Dagur - 10.05.1983, Blaðsíða 11

Frá aðalfundi Kaupfélags Þingeyinga
Örvar Þór Sveinsson og Styrmir Haraldsson með páfagauk og Meffikidúfu.
Dúfnarækt
er vinsæl
á Húsavík
Um helgina gekkst Bréfdúfu-
félag Húsavíkur fyrir dúfu- og
skrautfuglasýningu í Barna-
skólanum. Á þessari fyrstu
sýningu félagsins sem stofnað
var um síðustu áramót voru
106 fuglar. Mest var um ótrú-
Iegustu afbrigði dúfna auk
íslenskra hænsnfugla og
danskra dverghænsna.
Þegar blaðamaður Dags leit
inn á sýninguna á sunnudaginn
var Oddur Magnússon forvígis-
maður dúfnaræktunarmanna að
fræða fjölmarga áhorfendur úti á
lóð Barnaskólans um hinn kyn-
lega fugl bréfdúfuna.
Innan úr skólahúsinu bárust
kunnugleg hljóð, hávær vel. Það
þurfti engan fuglafræðing til að
þekkja þau. Þetta var hanagól og
höfundurinn hreinræktaður ís-
lenskur hani af bestu gerð,
skrautfjöðrin á skrautlegu aii-
fuglabúi Hauks Haraldssonar
verkstjóra í Mjólkursamlagi KÞ.
Oddur Magnússon sagði að á
þessari sýningu væru 13 dúfna-
tegundir sem ættu allar sameigin-
lega fortíð. Þær væru ræktuð
afbrigði hinnar venjulegu dúfu
sem sést víða á götum úti og héti
Skræpa. Þarna ætti sér stað
3-400 ára ræktun og tegundirnar
væru orðnar margar. Þarna voru
t.d. Hojarar, Púskarar, Tromm-
arar, Tipplarar, Strassarar, Elb-
ingar og Meffikar svo eitthvað sé
nefnt. Oddur sem flutti til Húsa-
víkur fyrir nokkrum árum hafði
með sér um 40 dúfur og hélt
áfram að rækta þær eins og hann
hefur nú gert í 22 ár. Brátt kom
að því að „hinir innfæddu“ fengu
áhuga á þessu tómstundastarfi
og í dag eru dúfnaeigendur í
bænum orðnir 10 og fuglaeign
þeirra 70-80 stykki. Félagið er
nú að flytja í húsnæði sem það
hefúr tekið á leigu hjá bænum.
Það er gamalt íbúðarhús sem
stendur lítið eitt út úr skarkala
bæjarlífsins. Þessi sýning var
fjáröflunarsýning fyrir félagið um
leið og starfsemi þess var kynnt.
Mjög góð aðsókn var að sýning-
unni og um 400 manns höfðu sótt
hana um kvöldmatarleytið á
sunnudagskvöld.
Bókfært tap var
rúmar 1.8 m. kr.
Aðalfundur Kaupfélags Þing-
eyinga var haldinn laugardag-
inn 7 maí sl. í Félagsheimili
Húsavíkur. Fundinn sátu 123
fulltrúar 9 deilda K.Þ., þar af
53 frá Húsavíkurdeild.
í skýrslum formanns, Teits
Björnssonar, og kaupfélags-
stjóra, Hreiðars Karlssonar kom
fram að síðastliðið ár reyndist
félaginu að ýmsu leyti erfitt.
Bókfært tap þess á árinu var rúm-
ar 1,8 millj. króna. Veltuaukning
í verslun frá árinu áður var
66,5% og í iðnaði 76,7%. Fjár-
festingar voru með minnsta móti
eða tæpar 3 millj. króna. Kostn-
aðarhækkanir voru miklar svo og
vaxta og fjármagnskostnaður, en
þeir liðir hækkuðu um 130%.
Staða viðskiptamanna við fé-
lagið versnaði á árinu, þar sem
innistæður á viðskiptareikningum
minnkuðu. Einnig versnaði staða
ýmissa fyrirtækja á Húsavík við
K.Þ. verulega. Fram kom í máli
kaupfélagsstjóra, að dreifbýlis
verslunin á í miklum erfiðleikum
í þeirri óðaverðbólgu sem nú
geysar. Sú verslum geti ekki bor-
ið þessa háu vexti, þar sem veltu-
hraði í ýmsum vörutegundum er
alltof lítill.
Frá aðalfundi Kaupfélags Þingeyinga á Húsavík.
Þó að almanakið segi að það sé komið sumar er Vetur konugur ekki búinn að sleppa sínum köldu klóm á náttúrunni,
mönnum og málleysingjum. En þrátt fyrir það gengur lífið sinn vanagang . . . Mynd: ESE
Samvinnuskólirm — Samvinnuskólinn — Samvinnuskólinn — Samvinnuskólinn
TÖLVUKENNSLA AUKIN
Samvinnuskólanum í Bifröst var
að venju slitið 1. maí sl. á
afmælisdegi Jónasar Jónssonar,
fyrsta skólastjórans.
Athöfnin hófst kl. 14.00 með
því að skólakórinn söng fyrir
fjölda gesta.
Liðinn vetur var 65. skólaár
Samvinnuskólans og 28. ár skól-
ans í Bifröst í Norðurárdal.
Veturinn er 9. starfsár framhalds-
deildar Samvinnuskólans í
Reykjavík og 6. ár starfsfræðslu-
námskeiða og símenntunarstarf-
semi Samvinnuskólans fyrir
starfsfólk og félagsmenn sam-
vinnuhreyfingarinnar.
