Dagblaðið Vísir - DV - 11.05.1991, Blaðsíða 19

LAUGARDAGUR 11. MAl 1991.
„ Það var jarðsprengja
á leiksvæðinu"
Á hinum svonefndu „eftirstríðsárum”
síðan 1945 hafa ekki færri en 20
milljónir óbreyttra borgara farist í fleiri
en 100 styrjöldum og milljónir til
viðbótar hafa beðið ómældan skaða og
búa við ótrúlegar þjáningar.
Meðal hryllilegustu afleiðinga
styrjaldarátaka er að saklaust fólk
missir limi af völdum sprengiárása og
jarðsprengna sem styrjaldaraðilar
koma fyrir með þeim hætti að þær
granda fleiri borgurum en hermönnum.
Hinn 12. maí gengst Rauði kross
Islands fyrir landssöfnun og verður því
fé sem safnast varið til Kúrdískra
flóttamanna og til að koma á fót
gervilimasmiðju í Afganistan þar sem
þúsundir Afgana bíða þess að fá
gervilimi í stað þeirra sem þeir hafa
misst vegna stríðsátaka. Einnig þarf að
sjá þessu fólki fyrir hjólastólum,
hækjum og öðrum hjálpartækjum.
í Afganistan eru enn milljónir virkra
jarðsprengna í jörðu og má telja víst að
þær eigi eftir að valda harmleik hjá
þúsundum óbreyttra borgara, jafnvel
þótt stríðinu linnti nú þegar.
Með framlagi þínu getur þú lagt þitt
af mörkum til að gera saklausu
fórnarlambi óhugnanlegra stríðsátaka
kleift að lifa nokkurn veginn eðlilegu lífi
að nýju.
Það er siðferðileg skylda okkar að
gera allt sem í okkar valdi til að lina
þjáningar þessa fólks.
Hjálpið okkur að hjálpa þeim.
Helmingur söfnunarfjár
rennur til kúrdískra flóttamanna
+c
SÓL ÚR
Alheimsátak
til hjálpar stríðshrjáðum
19
ARGUS/SÍA