Dagblaðið Vísir - DV - 17.05.1994, Qupperneq 3

ÞRIÐJUDAGUR 17. MAÍ 1994
3
Fréttir
Annasamir dagar hjá Slökkviliði Reykjavíkur:
Ikveikjuf araldur í Reykjavík
- Eldfimu efhi skvett á hús og kveikt 1 ruslafötum
Slökkviliðið í Reykjavík var kaUað
átta sinnum út um helgina vegna
elds í húsum eða ruslafotum í eða
við hús. Samkvæmt upplýsingum
lögreglu er Ijóst að eldarnir voru
kveiktir af manna völdum í sumum
tilvikanna en í öðrum tilvikum er
enn um grun að ræða.
Seint á sunnudagskvöld var eld-
fimu efni skvett á gangbrautarskúr
á mótum Holtavegar og Langholts-
vegar. Vel gekk að ráða niðurlögum
eldsins og skemmdist skúrinn lítiö.
Unnið að slökkvistarfi í Laugardaln-
um um helgina en eldur var borinn
að kerru í eigu Reykjavíkurborgar.
DV-mynd Sveinn
Um fjögurleytið aðfaranótt laugar-
dags var slökkviliðið kallað aö Selja-
braut en þar var eldur laus í rusla-
geymslu. Fáeinum mínútum síðar
bárust tilkynningar um elda á
nokkrum stöðum í Hlíðunum þar
sem kveikt hafði verið í ruslatunn-
um. Húsráðendum og lögreglu tókst
í sameiningu að ráða niðurlögum
eldanna.
Þá var slökkviliðið kvatt út á laug-
ardagsmorgun og síðdegis sama dag
bárust fjórar tilkynningar um eld á
rúmum þremur klukkustundum.
Eldur logaði í ruslafótu við hús við
Réttarholtsveg, kveikt var í bakhúsi
við Laugaveg, í kerru í Laugardal og
útidyrahurð húss við Vesturgötu.
Lítið tjón varð í öllum tilvikum.
Lögreglan vill koma því á framfæri
að svo virðist sem einhverjir ábyrgð-
arlausir einstaklingar geri sér að leik
að kveikja elda án þess að leiða hug-
ann að því hvaða alvarlegu afleiðing-
ar það geti haft. Borgarbúar eru
beðnir að hafa samband við lögreglu
verði þeir varir grunsamlegra
mannaferða. Þá er fólk hvatt til að
setja sorptunnur, timbur eða annað
efni ekki uppi við hús sín. Ef ekki
verður hjá því komist er ráðlegt að
bleyta svolítið í sorpinu áður en fólk
gengur til náða.
Granotier sæti geðrannsókn
Héraðsdómur Reykjavíkur hefur varöhaldi undanfamar vikur að
úrskurðaö að Bemard Granotier, kröfu Rannsóknarlögreglu ríkis-
Frakkinn sem grunaður er um að ins. SamkvæmtheimildumÐVhef-
hafa kveikt i safnaðarheimili Bahá- ur hann verið yfirheyrður en ekk-
’ia, skuli sæta geðrannsókn. ertkomiðframsemhalderábyggj-
Granotier hefur setið í gæslu- andi.

LO :: !
Þeir voru hressir með urriðann sinn viö Elliðavatnið um helgina, bræðurn-
ir T ryggvi og Heiðar Haraldssynir, tveggja punda fisk sem veiddist á maök.
DV-mynd G.Bender
Mokveiði í lóninu í
Hvolsá og Staðarhólsá
-12 punda urriði í Svínadalnum
„Það hafa verið tvö holl hérna með
stuttu millibili og það fyrra veiddi
60 bleikjur sem er mjög gott. Næsta
holl á eftir veiddi 55 bleikjur. Núna
á stuttum tima hafa veiðst yfir 100
fiskar," sagði Sæmundur Kristjáns-
son við lónið í Hvolsá og Staðarhólsá
í Dölum í fyrrakvöld.
„Þetta er mest bleikja sem veiðist
en einn og einn sjóbirtingur fylgir
með. Þaö er spúnninn og flugan sem
gefa best þessa dagana. Þessi mánuð-
ur er alveg uppseldur hjá okkur en
eitthvað til í júní. Stöngin er seld á
3500,“ sagði Sæmundur ennfremur.
„Þaö hefur veiöst einn og einn
vænn urriöi í Svínadalnum. Einn
stór veiddist fyrir fáum dögum og
hann var 12 pund. Þessi fiskur veidd-
ist í Þórisstaðavatni og var hann 12
punda bolti,“ sagði Búi Gíslason í
Svínadalnum í gærkvöldi.
„Það var Eiríkur Þorvaldsson á
Akranesi sem veiddi þennan stóra á
rækju. Hann var lengi að landa fisk-
inum,“ sagði Búi ennfremur.
„Veiðin er öll að glæðast í Elliða-
vatni, í fyrradag veiddust um 30 fisk-
ar á stuttum tíma og þeir stærstu
voru 3 pund. Mest var þetta bleikja,"
sagði Hanna Björk á bænum Elliða-
vatni er við leituðum frétta og veiði-
menn sem við hittum við vatnið voru
á sama máli. Það hafði líka hlýnað
verulega. Það er málið.
Slaki kominn á kapal með ljósleiðaranum í Hvalfirði:
Veiðarfæri færðu
liósleiðarann úr stað
„Það er ábyrgðarhluti að gera
þetta, hluti af landinu gæti orðið
sambandslaus tímabundiö. Kapall-
inn hefur færst úr stað og það þarf
að endurleggja hann. Það er kominn
slaki á hann þar sem hann liggur
ofan á gróti, slíkt er hættulegt fyrir
svona strengi," sagði Páll Jónsson,
yfirverkfræðingur hjá Pósti og síma,
í samtali við DV.
Komið hefur í ljós að ljósleiðara-
kapall, sem liggur í Hvalfirði, hefur
færst úr stað þar sem hann liggur á
botninum. Páll sagði að kapallinn
væri talinn óskemmdur. Talið er
fullvíst að veiðarfæri sem dregin
hafi verið eftir botninum séu orsök
þess að kapallinn færðist úr staö.
Líkur eru taldar á að veiðarfæri báts
á ígulkeraveiðum hafi átt hér hlut
að máli.
Strengurinn liggur á botninum
skammt vestan áætlaðra ganga und-
ir Hvalfjörð. Lega kapalsins er merkt
í landi fyrir sjófarendur.
PáU sagði að verið væri að skoða
möguleika á því hvernig best væri
að standa að því aö færa ljósleiðar-
ann í upphaflega legu. Hann sagöist
búast við að kostnaður við slíkt verk
mundi nema einhverjum hundruð-
um þúsunda króna.
© Husqvarna
Og
BROTHER
saumavélar
★ Allir nytjasaumar
★ Loksaumur (overlock)
★ Auðveldar
★ Léttar
★ Fallegar
Gefið gjöf sem endist og endist
Verð frá 19.130 stgr.
Ath. kennsla og íslenskur leiðarvísir fylgir öllum okkar vélum.
Völusteinn hf.
Faxafeni 14, 108 Reykjavík
Sími 679505
Sérverslun með saumavélar og föndurvörur
© Husqvarna