Dagblaðið Vísir - DV - 24.08.1991, Blaðsíða 2
2
LAUGARDAGUR 24. ÁGÚST 1991.
Fréttir
Island viðurkenmr Eystrasaltslöndin:
Menn nánast táruðust
„Ég lýsti því yfir á þingmanna-
fundi að íslenska ríkisstjórnin hefði
viðurkennt sjálfstæði Eistlands og
Lettlands og boðist til að taka upp
formlegt stjórnmálasamband við
Evstrasaltsríkin þrjú.
Áður en ég byrjaði ræðuna gerði
ég mér enga grein fyrir því hvernig
viðbrögðin yrðu en ég var með hjart-
slátt lengi á eftir. Menn urðu svo
djúpt snortnir að þeir nánast táruð-
ust eftir þessa yfirlýsingu," sagði
Lára Margrét Ragnarsdóttir alþing-
ismaður en hún yfirgefur Litháen í
dag eftir að hafa setiö þingmanna-
ráðstefnu í Eystrasaltslöndunum
ásamt Jóhannesi Geir Sigurgeirs-
syni.
„Menn áttu vart orð yfir hugrekki
- segir Lára Margrét Ragnarsdóttir
íslendinga að ríða á vaðið með þessar
yfirlýsingar og margir hafa komið til
mín á eftir og sagt að þetta hljóti að
brjóta ísinn fyrir önnur lönd að við-
urkenna sjálfstæöi Eystrasaltsríkj-
anna," sagði Lára Margrét.
Lára sagðist halda að lokaályktun
þingmannaráðstefnunnar yröi eitt-
hvað á þá leið að hvetja og styðja við
bakið á Borís Jeltsín Rússlandsfor-
seta, að viðurkenna Eystrasaltslönd-
in ásamt því að styðja alla viðleitni
í þá veru.
„Það er mikið höfðaö til Evrópu og
Evrópulandanna og menn eru sam-
mála um að þar muni ekkert gerast
nema bæði Vestur-Evrópa og for-
svarsmenn stjórna í Vestur-Evrópu
ásamt Rússlandi styðji sjálfstæði
Lára Margrét Ragnarsdóttir alþingismaður: Áður en ég byrjaði ræðuna
gerði ég mér enga grein fyrir því hvernig viðbrögðin yrðu en ég var með
hjartslátt lengi á eftir. Menn urðu svo djúpt snortnir að þeir nánast táruð-
ust eftir yfirlýsingu islenskra stjórnvalda um að taka upp stjórnmálasam-
band við Eystrasaltsríkin þrjú.
landanna," sagði Lára Margrét.
Hvaö ástandið í Vilníus, höfuðborg
Litháen, snertir sagði Lára Margrét
að allt væ'ri þar að færast í eðlilegt
horf.
„Það er frekar rólegt í bænum,
flestar byggingar hafa verið ruddar
af hermönnum og búið að taka niður
byltingarfánann af húsi kommún-
istaflokksins. Menn eru ákaflega
ánægðir með það hvernig fór en þó
ríkir hógværð í allri ánægjunni því
menn vita að enn er langt í land.
Ég er afskaplega ánægð og stolt
fyrir hönd okkar allra að hafa fengið
tækifæri til þess að fá að vera með í
þessu, bæði stolt og þakklát," sagði
Lára Margrét að lokum.
-ingo
Hann tók heldur betur rassíu í hreingerningarmálum, einn ibúinn við Sóleyj-
argötuna fyrir nokkru. Þegar Ijósmyndara DV bar að garði leit út fyrir að
búið væri að tæma kjallarann, bilskúrinn, geymsluna og háaloftið, allt á
einu bretti. DV-mynd Hanna
Steingrímur Njálsson tekinn grunaður um ölvunarakstur á Siglufirði:
Tekinn í 43. skiptið en
er með 10 ára skírteini
- býr 1 tjaldi og íbúar í Fljótunum með sérstaka gæslu á bömum sínum
Nokkur ótti hefur gripið um sig á
meðal íbúa á Siglufirði og í Fljótun-
um á síðustu dögum þar sem kyn-
ferðisafbrotamaðurinn Steingrímur
Njálsson hefur veriö þar á ferð. Allir
íbúar, fólk og börn, á bæjum í Fljót-
unum hafa verið varaðir við mannin-
um. Börnum var haldið frá því að
að fara í berjamó í gær eða vera þar
sem þau eru ekki nálægt fullorðnum.
