Dagblaðið Vísir - DV - 10.03.1990, Blaðsíða 4

Dagblaðið Vísir - DV - 10.03.1990, Blaðsíða 4
LAUGARDAGIfft }1Q. . MjAffS i}W). Fréttir Gróðureyðing er mesta umhverfisvandamál Islendinga: Við erum enn að tapa stríðinu - segir Ingvi Þorsteinsson, deildarstjóri landnýtingardeildar „Það er alveg ljóst að við erum enn að tapa í stríðinu við gróðureyðing- una. Þó að sauðfé hafi fækkað mikið um land allt heldur áfram að blása upp og við erum enn á undanhaldi gagnvart gróðureyðingunni," sagði Ingvi Þorsteinsson, náttúrufræðing- ur og deildarstjóri hjá landnýtingar- deild Rannsóknarstofnunar land- búnaðarins, þegar hann var spurður um ástand gróðurs hér á landi. Ingvi sagði að sífellt væri að koma betur og betur í ljós hve ástandið væri hrikalegt og það lægi nú fyrir að helmingur af upprunalegu gróð- urlendi landsins væri farið. „Stór svæði á láglendi og hálendi eru nú að eyðast. Gróður hefur hins vegar tekiö framförum í einstökum sveitUm þar sem fé hefur fækkað enda hefur sauðfé fækkað um helm- ing á undanförnum áratugum." Ingvi sagði að þó að ástandið væri vissulega svart þá væri augljóst að margt væri hægt að gera til að snúa þróuninni við. Sagði hann að það hefði komið fram að víða gengi hrað- ar að bæta landið en búist hefði ver- ið viö og munaði mikið um þegar létti af beit. Nefndi hann sérstaklega framþróun gróðurs í Skaftafellssýsl- um. „Þetta er auðvitað gleðiefni og seg- ir okkur í fyrsta lagi hvað beitin hef- ur mikil áhrif á gróðurfar og í öðru lagi aö árangurinn er hraðari en maður getur ætlað - það er kannski mesta gleðiefnið." Ingvi hefur ásamt öðrum unnið við að kortleggja gróðurlendi landsins á undanförnum árum. Um leið er gerð úttekt á því hvað landið þolir. Sagði hann að um fjórðungi verksins væri lokið en það þyrfti um 100 milljónir króna til að ljúka því. „Víða er uppblásturinn og upp- fokið svo mikiö að þó að allt sauðfé væri tekið af þeim landsvæðum þá myndi halda áfram að blása upp þar. Snjóboltínn er kominn á það mikinn skrið að þessum landsvæðum verður tæpast bjargað úr þessu nema þá með miklum tilkostnaði. Við erum komnir yfir þröskuldinn þar," sagði Ingvi. Hann nefndi sérstaklega svæð- ið í kringum Kjöl. Það svæði er hrikalega farið og sömu sögu mætti segja um svæði í nánd við Mývatn. Ingvi sagði að einhver eyðing væri í flestum landshlutum og menn hlytu að átta sig á því að þetta væri mesta umhverfisvandamál íslendinga í dag. -SMJ Dómkórinn söng nokkur ættjarðarlög viö anddyri RLR við Auðbrekku f gær í þakkarskyni fyrir að upplýsa innbrot sem framið var i Stúdfó Stemmu fyrir þremur vikum. Á meðal þess sem stolið var voru ómetanlegar hljóðupptök- ur sem eiga að fara á jólaplötu kórsins. DV-myndir S RLR upplýsti innbrotið í Stúdíó Stemmu: Upptökur Dómkórsins komnar til skila - þjófurinn hafði hent nokkrum snældum í sjóinn „Upptökurnar hefðu aldrei fengist aftur nema fyrir dugnað Rannsókn- arlögreglunnar. Þess vegna langaði okkur til aö gera eitthvað fyrir þá og við ákváðum að syngja fyrir utan • hjá þeim og afhenda blóm og konfekt- kassa. Þegar það fréttist í