindra handtöku
amsmeiðingunum var fyrst ráðist á
hann í Lækjargötu. Var hann þá sleg-
inn niður og sparkaöi árásaraðilinn
í andlit hans með hnénu þegar hinn
lá í götunni. Hlaut hann mikla bólgu
við auga á eftir.
Tilkynnti hann þá um atburðinn
til lögreglunnar og fóru tveir óein-
kennisklæddir menn með honum til
að leita að árásarmanninuni. Fannst
hann inni á veitingastaðnum Smá-
réttir. Sá sem hafði verið laminn fór
fyrstur inn en lögreglumennirnir á
eftir. Kom þá árásarpilturinn auga á
þann sem hafði tilkynnt um atburð-
inn og réðist samstundis aftur á pilt-
inn með því að sparka harkalega í
kvið hans. Höggið var þaö mikið að
pilturinn kastaðist á lögreglumenn-
ina sem komu á eftir.
Var árásarmaðurinn þá handtek-
inn af óeinkennisklæddu lögreglu-
mönnunum. Félagi árásarpiltsins
kom þá aðvífandi og réðist að lög-
reglumönnunum og ætlaði að hindra
handtöku. Lögreglunni barst þá liðs-
auki og voru piltarnir færöir í fanga-
geymslur lögreglunnnar. Við yfir-
heyrlsur viðurkenndi sá sem spark-
aði aðeins aö hafa gert slíkt „í seinna
skiptið" - þegar lögreglumennimir
voru til vitnis um það. Hann neitaði
að hafa ráðist á hinn piltinn og veitt
honum áverka í fyrra skiptið.
-ÓTT
Bókin Á forsetavaktinni gefin út í Danmörku:
Forseti með
hreinan skjöld
Gizur Hélgason, DV, Kaupmannahofii;
Dönsku sunnudagsblöðin eru ávallt
tvöfóld að stærð miðað við það sem
þau eru vön að vera hvunndags. í
sunnudagsútgáfu Politiken í gær var
því nær heiisíðuumfjöllun um for-
seta íslands, Vigdísi Finnbogadóttur,
í tilefni útgáfu bókar Steinunnar Sig-
urðardóttur sem bókaforlagið Hol-
kenfeldt ser um og kemur í verslanir
í Kaupmannahöfn á fimmtudaginn
undir nafninu Alene pá president-
posten.
Fyrirsögnin í Politiken er sú sama
og þessi grein ber en undirfyrirsögn-
in er eftirfarandi: „Vigdís Finnboga-
dóttir hefur unnið marga sigra á
þeim níu árum sem hún hefur setið
á forsetastólnum.“
Greinarhöfundur er danska blaða-
konan Inge Meshling og gerir hún
efni bókarinnar góð skil. Með grein-
inni fylgja tvær litmyndir, önnur er
af forsetanum ásamt Margréti Dana-
drottningu en hin er af Vigdísi einni
saman í hvítri skósíðri kápu - glæsi-
legri að vanda.
Greinarhöfundur nefnir meðal
annars aö Vigdís eigi ákaflega auð-
velt með að fá þaö besta fram í sér-
hverri manneskju. Hún leggi alla aö
fótum sér, kónga jafnt sem kotunga
með persónutöfrum sínum. Bókin
lýsir viku í lífi forsetans. Hér sé á
ferðinni kona með fádæma hæfileika
sem geti rætt viö stórpólitíkusa um
heimsmálin og íjárbóndann um af-
komu búsins. Hún gróöursetji tré
með bömum, ræði mataruppskriftir
við húsmæðumar en jafnframt
menningarmál hinna ýmsu landa við
ráðamenn. Hún sitji einkafundi með
helstu stórmennum jarðarinnar en
smeygi sér á stundum í vindjakka
og strigaskó, setji sjónaukann um öxl
og fari að skoða gæsir.
Hún hafi haft mikla jjýðingu fyrir
jafnrétti kynjanna á Islandi og úti
um víða veröld en greinarhöfundur
undirstrikar það í greininni að það
væri alvarlegur misskilningur ef
menn héldu að vinsældir Vigdísar
byggðu eingöngu á því að hún væri
glæsileg kona. Hún búi yfir eiginleik-
um sem hafa ekkert með kynskipt-
inguna að gera.
Greinin endar á orðum Heimis
Pálssonar um forsetann: „Ég myndi
kjósa hana enda þótt hún væri karl-
rnaður."
Hærri vextir á húsnæðislán:
Hækkar greiðslubyrði
um 900 þúsund krónur
Ef vextir á húsnæðislánum verða
hækkaðir úr 3,5 prósentum í 4,5 pró-
sent munu lántekendur þurfa að
greiöa Húsnæðisstofnun um 900 þús-
und krónum meira á 40 árum en
þeir annars gerðu af hámarksláni
stofnunarinnar. Þetta er um 12,2 pró-
sent hærri greiðslubyrði.
Þar sem lán frá Húsnæðisstofnun
hafa verið með breytilegum vöxtrnn
frá 1984 þá hækka vaxtagreiðslur
allra þeirra sem hafa tekið lán frá
stofnuninni frá þeim tíma. Þeir sem
fengu lán fyrir 1984 greiða eftir sem
áður 2,25 prósent vexti.
Greiðslubyrði af hámarksláni, 4,2
milljónum, hækkar úr um 12.250
krónum á mánuði fyrstu tvö árin í
15.750 krónur ef vextimir hækka úr
3,5 prósentum í 4,5 prósent. Eftir tvö
ár eru greiðslumar nú um 15.500
krónur en munu hækka í um 17.250
krónur. Greiöslubyrði af hámarks-
láni mun því hækka um 21 til 42
þúsund krönur á ári.
Hluti lántakenda mun fá hærri
vaxtabætur út úr skattkerfinu ef
vextimir hækka. Þeir sem hafa
hærri tekjur eða eiga meiri eignir
munu hins vegar þurfa að standa
undir aukinni greiðslubyrði án þess
að fá til þess aðstoð frá skattinum.
-gse
Innbrot í skartgripaverslun
Rúður vom brotnar í Skartgripa-
verslun Fannars við Lækjartorg og
stolið allmiklu af hringum, eymar-
lokkum og nælum úr glugganum þar
aðfaranótt laugardagsins. Ekki ligg-
ur nákvæmlega fyrir hvert verðmæti
þýfisins er.
Einnig vom innbrot framin í sölu-
tum í Síðumúla og stolið miklu
magni af sígarettum og í vinnuskúr
við Fannafold þar sem bensínrafstöð
varstolið. -ÓTT
1 ’
i
SlökkviliAið að störfum i Ljósheimum 2. Þröngt var um körfubílinn á bílastæðinu og þurfti að brjóta niður grindverk
til að koma bílnum að húsinu. DV-mynd S
Eldur í fataskáp
Eldur kviknaði í fataskáp í bama-
herbergi í Ljósheimum síðdegis á
laugardaginn. Þar sem eldurinn var
á sjöundu hæð tók nokkum tíma að
koma slöngunum upp en greiðlega
gekk að slökkva eldinn og var þvi
lokið hálftima eftir að slökkviliðið
kom á staðinn. Dymar inn í íbúðina
vom opnar og lagði því mikinn reyk
um stigahúsið.
Grunur leikur á að þama hafi börn
verið að fikta með eld með þessum
afleiðingum. Engin slýs urðu á fólki
en tjón töluvert og mest af reyk.
-JJ