Síðast fréttist af Steingrími í tjaldi
við Stífluhóla í gær og var fylgst með
ferðum hans.
Maðurinn var tekinn grunaður fyr-
ir að hafa verið ölvaður undir stýri
á Siglufirði aðfaranótt fimmtudags-
ins. Var það í 43. skiptið sem lögregla
gerir slíkt við þennan mann.
„Það greip um sig ákveðinn ótti við
að hafa þennan mann hér í bænum.
Hann var tekinn hér. grunaöur um
ölvun viö akstur um nóttina en hon-
um var síðan leyft að fara á bílnum
daginn eftir. Ég geri svo ráð fyrir að
niðurstaðan úr blóðprufunni og mál-
ið verði send suður til meðferðar,"
sagöi Erlingur Óskarsson, bæjarfóg-
eti á Siglufirði, í samtali við DV í gær.
8-15 ára börn í Fljótunum fóru á
íþróttaæfmgu á fimmtudagskvöld:
„Bömin voru dálítið miður sín og
töluðu mikið um þetta. Eg veit hins
vegar ekki til þess að maðurinn hafi
reynt að fá börn upp í bílinn til sín,“
sagði kona sem sá um æfinguna. Hún
sagði að lögrcglan heföi hringt í íbúa
og varað við manninum.
Ríkissaksóknari
krefst öryggisgæslu
Áður en Steingrímur Njálsson var
tekinn ölvaður undir stýri í vikunni
hafði hann verið tekinn 42 sinnum
fyrir slíkt athæfi áður - síðast við
Veiðivötn í júlí en þá fékk kona
taugaáfall á tjaldstæöinu þegar hann
ógnaöi henni og vinkonu hennar með
því að aka næstum þyí á tjald þeirra.
Við svo búið ók Steingrímur á bifreið
sinni á jeppa og skemmdi hann.
Þrátt fyrir að hafa ekið svo oft und-
ir stýri hefur Steingrímur 10 ára öku-
skírteini undir höndum sem heimil-
ar honum að aka margs konar farar-
tækjum. Hvorki atvikið við Veiði-
vötn né á Siglufirði aðfaranótt
fimmtudagsins urðu til þess að skír-
teinið yrði tekið af honum.
Rikissaksóknari er með mál í gangi
í Sakadómi Reykjavíkur á hendur
Steingrími þar sem þess er krafist
að hann verði dæmdur í öryggis-
gæslu vegna vanaafbrota gagnvart
ungum drengjum. Brot hans hafa
oftast haldist í hendur við áfengis-
sýki mannsins. Steingrímur sam-
þykkti í sumar að sæta geðrannsókn
til þess að málarekstur ríkissaksókn-
ara gæti haldiö áfram. 2 dögum síðar
fór hann til Danmerkur en kom til
íslands um tveimur vikum síðar.
Eftir því sem DV kemst næst hefur
geðrannsóknin ekki farið fram enn-
þá. Yfirvöld settu engin tímatakmörk
í því sambandi. Máhð þar sem ríkis-
saksóknari krefst öryggisgæslu yfir
manninum situr því fast.
Hallvarður Einvarðsson ríkissak-
sóknara sagði við DV í gær að honum
væri ekki kunnugt um að Steingrím-
ur hefði verið tekinn ölvaður undir
stýri í tvö skipti í sumar. „Ég geri
bara ráð fyrir að þau mál fari sína
leið hjá viðkomandi lögregluembætt-
um,“ sagði Hallvarður. Hann sagðist
ekki vita hvort þessi atvik myndu
skipta máli við niðurstöðu mála-
reksturs hans gagnvart afbrota-
manninum fyrir sakadómi vegna
kröfunnar um öryggisgæslu.
