Dagblaðið Vísir - DV - 21.05.1990, Síða 2

2
MÁNUDAGUR 21. MAÍ 1990.
Fréttir
Skoðanakönnun DV:
Nýr vettvangur heggur í
fylgi Sjálfstædisflokksins
- fulltrúar Framsóknar, Alþýöubandalags og Kvennalista 1 hættu
Samkvæmt niðurstöðum skoðana-
könnunar DV nú hefur Nýr vett-
vangur náö að höggva i fylgi Sjálf-
stæðisflokksins frá síðustu könnun
sem gerð var fyrir þremur vikum.
Nýr vettvangur hefur aukið fylgi sitt
um 5,8 prósentustig en Sjálfstæðis-
ílokkurinn hefur misst 4,9 prósentu-
stig. Litlar breytingar eru á fylgi
annarra flokka.
Miðaö við þessar niðurstöður fengi
Sjálfstæðisflokkurinn 13 fulltrúa í
borgarstjórn og Nýr vettvangur 2
fulltrúa. Aðrir flokkar fengju engan
mann kjörinn í borgarstjórn.
Núverandi minnihluta-
flokkar í hættu
Samkvæmt niðurstöðunum eru
fyrstu menn á listum Framsóknar,
Alþýðubandalags og Kvennalista
hins vegar á þröskuldinum. Sama
má segja um þriðja mann á lista Nýs
vettvangs en hann er nær borgar-
stjórn en fyrstu menn á lista Al-
þýðubandalags og Kvennalista.
Miðað við að ekkert atkvæði
minnihlutans fari til spilhs nægir
fylgi hans samkvæmt könnun DV til
að koma 4 fulitrúum að á móti 11
fulltrúum Sjálfstæðisflokksins. En
þar sem fylgi minnihlutans dreifist
eins og raun er á vinnur Sjálfstæðis-
flokkurinn 2 fulltrúa þar sem svo
mikið fylgi minnihlutans dettur nið-
ur dautt.
í könnuninni reyndust 26,3 prósent
vera óákveðin og 8,6 prósent neituðu
að svara. Alls tóku því um 65,1 pró-
sent afstöðu sem er ívið meira en í
síðustu könnunum DV fyrir kosning-
arnar 1986 og 1982.
Ilmmæli fólks
í könnuninni
„Það velja allir Sjálfstæðisflokkinn
á þessu heimili," sagði kona. „Ég
veit ekki enn hvað ég geri en ætli ég
kjósi ekki einhvern af vinstri ílokk-
unum,“ sagði einn karlanna. „Ég
held ég muni bara kjósa hann Davíð;
mér finnst hann bæði sætur og elsku-
legur maöur,“ sagði ein kvennanna.
„Eg kýs Alþýðubandalagið eins og
ég hef alltaf gert,“ sagði kona. „Ég
er nú bóndi og kaus alltaf Framsókn
en ég er hrifinii af Davíð. Hann er
duglegur og ráðandi,11 sagði karl. „Ég
ætla að kjósa slaufuna," sagði kven-
maður. „Ég er svo íhaldssamur að
ég kýs íhaldið eins og ég hef gert í
þrjátíu ár,“ sagði karlmaður. „Ég er
vinstri maður en vil ekki höfuð-
lausan her. Ég kýs því Davíð,“ sagði
einn karlanna. „Þetta eru allt saman
afglapar; alveg sama í hvaða flokki
þeir eru,“ sagði annar karl. „Ég kýs
Sigrúnu vegna þess að hún er í hættu
með að falla,“ sagði þriðji karlinn.
„Ég kýs náttúrlega Davíð," sagði
kona. „Mínir menn vinna; Davíð
konungur og fylgdarlið," sagði karl.
„Valið stendur á milh Kvennalistans
og H-listans og ég held að það veröi
H-listinn í þetta sinn,“ sagði ein
kvennanna. „Ég læt það alveg vera
aö kjósa núna. Það er tímasóun,"
sagöi karlmaður. -gse
Ef miðað er við um 82 prósent kosn-
ingaþátttöku eins og 1986 þarf fram-
boðshsti að fá um 4.000 atkvæði eða
um 6 til 7 prósent atkvæða til að ná
inn manni. Samkvæmt könnun DV
nú er Framsókn rétt undir þessum
mörkum, Alþýðubandalagið lítið eitt
neðar og Kvennalistann vantar síðan,
ögn upp á fylgi Alþýðubandalagsins.
