Dagur - 03.06.1985, Blaðsíða 4

4 - DAGUR - 3. júní 1985
UTGEFANDI: ÚTGAFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR, 220 Á MÁNUÐI
LAUSASÖLUVERÐ 30 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, GESTUR E. JÓNASSON, INGVI
KJARTANSSON, KRISTJÁN G. ARNGRlMSSON, MARGRÉT Þ.
ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
í tilefni
sjómannadags
Sjómannadagurinn var haldinn hátíðlegur í gær
með venjubundnu sniði. Misjafnt er hversu viða-
mikil hátíðahöldin eru á hverjum stað, en víðast
hvar í sjávarplássum út um landið er hans
minnst með veglegum hætti.
Ekki er vanþörf á að minna þjóðina á það
hvaðan veraldlegur auður hennar kemur að
stærstum hluta. Hann kemur úr hafinu og það er
hlutverk sjómannanna að nálgast þennan auð,
oft við ákaflega erfið skilyrði og fjarvistum frá
ættingjum og ástvinum. Það kemur síðan í hlut
fiskverkafólksins að gera úr þessum hráefnum
verðmætar útflutningsvörur.
Vissulega skal því ekki gleymt að fleiri koma
við sögu, en áðurnefndir aðilar skapa þann
grunn sem allt annað í þessum atvinnugreinum
byggist á. Hvers kyns þekking sem leitt hefur til
betri tækni við veiðar og vinnslu, við sölustarf
erlendis og svo framvegis, er til komin vegna
þess auðs sem hendur sjómanna og verkafólks í
fiskiðnaði hafa skapað. í hnotskurn má segja að
veraldleg verðmæti þjóðarinnar dansi á línunni
sem liggur um hendur sjómannsins niður í haf-
djúpin. Ef þessi lína brestur, eða sá sem heldur
um hana fæst ekki lengur til þess vegna lélegs
aðbúnaðar, er illa farið fyrir íslenskri þjóð.
Enn er íslenskt þjóðfélag það lítið iðnvætt, að
það byggir afkomu sína að mestu leyti á grunn-
greinunum, sem sækja hráefni sín til móður
náttúru. Hvers kyns atvinnustarfsemi sem
byggir á aukinni menntun og þekkingu hlýtur að
verða vaxtarbroddur í þjóðlífinu. Mikilvægt er
þó að ekki gleymist, að það er fólkinu í grunn-
framleiðslugreinunum að þakka, að hægt hefur
verið að mennta þjóðina til átaka á nýjum
sviðum.
Hundadagahátíð
Ákveðið hefur verið að halda sumarhátíð á Akur-
eyri um það leyti sem hundadagar ganga í garð.
Hefur hátíðin því fengið vinnuheitið hundadaga-
hátíð, en grunnhugmyndin er sótt í karnivalhá-
tíðir, þar sem allur almenningur tekur virkan
þátt, en lætur ekki einvörðungu mata sig á
skemmtiefni.
Upphaf þessa máls má e.t.v. rekja til þess, að
í Degi var varpað fram hugmynd um það að slík
hátíð yrði haldin á Akureyri, sem leiddi síðan til
þess að tilraun var gerð síðastliðið sumar. Tókst
hún eftir atvikum vel, en að þessu sinni verður
miklu meira í lagt, enda hefur undirbúningur
haft miklu lengri aðdraganda.
Ástæða er til að hvetja alla Akureyringa, ein-
staklinga og fyrirtæki, til að taka virkan þátt í
þessari hátíð, sem gæti orðið mikilvægt vöru-
merki fyrir Akureyri sem ferðamannabæ, ef vel
tekst til.
Samtök um jafnrétti milli landshiuta:
Landsfundur í
Mývatnssveit
Landssamtök um jafnrétti milli
landshluta halda almennan
landsfund í Mývatnssveit, dag-
ana 8. og 9. júní næstkomandi.
Til fundarins er boðið öllum
meðlimum samtakanna og
öllum þeim, sem áhuga hafa á
að kynna sér starfsemina og
ganga í samtökin.
Til þess að auðvelda skipulagn-
ingu er æskilegt, að væntanlegir
þinggestir tilkynni þátttöku, ann-
að hvort í síma samtakanna eða
með póstkorti. Stjórnir deilda
eru vinsamlegast beðnar að
kanna þátttöku félagsmanna
sinna og láta vita viku fyrirfram.