-ÓTT
Húsbygging á Djúpavogi:
Byggingaf ulltrúinn not-
færði sér aðstöðu sína
- segir einn 1 bygginganefnd - ekki rétt, segir byggingafulltrúi
„Húsið er tilbúið og búið að selja
það en teikningar að því voru fyrst
bornar undir bygginganefnd fyrir
rúmri viku og sótt um byggingar-
leyfi,“ sagði Dagbjartur Harðarson
sem situr í bygginganefnd Djúpa-
v4gs.
„Þar sem teikningarnar voru mjög
ófullkomnar var þeim visað frá á
fundi nefndarinnar en byggingarað-
ilinn, sem einnig er byggingafulltrú-
inn á staðnum, gerði sér þá lítið fyr-
ir og skrifaöi undir leyfið sjálfur,"
sagði Dagbjartur.
„Það gengur náttúrlega ekki að
byggingafulltrúinn, í skjóli embættis
síns, þverbrjóti byggingareglugerðir
á þennan hátt, sér og sínu fyrirtæki
til framdráttar," sagði Dagbjartur.
Húsið, sem hér um ræðir, er að
Borgarlandi 32 og var upphaflega
teiknað sem einbýlishús. I byijun
þessa árs sótti byggingaraðilinn, Tré-
smiðja Djúpavogs, hins vegar um að
fá að breyta því í tvíbýlishús og eru
nú báðar íbúðir hússins tilbúnar og
hafa verið seldar.
Byggingafulltrúinn, Tumi Hafþór
Helgason, sem einnig er fram-
kvæmdastjóri trésmiðjunnar, þver-
neitar að hafa skrifað undir teikning-
arnar sjálfur.
„Þetta er kjaftæöi. Eg hef ekki
skrifað undir neinar teikningar. Þær
teikningar, sem ég lagði fyrir bygg-
inganefnd í síðustu viku, voru bara
uppkast og ég fékk frest þar til í byrj-
un september til þess aö koma með
fullbúnar teikningar. Það er því ekki
búið að skrifa undir hinar endanlegu
teikningar."
Tumi sagði að sveitarstjórinn á
staðnum, Ólafur Ragnarsson, hefði
skrifað upp á byggingarleyfi í febrú-
ar, áður en Tumi kom sjálfur til
starfa, og því hefði verið hafist handa
við að byggja húsið.
Einnig hefði hann fengið munnlegt
samþykkti nokkurra bygginganefnd-
armanna fyrir því að hefja fram-
kvæmdir eftir bráðabirgðateikningu.
„Það var því meira sem formsatriði
að ég legg teikningarnar nú fyrir
bygginganefnd, þaö er löngu búið að
samþykkja þetta," sagði Tumi.
Kári Jónsson, einn þeirra sem sitja
í nefndinni, sagðist hafa skilið það
svo á sinum tíma að Tumi hefði ver-
ið aö biöja um samþykki fyrir því að
breyta húsinu í -tvíbýlishús. Hann
hefði aldrei séö eða samþykkt neinar
endanlegar teikningar.
„Einn þeirra sem keyptu íbúð af
Tuma sótti um lán hjá Húsnæðis-
stofnun. Til þess að fá lánið þarf
hann að skila inn uppáskrifuðum
teikningum. Þegar ég hringdi í Hús-
næðisstofnun og spurði var mér sagt
að það hefði verið Tumi sem skrifaði
undir teikningarnar," sagði Dag-
bjartur.
Þegar DV hringdi í Húsnæöisstofn-
un höfðu teikningarnar verið sendar
aftur til Djúpavogs þar sem þær voru
mjög ófullkomnar og ekki hægt að
veita lán út á þær. Starfsmaðurinn
mundi ekki hver haföi kvittað fyrir
þeim.
-ingo