gærkvöldi að þjófurinn væri fundinn þá safnaðist kórinn saman. Fyrst ríkti mikil spenna því við vissum ekki hvort spólurnar voru í lagi. Auk þess hafði þjófurinn hent nokkrum óáteknum spólum í sjóinn," sagði Marteinn H. Friðriksson, organisti og kórstjóri Dómkórsins, í samtali við DV. Sigurði Benjaminssyni rannsóknarlögreglumanni afhent blóm og konfekt þakkarskyni. Eins og DV hefur greint frá var innbrot framið í Stúdíó Stemmu fyrir þremur vikum og þaðan stoUð hljóm- flutningstækjum og hljóðupptökum sem eru ómetanlegar - þar á meðal upptökum Dómkórsins sem áttu að fara á jólaplötu. Um fimmtíu manna hópur hafði lagt tveggja helga vinnu í verkið í Skálholti. I DV var síðan sagt frá því að fimmtíu þúsund króna fundarlaunum væri heitið fyrir upp- lýsingar um máhð. RLR upplýsti málið í fyrrakvöld eftir stöðuga rannsókn í þrjár vikur. Hljómfiutningstækin og flestar hljóðsnældurnar komust þá til skila eftir að átján ára piltur haföi játaö /verknaðinn á sig og benti hann á hvar þýfið var niðurkomið. Sigurður Benjamínsson rannsóknarlögreglu- maður var sérstaklega heiðraður af Dómkórnum í gær en hann hefur borið hita og þunga af rannsókn málins. Enginn aðili gaf sig fram sem . gat veitLupplýsingar til RLR um malið. Pundarlaunin voru því ekki greidd. _ÓTT IFINANCIAL TIMES TUESDAV MARCH 6 IWO Icy landscapes, intimate portraits William Packer reviews exhibitions at the Barbican and Tate Galleries THEARTS Coloursin fromthecold Fyrirsagnir úr' f he Times og The Financial Times Bresk frægð fyrir íslenska frumherja Jákvæð viðbrögö nokkurra breskra gagnrýnenda við íslensku listsýningunni „Landscapes from a High Latitude", sem nú fer fram í Barbican-listamiðstöðinni í London, hafa vakið nokkra athygli hér heima. í umsögn sinni fer hstgagnrýnandi The Times, John Russell Taylor, fógrum orðum um eldri málara, Jón Stefánsson, Gunnlaug Scheving, Finn Jónsson og Jóhann Briem, og telur Kjarval málara á heimsmæli- kvarða. William Packer, gagnrýnandi The Financial Times, tekur í svipaðan streng, hælir öllum frumherjum ís- lenskrar málarahstar en er sérstak- lega hrifinn af Ásgrími Jónssyni. „Þetta eru auðvitað mjög ánægju- leg viðbrögð," sagði Bera Nordal, for- stöðumaöur Listasafns íslands, en hún hefur verið viðstödd opnanir sýningarinnar og fylgdi meðal ann- ars Elísabetu Englandsdrottningu um hana þann 6. mars síðastliðinn. „Það sem mestu máli skiptir er hve vel fólk hefur tekið sýningunni í heild sinni. Breskt listasamfélag er mjög lokað og við renndum því dálít- ið blint í sjóinn með því að efna til sýningarinnar. Það er til dæmis mikils vert að fá þessa jákvæöu gagnrýni í The Times og The Financial Times svona fljótt. Margar sýningar þurfa að bíða vik- um saman eftir umsögnum," sagði Bera. Drottning þægileg „Það var hka gaman - og gott fyrir sýninguna - að Bretadrottning og Filippus prins skyldu heiðra hana með nærveru sinni því þau gera lítiö af því að skoða listsýningar. Drottn- ingin er á leiðinni til íslands og því hefur henni og ráðgjöfum hennar efiaust þótt við hæfi að hún liti inn á íslenska