Aðalfundarstaðurinn verður
félagsheimilið Skjólbrekka við
Skútustaði (20 mín. akstur frá
Reykjahlíð), en aðstaða fyrir
nefndastörf verður víðar.
Pingið verður sett kl. 10.00 á
laugardag í Skjólbrekku. Síðan
verða framsöguerindi, almennar
umræður, nefndastörf, afgreiðsla
mála og kosningar. Á laugar-
dagskvöldið verður kvöldvaka í
Skjólbrekku fyrir fundarfólk og
gesti þess.
Efni, sem tekin verða til af-
greiðslu á þinginu, verða meðal
annars:
1. Markmiðin með samtökunum
og leiðir að þeim.
2. Uppbygging samtakanna og
fjármögnun.
3. Utbreiðsla og félagasöfnun.
4. Kynning, fjölmiðlun og út-
gáfustarf.
5. Stjórnarskrármálið.
Hótel Reynihlíð, Hótel
Reykjahlíð, Ferðaskrifstofan
Eldá og Skútustaðaskóli bjóða upp
á gistiaðstöðu og einnig er hægt
að fá gistingu á sveitaheimilunum
Stöng og Laxárbakka og er hægt
að fá allar upplýsingar á þessum
stöðum, en þinggestir verða sjálf-
ir að annast allar pantanir. Þá eru
næg tjaldstæði við Reykjahlíð og
Skútustaðaskóla.
Fjórðungssamband Norðlendinga:
Ráðstefna um atvinnu-
mál í dreifbýli
Á undanförnum fjórðungs-
þingum Norðlendinga, hafa
verið gerðar um það ályktanir
að gera þurfi úttekt á áhrifum
landbúnaðar á þróun þéttbýlis
og sérstaklega þar sem tengsl
þessi eru afdrifaríkust, eins og
í þéttbýli landbúnaðarhérað-
anna. Jafnframt þessu hafa
fjórðungsþing ályktað um
nauðsyn þess að gera verði sér-
staka úttekt á atvinnustöðu í
sveitum, með það fyrir augum
að fjölbreyttara atvinnuval
dragi úr fyrirsjáanlegum sam-
drætti byggðar vegna tak-
mörkunar framleiðslu hefð-
bundinna búgreina. Nefnd sú
sem átti að gera úttekt á
áhrifum landbúnaðar á þróun
þéttbýlis hefur ekki skilað
niðurstöðum opinberlega, enn
sem komið er.
Fyrir frumkvæði Fjórðungs-
sambands Norðlendinga með at-
fylgi annarra landshlutasamtaka
og með stuðningi Stéttarsam-
bands bænda, var myndaður
samstarfshópur með Byggðadeild
Framkvæmdastofnunar ríkisins
um atvinnumál í dreifbýli. Þenn-
an starfshóp mynda þeir Hákon
Sigurgrímsson og Guðmundur
Stefánsson frá Stéttarsambandi
bænda, Áskell Einarsson frá
landshlutasamtökum sveitarfé-
laganna og Sigurður Þorsteinsson
frá Byggðadeild. Sigurður Þor-
steinsson hefur að mestu annast
störf fyrir þennan starfshóp og
hefur verið í sambandi við að-
stoðarmenn landbúnaðarráð-
Ráðstefna um
háskólakennslu
Afráðið er að Fjórðungssam-
band Norðlendinga gangist
fyrir ráðstefnu um háskóla-
kennslu á Akureyri, þ.e.
kennslu í greinum á svonefndu
háskólastigi m.a. í samstarfi
við samstarfsnefnd framhalds-
skólanna á Norðurlandi.
Eins og kunnugt er skipaði þá-
verandi menntamálaráðherra,
Ingvar Gíslason, nefnd til að gera
tillögur um hvernig efla megi Ak-
ureyri sem miðstöð mennta og
vísinda. Nefnd þessa skipuðu:
Birgir Thorlacius, þáverandi
ráðuneytisstjóri menntamála-
ráðuneytis, sem var formaður, en
auk hans áttu sæti í nefndinni
Guðmundur Magnússon, há-
skólarektor og Tryggvi Gíslason,
skólameistari á Akureyri. Nefnd-
in skilaði áliti 30. nóvember 1983
til núverandi menntamálaráð-
herra, Ragnhildar Helgadóttur.