Flokkur mannsins og Græna fram-
boðið eru hins vegar langt frá fyrsta
manni samkvæmt skoðanakönnun
DV.
Miklar breytingar
frá kosningum
Ef miðað er við úrslit síðustu kosn-
inga benda niðurstöður skoðana-
könnunar DV til mikilla breytinga.
Þá fékk Sjálfstæðisflokkurinn 52,7
prósent atkvæða en fær 70,1 prósent
samkvæmt könnuninni nú. Það eru
9 sjálfstæðismenn í borgarsijórn en
þeir yrðu 13 samkvæmt könnun DV.
Nýr vettvangur yrði eini minnihluta-
flokkurinn í borgarstjórn með 2 full-
trúa en fylgi hans mældist 14,6 pró-
sent í könnuninni. Alþýðubandalag-
ið hefur tapað mestu frá kosningum
en það fékk 20,3 prósent þá en mæl-
ist nú með 4,7 prósent. Það mundi
missa alla sína 3 fulltrúa ef niður-
stöður kosninganna yrðu eins og
könnun DV. Einn þessara fulltrúa,
Kristín Á. Ólafsdóttir, færi hins veg-
ar inn sem fulltrúi Nýs vettvangs.
Kvennalistinn hefur einnig tapað
miklu fylgi frá kosningum. Hann
fékk þá 8,1 prósent en fær 4,5 prósent
í könnun DV. Kvennalistinn missir
því manninn sinn. Framsókn tapar
einnig en aðeins minna. í kosningun-
um fékk Framsókn 7,0 prósent en
mælist nú með 5,2 prósent. Það dugir
ekki til að halda inni manni.
í skoðanakönnun DV var úrtakið
1.200 Reykvíkingar og skiptust þeir
jafnt á milh kynja. Spurt var: Hvaða
lista myndir þú kjósa ef borgar-
stjórnarkosningar færu fram nú?
-gse
Niðurstöður skoðanakönnunarinnar urðu þessar:
Til samanburðar eru niðurstöður fyrri kannana DV
mars apríl nú
Framsóknarflokkur 2,7% 3,5% 3,4%
Sjálfstæðisflokkur 47,8% 50,0% 45,7%
Alþýðubandalag 4,5% 3,5% 3,1%
Nýrvettvangur - 5,8% 9,5%
Flokkurmannsins - 0,5% 0,2%
Kvennalisti 5,2% 3,2% 2,9%
Græna framboðið - 0,2% 0,3%
Svara ekki 4,0% 4,5% 8,6%
Óákveðnir 31,3% 28,8% 26,3%
Ef aðeins eru teknir þeir sem tóku afstöðu
eru niðurstöðurnar þessar:
Til samanburðar eru úrslit síðustu kosninga
og niðurstöður fyrri kannana.
