Dagur - 04.07.1983, Blaðsíða 1
STÚDENTA-
SKEIÐAR
OG
STÚDENTA-
HÚFUR
GULLSMIÐIR
SIGTRYGGUR & PÉTUR
AKUREYRI
66. árgangur
Akureyri, mánudagur 4. júlí 1983
72. tölublað
700 atvinnulausir?
— Nefnd um iðnþróun á Eyjafjarðarsvæðinu hefur skilað lokaskýrslu
„Ein megin niðurstaða sam-
starfsnefndarinnar er sú að á
næstu árum þurfi að gera veru-
Iegt átak i atvinnuuppbyggingu
við Eyjafjörð og tryggja
áframhaldandi og æskilega
fólksfjölgun á svæðinu,“ segir
m.a. í skýrslu samstarfsnefnd-
ar um iðnþróun á Eyjafjarðar-
svæðinu sem iðnaðarráðherra
fékk í hendurnar á föstudag-
inn.
Nefndin kemst að þeirri niður-
stöðu að skapa þurfi um 1.720
ný störf á Eyjafjarðarsvæðinu
fram til ársins 1990. Er þá miðað
við að fólksfjölgun verði 1,4% að
jafnaði en á sl. áratug varð hún
að jafnaði 1,7%. Hins vegar hef-
ur hún staðið í stað það sem af er
af þessum áratug vegna þeirrar
óvissu sem ríkir í atvinnumálum.
Nefndin reiknar með að störf-
um í landbúnaði og fiskveiðum
muni fækka um 60 samanlagt á
tímabilinu en 860 manns muni fá
vinnu í þjónustugreinum. í fram-
haldi af því kemst nefndin að
þeirri niðurstöðu að iðnaðurinn
þurfi að bæta við sig 920 störfum
á tímabilinu 1881-1990.
í skýrslu nefndarinnar kemur
síðan fram að reikna má með
aukningu í ýmsum iðnaðargrein-
um en samt sem áður vanti vinnu
fyrir um 700 manns ef ekki eigi
aÓ verða fólksflótti frá svæðinu.
Er reiknað með að helmingur
þessara starfa þurfi að vera vð
frumgreinar sem síðan skapi hin-
um jafn mörg störf við þjónustu.
Orkufrekur iðnaður fær um-
fjöllun í skýrslu nefndarinnar.
Þar er komist að þeirri niðurstöðu
að stórt fyrirtæki í orkufrek-
um iðnaði valdi ekki teljandi
röskun á byggðina. Jafnframt er
bent á ónógar upplýsingar um
mengunarhættu. Um stóriðju
segir orðrétt í einum kafla skýrsl-
unnar:
„Að mati nefndarinnar virðist
eini kosturinn sem til greina kem-
ur í orkufrekum iðnaði miðað við
núverandi vitneskju vera bygging
álverksmiðju. Slík verksmiðja
gæti hugsanlega tekið til starfa
árið 1990 með um 65 þúsund
tonna afköstum. Starfsmanna-
fjöldi í slíkri verksmiðju yrði um
290, eða tæplega 'h af þeim heild-
arfjölda nýrra starfa sem þarf að
skapa í iðnaði fram til þess
tima.“
Laxár-
virkjun
gaf rúma
. ■■■■ r
milljon
Á síðasta fundi í stjóm Laxár-
virkjunar, áður en fyrirtækið
var sameinað Landsvirkjun,
ákvað stjórnin að styrkja ýmis
félög og félagasamtök á
Norðurlandi.
