Dagur - 14.10.1985, Page 2
2 - DAGUR - 14. október 1985
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 360 Á MÁNUÐI
LAUSASÖLUVERÐ 35 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRÍMSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
AUGLÝSINGASTJÓRI: FRÍMANN FRÍMANNSSON
ÚT BREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
UeiðarL__________________________
Stormasamt
þinghald?
Alþingi er nú komið saman á ný eftir sumarleyfi
í styttra laginu. Töluverð ólga hefur verið undir
niðri í stjórnmálunum síðustu vikurnar og reikna
má með að hún endurspeglist að einhverju leyti
í þingstörfunum.
Fyrst er að nefna þá endurskipulagningu sem
sjálfstæðismenn hafa gert á ráðherraskipan
flokksins. Hún hlýtur að leiða til einhverra
áherslubreytinga. Því verður illa trúað ef ráð-
herrar Sjálfstæðisflokksins telja sig ekki þurfa að
sanna sig í nýju störfunum. Albert mun þurfa að
taka til hendinni í orkumálunum og líklegast
með niðurskurði og samdrætti á öllum sviðum
orkubúskaparins. Sverrir Hermannsson,
menntamálaráðherra, er ekki líklegur til að sitja
auðum höndum. Að vísu urðu landsmenn ekki
varir við neinar meiriháttar byltingar í iðnaðar-
málunum undir hans stjórn. Til dæmis hefur iðn-
aðarmiðstöðin á Akureyri ekki ennþá séð dags-
ins ljós. Vonandi tekst Sverri betur í menntamál-
unum. Þar er ólokið einu veigamiklu verkefni,
sem Ragnhildur fyrirrennari hans stakk niður í
skúffu. Það er að koma upp útibúi frá Háskóla ís-
lands á Akureyri. Vonandi fer ekki með það mál
eins og iðnaðarmiðstöðina og Sverrir sanni sig
sem þann landsbyggðamann sem hann segir sig
vera.
Ragnhildi tókst á sínum menntamálaráðherra-
ferli að fá alla starfsmenn skólanna upp á móti
sér. Líklegt er að henni takist að hrista upp í
mörgum í heilbrigðisgeiranum. Þar má vafalaust
bæta margt, spara og endurskipuleggja. Hætta
er hins vegar á því að Ragnhildur sjái engar
lausnir aðrar en að koma einkarekstrinum til
sem mestra álirifa í heilbrigðiskerfinu. Þá gæti
farið að verða þröngt í búi hjá smáfuglunum.
Þorsteinn Pálsson mun væntanlega krefjast
þess að fjárlagafrumvarpið verði tekið til gagn-
gerrar endurskoðunar. Ef að líkum lætur verður
mikill skoðanaágreiningur um það mál, bæði
innan stjórnar og utan. Hvort ríkisstjórnin kemst
óhult frá þeim hildi er mikil óvissa um. Sumir
segja að þessi leikur með stólana og koma Þor-
steins í stjórnina sé eina leiðin fyrir sjálfstæðis-
menn til að magna upp þann ágreining að dugi
til slita á stjórnarsamstarfinu. Til að slíta sam-
starfinu verður að finna skýringar sem gengið
geta í fjöldann.
Þó að stjórnarandstaðan sé meira og minna
lömuð vegna innbyrðis átaka og ekki sé að
vænta stórra afreka frá henni, má engu að síður
búast við stormasömu þinghaldi.
_viðtal dagsins______________
Sigurdur Þórhallsson.
„ Kvöldskólar fóra illa
með þessa kynslóð"
- segir Sigurður Þórhallsson í viðtali dagsins
„Menningin verður að lifa
þrátt fyrir háa hitaveitureikn-
inga,“ sagði Sigurður Þórhalls-
son starfsmaður hitaveitunnar
og annar tenór í karlakórnum
Geysi er hann kom við á rit-
stjórn fyrir stuttu. Sigurður
sagði að nú væri vetrarstarf
kórsins að hefjast og það væri
mikill hugur í mönnum. „Það
vantar yngri menn í kórinn,“
sagði hann. Ungir menn vita
að sjálfsögðu ekki hvað það er
skemmtilegt að syngja í kór
fyrr en þeir reyna það. En það
er sjálfsagt að hvetja þá til að
líta inn á æfingu og taka lagið
með okkur.“
Ungir menn virðast vera ragir
við að ganga í kóra í dag. Sigurður
taldi að það gæti verið vegna þess
að oft hefði borið á svokölluðum
kóraðli. Það hafi verið fínt á
árum áður að syngja með kórum.
Það var á þeim tíma þegar ekki
var sjónvarp eða vídeó og ekki
útvarp á hverju heimili. Þá var
það talið fínt að vera í kór.
