Dagur - 19.10.1982, Blaðsíða 1

GULLSMIÐIR
SIGTRYGGUR & PÉTUR
AKUREYRI
65. árgangur
Akureyrí, þriðjudagur 19. október 1982
115. tölublað
Busavígsla fór fram í Menntaskólanum ó Akureyri á fðstudaginn. Þá fengu nýnemamir (busar) heldur betur að finna til
tevatnsins hjá elstu nemendum skólans. Busamir fengu yfir sig skyr og mysu og vora síðan tolleraðir. Ófrýnilegir 6.
bekkingar gáfii engum grið. Ljósmynd: KGA.
Helgi Bergs, bæjarstjóri:
Slæm fjárhagsstaða
hjá Akureyrarbæ
„Það er Iangt frá því að þetta sé
vandræöaástand og ég vil
undirstrika það, en hins vegar
kemur það sjálfsagt illa við
marga að geta ekki fengið pen-
ingana sína nákvæmlega þegar
þeir þurfa. En ég held að þetta
sé ekki alvarlegt ennþá,“ sagði
Helgi Bergs, bæjarstjóri, í við-
tali við Dag, en lausafjárstaða
bæjarins er ekki góð um þessar
mundir og einhver dráttur hef-
ur verið á því að menn fengju
greidda reikninga hjá bænum,
þ.á.m. verktakar.
„Það er þyngra undir fótinn
núna heldur en verið hefur. Tvær
framkvæmdir sem meiningin er
að taka í notkun á þessu ári fara
verulega fram úr áætlun, þ.e.
verkmenntaskólinn og íþrótta-
húsið. Það er því nánast sjálfgert
að framkvæmdir sem hefðu átt að
fara af stað á haustdögum og ekki
voru miklir peningar til í hvort
sem var frestast. Þar get ég nefnt
dagheimilið við Hlíðarveg. Þá er
spuming hvort hægt verður að
bjóða út sundlaugina í Glerár-
hverfi strax í haust, eða ekki fyrr
en í vetur.
Það liggur hér svolítið af
ógreiddum reikningum en engir
þeirra eru orðnir neitt verulega
gamlir. Menn geta ekki búist við
því að ganga hér inn með milljón
króna reikning og út með pening-
ana með það sama.
Ástæðurnar fyrir þessu eru þær
að menn em búnir að eyða ansi
miklum peningum víða. Við emm
að gera marga hluti t.d. malbika
flugvöllinn og lána ríkinu peninga
í það, svo dæmi sé nefnt. Inn-
heimtan er töluvert lakari en hún
var á sama tíma í fyrra, sem var
raunar alveg sérstaklega gott ár
hvað þetta varðaði. Við hefðum
10 milljónum meira í kassanum
núna ef innheimtuhlutfallið væri
það sama í ár og það var í fyrra.
Það myndi breyta mjög miklu að
hafa þá peninga.
Ég er ekki í vafa um að við
komumst í gegn um þetta en þetta
er að sjálfsögðu erfitt meðan það
stendur yfir. Það er að sjálfsögðu
skemmtilegra og æskilegra að
geta borgað hér allt um leið og
krafist er greiðslu,“ sagði Helgi
Bergs, bæjarstjóri.
Steinullarverksmiðjan
á Sauðárkróki:
30% af
hlutafé
vantar enn
„Mér finnst að almenn hluta-
fjársöfnun hafi gengið vel og
skilað því fyllilega sem búist
hafði verið við. Það er búið að
safna um 70% ef framlag ríkis-
ins er tekið með og það eru þá
um 9 miUjónir, sem upp á
vantar,“ sagði Þorsteinn Þor-
steinsson framkvæmdastjóri
Steinullarfélagsins á Sauðár-
króki er Dagur ræddi við hann í
gær.
„Við þurfum að vera búnir að
leysa þetta hlutafjármál að fullu
fyrir áramót, takist það þá eru
möguleikar á því að hefja fram-
kvæmdir við verksmiðjuna á
næsta ári. Ef hlutafjársöfnunin
gengur ekki eftir þeirri áætlun þá
er hætt við að framkvæmdirnar
dragist um eitt ár. Það verður ekki
farið út í það að leggja í mikinn
kostnað varðandi hönnun verk-
smiðjunnar fyrr en allt er á hreinu
með hlutaféð.