Niðurstöður nefndarinnar voru
þær, að tiltækt sé að hefja há-
skólakennslu á Akureyri, þegar
á hausti 1985 eða í byrjun
skólaárs 1986. Ekki voru gerðar
tillögur um sérstakan háskóla á
Akureyri eða stofnun sjálfstæðra
megindeilda. Lögð var áhersla á
fyrri hluta náms í tölvugreinum,
viðskiptagreinum, verkfræði- og
raunvísindagreinum auk náms í
klínískum greinum varðandi
læknisfræði og hjúkrun. Auk
annars háskólanáms t.d. í tón-
mennt og listnámi koma til greina
ýmsar háskólagreinar.
Fyrir atbeina Fjórðungssam-
bands Norðlendinga, gekkst
menntamálaráðuneytið fyrir því
að námsskrá allra framhaldsskóla
á Norðurlandi væri samrýmd.
Þessu starfi hefur m.a. stýrt sam-
starfsnefnd framhaldsskóla á
Norðurlandi. Formaður þessarar
nefndar er Bernharð Haraldsson,
skólameistari Verkmenntaskól-
ans á Akureyri. Þessi starfshópur
mun nú stuðla að háskóla-
menntun á Akureyri.
Ráöstefnan um háskóla-
kennslu á Akureyri hefst laugar-
dag kl. 13.30 og verður á Sal
Menntaskólans.
Þar verður kynnt skýrsla
nefndarinnar og rædd einstök
áform. Auk nefndarmanna munu
heimamenn úr byggðum Norður-
lands halda stuttar framsagnir.
Fulltrúar allra þingflokka munu
ávarpa ráðstefnuna. Ráðstefnan
er öllum opin með málfrelsi.
Ráðstefnunni lýkur samdægurs.
herra í störfum sínum. Sigurður
Þorsteinsson mun á ráðstefnu um
atvinnumál í dreifbýli, sem hald-
in verður í félagsheimilinu að
Laugaborg í Eyjafirði, föstudag-
inn 7. júní nk. fjalla um búsetu-
þróun sveitanna og um mark-
aðsþróun landbúnaðarins.
Ráðstefna þessi er haldin af
Fjórðungssambandi Norðlendinga
í samvinnu við Stéttarsamband
bænda og Byggðadeild Fram-
kvæmdastofnunar ríkisins. Ráð-
stefnustjóri verður Magnús
Ólafsson, bóndi Sveinsstöðum,
formaður strjálbýlisnefndar
Fjórðungssambands Norðlend-
inga.
Ráðstefnan hefst kl. 13.15 og
lýkur samdægurs. Steingrímur
Hermannsson forsætisráðherra
mun ávarpa ráðstefnugesti og
fjalla um nýsköpun í atvinnulífi
dreifbýlisins, s.s. hið væntanlega
þróunarfélag og nýskipan sjóða-
kerfis .og um Byggðastofnun.
Hákon Sigurgrímsson, fram-
kvæmdastjóri Stéttarsambands
bænda og Guðmundur Stefáns-
son, hagfræðingur stéttarsam-
bandsins munu fjalla um nýjar
leiðir í landbúnaði, um þjóðhags-
stöðu og úrræði til að mæta
breyttum markaðsaðstæðum fyrir
landbúnaðinn sem atvinnugrein.
Bjarni Guðmundsson, aðstoð-
armaður landbúnaðarráðherra
mun fjalla um þau úrræði sem
efst eru á baugi hjá stjórnvöldum
varðandi landbúnað og helstu
lagasetningar, sem ýmist eru í
framkvæmd eða á umræðustigi.
í stað þess að láta sérfræðinga
fjalla um nýjar atvinnugreinar í
landbúnaði, verður farin sú leið
nú að þeir sem hafa fengist við
nýjar búgreinar skýri frá málum.
Valgerður Sverrisdóttir mun
fjalla um loðdýrarækt, Tumi
Tómasson um fiskirækt, Vigfús
Jónsson um hlunnindabúskap,
Ágúst Sigurðsson um ferðaþjón-
ustu og Elín Líndal fjallar um
saumastofurekstur.
Ráðstefna þessi er opin öllum,
sem hafa áhuga á að sækja hana
með málfrelsi. Efni ráðstefnunn-
ar verður tekið upp á segulband
og haft til hliðsjónar í störfum
strjálbýlisnefndar sambandsins og
samstarfshópsins. Vonandi verð-
ur ráðstefna þessi upphaf að slík-
um fundum í öðrum landshlut-
um.