Tímarnir breytast og mennirn-
ir með. Nú eru allir velkomnir.
- Getur verið að ungir menn
vilji ekki syngja með kórum
vegna þess að lagaval er ekki
spennandi fyrir þá? Það er lítið
breytt efnisskrá frá ári til árs.
„Það má vel vera að það sé lítil
breyting á efnisskránni hjá
kórum. En það er alltaf viss hóp-
ur hlustenda sem vill heyra sömu
gömlu lögin og þau verður að
hafa með.“
- Er von á breytingum hjá
ykkar kór hvað þetta varðar?
„Það er alltaf verið að bæta inn
nýjum lögum. Við höfum líka
hressan stjórnanda, Michael Jón
Clarke sem hristir vel upp í
okkur,“ sagði Sigurður söngvari.
Þeir sem hafa áhuga á að ganga
til liðs við karlakórinn Geysi hafi
samband við einhvern kórfélaga,
eða mæti á æfingu í Lóni á
mánudags- eða fimmtudags-
kvöldi. Það eru æfingar öll þau
kvöld í vetur.
- Hvaðan kemur Sigurður?
„Ég kem úr Reykjavík. Ann-
ars er ég ættaður af Vestfjörðum,
eða nánar tiltekið úr Ketildala-
hreppi í Arnarfirði. Þar er ég
fæddur og uppalinn."
- Ertu búinn að syngja frá því
þú varst á Vestfjörðum?
„Auðvitað hef ég sungið eins
og annað fólk. En ég byrjaði ekki
að syngja fyrr en ég kom til Ak-
ureyrar og gekk þá til liðs við
karlakórinn Geysi.“
- Þú hefur þá ekki komið
syngjandi að sunnan?
„Nei, nei, ég kom með hitaveit-
unni okkar. Það var árið 1977 að
mér bauðst starf hér á Akureyri
hjá hitaveitunni. Það var reyndar
konan mín Margrét Steingríms-
dóttir sem sá auglýsingu þess efn-
is að það vantaði pípulagninga-
mann til starfa við ákveðið svið
uppsetningar hitaveitu á Akur-
eyri. Ég sótti um og hér er ég.“
- Hvar lærðir þú pípulagnir?
„Það var í Reykjavík. Ég byrj-
aði að læra árið 1950. Miklar
breytingar hafa átt sér stað síðan
þá. Til dæmis get ég sagt þér að á
þeim tíma sem við nemarnir vor-
um í Iðnskólanum jafnhliða vinn-
unni var ekki verið að byrgja
glugga nýbyggðra húsa sem við
vorum að vinna í. Allt stóð opið
fyrir norðannepjunni dögum og
vikum saman yfir vetrartímann.
Sérstaklega man ég eftir vetrin-
um 1952-3. Hann var mjög
vindasamur og kaldur. Við byrj-
uðum að vinna á morgnana kl.
7:20. Unnum til kl. 17:00 eða
lengur. Þá fórum við beina leið í
skólann. Það voru ansi mikil við-
brigði að koma inn í heita skóla-
stofuna eftir að hafa verið að
vinna við pípulagnir allan daginn
í kulda og trekki. Þá var ekkert
sem gat komið í veg fyrir að mað-
ur sofnaði í tímum. Þetta var
hreinasta þrekraun að komast í
gegnum þetta erfiði. Það var líka
ekki oft sem menn gátu gefið sér
tíma til að lesa á kvöldin fyrir
skólann áður en þeir duttu út af
á koddann.“
- Hvað var maður eins og þú
sem varst í góðri vinnu í Reykja-
vík, með eigin atvinnurekstur að
gera með það að flytja til Akur-
eyrar?
„Góð spurning," sagði Sigurð-
ur. Ég var með sjálfstæðan
rekstur í Reykjavík. Það var
hlutskipti mitt eins og annarra
í þessum atvinnurekstri að
sendast út um borg og bæ að
rukka inn fyrir unnin verk á
fimmtudögum, til að eiga fyrir út-
borgun starfsmanna minna á
föstudögum. Þess vegna reiknaði
ég með því að það væri þægilegra
og jafnframt rólegra að koma
hingað til Akureyrar til að taka
þátt í uppbyggingu hitaveitu.
Raunin varð önnur, því ég hef
sjaldan haft eins mikið að gera og
eftir að ég flutti. En sem betur fer
hef ég áhugamál fyrir utan vinn-
una, svo sem veiðiskap og fleira.
Þess vegna er ég ánægður hér,“
sagði Sigurður Þórhallsson starfs-
maður Hitaveitu Akureyrar og 2.
tenór í karlakórnum Geysi. — gej