Ég hefði kosið persónulega að
ganga frá þessu máli við ríkið
áður en þessi ríkisstjórn fer frá,
við vitum hvað hún hefur sam-
þykkt að gera en ekkert er vitað
um hvað verður uppi á teningnum
þegar sú næsta tekur við,“ sagði
Þorsteinn. Hann bætti því við er
imprað var á því við hann að
Sunnlendingar væru í óða önn að
safna hiutafé fyrir sína verk-
smiðju í Þorlákshöfn að „sá sem
ekki hefði ríkið með sér í þessu
máli ætti enga möguleika".
Tvær bílveltur
og árekstrar
Range-Rover jeppabifreið valt
á sunnudag í Neðra-Nesgili í
Vaðlaheiðinni austanverðrí.
Mun bifreiðinni hafa verið ekið
þar á brúarstólpa og steyptist
hún síðan niður í gil við brúna.
Tveir farþegar voru fluttir á
sjúkrahús en meiðsli þeirra
voru ekki talin alvarleg.
í Öxnadal urðu tvö umferðar-
óhöpp. Tveir bílar óku saman við
Gloppu um hádegið á sunnudag
og skemmdust bílarnir sem voru
af Saab og Mazda gerð mikið en
meiðsli urðu ekki. Þá ók bíll útaf
við Gil og skemmdist talsvert en
meiðsli urðu ekki þar. Á sunnu-
daginn varð einnig árekstur við
Hlíðabæ á milli bíls og vélhjóls en
einnig þar sluppu menn án
meiðsla.
Lögreglan á Húsavík vár kvödd
að árekstri á Hólasandi á sunnu-
dag. Þar varð þá harður árekstur
tveggja bifreiða sem skemmdust
mikið og var ein kona flutt á
sjúkrahús.
Tæringarmálið:
Niðurstöðu beðið
Á fundi hitaveitustjórnar fyrir
skömmu var Wilhelm G.
Steindórssyni, hitaveitustjóra,
falið að semja tillögur um
hvemig fara ætti með tjóna-
bætur vegna tæringar í Glerár-
hverfi.
„Ég vænti þess að í þessari viku
sé hægt að gera fjölmiðlum grein
fyrir endanlegri niðurstöðu,“
sagði Wilhelm er Dagur ræddi við
hann í gær, en síðar um daginn
átti e.t.v. að halda fundi í stjórn
hitaveitunnar og fjalla um tillögur
Wilhelms. Að öllum líkindum
mun bæjarstjórn ræða um tæring-
armálin og bætur á fundi sínum í
dag.
Kjördæmisþing framsóknarmanna:
Tólf valdir í skoðanakönnun
Kjördæmisþing framsóknar-
manna í Norðurlandskjördæmi
eystra var haldið um helgina.
Þingið var vel sótt og umræður
fjörugar. Rétt til setu á þinginu
áttu 94 fulltrúar, sem er mikil
aukning frá síðasta kjördæmis-
þingi. Þá áttu 64 fuUtrúar rétt
til setu. Ástæðan fyrir fjölgun
fuUtrúa er fjölgun í félögum. í
því sambandi má geta þess að
nýtt félag hefúr verið stofnað á
Raufarhöfn.
Á þinginu var tekið fyrsta
skrefið í áttina til framboðslista
framsóknarmanna í næstu þing-
kosningum. í skoðanakönnun
sem fram fór voru valdir 12 menn,
en á aukakjördæmisþingi, sem
haldið verður innan 3ja vikna á
Húsavík, verða valdir sex sem
munu skipa efstu sætin á listan-
um. Eftirtalin voru hlutskörpust í
skoðanakönnuninni: Aðalbjörn
Gunnlaugsson Lundi Öxarfirði,
Böðvar Jónsson Gautlöndum
Mývatnssveit, Egill Olgeirsson
Húsavík, Guðmundur Bjamason
Húsavík, Hákon Hákonarson
Akureyri, Hilmar Daníelsson
Dalvík, Ingvar Gíslason Akur-
eyri, María Jóhannesdóttir
Syðra-Álandi N.-Þing., Níels
Árni Lund Reykjavík, Stefán
Valgeirsson Auðbrekku, Val-
gerður Sverrisdóttir Lómatjörn
S.-Þing. og Þóra Hjaltadóttir Ak-
ureyri.
' í stjórn kjördæmissambandsins
hlutu kosníngu: Bjarni Aðalgeirs-
son, Ari Teitsson, Björn Guð-
mundsson, Jóhannes Geir Sigur-
geirsson, Úlfhildur Rögnvalds-
dóttir 1 Aðalbjörn Gunnlaugsson
og Sigfríður Angantýsdóttir.
Þingið ályktaði um ýmis mál og
eru ályktanirnar birtar ( opnu
blaðsins.