Ustsýningu." - Hvernig var svo Bretadrottning í viðkynningu ? „Afskaplega þægileg en auðvitaö þaulvön svona heimsóknum. Allt fór fram eftir fóstum reglum." - Eru einhverjar líkur á því að þessi sýning muni leiða til alþjóðlegrar eftirspurnar á verkum Kjarvals og annarra íslenskra frumherja, og þá tilhlýðilegrar frægðar? „Ég held aö við ættum ekki að gera okkur gylhvonir um það," sagði Bera Nordal að lokum. „Verk Kjarvals hafa oft áður verið til sýnis erlendis og uppskorið mikið lof en það hefur ekki orðið til þess aö vekja alþjóðleg- an áhuga á honum. Það þarf meira en tvo jákvæða dóma í virtum bresk- um blöðum til að breyta því ástandi." DV ræddi einnig við starfsfólk myndlistadeildar Barbican-listamið- stöðvarinnar sem lýsti því almennt yfir að íslenska sýningin hefði komið því „skemmtilega á óvart" og að aö- sókn hefði verið góð. -ai Verðbólgan Innan marka samninganna Framfærsluvísitalan hækkaði um 0,8 prósent frá fyrra mánuði. Þetta er minni hækkun er gert var ráð fyrir eftir kjarasamningana. Spá Alþýðusambandsins og vinnu- veitenda um verðbólgu stenst því enn. Þessi hækkun jafhgildir um 10,7 prósent verðbólgu. Hækkanir und- anfarna þrjá mánuði jafngilda um 12,4 prósent verðbólgu á ársgrund- velli. Spá Alþýðusambandsins og vinnuveitenda gerði ráð fyrir um 13 prósent verðbólgu á sama tíma. Verðbólgan í dag er því rétt innan við þau mörk sem miðað var við í kjarasamningnuhum. -gse Veðurtepptur í Loömundarfiröi í tíu daga: Skildi 42 hross eftir í Húsavik „Ég skildi hrossin eftir í Húsavík sem er vík á milli Borgarfjarðar eystra og Loðmundarfjarðar. Fyrst fór ég á sleðanum frá Loðmundar- firði og heim til Borgarfjarðar? Ég komst á síðustu bensíndropunum. Þá var loksins orðin góð færð. Vél- sleðinn minn er þungur og því erf- iður að eiga við þegar þarf að hjálpa honum áfram," sagði Jón Sveinsson, bónui á Grund í Borgarfirði eystra. Eins og fram kom í DV í síðustu viku var Jón búinn að vera veðurtepptur í tíu daga í Loðmundarfirði. Vélsleð- inn hans var orðinn bensínlítill og því tvísýnt um aö hann kæmist til baka á meðan ekki var hagstætt veö- ur og færð. Ætlun Jóns var að reka 42 hross, sem hann hafði í Loðmund- arfirði, heim til Borgarfjarðar. „Ég fór með bróður mínum á sleð- anum á mánudag og var ætlunin að reka hrossin heim. Það gekk ágæt- lega þangað til við vorum komnir til Húsavíkur. Þá var veður orðið slæmt og við ákváðum að skilja hrossin eft- ir þar. Það er allt í lagi enda loðinn hagi í víkinni. Ef á þarf að halda þegar ég fer aftur er þarna eyðibýh sem er hægt að hita upp. Þegar snjó- inn fer að losna og það fer að hlána reikna ég meö að leggja af stað og ná í hrossin - ætli það verði ekki á næstu dögum," sagði Jón í samtali viðDV Aðspurður hvort á meðal hross- anna væru einhverjir gæðingar sagði Jón: „Þetta er nú allt vel ættað. Þetta eru þriggja til fjögurra vetra hross af Austanvatna- og Svaðastaðakyni. Ég keypti hrossin þegar þau voru folöld og eru nokkur þeirra undan Sörla frá Sauðárkróki og Þætti frá Kirkjubæ. -ÓTT

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.