Dagur - 22.06.1982, Blaðsíða 12

Alltaf vex vöruúrvalið
Vinsamlegast komið og skoðið
I
S
Aðvörunarmiðar voru
límdir á 80 bifreiðar
Aðalfundur SÍS, sem haldinn
var á Húsavík um síðustu helgi,
samþykkti að beina því til
stjórnvalda að þau láti kanna
nú þegar hvort ekki finnist ein-
hver leið til að bæta sauðfjár-
bændum þá kjaraskerðingu,
sem leiðir af innheimtu hárra
verðjöfnunargjalda, en þessi
gjöld á að innheimta hjá slát-
urleyfishöfum á næstu mánuð-
um. í tillögunni kemur fram að
verðjöfnunargjöldin nema um
30% af launalið bóndans í verð-
lagsgrundvelli.
Tillagan er svohljóðandi:
„Vegna lokunar erlendra
markaða og væntanlegra mikilla
óseldra birgöa kindakjöts í byrjun
næstu sláturtíðar, hefur orðið að
ákveða há verðjöfnunargjöld,
sem innheimt vcrða hjá slátur-
leyfishöfum á næstu mánuðum.
Innheimta þessara gjalda kemur
mjög illa við fjárhag sauðfjár-
bænda, en kr. 4.60 á hvert kg
dilkakjöts og kr. 2.30 á hvert kg
kjöts af fullorðnu fé er stór hluti
þess verðs, scm bændum ber sam-
kvæmt verðlagsgrundvelli land-
búnaöarins fyrir framleiðsluna frá
1981.
Samtals munu þessi gjöld nema
um 60 milljónum króna. Láta
mun nærri að vcrðjöfnunargjöld-
in, sem fyrirhugaö er að inn-
heimta, nemi um 30% af launaliö
bóndans í verðlagsgrundvclli,
þ.e. 30% kjaaraskeröing. Þá er
einnig Ijóst að innheimta um-
ræddra gjalda hjá sláturleyfishöf-
um nú yfir sumarmánuöina kem-
ur kaupfélögunum illa. En ein-
mitt sumarmánuðina er rekstrarfé
þeirra mjög af skornum
skammmti m.a. vegna árstíðar-
bundinnar fyrirgreiðslu við
bændur. Þess vcgna beinir fund-
urinn því til stjórnvalda, að þau
láti kanna nú þegar hvort ekki
finnist einhver leið til þess að bæta
sauöfjárbændum þessa kjara-
skerðingu, a.m.k. að hluta. Leið,
sem gerði mögulegt að draga úr
verðjöfnunargjöldum og seinka
innheimtu þeirra."
„Það var talsvert um bifreiðar
víðsvegar um bæinn sem ýmist
voru númerslausar eða I miður
góðu ástandi og í vor límdum
við viðvörun á um 80 bifreiðar -
þar sem þess var krafist að eig-
endur þeirra fjarlægðu þær
fyrir tiltekinn tíma“ sagði Sig-
urður Bjarklind á skrifstofu
Heilbrigðisfulltrúa á Akureyri í
samtali við Dag.
„Við fylgjum þeirri reglu að
líma aðvörunarmiða á bifreiðar
sem standa við gangstéttar og
taka upp bílastæði. Það verður að
segja að menn eru farnir að taka
mark á þessum miðum og meiri-
hluti bifreiðanna fer. Við reynum
að taka heillegustu bílana og læs-
um þá inni. Þá förum viðeinnigog
tökum þá bíla sem eru verst farnir
og fjarlægjum þá.“
- Sigurður sagði að í fyrra
hefði veriö tekin upp „harðlínu-
stefna" í þessu máli og hefði hót-
ununum um að taka bílana á
kostnað eigenda verið fylgt eftir.
Af þessum aðgerðum hafi orðið
góður árangur, og nú sé mun
minna um það en áður var að yfir-
völd þurfi að láta fjarlægja bílana
á kostnað eigendanna.
Einu sinni var þetta bfll, nú bflhræ, og
aðvörunarmiði.
ekki beint augnayndi. Á þetta tiltekna hræ hafa veríð límdir fleiri en einn
Mynd: KGA.
Siglufjörður:
Óttar Proppé
ráðinn
bæjarstjóri
Óttar Proppé, fyrrverandi
bæjarfulltrúi á Dalvík, hefur
verið ráðinn bæjarstjóri á
Siglufirði. Framsóknarflokkur,
Alþýðuflokkur og Alþýðu-
bandalag hafa gengið til sam-
starfs um meirihluta í bæjar-
stjórn en áður höfðu viðræður
farið fram milli Alþýðubanda-
lags og Sjálfstæðisflokks sem
m.a. strönduðu á ósamkomu-
lagi um bæjarstjóra.