í yfirlitsræðu sinni gerði Jón
Sigurðsson skólastjóri rekstrar-
örðugleika samvinnuhreyfingar-
innar að umræðuefni og gat þess
að þeirra vegna yrðu minni
verklegar framkvæmdir við
skólasetrið í Bifröst en ella
hefðu orðið. Hann ræddi sérstak-
lega samskipti skólans við ríkis-
valdið en ríkisvaldið stendur að
langmestu leyti undir reglu-
bundnu skólahaldi samkvæmt
gildandi lögum um viðskipta-
menntun á framhaldsskólastigi.
Kom fram að náðst hefur sam-
mæli við menntamálaráðuneytið
um þau efni í því skyni að treysta
afkomu skólans betur en verið
hefur. Skerfur Samvinnuskólans
til aðhaldsaðgerða þeirra sem
ákveðnar hafa verið í samvinnu-'
hreyfingunni kemur til fram-
kvæmda að hausti með breyttum
starfsháttum og launakerfi.
Skólastjóri gerði í ræðu sinni
nokkra grein fyrir hlutverki Sam-
vinnuskólans fyrir samvinnu-
hreyfinguna. Kom m.a. fram að
76% þeirra nemenda sem braut-
skráðust á árunum 1973-1981 og
leituðu sér ekki frekari skóla-
göngu hafa starfað á vegum
hreyfingarinnar að námi loknu
og um 44% þeirra munu nú að
starfi á vegum hennar. Úr hópi
þeirra nemenda sem leituðu sér
frekari skólagöngu á þessu árabili
hafa um 57% starfað á vegum
hreyfingarinnar með námi eða í
skólaleyfum. Auk þessa fjölda
hafa alls um hálft sjötta þúsund
þátttakenda sótt starfsfræðslu-
námskeið skólans frá 1977 og nú
í vetur urðu þátttakendur um
hálft fimmta hundrað.
Á liðnum vetri var skólastarfið
með hefðbundnu sniði. Meðal
breytinga má nefna að þýsku-
kennsla var aftur upp tekin í 2.
bekk og kennsla á tölvu aukin
ásamt sérstökum tölvuæfingatím-
um. Myndbandatæki voru endur-
nýjuð og fengin sérstök ný
ritvinnslu- og bókhaldsforrit.
Með ritvinnslu- og bókhaldsforrit-
um skólans hafa orðið tímamót í
starfi skólans og margvíslegasta
lesefni er nú tölvuunnið, s.s.
ritgerðir nemenda, vikulegt
fréttablað, vélritunar- og bók-
haldsverkefni o.fl.
í vetur voru 77 nemendur í
Bifröst, 40 í 1. bekk og 37 í 2.
bekk. í hópi nemenda í 2. bekk
var einn erlendur skiptinemi,
bandarísk stúlka. í framhalds-
deild Samvinnuskólans í Reykja-
vík voru nemendur 11 í 4. bekk
og 24 í 3. bekk auk 7 sem nám
hófu utan skóla.
Störfum framhaldsdeildar,
þ.á.m. stúdentsprófum, lýkur um
miðjan maímánuð.
Umsóknarfresti um skólavist
næsta vetur lýkur 10. júní næst-
komandi.
36 nemendur þreyttu sam-
vinnuskólapróf að þessu sinni.
Hæsta einkunn hlaut Þórir Aðal-
steinsson frá Húsavík - 9,11 en
næsthæsta Friðgerður Ebba
Sturludóttir frá ísafirði - 8,83.
Frá skólaslitum 1982 hafa
1.052 þátttakendur sótt starfs-
fræðslunámskeið Samvinnuskól-
ans en þau eru jafnan flest í maí
og september. Haldin voru 63
einstök námskeið á 38 stöðum
víðs vegar um landið með 17
kennurum og leiðbeinendum.
Viðfangsefni voru á ýmsum svið-
um verslunar- og skrifstofustarfa,
í stjórnun, sölumennsku, tölvu-
störfum og skattamálum auk
félagsstarfa og samvinnufræða. í
maímánuði nú eru fyrirhuguð 48
námskeið á 30 stöðum á landinu
með alls 6 leiðbeinendum.
Sérstakt átak í námskeiðum
um samvinnuhreyfinguna, sögu
hennar, einkenni og hugsjónir er
einnig fyrirhugað nú í vor og er
efnt til þess í tilefni af aldaraf-
mæli hreyfingarinnar á sl. ári.
Við skólaslitin voru flutt nokk-
ur ávörp og afmælisárgangar
nemenda færðu skóianum nýjan
flygii í hátíðarsai að gjöf. Skóla-
stjóri ávarpaði hjónin Helgu
Karlsdóttur ritara skólans og
Þóri Pál Guðjónsson deildar-
stjóra sérstaklega en þau hafa
starfað við skólann í tíu ár. Þá
voru Gunnari Grímssyni fv. yfir-
kennara þökkuð störf fyrir skól-
ann og þúsundasti félagsmaður
Nemendasambands Samvinnu-
skólans, sem einmitt brautskráð-
ist þennan dag, hlaut merki
nemendasambandsins að gjöf.
Loks beindi skólastjóri nokkrum
orðum til brautskráðra nemenda
og sagði Samvinnuskólanum slit-
ið í 65. sinn.
10. maí 1983-DAGUR-11