kosn. mars apríl nú
Alþýöuflokkur 10,0% 7,6% -
Framsóknarflokkur 7,0% 4,1% 5,3% 5,2%
Sjálfstæðisflokkur 52,7% 74,0% 75,0% 70,1%
Alþýðubandalag 20,3% 7,0% 5,3% 4,7%
Nýrvettvangur - ; *** : 8,8% 14,6%
Flokkurmannsins 2,0% - 0,8% 0,4%
Kvennalisti 8,1% 8,0% 4,8% 4,5%
Græna framboðið - - 0,3% 0,5%
Samkvæmt niðurstöðum könnunarinnar skiptast borgarstjórnarsætin þannig:
kosn. mars apríl nú
Alþýðuflokkur 1 1 - -*
Framsóknarflokkur 1 0 0 0
Sjálfstæðisflokkur 9 12 14 13
Alþýðubandalag 3 1 0 0
Nýrvettvangur - - 1 2
Flokkurmannsins 0 - 0 0
Kvennalisti 1 1 0 0
Grænaframboðið 0 0
Miðaö við frávik frá síðustu könnun 1986:
Alþýðubandalag og
Framsókn kæmu hvort
sínum manninum að
- Sjálfstæðisflokkurinn næði tíu mönnum inn
í mörgum undanfómum borgar-
stjórnarkosningum hefur Sjálfstæð-
isflokkurinn fengið minna fylgi en
siðustu skoðanakannanir fyrir kosn-
ingarnar bentu til. Á sama hátt hafa
minnihlutaflokkarnir fengið. meira
fylgi í kosningunum en síðustu
kannanir fyrir kosningar gáfu til
kynna. Þó kannski sé ekki hægt að
líta á það sem reglu þá bendir reynsl-
an til þess að hinir óákveðnu dreifist
nokkuð jafnt á mhli framboöslist-
anna síðustu vikuna fyrir kjördag.
Áriö 1986 birti DV niðurstöður
skoðanakönnunarfimm dögum fyrir
kjördag. í þeirri könnun fékk Sjálf-
stæðisflokkurinn 58,2 prósent fylgi. í
kosningunum sjálfum fékk flokkur-
inn hins vegar 52,7 prósent. Mismun-
urinn er 5,5 prósentustig.
Minnihlutaflokkarnir fengu að
sama skapi 5,5 prósentustigum fleiri
atkvæði í kosningunum en í síðustu
könnun DV. Alþýðubandalagið fékk
17,8 prósent í könnun DV en 2,5 pró-
. sentustigum meira í kosningunum
eöa 20,3 prósent. Framsókn fékk 5,0
prósent í könnun DV en 2,0 prósentu-
stigum meira í kosningunum eða 7,0
prósent. Alþýðuflokkurinn fékk 9,2
prósent í könnun DV en 10,0 prósent
í kosningunum eða 0,8 prósentustig-
um meira. Kvennalistinn fékk hins
vegar minna fylgi í kosningunum en
í könnun DV eða 8,1 prósent í stað
8,8 prósenta. Mismunurinn er 0,7
prósentustig. Loks fékk Flokkur
mannsins 2,0 prósent í kosningunum
en hafði fengið helmingi minna fylgi'
í könnun DV eða 1,0 prósent.
Árið 1982 birti DV niðurstöður
skoðanakönnunar þremur dögum
fyrir kjördag. Þá var úrtakið 600
manns í stað 1.200 manna úrtaks eins
og nú og árið 1986. Mismunur milli
niðurstaöna könnunarinnar og úr-
slita kosninganna var þá nokkuð
meiri en 1986. Sjálfstæðisflokkurinn
fékk þannig 63,3 prósent í könnun
DV en fékk 52,5 prósent í kosningun-
um eöa 10,8 prósentustigum minna.
Eins og 1986 vantaði mest upp á fylgi
Alþýðubandalags og Framsóknar í
könnun DV miðað við kosningarnar
en minna upp á fylgi Alþýðuflokks.
Eins og 1986 varð fylgi Kvennalistans
minna í kosningunum en könnun
DV benti th.
Það skal tekið fram að óákveðnir
og þeir sem neita að svara voru mikl-
um mun fleiri í síðustu könnunum
DV fyrir kosningarnar 1982 og 1986
en í könnuninni nú. Árið 1982 voru
þeir 40,5 prósent, árið 1986 48,1 pró-
sent en nú eru þeir 34,9 prósent.
Ef brugðið er á leik og frávik frá
síðustu könnun DV fyrir kosning-
amar 1986 og kosninganna þá fyrir
hvern einstakan lista eru sett inn i
könnunina nú skiptast borgarstjórn-
arsætin þannig aö Sjálfstæðisflokk-
urinn fær 10, Nýr vettvangur 3 og
Framsókn og Alþýöubandalag hvort
sinn fulltrúann. Þar sem Nýr vett-
vangur er nýtt framboð nýtur hann
meðalfráviks stj órnarandstöðunnar
frá 1986 í þessum leik aö tölum.
-gse