Fyrsti bæjarstjórnarfundurinn
fór fram fyrir skömmu og þar var
Bogi Sigurbjörnsson kjörinn for-
seti bæjarstjórnar, Kolbeinn Frið-
bjarnarson varaforseti og Björn
Jónsson annar varaforseti. Óttar
Proppé er væntanlegur til starfa
um mánaðarmótin júlí-ágúst og
mun Ingimundur Einarsson sitja í
embættinu þangað til.
Engin ilmvatns-
lykt frá Krossanesi
„Við erum fullkomlega ánægð-
ir með þann árangur, sem nýju
hreinsitækin hafa skilað, og
upp úr skorsteininum í Krossa-
nesi kemur engin lykt. Því neita
ég hins vegar ekki, að það kem-
ur enn lykt frá Krossanesi, en
það er af öðrum orsökum,“
sagði Pétur Antonsson, for-
stjóri Krossanesverksmiðjunn-
ar, í samtali við Dag fyrir helg-
ina.
Talsvert hefur verið um það að
undanförnu, að fólk hafi haft
samband við Dag og kvartað
undan ólykt frá Krossanesi.
„Ástandið er ekkert öðru vísi,
en við vissum að það myndi
verða,“ sagði Pétur. „Ef einhver
hefur haldið, að það færi að koma
ilmvatnslykt frá Krossanesi, þeg-
ar búið væri að setja þar upp
mengunartæki, þá hefur sá hinn
sami misskilið málið. Þegarunnið
er með lyktandi efni, þá hlýtur að
koma lykt eins og frá skreiðar-
hjöllum."
- Er þessi lykt, sem kemur frá
verksmiðjunni núna, þá aðallega
af hráefni, sem er úti við?
„Bæði kemur lykt af hráefninu
og eins kemur lykt af gufunni,
sem myndast þegar við erum að
vinna. Þá er jarðvegurinn í kring
um verksmiðjuna gegnsósa og við
eigum eftir að steypa þarna plön.
Það er ýmislegt eftir til þess að
fyrirbyggja það alveg, að það
komi lykt frá Krossanesi, en það
kemur ekki lengur lykt upp um
skorsteininn,“ sagði Pétur.
# Af brennivíns-
banni og
blaðamönnum
Þegar Ragnar ráðherra á dög-
unum lokaði ríkinu, föstudag-
inn fyrir hvítasunnu, varð allt
- og rúmlega það - brjálað í
landinu og menn áttu ekkí til
orð af vandlætingu yfir þessu
háttarlagi ráðherrans. Ein var
þó sú stétt manna sem hvað
hæst lét, enda ( góðri að-
stöðu. Nefnilega blaðamenn.
Þeir hrópuðu sig hása, hver á
fætur öðrum í blöðunum
sínum. Slík og þvílík læti úr
þeirra persónulega horni hafa
sjaldan eða aldrei áður
heyrst, og hefur þó oft meira
borið við.
# Lögreglu-
skórnir
Lögreglumenn á Akureyri og
hugsanlega einhverjir fleiri
urðu víst útundan þegar
Dómsmálaráðuneytið útveg-
aði lögreglumönnum lands-
ins skófatnaði í vetur eða vor,
og þótti þeim það að vonum
súrt í broti.
Eins og lesendur Dags eflaust
muna var skrifað um það á
sínum tíma hér í blaðinu að
ráðuneytið hyggðist gefa lög-
reglumönnunum skó. Ekki
var það gagnrýnt, heldur hitt
að hið opinbera sýndi hug
sinn til íslensks iðnaðar á
þann hátt að panta þessa skó
frá Þýskalandi.
Að sögn þeirra ráðuneytis-
manna var hér um að ræða
„sérhæfða lögregluskó“ eins
og það var orðað og sátu
margir með sveittan skalla við
að reyna að upphugsa hvers-
konar skótau það gætí verið,
„sérhæfðir“ lögregluskór
hlutu að margra áliti að vera
skreyttir handjárnum, blikk-
Ijósum eða öðrum álíka út-
búnaði.
Ekki er allt
gull
sem...
En ekki er allt gull sem glóir.
Ekki var nóg með að sumir
lögreglumenn landsins yrðu
útundan þegar þessum „sér-
hæfðu“ skóm var úthlutað,
heldur hafa þeir heppnu sem
fengu þýsku skóna ekki verið
ýkja ánægðir með þá.
Lögreglan á Akureyri leitaði
til Iðunnar og þar hafa nú ver-
ið útbúin tvö sýnishorn af lög-
regluskóm og munu lögreglu-
þjónar í höfuðstað Norður-
lands ganga í „sérhæfðum“
lögregluskóm frá Iðunni er
fram líða stundir. Það kom
fram á sínum tíma að ráðun-
eytið mun útvega lögreglu-
mönnum landsins skó á
hverju ári og létu ráðuneyt-
ismenn í það skína að fram-
vegis yrði smíði þessa skó-
taus boðin út. Vonandi verður
staðið við það.