Eftirtalin félög hlutu styrk:
íþróttabandalag Akureyrar 250
þúsund kr., Héraðssamb. Þingey-
inga 125 þ. kr., Ungmennasam-
band Eyjafjarðar 125 þ. kr., Fé-
lag aldraðra á Akureyri 150 þ.
kr., til sundlaugar á Sólborg 100
þ. kr., Sjálfsbjörg, félag fatlaðra
100 þ. kr., Ungmennasamband
Norður-Þingeyinga 75 þ. kr., til
Þroskahjálpar vegna sumarbúða
á Botni 75 þ. kr., Hjálparsveit
skáta á Akureyri 50 þ. kr., Flug-
björgunarsveitin á Akureyri 50 þ.
kr. og Flugbjörgunarsveit Aðal-
dæla 50 þ. kr.
Samtals eru þetta ein milljón
eitthundrað og fimmtíu þúsund
krónur.
m ' 4/-4%'
■. •- Mgm,- - ’ • v< . W ^ f '
WSjBf :. W .ty,- M
U wm " i íw
M ¥■ í iPi M
150 milljónir!
— 20 tilboð bárust í smíði togara fyrir Útgerðarfélagið
„Við komum mjög vel út úr
þessum tilboðum ef við látum
tölurnar tala eins og þær voru
lesnar upp; ætli við séum ekki
með lægsta tilboðið fyrir utan
Japani,“ sagði Stefán Reykja-
lín, stjórnarformaður Slipp-
stöðvarinnar í samtali við Dag,
aðspurður um útkomu Slipp-
stöðvarinar í útboði Utgerðar-
félagsins í smíði á nýjum tog-
ara fyrir félagið.
„Þann 30. júní voru opnuð til-
boð í smíði skuttogara fyrir Út-
gerðarfélag Akureyringa hf. Út-.
boðsgögnin voru send til 20
skipasmíðastöðva og bárust jafn
mörg tilboð. Samkvæmt fyrstu
tölum er lægsta tilboðið frá jap-
anskri skipasmíðastöð og næst-
lægstu tilboðin frá íslenskum og
norskum skipasmíðastöðvum.
Unnið er að athugun og saman-
burði á tilboðum bæði hvað
tæknibúnað og fjármögnun varð-
ar og eru niðurstöður væntanleg-
ar um miðjan þennan mánuð, þá
fyrst verður hægt að skýra frá
endanlegum niðurstöðum."
Þannig hljóðar fréttatilkynning
frá Útgerðarfélaginu, en frekari
upplýsingar fengust ekki. Sam-
kvæmt upplýsingum Dags hljóð-
ar tilboð Slippstöðvarinnar upp
á 150 m.kr. í smíði togarans. Tvö
tilboð frá norskum skipasmíða-
stöðvum munu vera lægri, en í
þeim mun ekki hafa verið farið
nákvæmlega eftir útboðslýsingu,
t.d. reiknuðu þeir með ódýrari
spilkerfum en beðið var um.
Hæsta tilboðið kom frá Þjóðverj-
um upp á röskar 200 m.kr., en
lægsta tilboðið var frá Japan upp
á 126 m.kr.
„Það er rétt, Japanirnir eru
lægri,“ sagði Stefán, „en þeir
bjóða eingöngu japanskan búnað
og náttúrulega ætla þeir að skila
skipinu í Japan. Það kostar sitt
að sækja það, auk þess sem
kostnaður við eftirlit með smíði
skipsins yrði verulegur. Svo er
það náttúrulega sér á parti, að
smíði á svona skipi skilur eftir
miklar tekjur á Akureyri, verði
það smíðað hjá Slippstöðinni. Ég
vona að stjórnendur Útgerðarfé-
lagsins meti það,“ sagði Stefán
Reykjalín í lok samtalsins.
Tvö íslensk tilboð bárust í
smíðina, frá Slippstöðinni og
Stálvík. Stálvíkurtilboðið mun
hafa verið 6-7 m.kr. hærra en til-
boð Slippstöðvarinnar. Það skal
tekið fram, að eftir er að meta
aðra þætti tilboðanna en upp-
hæðirnar, t.d. afhendingartíma
og fjármagnskostnað.
Otterstedt
einokunin
- bls. 2
Orlitil
saga
— bls. 4—5